Nùkanbyɔ Nùkplɔnkplɔn Tɔn lɛ dó Tàn Biblu Tɔn lɛ Sín Wema Ce Jí
Tàn 1
1. Fitɛ nǔ ɖagbe lɛ bǐ ka gosin? Nǎ kpɔ́ndéwú nǔ ɖagbe lɛ ɖokpo tɔn.
2. Etɛwu Vǐ Mawu tɔn nukɔntɔn ɔ ka gbɔn vo?
3. Nǔ ɖevo tɛ lɛ Mawu ka ɖó dó jixwé?
4. Nɛ̌ ayikúngban ɔ jí ka cí ɖò bǐbɛ̌mɛ?
5. Nɛ̌ Mawu ka jɛ ayikúngban ɔ jla ɖó nú kanlin kpo gbɛtɔ́ kpo jí gbɔn?
Nùkanbyɔ ɖevo lɛ:
1. Xà Jérémie 10:12.
Jijɔ Mawu tɔn tɛ lɛ nùɖíɖó tɔn lɛ ka xlɛ́? (Is. 40:26; Hlɔ. 11:33)
2. Xà Kolɔsinu lɛ 1:15-17.
Azɔ̌ tɛ Jezu ka wà ɖò nùɖíɖó sín azɔ̌ ɔ mɛ? Enɛ wu ɔ, nukún tɛ mǐ ka ɖó na dó kpɔ́n ɛ? (Kolɔ. 1:15-17)
3. Xà Genèse 1:1-10.
(a) Mɛ̌ ka ɖó ayikúngban ɔ? (Gen. 1:1)
(b) Etɛ ka jɛ azǎn nukɔntɔn ɔ gbè? (Gen. 1:3-5)
(c) Ðɔ nǔ e jɛ azǎn wegɔ ɔ gbè é. (Gen. 1:7, 8)
Tàn 2
1. Nɛ̌ Mawu ka jla ayikúngban ɔ ɖó bonu é na nyí xwé mǐtɔn gbɔn?
2. Ðɔ kanlin alɔkpa alɔkpa e Mawu ɖó lɛ é. (Kpɔ́n ɖiɖe ɔ.)
3. Etɛwu jikpá Edɛnu tɔn ka gbɔn vo?
4. Nɛ̌ Mawu ka jló ɖɔ ayikúngban ɔ bǐ ni cí?
Nùkanbyɔ ɖevo lɛ:
1. Xà Genèse 1:11-25.
(a) Etɛ Mawu ka ɖó azǎn atɔngɔ ɔ gbè? (Gen. 1:12)
(b) Etɛ lɛ mɔ jí è ka jɛ azǎn ɛnɛgɔ ɔ gbè? (Gen. 1:16)
(c) Kanlin alɔkpa tɛ lɛ Mawu ka ɖó azǎn atɔ́ɔ́ngɔ ɔ kpo ayizɛngɔ ɔ kpo gbè? (Gen. 1:20, 21, 25)
2. Xà Genèse 2:8, 9.
Atín bunɔ wè tɛ lɛ Mawu ka zé dó jikpá ɔ mɛ? Etɛ ye ka nɔte na?
Tàn 3
Sunnu Nukɔntɔn ɔ kpo Nyɔnu Nukɔntɔn ɔ Kpo
1. Etɛ ka gbɔn vo ɖò ɖiɖe Tàn 3 gɔ́ ɔ kpo 2 gɔ́ ɔ kpo tɔn mɛ?
2. Mɛ̌ ka ɖó sunnu nukɔntɔn ɔ? Nɛ̌ sunnu enɛ ɔ ka nɔ nyí?
3. Azɔ̌ tɛ Mawu ka ɖè nú Adamu?
4. Etɛwu Mawu ka ɖó sɛnmlɔ nú Adamu?
5. Hwenu nabi Adamu kpo Ɛva kpo ka hɛn ɔ ye na nɔ gbɛ̀ na? Azɔ̌ tɛ Jehovah ka jló ɖɔ ye ni wà?
Nùkanbyɔ ɖevo lɛ:
1. Xà Psaume 83:18.
Nɛ̌ Mawu ka nɔ nyí? Tɛn bunɔ tɛ mɛ é ka ɖè ɖò ayikúngban ɔ jí? (Jér. 16:21; Dan. 4:17)
2. Xà Genèse 1:26-31.
(a) Etɛ Mawu ka ɖó gbɔn tó azǎn ayizɛngɔ ɔ gbè? Etɛ ka gbɔn vo ɖò nùɖíɖó enɛ kpo kanlin lɛ kpo tɛntin? (Gen. 1:26)
(b) Nùɖuɖu tɛ Jehovah ka na gbɛtɔ́ kpo kanlin kpo? (Gen. 1:30)
3. Xà Genèse 2:7-25.
(a) Etɛ Adamu ka ɖó na wà hwɛ̌ cobo na na nyikɔ kanlin lɛ? (Gen. 2:19)
(b) Nɛ̌ Genèse 2:24 ka d’alɔ mǐ, bɔ mǐ mɔ nǔ jɛ nǔ e Jehovah nɔ lin dó alɔwliwli, kínklán kpo mɛɖee gbigbɛ́ kpo wu é gbɔn? (Mat. 19:4-6, 9)
Tàn 4
Nǔ E Wu È Nya Ye Sín Jikpá ɔ mɛ É
1. Etɛ ka ɖò jijɛ dó Adamu kpo Ɛva kpo wu wɛ ɖò ɖiɖe ɔ mɛ?
2. Aniwu Jehovah ka dɔn tó nú ye?
3. Xó tɛ dan ɔ ka ɖɔ nú Ɛva?
4. Mɛ̌ ka ɖɔ xó gbɔn dan ɔ jí nú Ɛva?
Nùkanbyɔ ɖevo lɛ:
1. Xà Genèse 2:16, 17 kpo 3:1-13, 22-24 kpo.
(a) Adingban tɛ lɛ Sataan ka ɖó dó Jehovah kɔ? (Gen. 3:1-5; 1 Jn 5:3)
(b) Etɛ nǔ e jɛ dó Ɛva wu é ka kplɔ́n mǐ? (Ja. 1:14, 15; 1 Jn 2:16)
(c) Nɛ̌ Adamu kpo Ɛva kpo ma ka yí hwɛgbe ǎ gbɔn? (Gen. 3:12, 13)
(d) Nɛ̌ Celubɛɛn e Jehovah sɔ́ ɖó hwetɔnhweji jikpá Edɛnu tɔn lɛ é ka jɛ ahwan dó nǔbǐwukpétɔ́ nyínyí tɔn jí gbɔn? (Gen. 3:24)
2. Xà Nǔɖexlɛ́mɛ 12:9.
Bǎ tɛ mɛ Sataan ka ko kpéwú bo sísɛ́ gbɛtɔ́ lɛ bɔ ye fɔ́n gǔ dó acɛkpikpa Mawu tɔn jí ɖó? (1 Jn 5:19)
Tàn 5
1. Ee Adamu kpo Ɛva kpo tɔ́n sín jikpá Edɛnu tɔn mɛ gudo é ɔ, nɛ̌ nǔ ka cí gbɔn nú ye?
2. Etɛ ka jɛ jijɛ dó Adamu kpo Ɛva kpo wu jí? Etɛwu?
3. Etɛwu vǐ Adamu kpo Ɛva kpo tɔn lɛ ka nɔ kpò bo nɔ kú?
4. Enyi Adamu kpo Ɛva kpo ko setónú nú Jehovah wɛ ɔ, nɛ̌ gbɛ̀ ye kpo vǐ yetɔn lɛ kpo tɔn ka na cí?
5. Wuvɛ̌ tɛ tónúmase Ɛva tɔn ka hɛn wá n’i?
6. Nɛ̌ Adamu kpo Ɛva kpo sín vǐ wè nukɔntɔn lɛ ka nɔ nyí?
7. Vǐ ɖevo tɛ lɛ ka ɖò ɖiɖe ɔ mɛ?
Nùkanbyɔ ɖevo lɛ:
1. Xà Genèse 3:16-23 kpo 4:1, 2 kpo.
(a) Nɛ̌ nu e è dó ayikúngban ɔ é ka wà nǔ dó Adamu wu gbɔn? (Gen. 3:17-19; Hlɔ. 8:20, 22)
(b) Ðò Eble gbè mɛ ɔ, nyikɔ Ɛva ɔ sín tinmɛ wɛ nyí “Mɛ e ɖò gbɛ̀ é.” Etɛwu nyikɔ enɛ ka sɔgbe xá ɛ? (Gen. 3:20)
(c) Ee Adamu kpo Ɛva kpo hu hwɛ gudo é ɔ, etɛ Jehovah ka wà bɔ é xlɛ́ ɖɔ é keya nú ye? (Gen. 3:7, 21)
2. Xà Nǔɖexlɛ́mɛ 21:3, 4.
“Nǔ xóxó” tɛ lɛ a ka ɖò nukún ɖó wɛ ɖɔ ye na bú?
Tàn 6
1. Azɔ̌ tɛ Kanyɛɛ kpo Abɛli kpo ka nɔ wà?
2. Etɛ Kanyɛɛ kpo Abɛli kpo ka hɛn wá Jehovah nukɔn?
3. Etɛwu Jehovah ka hun xomɛ dó nǔ e Abɛli na ɛ é wu, bo ma ka hun dó Kanyɛɛ tɔn wu ǎ?
4. Mɛ alɔkpa tɛ Kanyɛɛ ka nyí? Nɛ̌ Jehovah ka tɛnkpɔn bo na huzu jijɔ tɔn gbɔn?
5. Etɛ Kanyɛɛ ka wà hwenu e é kpo nɔví tɔn kpo kɛɖɛ ɖò gle mɛ é?
6. Tinmɛ nǔ e jɛ dó Kanyɛɛ wu hwenu e é hu nɔví tɔn gudo é.
Nùkanbyɔ ɖevo lɛ:
1. Xà Genèse 4:2-26.
(a) Nɛ̌ Jehovah ka tinmɛ nú Kanyɛɛ ɖɔ ali nyanya wɛ é wlí gbɔn? (Gen. 4:7)
(b) Nɛ̌ Kanyɛɛ ka ɖè nǔ e ɖò ayi tɔn mɛ é xlɛ́ gbɔn? (Gen. 4:9)
(c) Nukún tɛ Jehovah ka nɔ dó kpɔ́n hun xomɛvɔnɔ tɔn kinkɔn nyì ayǐ? (Gen. 4:10; Is. 26:21)
2. Xà 1 Jaan 3:11, 12
(a) Etɛwu Kanyɛɛ ka sìn xomɛ? Nǔ tɛ enɛ ka kplɔ́n mǐ ɖò égbé? (Gen. 4:4, 5; Prov. 27:4; Ja. 3:16)
(b) Nɛ̌ Biblu ka xlɛ́ ɖɔ enyi hɛnnumɔ mǐtɔn lɛ bǐ na bo jɛ agɔ dó Jehovah sinsɛn mǐtɔn wu ɔ, mǐ na kpó ɖò gbeji nɔ wɛ gbɔn? (Ps. 27:10; Mat. 10:21, 22)
3. Xà Jaan 11:25.
Jiɖiɖe tɛ Jehovah ka na mǐ dó mɛ e kú ɖó nǔjlɔjlɔwiwa wu lɛ è bǐ wu? (Jn 5:24)
Tàn 7
1. Nɛ̌ Enɔki ka gbɔn vo gbɔn?
2. Aniwu gbɛtɔ́ lɛ ka nɔ dó nǔ baɖabaɖa sìn sɔmɔ̌ Enɔki hwenu?
3. Nǔ baɖabaɖa tɛ lɛ ye ka nɔ dosin? (Kpɔ́n ɖiɖe ɔ.)
4. Etɛwu Enɔki ka ɖó na kpàn akɔ́n?
5. Xwè nabi gbɛtɔ́ lɛ ka nɔ nɔ gbɛ̀ na hwenɛnu? Amɔ̌, xwè nabi Enɔki ka bló?
6. Etɛ ka jɛ ɖò kú Enɔki tɔn gudo?
Nùkanbyɔ ɖevo lɛ:
1. Xà Genèse 5:21-24, 27.
(a) Nɛ̌ Enɔki kpo Jehovah kpo ka vɛ́ gbɔn? (Gen. 5:24)
(b) Mɛ̌ ka nɔ ayikúngban jí kpɔ́n bo dɔ́ji hú mɛ bǐ, bɔ Biblu ɖɔ? Xwè nabi é ka ɖó bo kú? (Gen. 5:27)
2. Xà Genèse 6:5.
Nɛ̌ ayikúngban ɔ jí ka gblé sɔ ɖò kú Enɔki tɔn gudo? Nɛ̌ è ka sixu sɔ́ jlɛ dó hwe mǐtɔn nu wu gbɔn? (2 Tim. 3:13)
3. Xà Luka 3:23, 37.
Ee Enɔki “zɔn xá Mawu nugbǒ ɔ” é ɔ, lè tɛ é ka mɔ ɖ’emɛ? (Gen. 5:22)
4. Xà Judi 14, 15.
Nɛ̌ Klisanwun lɛ ka sixu kpàn akɔ́n Enɔki ɖɔhun, hwenu e ye ɖò xó ɖɔ nú gbɛtɔ́ lɛ dó Amagedɔ́ɔ́n e jǎwe é wu wɛ é gbɔn? (2 Tim. 4:2; Eble lɛ 13:6)
Tàn 8
Mɛ Jiganjigan lɛ Ðò Ayikúngban ɔ Jí
1. Etɛ ka jɛ hwenu e wɛnsagun Mawu tɔn ɖé lɛ ɖótó Sataan é?
2. Aniwu wɛnsagun ɖé lɛ ka jó azɔ̌ yetɔn dó ɖò jixwé bo wá ayikúngban jí?
3. Etɛwu é ka nyla ɖɔ wɛnsagun lɛ ni zé agbaza gbɛtɔ́ tɔn dó bo wá ayikúngban ɔ jí?
4. Ali tɛ nu vǐ wɛnsagun lɛ tɔn ka gbɔn vo ɖè?
5. Enyi vǐ wɛnsagun lɛ tɔn sù ɔ, etɛ ye ka nɔ wà bɔ ɖiɖe ɔ xlɛ́?
6. Mɛ̌ ka nyí nya ɖagbe e jɛ Enɔki gudo é? Etɛwu Mawu ka yí wǎn n’i?
Nùkanbyɔ ɖevo lɛ:
1. Xà Genèse 6:1-8.
Nɛ̌ Genèse 6:6 ka xlɛ́ ɖɔ gbɛzinzan mǐtɔn sixu kú wǔ nú Jehovah alǒ hun xomɛ n’i gbɔn? (Ps. 78:40, 41; Prov. 27:11)
2. Xà Judi 6.
Etɛ wɛnsagun e “jó nɔtɛn yeɖesunɔ tɔn dó” ɖò Nɔwee sín hwenu lɛ é ka kplɔ́n mǐ ɖò égbé? (Ps. 37:9, 10; 2 Pi. 2:9, 10)
Tàn 9
1. Mɛ nabi ka ɖò xwédo Nɔwee tɔn mɛ? Nɛ̌ vǐ sunnu tɔn atɔn lɛ ka nɔ nyí?
2. Azɔ̌ e mɛɖé ma ko wà kpɔ́n ǎ é tɛ Mawu ka zɔ́n Nɔwee? Etɛwu?
3. Nɛ̌ gbɛtɔ́ lɛ ka wà nǔ gbɔn hwenu e Nɔwee ɖɔ xó nú ye dó tɔjihun ɔ wu é?
4. Etɛ Mawu ka ɖɔ nú Nɔwee ɖɔ é ni wà nú kanlin lɛ?
5. Ee Mawu sú tɔjihun ɔ sín hɔn gudo é ɔ, etɛ Nɔwee kpo xwédo tɔn kpo ka ɖó na wà?
Nùkanbyɔ ɖevo lɛ:
1. Xà Genèse 6:9-22.
(a) Etɛwu Nɔwee ka nyí Mawu sɛntɔ́ nukúnɖeji ɖé? (Gen. 6:9, 22)
(b) Nɛ̌ adakaxixo ka nɔ cí nú Jehovah? Nɛ̌ enɛ ka na d’alɔ mǐ, bɔ mǐ na cyan nǔ e mǐ na xò, xà bo na kpɔ́n lɛ é gbɔn? (Gen. 6:11, 12; Ps. 11:5)
(c) Nɛ̌ mǐ ka sixu xwedó kpɔ́ndéwú Nɔwee tɔn hwenu e mǐ ɖò weɖéxámɛ Biblu tɔn lɛ xwedó wɛ é gbɔn? (Gen. 6:22; 1 Jn 5:3)
2. Xà Genèse 7:1-9.
Nɔwee nyí gbɛtɔ́ hwɛhutɔ́ có Jehovah mɔ ɛ dó mɔ hwɛjijɔnɔ. Nɛ̌ enɛ ka dó wusyɛn lanmɛ nú mǐ égbé gbɔn? (Gen. 7:1; Prov. 10:16; Is. 26:7)
Tàn 10
1. Ee jǐ ɔ wlí é ɔ, etɛwu mɛɖebǔ ma ka sɔ́ sixu byɔ tɔjihun ɔ mɛ ǎ?
2. Zǎn kpo kéze nabi kpo Jehovah ka ja jǐ ɔ na? Nɛ̌ sìn ɔ ka yì jǐ sɔ?
3. Ee sìn jɛ ayikúngban ɔ nukún mɛ cyɔn jí é ɔ, etɛ ka jɛ dó tɔjihun ɔ wu?
4. Mɛ jiganjigan lɛ ka gán ɖò Sìn Vɔ Gbɛ̀ ɔ hwenu à? Etɛ ka jɛ dó tɔ́ yetɔn lɛ wu?
5. Etɛ ka jɛ dó tɔjihun ɔ wu sun atɔ́ɔ́n gudo?
6. Aniwu Nɔwee ka ɖè avunsákɔwó ɖé tɔ́n sín tɔjihun ɔ mɛ?
7. Nɛ̌ Nɔwee ka wà gbɔn, bo tuùn ɖɔ sìn ko mɛ̀ sín ayikúngban ɔ jí?
8. Ee Nɔwee kpo xwédo tɔn kpo nɔ tɔjihun ɔ mɛ nú xwè ɖokpo jɛji gudo é ɔ, etɛ Jehovah ka ɖɔ n’i?
Nùkanbyɔ ɖevo lɛ:
1. Xà Genèse 7:10-24.
(a) Bǎ tɛ mɛ gbɛ̀ sín kún ka sú dó ɖò ayikúngban jí ɖó wá yì? (Gen. 7:23)
(b) Nɛ̌ hwenu e sìn ɔ jɛ mimɛ jí é kaka jɛ hwenu e ayikúngban ɔ jí xú dó é ka lín sɔ? (Gen. 7:11; 8:13, 14)
2. Xà Genèse 8:1-17.
Nɛ̌ Genèse 8:17 ka xlɛ́ ɖɔ linlin e Jehovah ɖó dó ayikúngban ɔ wu ɖò bǐbɛ̌mɛ é kún ɖyɔ ó gbɔn? (Gen. 1:22)
3. Xà 2 Piyɛɛ 2:9.
(a) Ee wɛnsagun gufɔntɔ́ lɛ lɛkɔ yì jixwé é ɔ, hwɛ tɛ è ka ɖó nú ye? (Ju. 6)
(b) Nɛ̌ tàn Nɔwee kpo xwédo tɔn kpo tɔn ka na mǐ jiɖe gɔ́ na ɖɔ Jehovah kpéwú bo na hwlɛn togun tɔn gbɔn? (Eble lɛ 11:7)
Tàn 11
1. Etɛ Nɔwee ka wà tlolo e é tɔ́n sín tɔjihun ɔ mɛ é, bɔ ɖiɖe ɔ xlɛ́?
2. Etɛ Mawu ka ɖɔ nú Nɔwee kpo xwédo tɔn kpo ɖò Sìn Vɔ Gbɛ̀ ɔ gudo?
3. Akpá tɛ Mawu ka dó?
4. Enyi ayiɖóhwɛɖó tɔ́n bonu mǐ mɔ ɔ, etɛ é ka ɖó na flín mǐ?
Nùkanbyɔ ɖevo lɛ:
1. Xà Genèse 8:18-22.
(a) Enyi nǔ mǐtɔn na nyɔ́ Mawu nukún mɛ ɔ, etɛ mǐ ka ɖó na bló? (Efɛ. 5:2; Eble lɛ 13:15, 16)
(b) Etɛ Mawu ka ɖɔ dó ayixa gbɛtɔ́ tɔn wu? Enɛ wu ɔ, etɛ mǐ ka ɖó na ɖò acéjí na hwebǐnu? (Gen. 8:21; Mat. 15:18, 19; Prov. 4:23)
2. Xà Genèse 9:9-17.
(a) Alɛ̀ tɛ Jehovah ka nu xá nùɖíɖó e ɖò ayikúngban jí lɛ é bǐ? (Gen. 9:10, 11)
(b) Kaka jɛ hwetɛnu alɛ̀ e Jehovah sɔ́ ayiɖóhwɛɖó dó nu é na nɔ ayǐ jɛ? (Gen. 9:16)
Tàn 12
1. Mɛ̌ ka nyí Nimulodu? Nukún tɛ Mawu ka dó kpɔ́n ɛ?
2. Etɛwu gbɛtɔ́ lɛ ka ɖò bliki sún wɛ ɖò ɖiɖe ɔ mɛ?
3. Etɛwu xomɛ ma ka hun Jehovah dó xɔgbigbá ɔ wu ǎ?
4. Nɛ̌ Mawu ka ɖó agbǒ ɔ gbigbá te gbɔn?
5. Nɛ̌ toxo ɔ ka nɔ nyí? Etɛ ka nyí tinmɛ tɔn?
6. Etɛ ka jɛ hwenu e Mawu wlú gbè dó nu nú gbɛtɔ́ lɛ gudo é?
Nùkanbyɔ ɖevo lɛ:
1. Xà Proverbes 3:31.
Jijɔ tɛ Nimulodu ka ɖexlɛ́? Etɛ enɛ ka kplɔ́n mǐ? (Ps. 11:5)
2. Xà Genèse 11:1-9.
Etɛ ka sísɛ́ ye bɔ ye jɛ agbǒ ɔ gbá jí? Etɛwu linlin yetɔn ma ka yì ta ǎ? (Gen. 11:4; Prov. 16:18; Jn 5:44)
Tàn 13
1. Mɛ alɔkpa tɛ lɛ ka nɔ nɔ Uli?
2. Mɛ̌ ka ɖò ɖiɖe ɔ mɛ? Hwetɛnu é ka wá gbɛ̀? Fitɛ é ka nɔ nɔ?
3. Etɛ Jehovah ka ɖɔ nú Ablaxamu ɖɔ é ni wà?
4. Aniwu è ka ylɔ Ablaxamu ɖɔ xɔ́ntɔn Mawu tɔn?
5. Ee Ablaxamu tɔ́n sín Uli é ɔ, mɛ̌ mɛ̌ e ka xwedó é?
6. Etɛ Jehovah ka ɖɔ nú Ablaxamu hwenu e é jɛ Kanaa é?
7. Akpá tɛ Jehovah ka dó nú Ablaxamu hwenu e é ɖó xwè 99 é?
Nùkanbyɔ ɖevo lɛ:
1. Xà Genèse 11:27-32.
(a) Etɛ Ablaxamu ka nyí nú Lɔti? (Gen. 11:27)
(b) Aniwu Ablaxamu kpo xwédo tɔn kpo bǐ ka sɛ̀ tɛn yì Kanaa? (Gen. 11:31; Mɛ. 7:2-4)
2. Xà Genèse 12:1-7.
Ee Ablaxamu wá Kanaa é ɔ, nɛ̌ Jehovah ka gbɛ̀ kàn dó alɛ̀ e é nu xá ɛ é nu gbɔn? (Gen. 3:15; 12:7; Gal. 3:16)
3. Xà Genèse 17:1-8, 15-17.
(a) Ee Ablamu ɖó xwè 99 é ɔ, nyikɔ tɛ Mawu ka sùn i? Etɛwu? (Gen. 17:5)
(b) Nyɔna tɛ lɛ sín akpá Jehovah ka dó nú Saala? (Gen. 17:15, 16)
4. Xà Genèse 18:9-19.
(a) Sɔgbe kpo Genèse 18:19 kpo ɔ, azɔ̌ tɛ lɛ ka nyí mɛjitɔ́ lɛ tɔn? (Dt 6:6, 7; Efɛ. 6:4)
(b) Etɛ ka jɛ dó Saala jí bo xlɛ́ ɖɔ mǐ kún sixu hwla nǔ ɖebǔ dó Jehovah ó? (Gen. 18:12, 15; Ps. 44:21)
Tàn 14
Mawu Gbéjé Nùɖiɖi Ablaxamu Tɔn Kpɔ́n
1. Akpá tɛ Mawu ka dó nú Ablaxamu? Nɛ̌ é ka ɖè akpá enɛ gbɔn?
2. Nɛ̌ Mawu ka gbéjé nùɖiɖi Ablaxamu tɔn kpɔ́n gbɔn, bɔ ɖiɖe ɔ xlɛ́?
3. Ablaxamu mɔ nukúnnú jɛ nǔ e wu Jehovah ɖɔ é ni sɔ́ Izaki dó savɔ̌ é mɛ ǎ. É ɖò mɔ̌ có, etɛ é ka wà?
4. Etɛ ka jɛ hwenu e Ablaxamu ké jivǐ bo na hu vǐ tɔn é?
5. Tinmɛ lee Ablaxamu xlɛ́ nùɖiɖi e é ɖó nú Mawu é gbɔn é.
6. Etɛ Mawu ka sɔ́ ɖó Izaki tɛnmɛ bonu Ablaxamu na dó savɔ̌? Nɛ̌ é ka bló mɔ̌ gbɔn?
Nùkanbyɔ ɖevo lɛ:
1. Xà Genèse 21:1-7.
Etɛwu Ablaxamu ka gbò ada nú vǐ tɔn azǎn tantɔngɔ ɔ gbè? (Gen. 17:10-12; 21:4)
2. Xà Genèse 22:1-18.
Nɛ̌ Izaki ka hwìhwɛ́ éɖee dó tɔ́ tɔn Ablaxamu glɔ gbɔn? Nɛ̌ nǔ enɛ ka sɔ́ nǔ ɖaxó ɖevo e wá jɛ é sín afɔ ɖ’ayǐ gbɔn? (Gen. 22:7-9; 1 Ko. 5:7; Fili. 2:8, 9, NW)
Tàn 15
1. Etɛwu Ablaxamu kpo Lɔti kpo ka klán?
2. Etɛwu Lɔti ka ba na nɔ Sodɔmu?
3. Gbɛtɔ́ alɔkpa tɛ Sodɔmunu lɛ ka nyí?
4. Etɛ wɛnsagun wè ka ɖɔ nú Lɔti?
5. Etɛwu Lɔti sín asì ka huzu jɛgǒ?
6. Etɛ nǔ e jɛ dó Lɔti sín asì wu é ka kplɔ́n mǐ?
Nùkanbyɔ ɖevo lɛ:
1. Xà Genèse 13:5-13.
Enyi mǐ na ɖɔ tagba e nɔ fɔ́n ɖò tɛntin mǐtɔn lɛ é gbò ɔ, etɛ tàn Ablaxamu tɔn elɔ ka sixu kplɔ́n mǐ? (Gen. 13:8, 9; Hlɔ. 12:10; Fili. 2:3, 4)
2. Xà Genèse 18:20-33.
Nɛ̌ lee Jehovah wà nǔ xá Ablaxamu gbɔn é ka na mǐ jiɖe ɖɔ É kpo Jezu kpo na ɖɔ hwɛ jlɔjlɔ gbɔn? (Gen. 18:25, 26; Mat. 25:31-33)
3. Xà Genèse 19:1-29.
(a) Nɛ̌ tàn Biblu tɔn elɔ ka xlɛ́ nǔ e Mawu nɔ lin dó sunnu ɖóxó xá sunnu alǒ nyɔnu ɖóxó xá nyɔnu wu é gbɔn? (Gen. 19:5, 24; Lév. 20:13)
(b) Etɛ ka gbɔn vo ɖò lee Lɔti kpo Ablaxamu kpo yí gbè nú alixlɛ́mɛ Mawu tɔn gbɔn é mɛ bɔ mǐ mɔ? Etɛ enɛ ka kplɔ́n mǐ? (Gen. 19:15, 16, 19, 20; 22:3)
4. Xà Luka 17:28-32.
Tɛn tɛ mɛ Lɔti sín asì ka zé nǔɖokan tɔn lɛ ɖó? Etɛ enɛ ka kplɔ́n mǐ? (Luk. 12:15; 17:31, 32; Mat. 6:19-21, 25)
5. Xà 2 Piyɛɛ 2:6-8.
Enyi mǐ na xwedó kpɔ́ndéwú Lɔti tɔn ɔ, etɛ mǐ ka ɖó na nɔ lin dó gbɛ̀ elɔ e ma ɖó jijɔ Mawu tɔn ǎ é wu? (Ézé. 9:4; 1 Jn 2:15-17)
Tàn 16
1. Mɛ̌ mɛ̌ e ka nyí sunnu kpo nyɔnu kpo e ɖò ɖiɖe ɔ mɛ é?
2. Nɛ̌ Ablaxamu ka da asì nú vǐ tɔn gbɔn? Etɛwu?
3. Nɛ̌ Mawu ka sè ɖɛ e deví Ablaxamu tɔn xò é gbɔn?
4. Ee è kanbyɔ Hlebeka ɖɔ é jló na da Izaki à jí é ɔ, xó tɛ é ka ɖɔ?
5. Etɛ ka lɛ́ hɛn awǎjijɛ wá nú Izaki?
Nùkanbyɔ ɖevo lɛ:
1. Xà Genèse 24:1-67.
(a) Jujɔ ɖagbe tɛ Hlebeka ka ɖexlɛ́ hwenu e é xò gò deví Ablaxamu tɔn ɖò dotɔ̀ ɔ kɔn é? (Gen. 24:17-20; Prov. 31:17, 31)
(b) Kpɔ́ndéwú ɖagbe tɛ tito enɛ é Ablaxamu bló nú Izaki é ka nyí nú Klisanwun lɛ égbé? (Gen. 24:37, 38; 1 Ko. 7:39; 2 Ko. 6:14)
(c) Aniwu mǐ ka ɖó na nɔ ba hwenu bo lin tamɛ Izaki ɖɔhun? (Gen. 24:63; Ps. 77:12; Fili. 4:8)
Tàn 17
1. Mɛ̌ mɛ̌ e ka nyí nyaví wè e ɖò ɖiɖe ɔ mɛ lɛ é? Etɛ ka gbɔn vo ɖò ye mɛ?
2. Xwè nabi Ezawu kpo Jakɔbu kpo ka ɖó hwenu e daagbo yetɔn Ablaxamu kú é?
3. Etɛ Ezawu ka wà bɔ é kú wǔ nú nɔ tɔn kpo tɔ́ tɔn kpo?
4. Etɛwu Ezawu ka sìn xomɛ tawun dó Jakɔbu?
5. Etɛ Izaki ka kplɔ́n Jakɔbu?
Nùkanbyɔ ɖevo lɛ:
1. Xà Genèse 25:5-11, 20-34.
(a) Etɛ Jehovah ka ko ɖɔ dó Hlebeka sín vǐ wè lɛ wu? (Gen. 25:23)
(b)Nɛ̌ nukún e Jakɔbu sɔ́ dó kpɔ́n vǐɖaxo sín acɛ ɔ é ka gbɔn vo nú Ezawu tɔn gbɔn? (Gen. 25:31-34)
2. Xà Genèse 26:34, 35; 27:1-46; kpo 28:1-5 kpo.
(a) Ezawu nɔ keya nú nǔ gbigbɔ tɔn lɛ ǎ. Nɛ̌ enɛ ka jɛ wěxo gbɔn? (Gen. 26:34, 35; 27:46)
(b) Bonu Jakɔbu na mɔ nyɔna Mawu tɔn ɔ, etɛ Izaki ka ɖɔ n’i ɖɔ é ni wà? (Gen. 28:1-4)
3. Xà Eble lɛ 12:16, 17.
Nɛ̌ kpɔ́ndéwú Ezawu tɔn ka xlɛ́ nǔ e nɔ wá jɛ dó mɛ e ma nɔ keya nú nǔ gbigbɔ tɔn lɛ ǎ é wu gbɔn?
Tàn 18
1. Mɛ̌ ka nyí ɖyɔvǐ e ɖò ɖiɖe ɔ mɛ é? Etɛ Jakɔbu ka wà n’i?
2. Etɛ Jakɔbu ka ɖò gbesisɔmɛ bo na wà, bo na mɔ tɛn dó da Hlacɛli?
3. Ee hwe ɔ nu sù bɔ Jakɔbu na da Hlacɛli é ɔ, etɛ Labaan ka wà?
4. Etɛ Jakɔbu ka yí gbè bo na lɛ́ wà, bo na mɔ tɛn dó da Hlacɛli?
Nùkanbyɔ ɖevo lɛ:
1. Xà Genèse 29:1-30.
(a) Ee Labaan tlɛ táfú Jakɔbu é ɔ, nɛ̌ Jakɔbu ka xlɛ́ ɖɔ emi ɖò gbeji gbɔn? Etɛ enɛ ka kplɔ́n mǐ? (Gen. 29:26-28; Mat. 5:37)
(b) Nɛ̌ kpɔ́ndéwú Jakɔbu tɔn ka ɖè nǔ e nyí wanyiyi jɔ wanyiyi é xlɛ́ gbɔn? (Gen. 29:18, 20, 30; Chant de S. 8:6)
(c) Nyɔnu ɛnɛ tɛ lɛ ka jì vǐ nú Jakɔbu? (Gen. 29:23, 24, 28, 29)
Tàn 19
1. Nɛ̌ vǐ sunnu ayizɛ́n e asì Jakɔbu tɔn nukɔntɔn Lea jì n’i lɛ é ka nɔ nyí?
2. Vǐ wè tɛ lɛ deví Lea tɔn Zilupa ka jì nú Jakɔbu?
3. Nɛ̌ vǐ wè e deví Hlacɛli tɔn Biluxa jì nú Jakɔbu lɛ ka nɔ nyí?
4. Vǐ wè tɛ lɛ Hlacɛli ka jì? Amɔ̌, etɛ ka jɛ hwenu e é jì vǐ wegɔ ɔ é?
5. Vǐ sunnu nabi Jakɔbu ka ɖó? Togun tɛ ka gosin ye mɛ?
Nùkanbyɔ ɖevo lɛ:
1. Xà Genèse 29:32-35; 30:1-26; kpo 35:16-19 kpo.
Nɛ̌ Eble lɛ ka nɔ sùn nyǐ vǐ yetɔn lɛ gbɔn ɖò hwexónu, bɔ tàn Jakɔbu sín vǐ sunnu 12 lɛ tɔn xlɛ́ mǐ?
2. Xà Genèse 37:35.
Dina sín nyikɔ kɛɖɛ wɛ mǐ mɔ ɖò Biblu mɛ. Nɛ̌ mǐ ka wá gbɔn lo, bo tuùn ɖɔ vǐ nyɔnu Jakɔbu tɔn hú ɖokpo? (Gen. 37:34, 35)
Tàn 20
1. Etɛwu Ablaxamu kpo Izaki kpo ma ka jló ɖɔ vǐ yetɔn lɛ ni da Kanaanu ǎ?
2. Jakɔbu ka yí gbè ɖɔ vǐ nyɔnu emitɔn ni zun xɔ́ntɔn xá ɖyɔvǐ Kanaanu lɛ à?
3. Mɛ̌ ka ɖò Dina kpɔ́n sɛ́dó wɛ ɖò ɖiɖe ɔ mɛ? Nǔ baɖabaɖa tɛ é ka dosin?
4. Ee Sinmɛnyɔ́ɔ kpo Levíi kpo sè nǔ e jɛ dó Dina wu é ɔ, etɛ ye ka wà?
5. Nǔ e Sinmɛnyɔ́ɔ kpo Levíi kpo wà é ka hun xomɛ nú Jakɔbu à?
6. Nɛ̌ tagba e mɛ xwédo ɔ bǐ wá byɔ é ka bɛ́ gbɔn?
Nùkanbyɔ ɖevo lɛ:
1. Xà Genèse 34:1-31.
(a) Dina ɖó aca bo nɔ yì ɖyɔvǐ Kanaa tɔn lɛ gɔ́n. Etɛ ka xlɛ́ mɔ̌? (Gen. 34:1, NW)
(b) È hu Sikɛmu ɖó é ɖóxó xá Dina gannugánnú wutu. Amɔ̌, Dina lɔ sún sìn tɔn. Gbɔn nɛ̌ é? (Ga. 6:7)
(c) Nɛ̌ mɛ winnyawinnya lɛ ka sixu xlɛ́ ɖò égbé ɖɔ emi hɛn nǔ e jɛ dó Dina wu é d’ayi mɛ gbɔn? (Prov. 13:20; 1 Ko. 15:33; 1 Jn 5:19)
Tàn 21
Jozɛfu Sín Fofó lɛ Gbɛ́ Wǎn N’i
1. Etɛwu Jozɛfu sín fofó lɛ ka hwanwǔ dó é? Etɛ ye ka wà?
2. Etɛ Jozɛfu sín fofó lɛ ka jló na wà n’i? Amɔ̌ etɛ Lubɛn ka ɖɔ?
3. Etɛ ka jɛ hwenu e ajɔ̌tɔ́ Isimayɛlinu lɛ wá xweyigbe é?
4. Etɛ Jozɛfu sín fofó lɛ ka wà bonu tɔ́ yetɔn na lin ɖɔ Jozɛfu ko kú?
Nùkanbyɔ ɖevo lɛ:
1. Xà Genèse 37:1-35.
(a) Enyi mɛɖé wà nǔ nyanya ɖebǔ ɖò agun ɔ mɛ ɔ, nɛ̌ Klisanwun lɛ ka sixu xwedó kpɔ́ndéwú Jozɛfu tɔn gbɔn? (Gen. 37:2; Lév. 5:1; 1 Ko. 1:11)
(b) Etɛ ka sísɛ́ Jozɛfu sín fofó lɛ, bɔ ye wà nǔ nyanya enɛ xá ɛ? (Gen. 37:11, 18; Prov. 27:4; Ja. 3:14-16)
(c) Etɛ Jakɔbu ka wà, bɔ enyi aluwɛ sín wuntun e sɔgbe é? (Gen. 37:35; Jn 11:33-36)
Tàn 22
1. Xwè nabi Jozɛfu ka ɖó bɔ è kplá ɛ yì Ejipu? Etɛ ka jɛ hwenu e é yì dɔ̌n é?
2. Nɛ̌ Jozɛfu ka wá tɔ́n ɖò ganxó gbɔn?
3. Tɛn tɛ mɛ è ka sɔ́ Jozɛfu ɖó ɖò gankpa ɔ mɛ?
4. Etɛ Jozɛfu ka wà nú Ahanbanumɛtɔ́ kpo wɔxúxúɖatɔ́ Falawɔɔn tɔn kpo ɖò gankpa ɔ mɛ?
5. Etɛ ka jɛ hwenu e è ɖè ahanbanumɛtɔ́ ɔ nyite é?
Nùkanbyɔ ɖevo lɛ:
1. Xà Genèse 39:1-23.
Eɖíe sɛ́n Mawu tɔn ɖě ma ko gbɛ́ mɛsibiba alǒ afɔdogbe ɖò Jozɛfu hwenu ǎ é, etɛ ka sísɛ́ ɛ lo, bɔ é hɔn nú asì Potifaa tɔn? (Gen. 2:24; 20:3; 39:9)
2. Xà Genèse 40:1-23.
(a) Ðɔ dlɔ̌ e ahanbanumɛtɔ́ ɔ kú é kpo tinmɛ e Jehovah d’alɔ Jozɛfu bɔ é na é kpo ɖò klewun mɛ. (Gen. 40:9-13)
(b) Dlɔ̌ tɛ wɔxúxúɖatɔ́ ɔ ka kú? Etɛ ka nyí tinmɛ tɔn? (Gen. 40:16-19)
(c) Nɛ̌ deví gbejinɔtɔ́, ayiɖotenanɔ ɔ ka nɔ xwedó kpɔ́ndéwú Jozɛfu tɔn gbɔn égbé? (Gen. 40:8; Ps. 36:9; Jn 17:17; Mɛ. 17:2, 3)
(d) Nya ɖé ɖu jijizán sín xwè tɔn bɔ mǐ mɔ xá ɖò Genèse 40:20. Nya enɛ ka nɔ sɛ̀n Jehovah à? Etɛ ka jɛ xwè enɛ hwenu? Klisanwun lɛ ka ɖó na ɖu jijizán sín xwè à? (Eccl. 7:1; Mak. 6:21-28)
Tàn 23
1. Etɛ ka jɛ dó Falawɔɔn wu ɖò zǎn ɖokpo mɛ?
2. Etɛwu ahanbanumɛtɔ́ ɔ ka wá flín Jozɛfu lo?
3. Dlɔ̌ wè tɛ lɛ Falawɔɔn ka kú, bɔ ɖiɖe ɔ xlɛ́?
4. Tinmɛ tɛ Jozɛfu ka na nú dlɔ̌ lɛ?
5. Nɛ̌ Jozɛfu ka huzu mɛ nukúnɖeji e bɔ dó Falawɔɔn wu ɖò Ejipu é gbɔn?
6. Etɛwu Jozɛfu sín fofó lɛ ka wá Ejipu? Etɛwu ye ma ka sɔ́ tuùn i ǎ?
7. Dlɔ̌ tɛ Jozɛfu ka flín? Etɛ mɛ é ka d’alɔ ɛ bɔ é mɔ nukúnnú jɛ?
Nùkanbyɔ ɖevo lɛ:
1. Xà Genèse 41:1-57.
(a) Nɛ̌ Jozɛfu ka sɔ́ Jehovah sù gbɔn? Nɛ̌ Klisanwun lɛ ka sixu xwedó kpɔ́ndéwú tɔn gbɔn égbé? (Gen. 41:16, 25, 28; Mat. 5:16; 1 Pi. 2:12)
(b) Nɛ̌ xwè e jinukún gègě tíìn na ɖò Ejipu lɛ é ka sɔgbe xá togun Jehovah tɔn gbɔn égbé? Nɛ̌ adɔ-xwè lɛ ka sɔgbe xá Klisanwun-nyijɛtɔ́ lɛ gbɔn? (Gen. 41:29, 30; Is. 65:13, 14; Amos 8:11, 12)
2. Xà Genèse 42:1-8 kpo 50:20 kpo.
Enyi aca tò ɔ tɔn wɛ byɔ ɖɔ è ni yì dò nú mɛ e ɖò gǎn tɛnmɛ é, bo dó ɖè sísí kpo yɛ̌yi kpo xlɛ́ ɛ ɔ, nùɖé ka nyla ɖ’emɛ enyi Jehovah sɛntɔ́ ɖé bló mɔ̌ ɔ à? (Gen. 42:6; Hlɔ. 13:1, 7)
Tàn 24
1. Etɛwu Jozɛfu ka ɖɔ ɖɔ fofó emitɔn lɛ nyí amɛ̌?
2. Etɛwu Jakɔbu ka jó kpodé tɔn Bɛnjamɛ dó bɔ é yì Ejipu?
3. Nɛ̌ kɔfu axivɛnu Jozɛfu tɔn ka wá tɔ́n ɖò Bɛnjamɛ sín ati mɛ gbɔn?
4. Etɛ Juda ka ɖɔ emi na wà bonu è na jǒ Bɛnjamɛ dó?
5. Nɛ̌ Jozɛfu sín fofó lɛ ka huzu jujɔ gbɔn?
Nùkanbyɔ ɖevo lɛ:
1. Xà Genèse 42:9-38.
Etɛ xógbe e Jozɛfu zán ɖò Genèse 42:18 mɛ é ka kplɔ́n mɛ e ɖò nukúnkpénǔwu wɛ égbé ɖò tutoblonunu Jehovah tɔn mɛ lɛ é? (Neh. 5:15; 2 Ko. 7:1, 2; 1 Pi. 2:17)
2. Xà Genèse 43:1-34.
(a) Lubɛn wɛ nyí vǐɖaxo ɔ. É ɖò mɔ̌ có, etɛ ka ɖexlɛ́ ɖɔ Juda jɛ xó ɖɔ dó nu nú nɔví tɔn lɛ jí? (Gen. 43:3, 8, 9; 44:14, 18; 1 Chr. 5:2)
(b) Nɛ̌ Jozɛfu ka tɛ́n fofó tɔn lɛ kpɔ́n gbɔn? Etɛwu? (Gen. 43:33, 34)
3. Xà Genèse 44:1-34.
(a) Mɛ alɔkpa tɛ Jozɛfu ka jló ɖɔ fofó emitɔn lɛ ni vɛdo ɖɔ emi nyí hwenu e é sɔ́ éɖee hwla dó ye é? (Gen. 44:5, 15; Lév. 19:26)
(b) Nɛ̌ Jozɛfu sín fofó lɛ ka xlɛ́ ɖɔ emi ko jó wǎn e emi gbɛ́ n’i ɖ’ayǐ é dó gbɔn? (Gen. 44:13, 33, 34)
Tàn 25
Xwédo Jakɔbu Tɔn Sɛ̀ Tɛn Jɛ Ejipu
1. Etɛ ka jɛ hwenu e Jozɛfu dó éɖee gesí nú fofó tɔn lɛ é?
2. Etɛ Jozɛfu ka tinmɛ nú fofó tɔn lɛ kpo xomɛnyínyɔ́ kpo?
3. Etɛ Falawɔɔn ka ɖɔ hwenu e é sè ɖɔ Jozɛfu sín fofó lɛ wá é?
4. Nɛ̌ xwédo Jakɔbu tɔn ka d’agba sɔ hwenu e ye sɛ̀ tɛn jɛ Ejipu é?
5. Nɛ̌ è ka wá ylɔ xwédo Jakɔbu tɔn ɖɔ? Etɛwu?
Nùkanbyɔ ɖevo lɛ:
1. Xà Genèse 45:1-28.
Nɛ̌ tàn Jozɛfu tɔn ka xlɛ́ ɖɔ Jehovah hɛn ɔ, é na huzu nǔ e na doya nú deví tɔn lɛ é dó ɖagbe jí gbɔn? (Gen. 37:18-20; 45:5-8; Is. 8:10; Fili. 1:12-14)
2. Xà Genèse 46:1-27.
Ganjɛwu tɛ Jehovah ka na Jakɔbu hwenu e é ɖò ali jí bo xwè Ejipu é? (Gen. 46:1-4)
Tàn 26
1. Mɛ̌ ka nyí Jɔbu?
2. Etɛ Sataan ka tɛnkpɔn bo na wà nú Jɔbu? É ka kpéwú à?
3. Gbè tɛ Jehovah ka yí nú Sataan? Etɛwu?
4. Etɛwu asì Jɔbu tɔn ka ɖɔ n’i ɖɔ: “Gbɛ̌ Mawu bo kú”? (Kpɔ́n ɖiɖe ɔ.)
5. Nɛ̌ Jehovah ka dó nú Jɔbu gbɔn, bɔ ɖiɖe wegɔ ɔ xlɛ́? Etɛwu?
6. Enyi mǐ cí Jɔbu ɖɔhun bo nɔ gbeji nú Jehovah ɔ, nyɔna tɛ lɛ é ka na na mǐ?
Nùkanbyɔ ɖevo lɛ:
1. Xà Job 1:1-22.
Nɛ̌ Klisanwun lɛ ka sixu xwedó kpɔ́ndéwú Jɔbu tɔn gbɔn égbé? (Job 1:1; Fili. 2:15; 2 Pi. 3:14)
2. Xà Job 2:1-13.
Nɛ̌ lee Jɔbu wà nǔ gbɔn ɖò mɛtɛnkpɔn Sataan tɔn hwenu é ka gbɔn vo nú asì tɔn tɔn gbɔn? (Job 2:9, 10; Prov. 19:3; Mik. 7:7; Mal. 3:14)
3. Xà Job 42:10-17.
(a) Nɛ̌ ajɔ e Mawu dó Jɔbu é kpo e é dó Jezu ɖó gbejininɔ tɔn wu é kpo ka nyí nǔ ɖokpo ɔ gbɔn? (Job 42:12; Fili. 2:9-11)
(b) Ee mǐ kplɔ́n nǔ dó nyɔna e Mawu na Jɔbu ɖó gbejininɔ tɔn wu gudo é ɔ, nɛ̌ mǐ ka sixu xwedó kpɔ́ndéwú tɔn gbɔn? (Job 42:10, 12; Eble lɛ 6:10; Ja. 1:2-4, 12; 5:11)
Tàn 27
Axɔsu Nyanya Ðé Kpa Acɛ Ðò Ejipu
1. Mɛ̌ ka hɛn bǎ ɖò ɖiɖe ɔ mɛ? Mɛ̌ xò wɛ é ka ɖè?
2. Etɛ ka jɛ dó Izlayɛli-ví lɛ wu ɖò kú Jozɛfu tɔn gudo?
3. Etɛwu Ejipunu lɛ ka jɛ xɛsi ɖi dó Izlayɛli-ví lɛ wu jí?
4. Gbè tɛ Falawɔɔn ka ɖè nú nyɔnu e nɔ nɔ aji nú Izlayɛli-ví lɛ é?
Nùkanbyɔ ɖevo lɛ:
1. Xà Exode 1:6-22.
(a) Nɛ̌ Jehovah ka jɛ akpá e é dó nú Ablaxamu é ɖè jí gbɔn? (Ex. 1:7; Gen. 12:2; Mɛ. 7:17)
(b) Nɛ̌ ajinɔtɔ́ Eble lɛ ka ɖexlɛ́ ɖɔ emi ɖó sísí nú gbɛ̀ bo nɔ kpɔ́n ɛ ɖi nǔ mímɛ́ gbɔn? (Ex. 1:17; Gen. 9:6)
(c) Nɛ̌ Jehovah ka d’ajɔ ajinɔtɔ́ lɛ ɖó gbejininɔ yetɔn wu gbɔn? (Ex. 1:20, 21; Prov. 19:17)
(d) Nɛ̌ Sataan ka tɛnkpɔn bo na sú kún dó nú Kún Ablaxamu tɔn e sín akpá Jehovah dó é gbɔn? (Ex. 1:22; Mat. 2:16)
Tàn 28
1. Yɛyɛví tɛ ka ɖò ɖiɖe ɔ mɛ? Mɛ̌ sín alɔví é ka hɛn?
2. Etɛ Mɔyizi sín nɔ ka wà bo dó hwlɛn ɛ gán?
3. Mɛ̌ ka nyí ɖyɔvivu e ɖò ɖiɖe ɔ mɛ é? Etɛ é ka wà?
4. Ee vǐ nyɔnu Falawɔɔn tɔn mɔ yɛyɛví ɔ é ɔ, etɛ Miliamu ka ɖɔ n’i?
5. Xó tɛ axɔví ɔ ka ɖɔ nú Mɔyizi sín nɔ?
Nùkanbyɔ ɖevo:
1. Xà Exode 2:1-10.
Ali tɛ ka hun nú Mɔyizi sín nɔ bɔ é na kplɔ́n Mɔyizi sín kpɛví tɔn? Kpɔ́ndéwú tɛ enɛ ka nyí nú mɛjitɔ́ lɛ égbé? (Ex. 2:9, 10; Dt 6:6-9; Prov. 22:6; Efɛ. 6:4; 2 Tim. 3:15)
Tàn 29
1. Fitɛ Mɔyizi ka sù ɖè? Amɔ̌, etɛ é ka tuùn dó mɛjitɔ́ tɔn lɛ wu?
2. Etɛ Mɔyizi ka wà hwenu e é ɖó xwè 40 é?
3. Etɛ Mɔyizi ka ɖɔ nú Izlayɛli-ví e ɖò nɔví tɔn xò wɛ é? Xósin tɛ nya ɔ ka na ɛ?
4. Etɛwu Mɔyizi ka hɔn sín Ejipu?
5. Fitɛ Mɔyizi ka hɔn yì? Mɛ̌ é ka xò gò ɖò dɔ̌n?
6. Azɔ̌ tɛ Mɔyizi ka wà nú xwè 40 ɖò fí e é hɔn yì é?
Nùkanbyɔ ɖevo lɛ:
1. Xà Exode 2:11-25.
Mɔyizi yí nùnywɛ Ejipunu lɛ tɔn nú xwè gègě. É ɖò mɔ̌ có, nɛ̌ é ka xlɛ́ ɖɔ emi ɖò gbeji nú Jehovah kpo togun tɔn kpo gbɔn? (Ex. 2:11, 12; Eble lɛ 11:24)
2. Xà Mɛsɛ́dó 7:22-29.
Mɔyizi jló na hwlɛn Izlayɛli-ví lɛ sín kannumɔgbenu ɖò Ejipu kpo acɛ éɖesunɔ tɔn kpo. Etɛ nǔwiwa tɔn enɛ ka kplɔ́n mǐ? (Mɛ. 7:23-25; 1 Pi. 5:6, 10)
Tàn 30
1. Nɛ̌ só e ɖò ɖiɖe ɔ mɛ é ka nɔ nyí?
2. Ðɔ nùbudo e Mɔyizi mɔ hwenu e é kplá lɛngbɔ̌ tɔn lɛ yì só ɔ jí é.
3. Etɛ gbè ɖé ka ɖɔ nú Mɔyizi sín zungwede ɔ mɛ? Mɛ̌ sín gbè ka wɛ?
4. Etɛ Mɔyizi ka ɖɔ hwenu e Jehovah ɖɔ n’i ɖɔ é na kplá togun emitɔn sín Ejipu é?
5. Etɛ Mawu ka ɖɔ nú Mɔyizi ɖɔ é ni ɖɔ hwenu e Izlayɛli-ví lɛ na kàn mɛ e sɛ́ ɛ dó é byɔ é?
6. Nɛ̌ Mɔyizi ka sixu kpé nǔ wu, bo xlɛ́ ɖɔ Mawu wɛ sɛ́ emi dó gbɔn?
Nùkanbyɔ ɖevo lɛ:
1. Xà Exode 3:1-22.
Enyi mǐ ma tlɛ kpé nǔ wu bo na wà azɔ̌ yɛhwexɔsuɖuto ɔ tɔn e è sɔ́ d’así nú mǐ lɛ é ǎ ɔ, Jehovah na nɔ gudo nú mǐ. Nɛ̌ nǔ e mɛ Mɔyizi gbɔn dín lɛ é ka na mǐ jiɖe enɛ gbɔn? (Ex. 3:11, 13; 2 Ko. 3:5, 6)
2. Xà Exode 4:1-20.
(a) Mɔyizi ganjɛ éɖee wu bo lin ɖɔ emi hɛn ɔ emi na hwlɛn Izlayɛli-ví lɛ. É ɖò mɔ̌ có, nɛ̌ xwè 40 e é yì bló ɖò Madian é ka ɖyɔ linlin tɔn enɛ gbɔn? Etɛ enɛ ka kplɔ́n mɛ e ɖò azɔ̌ nukúnkpénùwùtɔ́ tɔn ba wɛ ɖò agun mɛ é? (Ex. 2:11, 12; 4:10, 13; Mika 6:8; 1 Tim. 3:1, 6, 10)
(b) Enyi Jehovah na bo tlɛ gbɛ́ nǔ nú mǐ syɛnsyɛn alǒ dɔn tó nú mǐ gbɔn tutoblonunu tɔn gblamɛ ɔ, jiɖe tɛ kpɔ́ndéwú Mɔyizi tɔn ka sixu na mǐ? (Ex. 4:12-14; Ps. 103:14; Eble lɛ 12:4-11)
Tàn 31
Mɔyizi kpo Alɔɔn kpo Yì Falawɔɔn Gɔ́n
1. Nɛ̌ nùjiwǔ e Mɔyizi kpo Alɔɔn kpo bló lɛ é ka cí nú Izlayɛli-ví lɛ?
2. Xó tɛ Mɔyizi kpo Alɔɔn kpo ka ɖɔ nú Falawɔɔn? Xósin tɛ Falawɔɔn ka na?
3. Etɛ ka jɛ hwenu e Alɔɔn sɔ́ kpò tɔn nyì kɔ mɛ é, bɔ ɖiɖe ɔ xlɛ́?
4. Nɛ̌ Jehovah ka kplɔ́n nǔ Falawɔɔn gbɔn? Nɛ̌ Falawɔɔn ka wà nǔ gbɔn?
5. Etɛ ka jɛ ɖò azɔn nyanya wǒgɔ ɔ gudo?
Nùkanbyɔ ɖevo lɛ:
1. Xà Exode 4:27-31 kpo 5:1-23 kpo.
Etɛ ɖɔ wɛ Falawɔɔn ka ɖè bo ɖɔ: “Un tuùn Jehovah ǎ”? (Ex. 5:2; 1 Sam. 2:12; Hlɔ. 1:21)
2. Xà Exode 6:1-13, 26-30.
(a) Ali tɛ nu Jehovah ma ka sɔ́ éɖee xlɛ́ Ablaxamu, Izaki kpo Jakɔbu kpo ǎ ɖè? (Ex. 3:13, 14; 6:3; Gen. 12:8)
(b) Mɔyizi mɔ ɖɔ emi kún kpé nǔ wu bo na wà azɔ̌ e Jehovah ɖè nú emi é ó có, Jehovah ka zán ɛ. Etɛ enɛ ka kplɔ́n mǐ? (Ex. 6:12, 30; Luk. 21:13-15)
3. Xà Exode 7:1-13.
(a) Mɔyizi kpo Alɔɔn kpo kpàn akɔ́n bo ɖɔ tó e na dɔn nú Falawɔɔn wɛ Jehovah ɖè é n’i. Kpɔ́ndéwú tɛ ye ka zé ɖ’ayǐ nú deví Mawu tɔn lɛ égbé? (Ex. 7:2, 3, 6; Mɛ. 4:29-31)
(b) Nɛ̌ Jehovah ka xlɛ́ ɖɔ emi hú hlɔnhlɔn yɛhwe Ejipu tɔn lɛ gbɔn? (Ex. 7:12; 1 Chr. 29:12)
Tàn 32
1. Kpɔ́n ɖiɖe ɔ bo tinmɛ azɔn nyanya atɔn nukɔntɔn e Jehovah dó xò Ejipu na lɛ é.
2. Etɛ ka gbɔn vo ɖò azɔn nyanya atɔn nukɔntɔn lɛ kpo e kpò lɛ é kpo mɛ?
3. Ðɔ azɔn nyanya ɛnɛgɔ ɔ, atɔ́ɔ́ngɔ ɔ kpo ayizɛngɔ ɔ kpo.
4. Tín azɔn nyanya tɛnwegɔ ɔ, tantɔngɔ ɔ kpo tɛnnɛgɔ ɔ kpo mɛ.
5. Etɛ Jehovah ka ɖɔ nú Izlayɛli-ví lɛ ɖɔ ye ni wà jɛ nukɔn nú azɔn nyanya wǒgɔ ɔ?
6. Ðɔ azɔn nyanya wǒgɔ ɔ. Etɛ ka jɛ ɖò gudo tɔn?
Nùkanbyɔ ɖevo lɛ:
1. Xà Exode 7:19–8:23.
(a) Majikiblotɔ́ Ejipunu lɛ kpéwú bo vɔ azɔn nyanya wè nukɔntɔn lɛ bló. É ɖò mɔ̌ có, etɛ gbè ye ka gbɔ bo wá yí ɖò azɔn nyanya atɔngɔ ɔ gudo? (Ex. 8:18, 19; Mat. 12:24-28)
(b) Nɛ̌ azɔn nyanya ɛnɛgɔ ɔ ka xlɛ́ ɖɔ Jehovah kpé nǔ wu bo nɔ cyɔn alɔ togun tɔn jí gbɔn? Nɛ̌ nukúnnú mɔ jɛ nǔ enɛ mɛ ka na d’alɔ togun Jehovah tɔn ɖò “ya ɖaxó ɔ” hwenu gbɔn? (Ex. 8:22, 23; Nǔɖe. 7:13, 14; 2 Chr. 16:9)
2. Xà Exode 8:24; 9:3, 6, 10, 11, 14, 16, 23-25; kpo 10:13-15, 21-23 kpo.
(a) Gbɛ̌ta wè tɛ lɛ Falawɔɔn kpo majikiblotɔ́ lɛ kpo ka nɔte na ɖò égbé? Etɛ gbɛ̌ta wè enɛ lɛ ma ka kpéwú bo bló ǎ? (Ex. 8:10, 18, 19; 9:14)
(b) Nɛ̌ Exode 9:16 ka d’alɔ mǐ bɔ mǐ mɔ nukúnnú jɛ nǔ e wu Jehovah tin bɔ Sataan kpó ɖò te kaka jɛ dìn é mɛ gbɔn? (Hlɔ. 9:21, 22)
3. Xà Exode 12:21-32.
Nɛ̌ Dindinwayi-xwè ɔ ka hun hwlɛngán sín ali nyite nú mɛ gègě gbɔn? Etɛ Dindinwayi-xwè ɔ ka nɔte na ɖò égbé? (Ex. 12:21-23; Jn 1:29; Hlɔ. 5:18, 19, 21; 1 Ko. 5:7)
Tàn 33
1. Izlayɛli-ví sunnu nabi ka tɔ́n sín Ejipu gɔ́ nú nyɔnu kpo vǐ gègě kpo? Mɛ̌ mɛ̌ e ka xwedó ye?
2. Ee Izlayɛli-ví lɛ ɖido gudo é ɔ, nɛ̌ é ka cí gbɔn nú Falawɔɔn? Etɛ é ka wà?
3. Etɛ Jehovah ka wà bo sú ali dó Ejipunu lɛ bonu ye ma wlí Izlayɛli-ví lɛ ó?
4. Etɛ ka jɛ hwenu e Mɔyizi dlɛn kpò tɔn dó Xù Vɔvɔ ɔ jí é? Etɛ Izlayɛli-ví lɛ ka wà?
5. Etɛ ka jɛ hwenu e Ejipunu lɛ zún dó Izlayɛli-ví lɛ jí, bo byɔ xù ɔ mɛ é?
6. Ee Jehovah hwlɛn Izlayɛli-ví lɛ é ɔ, xomɛ hun ye bɔ ye dokú n’i. Nɛ̌ ye ka wà mɔ̌ gbɔn?
Nùkanbyɔ ɖevo lɛ:
1. Xà Exode 12:33-36.
Nɛ̌ Jehovah ka sú axɔ togun tɔn nú xwé nabi e ye bló ɖò kannumɔgbenu ɖò Ejipu é gbɔn? (Ex. 3:21, 22; 12:35, 36)
2. Xà Exode 14:1-31.
Nɛ̌ xó e Mɔyizi ɖɔ ɖò Exode 14:13, 14 mɛ é ka kàn Jehovah sɛntɔ́ lɛ ɖò ahwan e nɔ nyí Amagedɔ́ɔ́n é hwenu gbɔn? (2 Chr. 20:17; Ps. 91:8)
3. Xà Exode 15:1-8, 20, 21.
(a) Etɛwu Jehovah sɛntɔ́ lɛ ka ɖó na jihan dó kpa ɛ? (Ex. 15:1, 2; Ps. 105:2, 3; Nǔɖe. 15:3, 4)
(b) Kpɔ́ndéwú susu kpikpa nú Jehovah tɔn tɛ Miliamu kpo nyɔnu lɛ kpo ka zé ɖ’ayǐ nú nyɔnu Klisanwun lɛ égbé ɖò Xù Vɔvɔ ɔ tó? (Ex. 15:20, 21; Ps. 68:11)
Tàn 34
1. Etɛ cyan wɛ mɛ lɛ ka ɖè ɖò kɔ mɛ, bɔ ɖiɖe ɔ xlɛ́? Nɛ̌ è ka nɔ ylɔ ɖɔ?
2. Etɛ Mɔyizi ka ɖɔ nú togun ɔ dó mana ɔ cyancyan wu?
3. Etɛ Jehovah ka ɖɔ nú togun ɔ ɖɔ ye ni wà azǎn ayizɛngɔ ɔ gbè? Etɛwu?
4. Enyi togun ɔ cyan mana ɖ’ayǐ nú azǎn tɛnwegɔ ɔ, nùjiwǔ tɛ Jehovah ka nɔ bló?
5. Xwè nabi Jehovah ka na mana togun ɔ bɔ ye ɖu xɔ?
Nùkanbyɔ ɖevo lɛ:
1. Xà Exode 16:1-36 kpo Nombres 11:7-9 kpo.
(a) Nɛ̌ Exode 16:8 ka xlɛ́ ɖɔ mǐ ɖó na ɖó sísí nú mɛ e nɔ kpé nukún dó nǔ wu ɖò agun Klisanwun tɔn mɛ lɛ é gbɔn? (Eble lɛ 13:17)
(b) Nɛ̌ Izlayɛli-ví lɛ ka nɔ flín ayihɔngbe ayihɔngbe ɖɔ Jehovah kannu wɛ emi ɖè ɖò gbetótló ɔ mɛ gbɔn? (Ex. 16:14-16, 35; Dt 8:2, 3)
(c) Etɛ mana ɔ ka nɔte na bɔ Jezu ɖɔ? Nɛ̌ “wɔxúxú e gosin jixwé é” ka hɛn lè wá nú mǐ gbɔn? (Jn 6:31-35, 40, NW)
2. Xà Josué 5:10-12.
Nɛ̌ xwè nabi e Izlayɛli-ví lɛ ɖu mana xɔ é ka tɛ́n ye kpɔ́n gbɔn? Etɛ tàn enɛ ka kplɔ́n mǐ? (Ex. 16:35; Nomb. 11:4-6; 1 Ko. 10:10, 11)
Tàn 35
1. Ee Izlayɛli-ví lɛ tɔ́n sín Ejipu bɔ é ɖó sun wè mɔ̌ é ɔ, fitɛ ye ka wá yí agbɔ̌n ɖè?
2. Etɛ Jehovah ka jló ɖɔ togun ɔ ni wà? Gbè tɛ ye ka yí?
3. Etɛwu Jehovah ka fɔ awinnya-tɛ wè nú Mɔyizi?
4. Sɛ́n Wǒ lɛ kɛɖɛ wɛ Jehovah ka dó nú Izlayɛli-ví lɛ à?
5. Sɛ́n wè tɛ lɛ ka nyí sɛ́n taji bɔ Jezu ɖɔ?
Nùkanbyɔ ɖevo lɛ:
1. Xà Exode 19:1-25; 20:1-21; 24:12-18; kpo 31:18 kpo.
Nɛ̌ Exode 19:8 ka d’alɔ mǐ bɔ mǐ mɔ nukúnnú jɛ nǔ e mɛɖee zé jó nú Mawu Klisanwun tɔn byɔ é mɛ gbɔn? (Mat. 16:24, NW; 1 Pi. 4:1-3)
2. Xà Deuteronome 6:4-6; Lévitique 19:18; kpo Matie 22:36-40 kpo.
Nɛ̌ Klisanwun lɛ ka sixu ɖè wanyiyi e ye ɖó nú Mawu kpo nɔzo yetɔn lɛ kpo é xlɛ́ gbɔn? (1 Jn 5:3; Mak. 6:34; Mɛ. 4:20; Hlɔ. 15:2)
Tàn 36
1. Etɛ wà wɛ togun ɔ ka ɖè, bɔ ɖiɖe ɔ xlɛ́? Etɛwu?
2. Etɛwu xomɛ ka sìn Jehovah? Etɛ Mɔyizi ka wà hwenu e é mɔ nǔ e wà wɛ togun ɔ ɖè é?
3. Etɛ Mɔyizi ka ɖɔ nú sunnu ɖé lɛ ɖɔ ye ni wà?
4. Etɛ tàn enɛ ka kplɔ́n mǐ?
Nùkanbyɔ ɖevo lɛ:
1. Xà Exode 32:1-35.
(a) Nɛ̌ tàn enɛ ka xlɛ́ nǔ e Jehovah nɔ lin dó sinsɛn nùvú cícáká kpo sinsɛn nugbǒ ɔ kpo wu é gbɔn? (Ex. 32:4-10; 1 Ko. 10:7, 11)
(b) Ðò ayiɖeɖayi lɛ hwenu ɔ, ɖi hanjiji alǒ weɖuɖu ɔ, nɛ̌ Klisanwun lɛ sín ayi ka ɖó na ɖò te gbɔn? (Ex. 32:18, 19; Efɛ. 5:15, 16; 1 Jn 2:15-17)
(c) Nɛ̌ akɔta Levíi tɔn ka zé kpɔ́ndéwú ɖagbe ɖ’ayǐ ɖò nǔjlɔjlɔwiwa li nu gbɔn? (Ex. 32:25-28; Ps. 18:25)
Tàn 37
Goxɔ E Mɛ Izlayɛli-ví lɛ Nɔ Sɛ̀n Mawu Ðè É
1. Xɔ tɛ ka ɖò ɖiɖe ɔ mɛ? Etɛ sín xɔ ka wɛ?
2. Aniwu Jehovah ka ɖɔ nú Mɔyizi ɖɔ é ni bló goxɔ ɔ ɖó alɔ ɖé jí bonu è hɛn ɔ, è na nɔ tún?
3. Gbǎ tɛ ka ɖò xɔnu kpɛví e ɖò fifonu goxɔ ɔ tɔn é mɛ? Etɛ ka ɖò gbǎ ɔ mɛ?
4. Mɛ̌ Jehovah ka ɖè bɔ é nyí vɔsanúxwlémawutɔ́ ɖaxó ɔ? Etɛ é ka nɔ wà?
5. Xà nǔ atɔn e ɖò xɔnu ɖaxó goxɔ ɔ tɔn mɛ lɛ é.
6. Nǔ wè tɛ lɛ ka ɖò goxɔ Jehovah tɔn sín kɔxota? Etɛ è ka nɔ sɔ́ ye dó wà?
Nùkanbyɔ ɖevo lɛ:
1. Xà Exode 25:8-40; 26:1-37; 27:1-8; kpo 28:1 kpo.
Etɛ Celubɛɛn e ɖò “akɔjɛgba ɔ” jí lɛ é ka nɔte na? (Ex. 25:20, 22; Nomb. 7:89; 2 Rois 19:15)
2. Xà Exode 30:1-10, 17-21; 34:1, 2; kpo Eble lɛ 9:1-5 kpo.
(a) Aniwu Jehovah ka tɛɖɛ̌ jí ɖɔ vɔsanúxwlémawutɔ́ e nɔ w’azɔ̌ ɖò goxɔ tɔn mɛ lɛ é ɖó na mɛ́? Etɛ enɛ ka kplɔ́n mǐ égbé? (Ex. 30:18-21; 40:30, 31; Eble lɛ 10:22)
(b) Nɛ̌ mɛsɛ́dó Pɔlu ka xlɛ́ ɖɔ goxɔ Jehovah tɔn ɔ kpo akɔjijɛ Sɛ́n ɔ kpo ko dó xó hwenu e é wlan wema sɛ́dó Klisanwun Eble tɔn lɛ é gbɔn? (Eble lɛ 9:1, 9, 24-26; 10:1)
Tàn 38
1. Nɛ̌ hwǐn viwun sínsɛ́n tɔn e ɖò ɖiɖe ɔ mɛ é ka cí? Fitɛ è ka hɛn sín?
2. Etɛwu Mɔyizi ka sɛ́ amɛ̌ 12 dó Kanaa?
3. Ee ye lɛkɔ é ɔ, gbè tɛ amɛ̌ wǒ ka ɖó nú Mɔyizi?
4. Nɛ̌ amɛ̌ wè ka xlɛ́ ɖɔ emi ɖeji dó Jehovah wu gbɔn? Nɛ̌ ye ka nɔ nyí?
5. Etɛwu Jehovah ka sìn xomɛ? Etɛ é ka ɖɔ nú Mɔyizi?
Nùkanbyɔ ɖevo lɛ:
1. Xà Nombres 13:1-33.
(a) Mɛ̌ mɛ̌ e è ka cyan bɔ ye na yì ba dò nú tò ɔ? Ali ɖaxó tɛ ka hun nú ye? (Nomb. 13:2, 3, 18-20)
(b) Etɛwu linlin Jozuwe kpo Kalɛbu kpo tɔn ka gbɔn vo nú mɛ ɖě lɛ tɔn? Etɛ enɛ ka kplɔ́n mǐ? (Nomb. 13:28-30; Mat. 17:20; 2 Ko. 5:7)
2. Xà Nombres 14:1-38.
(a) Etɛwu mǐ ka ɖó na cɔ́ mǐɖee dó nǔ hlun ɖɔ dó afɔsɔ́ɖótetɔ́ Jehovah tɔn e ɖò ayikúngban jí lɛ é wu? (Nomb. 14:2, 3, 27; Mat. 25:40, 45; 1 Ko. 10:10)
(b) Nɛ̌ Nombres 14:24 ka ɖexlɛ́ ɖɔ Jehovah nɔ keya nú deví tɔn lɛ ɖokpo ɖokpo gbɔn? (1 Rois 19:18; Prov. 15:3)
Tàn 39
1. Mɛ̌ mɛ̌ e ka fɔ́n gǔ dó acɛkpikpa Mɔyizi kpo Alɔɔn kpo tɔn jí? Etɛ ye ka ɖɔ nú Mɔyizi?
2. Etɛ Mɔyizi ka ɖɔ nú Kolée kpo mɛ 250 e gɔ́ n’i lɛ é kpo?
3. Etɛ Mɔyizi ka ɖɔ nú togun ɔ? Etɛ ka jɛ tlolo e Mɔyizi ɖɔ xó kpé é?
4. Etɛ ka jɛ dó Kolée kpo mɛ 250 e gɔ́ n’i lɛ é kpo wu?
5. Etɛ Alɔɔn sín vǐ Eleazaa ka wà nú zalinkpɔ́nfyɔ́nú mɛ e kú lɛ é tɔn? Etɛwu?
6. Etɛwu Jehovah ka bló bɔ Alɔɔn sín kpò tɔ́n folowa? (Kpɔ́n ɖiɖe ɔ.)
Nùkanbyɔ ɖevo lɛ:
1. Xà Nombres 16:1-49.
(a) Etɛ Kolée kpo mɛ e gɔ́ n’i lɛ é kpo ka wà? Etɛwu enɛ ka nyí gufínfɔ́n dó Jehovah jí? (Nomb. 16:9, 10, 18; 2 Chr. 26:18; Prov. 11:2)
(b) Jijɔ agɔ tɛ Kolée kpo ‘gǎn togun ɔ tɔn 250 lɛ’ kpo ka ɖó? (Nomb. 16:1-3; Prov. 15:33; Is. 49:7)
2. Xà Nombres 17:1-11 kpo 26:10 kpo.
(a) Etɛ folowa e kpò Alɔɔn tɔn tɔ́n é ka ɖexlɛ́? Etɛwu Jehovah ka ɖɔ è ni sɔ́ kpò ɔ dó akɔjɛgba ɔ mɛ? (Nomb. 17:5, 8, 10; Eble lɛ 9:4)
(b) Nǔ taji tɛ folowa e kpò Alɔɔn tɔn tɔ́n é ka kplɔ́n mǐ? (Nomb. 17:10; Mɛ. 20:28; Fili. 2:14; Eble lɛ 13:17)
Tàn 40
1. Nɛ̌ Jehovah ka kpé nukún dó Izlayɛli-ví lɛ wu ɖò gbetótló ɔ mɛ gbɔn?
2. Ee Izlayɛli-ví lɛ nɔte ɖò Kadɛci é ɔ, etɛ sín nǔ ye ka hlun ɖɔ?
3. Nɛ̌ Jehovah ka na sìn togun ɔ kpo kanlin yetɔn lɛ kpo gbɔn?
4. Mɛ̌ ka ɖò alɔ zin d’akɔ́n wɛ ɖò ɖiɖe ɔ mɛ? Aniwu é ka ɖò mɔ̌ wà wɛ?
5. Aniwu Jehovah ka sìn xomɛ dó Mɔyizi kpo Alɔɔn kpo wu? Nɛ̌ é ka dɔn tó nú ye gbɔn?
6. Etɛ ka jɛ ɖò Ɔɔ Só ɔ jí? Mɛ̌ ka wá nyí vɔsanúxwlémawutɔ́ ɖaxó Izlayɛli tɔn?
Nùkanbyɔ ɖevo lɛ:
1. Xà Nombres 20:1-13, 22-29 kpo Deuteronome 29:5 kpo.
(a) Etɛ lee Jehovah kpé nukún dó Izlayɛli-ví lɛ wu gbɔn ɖò gbetótló ɔ mɛ é ka kplɔ́n mǐ? (Dt 29:5; Mat. 6:31; Eble lɛ 13:5; Ja. 1:17)
(b) Mɔyizi kpo Alɔɔn kpo sɔ́ Jehovah sù ɖò Izlayɛli-ví lɛ nukɔn ǎ. Etɛ Jehovah ka lin dó nǔ enɛ wu? (Nomb. 20:12; 1 Ko. 10:12; Nǔɖe. 4:11)
(c) Etɛ lee Mɔyizi wà nǔ gbɔn hwenu e Jehovah dɔn tó n’i é ka kplɔ́n mǐ? (Nomb. 12:3; 20:12, 27, 28; Dt 32:4; Eble lɛ 12:7-11)
Tàn 41
1. Etɛ è ka xasa dó kpò kɔ ɖò ɖiɖe ɔ mɛ? Etɛwu Jehovah ka ɖɔ nú Mɔyizi ɖɔ é ni bló mɔ̌?
2. Nɛ̌ togun ɔ ka dó alɔgudokpɛ nú Jehovah nú nǔ tobutobu e é bló nú ye lɛ é gbɔn?
3. Etɛ togun ɔ ka ɖɔ nú Mɔyizi hwenu e Jehovah sɛ́ dan aɖivɛnɔ dó bo dó dɔn tó nú ye gudo é?
4. Etɛwu Jehovah ka ɖɔ nú Mɔyizi ɖɔ é ni bló dan ganvɔ tɔn ɖé?
5. Etɛ tàn enɛ ka kplɔ́n mǐ?
Nùkanbyɔ ɖevo lɛ:
1. Xà Nombres 21:4-9.
(a) Etɛ nǔ e Izlayɛli-ví lɛ hlun ɖɔ dó nùɖuɖu e Jehovah na ye lɛ é wu é ka kplɔ́n mǐ? (Nomb. 21:5, 6; Hlɔ. 2:4)
(b) Ðò xwè kanweko e bɔ d’ewu lɛ é mɛ ɔ, nɛ̌ Izlayɛli-ví lɛ ka wà nǔ gbɔn kpo dan ganvɔ tɔn ɔ kpo? Etɛ Axɔsu Ezekiasi ka wà? (Nomb. 21:9; 2 Rois 18:1-4)
2. Xà Jaan 3:14, 15.
Nɛ̌ lee è sɔ́ dan ganvɔ tɔn ɔ dó jǐ gbɔn é ka sɔgbe pɛ́ɛ́ kpo lee è xwè Jezu dó atín wu gbɔn é kpo gbɔn? (Ga. 3:13; 1 Pi. 2:24, NW)
Tàn 42
1. Mɛ̌ ka nyí Balaki? Etɛwu é ka sɛ́ mɛ dó Balamu gbé mɛ?
2. Etɛwu Balamu sín sɔkɛtɛkɛtɛ ka mlɔ́ ali ɔ jí?
3. Etɛ sɔkɛtɛkɛtɛ Balamu tɔn ka ɖɔ, bɔ é sè?
4. Etɛ wɛnsagun ɖé ka ɖɔ nú Balamu?
5. Etɛ ka jɛ hwenu e Balamu tɛnkpɔn bo na dónu Izlayɛli é?
Nùkanbyɔ ɖevo lɛ:
1. Xà Nombres 21:21-35.
Etɛwu Izlayɛli ka gb’ahwan Axɔsu Amolinu lɛ tɔn Sihɔɔn kpo Axɔsu Bacanu tɔn Ɔgu kpo tɔn? (Nomb. 21:21-23, 33, 34)
2. Xà Nombres 22:1-40.
Etɛ ka sísɛ́ Balamu bɔ é tɛnkpɔn bo na dónu Izlayɛli? Etɛ enɛ ka kplɔ́n mǐ? (Nomb. 22:16, 17; Prov. 6:16, 18; 2 Pi. 2:15; Luk. 12:15)
3. Xà Nombres 23:1-30.
Balamu ɖɔ xó Jehovah sɛntɔ́ ɖɔhun có, nɛ̌ nǔwiwa tɔn lɛ ka ɖexlɛ́ ɖɔ é kún nyí mɔ̌ ó gbɔn? (Nomb. 23:3, 11-14; 1 Sam. 15:22)
4. Xà Nombres 24:1-25.
Nɛ̌ tàn Biblu tɔn enɛ ka hɛn nùɖiɖi mǐtɔn lidǒ, bɔ mǐ ganjɛwu ɖɔ linlin Jehovah tɔn lɛ bǐ na jɛ gbɔn? (Nomb. 24:10; Is. 54:17)
Tàn 43
1. Mɛ̌ mɛ̌ e ka nyí sunnu wè e ɖò te gɔ́ nú Mɔyizi ɖò ɖiɖe ɔ mɛ lɛ é?
2. Xó tɛ Jehovah ka ɖɔ nú Jozuwe?
3. Etɛwu Mɔyizi ka xá Nebo Só jí? Xó tɛ Jehovah ka ɖɔ n’i?
4. Xwè nabi Mɔyizi ka ɖó hwenu e é kú é?
5. Aniwu wǔ ka kú togun ɔ? Amɔ̌, hwɛjijɔ tɛ ye ka ɖó bo na j’awǎ?
Nùkanbyɔ ɖevo lɛ:
1. Xà Nombres 27:12-23.
Azɔ̌ kpinkpɛn tɛ Jehovah ka ɖè nú Jozuwe? Nɛ̌ Jehovah ka nɔ kpé nukún dó togun Tɔn wu gbɔn égbé? (Nomb. 27:15-19; Mɛ. 20:28; Eble lɛ 13:7)
2. Xà Deuteronome 3:23-29.
Aniwu Jehovah ma ka yí gbè bonu Mɔyizi kpo Alɔɔn kpo yì ayikúngban e sín akpá é dó é jí ǎ? Etɛ enɛ ka kplɔ́n mǐ? (Dt 3:25-27; Nomb. 20:12, 13)
3. Xà Deuteronome 31:1-8, 14-23.
Nɛ̌ xó gudo tɔn e Mɔyizi ɖɔ nú Izlayɛli é ka xlɛ́ ɖɔ é sɔ́ éɖee hwe bo yí gbè nú tó e Jehovah dɔn n’i é gbɔn? (Dt 31:6-8, 23)
4. Xà Deuteronome 32:45-52.
Nɛ̌ Xó Mawu tɔn ka nɔ xlɛ́ gbɛ̀ e mǐ ɖó na nɔ zán é mǐ gbɔn? (Dt 32:47; Lév. 18:5; Eble lɛ 4:12)
5. Xà Deuteronome 34:1-12.
Mɔyizi mɔ Jehovah kpo nukún kpo kpɔ́n ǎ. É ɖò mɔ̌ có, etɛ Deuteronome 34:10 ka ɖɔ dó lee é kpo Jehovah kpo vɛ́ gbɔn é wu? (Ex. 33:11, 20)
Tàn 44
1. Fitɛ Laxabu ka nɔ nɔ?
2. Mɛ̌ mɛ̌ e ka nyí sunnu wè e ɖò ɖiɖe ɔ mɛ lɛ é? Etɛwu ye ka wá Jeliko?
3. Etɛ axɔsu Jeliko tɔn ka sɛ́ sunnu lɛ dó ɖɔ ye ni ɖɔ nú Laxabu? Xósin tɛ Laxabu ka na ye?
4. Nɛ̌ Laxabu ka d’alɔ amɛ̌ wè lɛ gbɔn? Fɛ́nú tɛ é ka byɔ ye?
5. Akpá tɛ amɛ̌ wè lɛ ka dó nú Laxabu?
Nùkanbyɔ ɖevo lɛ:
1. Xà Josué 2:1-24.
Nɛ̌ Jehovah ka ɖè akpá e é dó ɖò Exode 23:27 mɛ hwenu e Izlayɛli-ví lɛ tɔ́n ahwan Jeliko é gbɔn? (Jos. 2:9-11)
2. Xà Eble lɛ 11:31.
Nɛ̌ kpɔ́ndéwú Laxabu tɔn ka ɖexlɛ́ ɖɔ nùɖiɖi nyí nǔ titewungbe gbɔn? (Hlɔ. 1:17; Eble lɛ 10:39; Ja. 2:25)
Tàn 45
1. Nùjiwǔ tɛ Jehovah ka bló bɔ Izlayɛli-ví lɛ mɔ tɛn dó d’asa Judɛɛn Tɔ̀ ɔ?
2. Nùɖiɖi sín nǔ tɛ Izlayɛli-ví lɛ ka ɖó na wà cobo d’asa Judɛɛn Tɔ̀ ɔ?
3. Etɛwu Jehovah ka ɖɔ nú Jozuwe ɖɔ è ni fɔ awinnya 12 sín tɔ̀ dodo ɔ mɛ, bo lí?
4. Tlolo e vɔsanúxwlémawutɔ́ lɛ tɔ́n sín Judɛɛn Tɔ̀ ɔ mɛ é ɔ, etɛ ka jɛ?
Nùkanbyɔ ɖevo lɛ:
1. Xà Josué 3:1-17.
(a) Etɛ mǐ ka ɖó na wà bo na mɔ alɔdo kpo nyɔna Mawu tɔn kpo, bɔ tàn elɔ xlɛ́? (Jos. 3:13, 15; Prov. 3:5; Ja. 2:22, 26)
(b) Nɛ̌ Judɛɛn Tɔ̀ ɔ ka ɖè gbɔn hwenu e Izlayɛli-ví lɛ xò é zlɛ, bo yì ayikúngban e sín akpá Mawu dó é jí é? Nɛ̌ nǔ enɛ ka sɔ́ Jehovah sín nyikɔ sú gbɔn? (Jos. 3:15; 4:18, 23, 24; Ps. 66:5-7)
2. Xà Josué 4:1-18.
Etɛwu è ka fɔ awinnya 12 sín Judɛɛn Tɔ̀ ɔ mɛ bo lí dó Gilugalu? (Jos. 4:4-7, 19-24)
Tàn 46
1. Etɛ Jehovah ka ɖɔ nú ahwanfuntɔ́ lɛ kpo vɔsanúxwlémawutɔ́ lɛ kpo ɖɔ ye ni wà nú azǎn ayizɛ́n?
2. Etɛ ye ka ɖó na wà azǎn tɛnwegɔ ɔ gbè?
3. Etɛ ka ɖò jijɛ dó ahoho Jeliko tɔn ɔ wu wɛ, bɔ a mɔ ɖò ɖiɖe ɔ mɛ?
4. Aniwu è ka sìn kàn vɔvɔ ɖé dó flɛtɛli ɔ nu?
5. Etɛ Jozuwe ka ɖɔ nú ahwanfuntɔ́ lɛ ɖɔ ye ni wà nú togun ɔ kpo toxo ɔ kpo? Amɔ̌, etɛ ye ka na wà nú kpatagan, siká, ganvɔ kpo gan lɛ kpo?
6. Etɛ Jozuwe ka ɖɔ nú amɛ̌ wè lɛ ɖɔ ye ni wà?
Nùkanbyɔ ɖevo lɛ:
1. Xà Josué 6:1-25.
(a) Nɛ̌ zɔnlin e Izlayɛli-ví lɛ ɖi lɛlɛ̌ dó Jeliko azǎn tɛnwegɔ ɔ gbè é, ka sɔgbe xá wɛnɖagbe jijla sín azɔ̌ e Kúnnuɖetɔ́ Jehovah tɔn lɛ ɖò wiwa wɛ ɖò azǎn gudo tɔn elɔ lɛ mɛ é gbɔn? (Jos. 6:15, 16; Is. 60:22; Mat. 24:14; 1 Ko. 9:16)
(b) Nɛ̌ xó ɖɔ ɖ’ayǐ e ɖò Josué 6:26 mɛ é ka wá jɛ ɖò xwè 500 mɔ̌ gudo gbɔn? Etɛ enɛ ka kplɔ́n mǐ dó xó Jehovah tɔn wu? (1 Rois 16:34; Is. 55:11)
Tàn 47
1. Mɛ̌ ka ɖò dɔkun e é hɛn sín Jeliko é ɖi wɛ ɖò ɖiɖe ɔ mɛ? Mɛ̌ mɛ̌ e ka ɖò alɔ dó é wɛ?
2. Etɛwu nǔ e Akaan kpo xwédo tɔn kpo wà é ka nyla ɖesu?
3. Etɛ Jehovah ka ɖɔ hwenu e Jozuwe kàn nǔ e wu Izlayɛli-ví lɛ cí ahwan ɖò Ayii é byɔ ɛ é?
4. Etɛ ka jɛ dó Akaan kpo xwédo tɔn kpo wu hwenu e è kplá ye wá Jozuwe gɔ́n gudo é?
5. Nǔ taji tɛ hwɛ e è ɖó nú Akaan é ka kplɔ́n mǐ?
Nùkanbyɔ ɖevo lɛ:
1. Xà Josué 7:1-26.
(a) Etɛ ɖɛ e Jozuwe xò é ka ɖexlɛ́ dó lee é kpo Gbɛɖotɔ́ ɔ kpo vɛ́ gbɔn é wu? (Jos. 7:7-9; Ps. 119:145; 1 Jn 5:14)
(b) Jehovah ka mɔ Akaan hwenu e é ɖò nǔ lɛ fin wɛ é à? Etɛ enɛ ka kplɔ́n mǐ? (Jos. 7:11, 14, 15; Prov. 15:3; 1 Tim. 5:24; Eble lɛ 4:13)
2. Xà Josué 8:1-29.
Enyi mɛɖé ɖò agun Klisanwun tɔn mɛ bo hu hwɛ syɛnsyɛn ɖé bonu mǐ mɔ dò na ɔ, etɛ mǐ ka ɖó na wà? (Jos. 7:13; Lév. 5:1; Prov. 28:13)
Tàn 48
Gabawɔɔnnu lɛ Wà Nǔ kpo Nùnywɛ Kpo
1. Nɛ̌ Gabawɔɔnnu lɛ ka gbɔn vo nú Kanaanu lɛ gbɔn?
2. Etɛ Gabawɔɔnnu lɛ ka wà, bɔ ɖiɖe ɔ xlɛ́? Etɛwu?
3. Akpá tɛ Jozuwe kpo mɛ e ɖò nu nú Izlayɛli-ví lɛ é kpo ka dó nú Gabawɔɔnnu lɛ? Amɔ̌, etɛ mɛ ye ka wá mɔ nukúnnú jɛ azǎn atɔn gbè tɔn?
4. Etɛ ka jɛ hwenu e axɔsu toxo ɖevo lɛ tɔn sè ɖɔ Gabawɔɔnnu lɛ jɛ akɔ xá Izlayɛli é?
Nùkanbyɔ ɖevo lɛ:
1. Xà Josué 9:1-27.
(a) Jehovah ɖɔ nú akɔta Izlayɛli tɔn ɖɔ é ni ‘hu mɛ e ɖò tò ɔ mɛ lɛ é bǐ.’ Jijɔ tɛ lɛ é ka ɖexlɛ́ bo xasa Gabawɔɔnnu lɛ ɖó? (Jos. 9:22, 24; Mat. 9:13; Mɛ. 10:34, 35; 2 Pi. 3:9)
(b) Jozuwe nɔ gbeji nú akɔ e é jɛ xá Gabawɔɔnnu lɛ é. Kpɔ́ndéwú ɖagbe tɛ é ka zé ɖ’ayǐ nú Klisanwun lɛ égbé? (Jos. 9:15, 18, 19; Mat. 5:37; Efɛ. 4:25)
2. Xà Josué 10:1-5.
Nɛ̌ mɛ wɔbuwɔbu ɔ ka nɔ xwedó kpɔ́ndéwú Gabawɔɔnnu lɛ tɔn gbɔn ɖò égbé? Enɛ wu ɔ, mɛ̌ ka jɛ gbě yetɔn mɛ? (Jos. 10:4; Zec. 8:23; Mat. 25:35-40; Nǔɖe. 12:17)
Tàn 49
1. Xó tɛ ɖɔ wɛ Jozuwe ka ɖè ɖò ɖiɖe ɔ mɛ? Etɛwu?
2. Nɛ̌ Jehovah ka d’alɔ Jozuwe kpo ahwanfuntɔ́ tɔn lɛ kpo gbɔn?
3. Axɔsu nabi sín ahwan Jozuwe ka gbà? Xwè nabi ye ka zán?
4. Aniwu Jozuwe ka má ayikúngban Kanaa tɔn?
5. Xwè nabi Jozuwe ka ɖó hwenu e é kú é? Etɛ ka jɛ dó togun ɔ wu ɖò kú tɔn gudo?
Nùkanbyɔ ɖevo lɛ:
1. Xà Josué 10:6-15.
Ganjɛwu tɛ hwe kpo sun kpo e Jehovah ɖó te xwii nú Izlayɛli é ka na mǐ égbé? (Jos. 10:8, 10, 12, 13; Ps. 18:3; Prov. 18:10)
2. Xà Josué 12:7-24.
Mɛ̌ ka zɔ́n tawun bɔ axɔsu Kanaa tɔn 31 cí ahwan? Aniwu é ka jɛ ɖɔ mǐ ni mɔ nukúnnú jɛ nǔ enɛ mɛ ɖò égbé? (Jos. 12:7; 24:11-13; Dt 31:8; Luk. 21:9, 25-28)
3. Xà Josué 14:1-5.
Nɛ̌ è ka má ayikúngban ɔ dó akɔta Izlayɛli tɔn lɛ ta gbɔn? Etɛ enɛ ka xlɛ́ mǐ dó lee mǐ na ɖu gǔ Palaɖisi ɔ tɔn gbɔn é wu? (Jos. 14:2; Is. 65:21; Ézé. 47:21-23; 1 Ko. 14:33)
4. Xà Juges 2:8-13.
Mɛ̌ ka ɖò ali sú dó gufínfɔ́n wɛ égbé lee Jozuwe bló gbɔn ɖò Izlayɛli é? (Juges 2:8, 10, 11; Mat. 24:45-47; 2 Tɛ. 2:3-6; Ti. 1:7-9; Nǔɖe. 1:1; 2:1, 2)
Tàn 50
1. Mɛ̌ ka nyí hwɛɖɔtɔ́ lɛ? Ðɔ hwɛɖɔtɔ́ ɖé lɛ sín nyikɔ.
2. Nɛ̌ Mawu ka jɔwu Ðebola gbɔn? Etɛ wǔjɔmɛ enɛ ka byɔ ɖò así tɔn?
3. Wɛn tɛ Jehovah ka dó Ðebola ɖɔ é ni dó hwɛɖɔtɔ́ Balaki hwenu e Axɔsu Jabɛɛn kpo ahwangán tɔn Siselaa kpo gblɔ́n adǎn nú Izlayɛli é? Mɛ̌ tɔn ahwanjiɖuɖe sín susu ɔ ka na nyí bɔ Ðebola ɖɔ?
4. Nɛ̌ Jayɛlu ka ɖexlɛ́ ɖɔ emi nyí nyɔnu akɔnkpantɔ́ ɖé gbɔn?
5. Etɛ ka jɛ ɖò Axɔsu Jabɛɛn sín kú gudo?
Nùkanbyɔ ɖevo lɛ:
1. Xà Juges 2:14-22.
Etɛ Izlayɛli-ví lɛ ka bló bɔ Jehovah sìn xomɛ dó ye? Etɛ enɛ ka kplɔ́n mǐ? (Juges 2:20; Prov. 3:1, 2; Ézé. 18:21-23)
2. Xà Juges 4:1-24.
Etɛ nùɖiɖi kpo akɔnkpinkpan Ðebola kpo Jayɛlu kpo tɔn ka kplɔ́n nyɔnu Klisanwun égbé tɔn lɛ? (Juges 4:4, 8, 9, 14, 21, 22; Prov. 31:30; 1 Ko. 16:13)
3. Xà Juges 5:1-31.
Nɛ̌ ahwanjiɖuɖe sín han e Balaki kpo Ðebola kpo jì é ka cí ɖɛxixo ɖé ɖɔhun nú ahwan Amagedɔ́ɔ́n tɔn e ja é gbɔn? (Juges 5:3, 31; 1 Chr. 16:8-10; Nǔɖe. 7:9, 10; 16:16; 19:19-21)
Tàn 51
1. Nɛ̌ Nawomii ka wá tɔ́n ɖò Mɔwabu gbɔn?
2. Mɛ̌ mɛ̌ e ka nyí Hwiliti kpo Ɔlupa kpo?
3. Nɛ̌ Hwiliti kpo Ɔlupa kpo ka ɖɔ hwenu e Nawomii ɖɔ ye ni lɛkɔ yì tò yetɔn mɛ é?
4. Mɛ̌ ka nyí Boazu? Nɛ̌ é ka d’alɔ Hwiliti kpo Nawomii kpo gbɔn?
5. Nɛ̌ vǐ e Boazu kpo Hwiliti kpo jì é ka nɔ nyí? Etɛwu mǐ ka ɖó na nɔ flín i?
Nùkanbyɔ ɖevo lɛ:
1. Xà Ruth 1:1-17.
(a) Xógbe wanyiyi jɔ wanyiyi tɔn ɖagbe tɛ Hwiliti ka dó? (Ruth 1:16, 17)
(b) Nɛ̌ lee Hwiliti wà nǔ gbɔn é ka xlɛ́ lee “lɛngbɔ̌ ɖevo lɛ” nɔ wà nǔ gbɔn kpo mɛ yí ami dó ɖè e ɖò ayikúngban jí égbé lɛ é kpo gbɔn? (Jn 10:16; Zec. 8:23)
2. Xà Ruth 2:1-23.
Nɛ̌ Hwiliti ka zé kpɔ́ndéwú ɖagbe ɖ’ayǐ nǔ ɖyɔvǐ égbé tɔn lɛ gbɔn? (Ruth 2:17, 18; Prov. 23:22; 31:15)
3. Xà Ruth 3:5-13.
(a) Hwiliti hɛn ɔ é na da dɔnkpɛvu sú cobo ka ɖò gbesisɔmɛ bo na da Boazu. Nɛ̌ Boazu ka mɔ nǔ enɛ gbɔn?
(b) Etɛ nǔwiwa Hwiliti tɔn ka kplɔ́n mǐ dó wanyiyi jɔ wanyiyi wu? (Ruth 3:10; 1 Ko. 13:4, 5)
4. Xà Ruth 4:7-17.
Nɛ̌ Klisanwun sunnu lɛ ka sixu wà nǔ Boazu ɖɔhun gbɔn égbé? (Ruth 4:9, 10; 1 Tim. 3:1, 12, 13; 5:8)
Tàn 52
1. Nɛ̌ adǎn gègě ka gbò Izlayɛli-ví lɛ gbɔn? Etɛwu?
2. Aniwu Jehovah ka ɖɔ nú Jedewɔn ɖɔ sunnu e ɖò ahwangɔnu tɔn mɛ lɛ é sukpɔ́ dín?
3. Sunnu nabi ka kpò hwenu e Jedewɔn ɖɔ mɛ e ɖò xɛsi ɖi wɛ lɛ é ni lɛkɔ yì xwé gudo é?
4. Kpɔ́n ɖiɖe ɔ bo tinmɛ lee Jehovah ɖè ahwangɔnu Jedewɔn tɔn kpò, bɔ é wá kpò sunnu 300 pɛ́ɛ́ gbɔn é.
5. Nɛ̌ Jedewɔn ka tò sunnu 300 lɛ gbɔn? Nɛ̌ Izlayɛli ka ɖu ɖò ahwan ɔ jí gbɔn?
Nùkanbyɔ ɖevo lɛ:
1. Xà Juges 6:36-40.
(a) Nɛ̌ Jedewɔn ka mɔ dò nú nǔ e ba wɛ Jehovah ɖè é gbɔn?
(b) Nɛ̌ mǐ ka sixu mɔ dò nú nǔ e nyí jlǒ Jehovah tɔn é gbɔn égbé? (Prov. 2:3-6; Mat. 7:7-11; 2 Tim. 3:16, 17)
2. Xà Juges 7:1-25.
(a) Etɛ sunnu 300 e nɔ acéjí lɛ é ka kplɔ́n mǐ? (Juges 7:3, 6; Hlɔ. 13:11, 12; Efɛ. 5:15-17)
(b) Sunnu 300 lɛ kpɔ́n Jedewɔn bo xwedó kpɔ́ndéwú tɔn. Nɛ̌ mǐ ka sixu kpɔ́n Jezu Klisu e nyí Jedewɔn ɖaxó ɔ é bo xwedó kpɔ́ndéwú tɔn gbɔn? (Juges 7:17; Mat. 11:29, 30; 28:19, 20; 1 Pi. 2:21)
(c) Nɛ̌ Juges 7:21 ka na d’alɔ mǐ bɔ mǐ na w’azɔ̌ ɖebǔ e mǐ ɖǒ ɖò tutoblonunu Jehovah tɔn mɛ é kpo awǎjijɛ kpo gbɔn? (1 Ko. 4:2; 12:14-18; Ja. 4:10)
3. Xà Juges 8:1-3.
Enyi mǐ jló na dó hwɛgbɔ xá nɔví sunnu alǒ nɔví nyɔnu ɖé ɔ, etɛ lee Jedewɔn dó hwɛgbɔ xá Eflayiminu lɛ é ka kplɔ́n mǐ? (Prov. 15:1; Mat. 5:23, 24; Luk. 9:48)
Tàn 53
1. Mɛ̌ ka nyí Jɛfute? Hwetɛnu é ka nɔ gbɛ̀?
2. Akpá tɛ Jɛfute ka dó nú Jehovah?
3. Ee Jɛfute ɖu ɖò Amɔnunu lɛ jí bo lɛkɔ wá xwé é ɔ, nɛ̌ ka gbɔn bɔ wǔ kú i?
4. Ee vǐ nyɔnu Jɛfute tɔn sè akpá e tɔ́ tɔn dó é ɔ, etɛ é ka ɖɔ?
5. Aniwu togun ɔ ka yí wǎn nú vǐ nyɔnu Jɛfute tɔn?
Nùkanbyɔ ɖevo lɛ:
1. Xà Juges 10:6-18.
Etɛ gbejimanɔ nú Jehovah Izlayɛli-ví lɛ tɔn sín tàn ka kplɔ́n mǐ? (Juges 10:6, 15, 16; Hlɔ. 15:4; Nǔɖe. 2:10)
2. Xà Juges 11:1-11, 29-40.
(a) Nɛ̌ mǐ ka wà gbɔn bo tuùn ɖɔ Jɛfute sɔ́ vǐ nyɔnu tɔn dó “savɔ̌” na kún nyí ɖɔ é hu i wɛ ó? (Juges 11:31; Lév. 16:24; Dt 18:10, 12)
(b) Ali tɛ nu Jɛfute ka sɔ́ vǐ nyɔnu tɔn dó savɔ̌ ɖè?
(c) Etɛ nǔwiwa Jɛfute tɔn dó akpá e é dó nú Jehovah é wu ka kplɔ́n mǐ? (Juges 11:35, 39; Eccl. 5:4, 5; Mat. 16:24, NW)
(d) Kpɔ́ndéwú ɖagbe tɛ vǐ nyɔnu Jɛfute tɔn ka zé ɖ’ayǐ nú Klisanwun winnyawinnya lɛ ɖò sinsɛnzɔ́ hwebǐnu tɔn na mya nukún nú ye li nu? (Juges 11:36; Mat. 6:33; Fili. 3:8)
Tàn 54
1. Nɛ̌ mɛ e ɖó hlɔnhlɔn hú mɛ bǐ bo nɔ gbɛ̀ kpɔ́n é ka nɔ nyí? Fitɛ é ka ba hlɔnhlɔn ɔ sín?
2. Etɛ Sansɔɔn ka wà nú kinikini ɖaxó ɖé gbè ɖokpo, bɔ ɖiɖe ɔ xlɛ́?
3. Xomɛ tɛ ɖɔ nú Dalila wɛ Sansɔɔn ka ɖè ɖò ɖiɖe ɔ mɛ? Nɛ̌ enɛ ka zɔ́n bɔ Filisitiinu lɛ wlí i gbɔn?
4. Nɛ̌ Sansɔɔn ka hu kɛntɔ́ Filisitiinu 3 000 gbè e gbè é kú é gbɔn?
Nùkanbyɔ ɖevo lɛ:
1. Xà Juges 13:1-14.
Nɛ̌ Manowa kpo asì tɔn kpo ka zé kpɔ́ndéwú vǐ kplɔnkplɔn tɔn ɖagbe ɖé ɖ’ayǐ nú mɛjitɔ́ lɛ gbɔn? (Juges 13:8; Ps. 127:3; Efɛ. 6:4)
2. Xà Juges 14:5-9 kpo 15:9-16 kpo.
(a) Sansɔɔn hu kinikini ɔ, wɛ́n kàn e è dó bla ɛ é, bo lɛ sɔ́ aglankáxú sɔkɛtɛkɛtɛ’sú ɖé tɔn dó hu sunnu 1 000. Etɛ enɛ ka xlɛ́ mǐ dó lee gbigbɔ mímɛ́ Jehovah tɔn nɔ wà nǔ gbɔn é wu? (Juges 14:6; 15:14, 15)
(b) Nɛ̌ gbigbɔ mímɛ́ ka nɔ d’alɔ mǐ égbé gbɔn? (Zec. 4:6; Mɛ. 4:31)
3. Xà Juges 16:18-31.
Nɛ̌ gbɛ̌ nyanya dido ka wà nǔ dó Sansɔɔn wu gbɔn? Etɛ enɛ ka kplɔ́n mǐ? (Juges 16:18, 19; 1 Ko. 15:33)
Tàn 55
1. Nɛ̌ nyaví kpɛví e ɖò ɖiɖe ɔ mɛ é ka nɔ nyí? Mɛ̌ mɛ̌ e ka gɔ́ n’i?
2. Ee Ana yì goxɔ Jehovah tɔn mɛ gbè ɖokpo é ɔ, ɖɛ tɛ é ka xò? Nɛ̌ Jehovah ka sè ɖɛ tɔn gbɔn?
3. Xwè nabi Samuwɛli ka ɖó bɔ è kplá ɛ wá goxɔ Jehovah tɔn mɛ? Etɛ nɔ tɔn ka nɔ wà n’i xwewu xwewu?
4. Nɛ̌ vǐ sunnu Elii tɔn lɛ ka nɔ nyí? Gbɛtɔ́ alɔkpa tɛ ka nú ye?
5. Mɛ̌ ka fɔ́n Samuwɛli sín amlɔ mɛ? Wɛn tɛ mɛ ɔ ka dó é?
6. Ee Samuwɛli nyí mɛxo é ɔ, etɛ é ka huzu? Etɛ ka jɛ hwenu e é kpò é?
Nùkanbyɔ ɖevo lɛ:
1. Xà 1 Samuel 1:1-28.
(a) Kpɔ́ndéwú nukɔn ninɔ nú sinsɛn-biblo nugbǒ ɔ tɔn ɖagbe tɛ Ɛlukana ka zé ɖ’ayǐ nú tatɔ́ xwédo tɔn lɛ? (1 Sam. 1:3, 21; Mat. 6:33; Fili. 1:10)
(b) Enyi mǐ kpannukɔn tagba gɛ́dɛ́ gɛ́dɛ́ lɛ ɔ, etɛ kpɔ́ndéwú Ana tɔn ka kplɔ́n mǐ? (1 Sam. 1:10, 11; Ps. 55:22; Hlɔ. 12:12)
2. Xà 1 Samuel 2:11-36.
Nɛ̌ Elii ka xɔ susu nú vǐ sunnu tɔn lɛ hú Jehovah gbɔn? Etɛ enɛ ka kplɔ́n mǐ? (1 Sam. 2:22-24, 27, 29; Dt 21:18-21; Mat. 10:36, 37)
3. Xà 1 Samuel 4:16-18.
Wɛn awěxomɛ tɔn ɛnɛ tɛ lɛ ka gosin ahwangbenu wá nú Elii? Etɛ wɛn enɛ lɛ ka wà n’i?
4. Xà 1 Samuel 8:4-9.
Nɛ̌ Izlayɛli ka hu hwɛ syɛnsyɛn dó Jehovah gbɔn? Nɛ̌ mǐ ka sixu nɔ gbeji nú Axɔsuɖuto tɔn gbɔn égbé? (1 Sam. 8:5, 7; Jn 17:16; Ja. 4:4)
Tàn 56
Sawulu Nyí Axɔsu Nukɔntɔn Izlayɛli Tɔn
1. Etɛ wà wɛ Samuwɛli ka ɖè ɖò ɖiɖe ɔ mɛ? Etɛwu?
2. Etɛwu Jehovah ka yí wǎn nú Sawulu? Mɛ alɔkpa tɛ é ka nyí?
3. Nɛ̌ Sawulu sín vǐ sunnu ka nɔ nyí? Etɛ é ka bló?
4. Etɛwu Sawulu ma ka nɔte kpɔ́n Samuwɛli ǎ bo savɔ̌ ɖó tɛn tɔn mɛ?
5. Etɛ tàn Sawulu tɔn ka kplɔ́n mǐ?
Nùkanbyɔ ɖevo lɛ:
1. Xà 1 Samuel 9:15-21 kpo 10:17-27 kpo.
Hwenu e nya ɖé lɛ ɖɔ mɛmasi xó dó Sawulu wu é ɔ, nɛ̌ jlɛjininɔ tɔn ka d’alɔ ɛ, bɔ é ma wà tamɛ ma lin kpɔ́n sín nǔ ǎ gbɔn? (1 Sam. 9:21; 10:21, 22, 27; Prov. 17:27)
2. Xà 1 Samuel 13:5-14.
Hwɛ tɛ Sawulu ka hu ɖò Gilugalu? (1 Sam. 10:8; 13:8, 9, 13)
3. Xà 1 Samuel 15:1-35.
(a) Hwɛ ɖaxó tɛ Sawulu ka hu ɖò xó e kàn axɔsu Amalɛki tɔn Agagu é mɛ? (1 Sam. 15:2, 3, 8, 9, 22)
(b) Nɛ̌ Sawulu ka ba hwɛjijɔ nú éɖee bo sɔ́ hwɛ ɔ ɖó mɛ ɖevo ta gbɔn? (1 Sam. 15:24)
(c) Enyi mɛɖé dɔn ayi mǐtɔn wá nǔ jí ɔ, etɛ wu mǐ ka ɖó na cɔ́ mǐɖee dó? (1 Sam. 15:19-21; Ps. 141:5; Prov. 9:8, 9; 11:2)
Tàn 57
1. Nɛ̌ nyaví e ɖò ɖiɖe ɔ mɛ ka nɔ nyí? Etɛ ka xlɛ́ ɖɔ é kpàn akɔ́n?
2. Fitɛ Davidi ka nɔ nɔ? Nɛ̌ tɔ́ tɔn kpo daagbo tɔn kpo ka nɔ nyí?
3. Etɛwu Jehovah ka ɖɔ nú Samuwɛli ɖɔ é ni yì Jɛse xwégbe ɖò Bɛteleyɛmu?
4. Etɛ ka jɛ hwenu e Jɛse kplá vǐ sunnu tɔn tɛnwe wá nú Samuwɛli é?
5. Etɛ Jehovah ka ɖɔ nú Samuwɛli hwenu e è kplá Davidi wá é?
Nùkanbyɔ ɖevo lɛ:
1. Xà 1 Samuel 17:34, 35.
Nɛ̌ nǔ enɛ e jɛ lɛ é ka ɖè akɔnkpinkpan kpo jiɖe e Davidi ɖó dó Jehovah wu é kpo xlɛ́ gbɔn? (1 Sam. 17:37)
2. Xà 1 Samuel 16:1-14.
(a) Nɛ̌ xógbe e Jehovah dó ɖò 1 Samuel 16:7 mɛ é ka d’alɔ mǐ bɔ mǐ ma na nɔ klán akɔ alǒ ɖè mɛɖé ɖó vo ɖò mɛɖé mɛ ǎ gbɔn? (Mɛ. 10:34, 35; 1 Tim. 2:4)
(b) Enyi Jehovah ɖè gbigbɔ mímɛ́ tɔn sín mɛɖé jí ɔ, gbigbɔ nyanya lɛ nɔ wá sá xwé nyí mɛ ɔ mɛ, alǒ jlǒ nyanya nɔ gɔ́ gbɛzán mɛ ɔ tɔn mɛ. Nɛ̌ kpɔ́ndéwú Sawulu tɔn ka xlɛ̌ enɛ gbɔn? (1 Sam. 16:14; Mat. 12:43-45; Ga. 5:16)
Tàn 58
1. Nɛ̌ Goliati ka gblɔ́n adǎn nú ahwangɔnu Izlayɛli tɔn gbɔn?
2. Nɛ̌ Goliati ka d’agba sɔ? Ajɔ tɛ Axɔsu Sawulu ka d’akpá ɖɔ emi na na mɛ e na hu Goliati é?
3. Etɛ Davidi ka ɖɔ nú Sawulu hwenu e é ɖɔ n’i ɖɔ éyɛ kpɛví enɛ kún sixu kpé hun xá Goliati ó é?
4. Nɛ̌ Davidi ka xlɛ́ ɖɔ é ɖeji dó Jehovah wu hwenu e é na xósin Goliati é gbɔn?
5. Etɛ Davidi ka zán dó hu Goliati, bɔ ɖiɖe ɔ xlɛ́? Etɛ Filisitiinu lɛ ka wà hwenu e Goliati kú gudo é?
Nùkanbyɔ ɖevo lɛ:
1. Xà 1 Samuel 17:1-54.
(a) Fitɛ Davidi ka ba akɔnkpinkpan ɔ sín? Nɛ̌ mǐ ka sixu kpàn akɔ́n é ɖɔhun gbɔn? (1 Sam. 17:37, 45; Efɛ. 6:10, 11)
(b) Goliati yí wǎn nú agbahwlɛnhwlɛn. Etɛwu Klisanwun lɛ ka ɖó na nyì alɔ nú walɔ enɛ hwenu e ye ɖò ayiɖeɖayi wɛ é? (1 Sam. 17:8; Ga. 5:26; 1 Tim. 4:8)
(c) Nɛ̌ xógbe Davidi tɔn lɛ ka ɖexlɛ́ ɖɔ é ganjɛ Mawu wu ɖɔ é na nɔ gudo emitɔn gbɔn? (1 Sam. 17:45-47; 2 Chr. 20:15)
(d) Nɛ̌ Biblu ka ɖexlɛ́ ɖɔ ahwan ɔ Jehovah kpo yɛhwe lɛ kpo tɛntin wɛ é ɖè gbɔn? (1 Sam. 17:43, 46, 47)
(e) Nɛ̌ mɛ yí ami dó ɖè e kpò ɖò ayikúngban jí lɛ é ka ɖò kpɔ́ndéwú Davidi tɔn xwedó wɛ bo nɔ ɖeji dó Jehovah wu gbɔn? (1 Sam. 17:37; Jér. 1:17-19; Nǔɖe. 12:17)
Tàn 59
1. Etɛwu Sawulu ka hwanwǔ Davidi? Amɔ̌, nɛ̌ vǐ tɔn Jonataan ka gbɔn vo n’i gbɔn?
2. Ee Davidi ɖò agidigbo xò nú Sawulu wɛ gbè ɖokpo é ɔ, etɛ ka jɛ?
3. Etɛ Sawulu ka ɖɔ Davidi ɖó na wà cobo na da vǐ emitɔn Mikalu? Etɛwu é ka ɖɔ mɔ̌?
4. Hwenu e Davidi ɖò agidigbo xò nú Sawulu wɛ é ɔ, etɛ ka jɛ azɔn atɔngɔ ɔ, bɔ ɖiɖe ɔ xlɛ́?
5. Nɛ̌ Mikalu ka d’alɔ Davidi bɔ é hɔn gbɔn? Etɛ Davidi ka wà nú xwè tɛnwe?
Nùkanbyɔ ɖevo lɛ:
1. Xà 1 Samuel 18:1-30.
(a) Nɛ̌ wanyiyi e nùɖé ma sixu klán ǎ ɖee Jonataan ɖó nú Davidi é ka nɔte nú wanyiyi e ɖò “lɛngbɔ̌ ɖevo” lɛ kpo ‘lɛngbɔhwan kpɛví’ ɔ kpo tɛntin é gbɔn? (1 Sam. 18:1; Jn 10:16; Luk. 12:32; Zec. 8:23)
(b) Jonataan wɛ ɖó na ɖu axɔsu ɖò Sawulu gudo. Nɛ̌ 1 Samuel 18:4 ka xlɛ́ lee Jonataan hwìhwɛ́ éɖee dó mɛ e è ɖè bɔ é na ɖu axɔsu é glɔ gbɔn é gbɔn?
(c) Nɛ̌ kpɔ́ndéwú Sawulu tɔn ka xlɛ́ ɖɔ wǔ hwan hɛn ɔ é na dɔn mɛ dó hwɛ ɖaxó mɛ gbɔn? Etɛ enɛ ka kplɔ́n mǐ? (1 Sam. 18:7-9, 25; Ja. 3:14-16)
2. Xà 1 Samuel 19:1-17.
Nɛ̌ Jonataan ka ɖibla zé gbɛ̀ tɔn nyì gbě hwenu e é ɖɔ xó nú Sawulu é gbɔn? (1 Sam. 19:1, 4-6; Prov. 16:14)
Tàn 60
1. Nɛ̌ nawe enɛ e ja Davidi kpé gbé ɖò ɖiɖe ɔ mɛ é ka nɔ nyí? Mɛ alɔkpa tɛ é ka nyí?
2. Mɛ̌ ka nyí Nabalu?
3. Etɛwu Davidi ka sɛ́ mɛ tɔn ɖé lɛ dó ɖɔ ye ni yí nùɖuɖu wá nú emi ɖò Nabalu gɔ́n?
4. Etɛ Nabalu ka ɖɔ nú Davidi sín mɛ lɛ? Nɛ̌ Davidi ka wà nǔ gbɔn?
5. Nɛ̌ Abigayɛlu ka xlɛ́ ɖɔ emi nyí nyɔnu nùnywɛtɔ́ gbɔn?
Nùkanbyɔ ɖevo lɛ:
1. Xà 1 Samuel 22:1-4.
Nɛ̌ xwédo Davidi tɔn ka zé kpɔ́ndéwú ɖagbe ɖ’ayǐ dó lee Klisanwun lɛ na nɔ gudo nú yeɖee gbɔn é wu gbɔn? (Prov. 17:17; 1 Tɛ. 5:14)
2. Xà 1 Samuel 25:1-43.
(a) Etɛwu è ka ɖè Nabalu xlɛ́ ɖɔ é nyí nùvɔnɔ sɔmɔ̌? (1 Sam. 25:2-5, 10, 14, 21, 25)
(b) Etɛ kpɔ́ndéwú Abigayɛlu tɔn ka sixu kplɔ́n Klisanwun e ko da asú lɛ é égbé? (1 Sam. 25:32, 33; Prov. 31:26; Efɛ. 5:24)
(c) Hwɛ wè tɛ lɛ Davidi ma ka hu ǎ ɖó Abigayɛlu wu? (1 Sam. 25:31, 33; Hlɔ. 12:19; Efɛ. 4:26)
(d) Nɛ̌ lee Davidi wà nǔ gbɔn hwenu e Abigayɛlu ɖɔ xó n’i é ka sixu d’alɔ sunnu lɛ égbé, bɔ ye na ɖó linlin Jehovah tɔn dó nyɔnu lɛ wu gbɔn? (Mɛ. 21:8, 9; Hlɔ. 2:11; 1 Pi. 3:7)
Tàn 61
1. Etɛ Davidi kpo Abicayi kpo ka wà hwenu e Sawulu ɖò amlɔ dɔ wɛ ɖò ahwansla tɔn mɛ é?
2. Etɛ lɛ Davidi ka kanbyɔ Sawulu?
3. Ee Davidi gosin Sawulu gɔ́n é ɔ, fitɛ é ka yì?
4. Etɛ ka kú wǔ nú Davidi kaka bɔ é wlan han ɖagbe ɖagbe ɖé?
5. Xwè nabi Davidi ka ɖó bɔ è sɔ́ ɛ axɔsu ɖò Eblɔnu? Ðɔ vǐ sunnu tɔn ɖé lɛ sín nyikɔ.
6. Fitɛ Davidi ka wá ɖu axɔsu ɖè?
Nùkanbyɔ ɖevo lɛ:
1. Xà 1 Samuel 26:1-25.
(a) Nɛ̌ xó e Davidi ɖɔ ɖò 1 Samuel 26:11 mɛ é ka xlɛ́ lee mǐ ɖó na nɔ wà nǔ gbɔn kpo tuto yɛhwexɔsuɖuto ɔ tɔn kpo gbɔn é? (Ps. 37:7; Hlɔ. 13:2)
(b) Enyi mǐ dó gǎn bo nyɔ́ xomɛ dó mɛɖé wu bonu é dó alɔgudokpɛ nú mǐ ɔ, nɛ̌ xó e Davidi ɖɔ ɖò 1 Samuel 26:23 mɛ é ka sixu d’alɔ mǐ bɔ awakanmɛ ma na kú mǐ ǎ gbɔn? (1 Rois 8:32; Ps. 18:20)
2. Xà 2 Samuel 1:26.
Nɛ̌ Klisanwun lɛ ka sixu ɖó ‘wanyiyi ɖaxó nú yeɖee’ Davidi kpo Jonataan kpo ɖɔhun gbɔn égbé? (1 Pi. 4:8; Kolɔ. 3:14; 1 Jn 4:12)
3. Xà 2 Samuel 5:1-10.
(a) Xwè nabi Davidi ka ɖu axɔsu na? Nɛ̌ è ka sixu má xwè enɛ lɛ gbɔn? (2 Sam. 5:4, 5)
(b) Mɛ̌ ka zɔ́n bɔ Davidi wá nyí nusuɖaxó? Etɛ enɛ ka flín mǐ égbé? (2 Sam. 5:10; 1 Sam. 16:13; 1 Ko. 1:31; Fili. 4:13)
Tàn 62
1. Etɛ ka wá jɛ dó tò Kanaa tɔn wu kpo alɔdo Jehovah tɔn kpo?
2. Etɛ ka jɛ gbadanu gbè ɖokpo hwenu e Davidi ɖò xɔ tɔn ta é?
3. Etɛwu Jehovah ka sìn xomɛ tawun dó Davidi?
4. Mɛ̌ Jehovah ka sɛ́dó ɖɔ é ni wá ɖɔ hwɛ Davidi tɔn lɛ n’i, bɔ ɖiɖe ɔ xlɛ́? Etɛ nya enɛ ka ɖɔ é na xá Davidi?
5. Adǎn tɛ lɛ ka gbò Davidi?
6. Mɛ̌ ka huzu axɔsu Izlayɛli tɔn ɖò Davidi gudo?
Nùkanbyɔ ɖevo lɛ:
1. Xà 2 Samuel 11:1-27.
(a) Ee vɛ̌ dó nú nǔ zɔ́n bɔ Davidi ma yì ahwan ǎ é ɔ, é hu hwɛ ɖaxó kpo Batu-Ceba kpo. Nɛ̌ enɛ ka xlɛ́ ɖɔ alɔnu hinhɛn ján ɖò azɔ̌ Jehovah tɔn kɔn nɔ cyɔn alɔ mǐ jí gbɔn?
(b) Nɛ̌ Davidi ka jɛ hwɛ mɛ gbɔn? Etɛ enɛ ka kplɔ́n Jehovah sɛntɔ́ lɛ égbé? (2 Sam. 11:2; Mat. 5:27-29; 1 Ko. 10:12; Ja. 1:14, 15)
2. Xà 2 Samuel 12:1-18.
(a) Etɛ lee Nataan sɛkpɔ Davidi bo kplɔ́n nǔ i gbɔn é ka kplɔ́n mɛxo lɛ kpo mɛjitɔ́ lɛ kpo? (2 Sam. 12:1-4; Prov. 12:18; Mat. 13:34)
(b) Etɛwu Jehovah ka sɔ́ hwɛ kɛ Davidi? (2 Sam. 12:13; Ps. 32:5; 2 Ko. 7:9, 10)
Tàn 63
1. Etɛ Jehovah ka ɖɔ nú Salomɔɔ? Etɛ Salomɔɔ ka byɔ?
2. Nǔ e Salomɔɔ byɔ é nyɔ́ Jehovah nukún mɛ. Enɛ wu ɔ, etɛ sín akpá é ka dó n’i?
3. Hwɛgbe syɛnsyɛn tɛ nyɔnu wè ka hɛn wá Salomɔɔ nukɔn?
4. Nɛ̌ Salomɔɔ ka gbò hwɛ ɔ gbɔn, bɔ ɖiɖe ɔ xlɛ́?
5. Nɛ̌ axɔsuɖuɖu Salomɔɔ tɔn sín hwenu ka cí? Etɛwu?
Nùkanbyɔ ɖevo lɛ:
1. Xà 1 Rois 3:3-28.
(a) Etɛ xógbe Salomɔɔ tɔn e ɖò 1 Rois 3:7 mɛ é ka sixu kplɔ́n sunnu e ɖò nukún kpé dó nǔ wu wɛ ɖò tutoblonunu Mawu tɔn mɛ lɛ é? (Ps. 119:105; Prov. 3:5, 6)
(b) Nɛ̌ nǔ e Salomɔɔ byɔ é ka nyí kpɔ́ndéwú ɖagbe nǔ e sɔgbe bɔ mǐ na nɔ xoɖɛ bo byɔ lɛ é tɔn gbɔn? (1 Rois 3:9, 11; Prov. 30:8, 9; 1 Jn 5:14)
(c) Ganjɛwu tɛ lee Salomɔɔ gbò hwɛ nyɔnu wè lɛ tɔn gbɔn é ka na mǐ dó axɔsuɖuɖu Jezu Klisu e nyí Salomɔɔ ɖaxó ɔ é tɔn wu? (1 Rois 3:28; Is. 9:6, 7; 11:2-4)
2. Xà 1 Rois 4:29-34.
(a) Ee Salomɔɔ byɔ ayixa tónúsíse tɔn Jehovah é ɔ, nɛ̌ É ka sè gbɔn? (1 Rois 4:29)
(b) Gbɛtɔ́ lɛ dó gǎn bo wá ɖótó nùnywɛ Salomɔɔ tɔn. Nɛ̌ mǐ ka ɖó na wà nǔ gbɔn nú nǔ e kàn Xó Mawu tɔn kplɔnkplɔn é? (1 Rois 4:29, 34; Jn 17:3; 2 Tim. 3:16)
Tàn 64
1. Xwè nabi Salomɔɔ ka dó gbá tɛmpli Jehovah tɔn na? Aniwu tɛmpli ɔ gbigbá ka ɖu akwɛ gègě?
2. Xɔnu taji nabi tɛmpli ɔ ka ɖó? Etɛ è ka zé dó tɛmpli ɔ mɛ?
3. Etɛ Salomɔɔ ka ɖɔ ɖò ɖɛ e é xò hwenu e è gbá tɛmpli ɔ fó é mɛ?
4. Nɛ̌ Jehovah ka xlɛ́ ɖɔ emi hun xomɛ dó ɖɛ Salomɔɔ tɔn wu gbɔn?
5. Etɛ mɛ Salomɔɔ sín asì lɛ ka dɔn ɛ dó? Etɛ ka jɛ dó wutu tɔn?
6. Aniwu Jehovah ka sìn xomɛ dó Salomɔɔ? Xó tɛ Jehovah ka ɖɔ n’i?
Nùkanbyɔ ɖevo lɛ:
1. Xà 1 Chroniques 28:9, 10.
Sɔgbe kpo xó e Davidi ɖɔ ɖò 1 Chroniques 28:9, 10 mɛ é kpo ɔ, etɛ mǐ ka ɖó na ván kàn bo wà ɖò gbɛzinzan mǐtɔn ayihɔngbe ayihɔngbe tɔn mɛ? (Ps. 19:14; Fili. 4:8, 9)
2. Xà 2 Chroniques 6:12-21, 32-42.
(a) Nɛ̌ Salomɔɔ ka xlɛ́ ɖɔ xɔ e gbɛtɔ́ gbá é kún sixu hɛn Mawu Ajalɔnnɔ ó gbɔn? (2 Chr. 6:18; Mɛ. 17:24, 25)
(b) Etɛ xó e Salomɔɔ ɖɔ ɖò 2 Chroniques 6:32, 33 mɛ é ka xlɛ́ dó Jehovah wu? (Mɛ. 10:34, 35; Ga. 2:6)
3. Xà 2 Chroniques 7:1-5.
Ee Izlayɛli-ví lɛ mɔ susu Jehovah tɔn é ɔ, é sísɛ́ ye bɔ ye kpa ɛ. Enyi mǐ lɔmɔ̌ ɖò nyɔna Jehovah tɔn nú togun tɔn mɔ wɛ égbé ɔ, etɛ mǐ ka ɖó na wà? (2 Chr. 7:3; Ps. 22:22; 34:1; 96:2)
4. Xà 1 Rois 11:9-13.
Nɛ̌ gbɛzinzan Salomɔɔ tɔn ka xlɛ́ ɖɔ gbejininɔ kaka jɛ kú ɖò dandan gbɔn? (1 Rois 11:4, 9; Mat. 10:22; Nǔɖe. 2:10)
Tàn 65
1. Nɛ̌ sunnu wè e ɖò ɖiɖe ɔ mɛ lɛ é ka nɔ nyí? Mɛ alɔkpa tɛ ye ka nyí?
2. Etɛ Axijaa ka bló nú awu e é dó é? Etɛ ka nyí tinmɛ tɔn?
3. Etɛ Salomɔɔ ka tɛnkpɔn bo na wà nú Jeloboamu?
4. Etɛwu togun ɔ ka sɔ́ Jeloboamu axɔsu dó akɔta wǒ jí?
5. Etɛwu Jeloboamu ka bló nyibuví siká tɔn wè? Enɛ gudo tlolo ɔ, etɛ ka gɔ́ tò ɔ mɛ?
6. Etɛ ka jɛ dó axɔsuɖuto akɔta wè lɛ tɔn kpo tɛmpli Jehovah tɔn e ɖò Jeluzalɛmu é kpo wu?
Nùkanbyɔ ɖevo lɛ:
1. Xà 1 Rois 11:26-43.
Mɛ alɔkpa tɛ Jeloboamu ka nyí? Akpá tɛ Jehovah ka dó n’i enyi é nyì sɛ́n tɔn lɛ ɔ? (1 Rois 11:28, 38)
2. Xà 1 Rois 12:1-33.
(a) Etɛ kpɔ́ndéwú nyanya Holoboamu tɔn ka sixu kplɔ́n mɛjitɔ́ lɛ kpo mɛxo lɛ kpo dó acɛ ganna ganna kpikpa wu? (1 Rois 12:13; Eccl. 7:7; 1 Pi. 5:2, 3)
(b) Alixlɛ́mɛ mɛ̌ tɔn mɛ winnyawinnya lɛ ka ɖó na ba égbé hwenu e ye ja nùɖé wà gbé é? (1 Rois 12:6, 7; Prov. 1:8, 9; 2 Tim. 3:16, 17; Eble lɛ 13:7)
(c) Etɛ ka zɔ́n bɔ Jeloboamu ɖó hɔnkàn nyibuví sínsɛ́n tɔn wè ayǐ? Nɛ̌ nǔ enɛ ka xlɛ́ nùɖiɖi ma ɖó nú Jehovah gbɔn? (1 Rois 11:37, 38; 12:26-28)
(d) Mɛ̌ ka nɔ nukɔn nú togun axɔsuɖuto akɔta wǒ lɛ tɔn bɔ ye fɔ́n gǔ dó sinsɛn-biblo nugbǒ ɔ jí? (1 Rois 12:32, 33)
Tàn 66
1. Mɛ̌ ka nyí Jezabɛlu?
2. Etɛwu wǔ ka kú Axɔsu Axabu gbè ɖokpo?
3. Etɛ Jezabɛlu ka wà bo yí viwungle Nabɔti tɔn nú asú tɔn Axabu?
4. Mɛ̌ Jehovah ka sɛ́dó bɔ é dɔn tó nú Jezabɛlu?
5. Etɛ ka jɛ hwenu e Jewu wá hɔn Jezabɛlu tɔn mɛ é, bɔ ɖiɖe ɔ xlɛ́?
Nùkanbyɔ ɖevo lɛ:
1. Xà 1 Rois 16:29-33 kpo 18:3, 4 kpo.
Nɛ̌ Izlayɛli ka nyla sɔ ɖò Axɔsu Axabu hwenu? (1 Rois 16:33)
2. Xà 1 Rois 21:1-16.
(a) Nɛ̌ Nabɔti ka xlɛ́ ɖɔ emi kpàn akɔ́n bo lɛ́ ɖò gbeji nú Jehovah gbɔn? (1 Rois 21:1-3; Lév. 25:23-28)
(b) Enyi mǐ ɖò wuvɛ̌ lɛ kpannukɔn wɛ ɔ, etɛ kpɔ́ndéwú Axabu tɔn ka sixu kplɔ́n mǐ? (1 Rois 21:4; Hlɔ. 5:3-5)
3. Xà 2 Rois 9:30-37.
Etɛ lee Jewu nɔ ɖókan dó jlǒ Jehovah tɔn wiwa wu gbɔn é ka kplɔ́n mǐ? (2 Rois 9:4-10; 2 Ko. 9:1, 2; 2 Tim. 4:2)
Tàn 67
1. Mɛ̌ ka nyí Jozafati? Hwetɛnu é ka nɔ gbɛ̀?
2. Aniwu ado ka hu Izlayɛli-ví lɛ? Etɛ ye mɛ gègě ka bló?
3. Ee Jozafati xoɖɛ é ɔ, etɛ Jehovah ka ɖɔ n’i?
4. Etɛ Jehovah ka bló dó hwlɛn ye?
5. Etɛ kpɔ́ndéwú Jozafati tɔn ka kplɔ́n mǐ?
Nùkanbyɔ ɖevo lɛ:
1. Xà 2 Chroniques 20:1-30.
(a) Enyi è ɖò adǎn gblɔ́n nú deví Mawu tɔn gbejinɔtɔ́ lɛ wɛ ɔ, nɛ̌ ye ka ɖó na wà nǔ gbɔn bɔ Jozafati xlɛ́? (2 Chr. 20:12; Ps. 25:15; 62:1)
(b) Jehovah nɔ gbɔn mɛ jí ɖ’ayǐ bo nɔ ɖɔ xó nú togun tɔn. Mɛ̌ jǐ é ka nɔ gbɔn égbé? (2 Chr. 20:14, 15; Mat. 24:45-47; Jn 15:15)
(c) Hwenu e Mawu na bɛ́ “ahwan e è na fun ɖò Mawu nǔbǐwukpétɔ́ ɔ sín azǎn ɖaxó ɔ gbè é” ɔ, nɛ̌ ninɔmɛ mǐtɔn ka na cí Jozafati tɔn ɖɔhun gbɔn? (2 Chr. 20:15, 17; 32:8; Nǔɖe. 16:14, 16)
(d) Nɛ̌ gbexosinalijitɔ́ lɛ kpo mɛsɛ́dó lɛ kpo ka nɔ xwedó kpɔ́ndéwú Levíinu lɛ tɔn bo nɔ nɔ gudo nú azɔ̌ wɛnɖagbe jijla gbɔn gbɛ̀ ɔ bǐ mɛ tɔn égbé gbɔn? (2 Chr. 20:19, 21; Hlɔ. 10:13-15; 2 Tim. 4:2)
Tàn 68
1. Mɛ̌ ka nyí mɛ atɔn e ɖò ɖiɖe ɔ mɛ lɛ é? Etɛ ka jɛ dó nyaví kpɛví ɔ wu?
2. Ðɛ tɛ Elii ka xò dó nyaví ɔ tamɛ? Etɛ ka jɛ ɖò gudo tɔn?
3. Nɛ̌ deví Elii tɔn ka nɔ nyí?
4. Aniwu è ka ylɔ Elizee wá nyɔnu Cunɛmu tɔn xwégbe?
5. Etɛ Elizee ka bló? Etɛ ka jɛ dó vǐ kúkú ɔ wu?
6. Hlɔnhlɔn tɛ Jehovah ka ɖó, bo ɖexlɛ́ gbɔn Elii kpo Elizee kpo jí?
Nùkanbyɔ ɖevo lɛ:
1. Xà 1 Rois 17:8-24.
(a) Nɛ̌ è ka tɛ́n tónúsíse kpo nùɖiɖi Elii tɔn kpo kpɔ́n gbɔn? (1 Rois 17:9; 18:40; 19:1-4, 10)
(b) Nɛ̌ nùɖiɖi asúkúsi Salɛta tɔn ka jiwǔ gbɔn? (1 Rois 17:12-16; Luk. 4:25, 26)
(c) Nɛ̌ nǔ e jɛ dó asúkúsi Salɛta tɔn wu é ka xlɛ́ ɖɔ xó e Jezu ɖɔ ɖò Matie 10:41, 42 mɛ é nyí nugbǒ gbɔn? (1 Rois 17:10-12, 17, 23, 24)
2. Xà 2 Rois 4:8-37.
(a) Etɛ kpɔ́ndéwú nyɔnu Cunɛmu tɔn ɔ ka kplɔ́n mǐ dó jonɔyiyi wu? (2 Rois 4:8; Luk. 6:38; Hlɔ. 12:13; 1 Jn 3:17)
(b) Ali tɛ lɛ nu mǐ ka sixu nyɔ́ xomɛ dó Mawu sɛntɔ́ lɛ wu ɖè égbé? (Mɛ. 20:35; 28:1, 2; Ga. 6:9, 10; Eble lɛ 6:10)
Tàn 69
1. Etɛ ɖɔ nú nawe ɔ wɛ nyɔnuví ɔ ka ɖè ɖò ɖiɖe ɔ mɛ?
2. Mɛ̌ ka nyí nawe e ɖò ɖiɖe ɔ mɛ é? Etɛ wà wɛ nyɔnuví ɔ ka ɖè ɖò nawe ɔ xwé?
3. Etɛ Elizee ka ɖɔ nú deví tɔn ɖɔ é ni ɖɔ nú Naama? Etɛwu Naama ka sìn xomɛ?
4. Etɛ ka jɛ hwenu e Naama sè deví tɔn sín xó é?
5. Etɛwu Elizee ka gbɛ́ nùnina Naama tɔn? Amɔ̌, etɛ Geazi ka wà?
6. Etɛ ka jɛ dó Geazi wu? Etɛ enɛ ka kplɔ́n mǐ?
Nùkanbyɔ ɖevo lɛ:
1. Xà 2 Rois 5:1-27.
(a) Nɛ̌ kpɔ́ndéwú nyɔnuví Izlayɛlinu ɔ tɔn ka dó wusyɛn lanmɛ nú mɛ winnyawinnya lɛ gbɔn égbé? (2 Rois 5:3; Ps. 8:2; 148:12, 13)
(b) Etɛwu é ka nyɔ́ ɖɔ mǐ ni nɔ flín kpɔ́ndéwú Naama tɔn hwenu e è zé Biblu dó dɔn ayi mǐtɔn wá nǔ jí é? (2 Rois 5:15; Eble lɛ 12:5, 6; Ja. 4:6)
(c) Enyi mǐ sɔ́ kpɔ́ndéwú Elizee tɔn jlɛ dó Geazi tɔn wu ɔ, etɛ enɛ ka sixu kplɔ́n mǐ? (2 Rois 5:9, 10, 14-16, 20; Mat. 10:8; Mɛ. 5:1-5; 2 Ko. 2:17)
Tàn 70
1. Mɛ̌ ka nyí Jonasi? Etɛ Jehovah ka ɖɔ é ni wà?
2. Ee Jonasi ma jló na yì fí e Jehovah sɛ́ ɛ dó é ǎ é ɔ, etɛ é ka wà?
3. Etɛ Jonasi ka ɖɔ nú tɔjihunkúntɔ́ lɛ ɖɔ ye ni wà bonu jɔhɔn ɔ na nɔte?
4. Ee Jonasi syɔ é ɔ, etɛ ka jɛ bɔ ɖiɖe ɔ xlɛ́?
5. Azǎn nabi Jonasi ka bló ɖò hweví ɖaxó ɔ xomɛ? Etɛ é ka wà ɖò finɛ?
6. Fitɛ Jonasi ka yì hwenu e hweví ɖaxó ɔ vi i nyì agě é? Etɛ enɛ ka kplɔ́n mǐ?
Nùkanbyɔ ɖevo lɛ:
1. Xà Yona 1:1-17.
Etɛ Jonasi ka lin dó yɛhwexóɖiɖɔ nú Ninivunu lɛ sín azɔ̌ e è ɖè ni é wu? (Yona 1:2, 3; Prov. 3:7; Eccl. 8:12)
2. Xà Yona 2:1, 2, 10.
Nɛ̌ nǔ e jɛ dó Jonasi jí é ka na mǐ jiɖe ɖɔ Jehovah na sè ɖɛ mǐtɔn lɛ gbɔn? (Ps. 22:24; 34:6; 1 Jn 5:14)
3. Xà Yona 3:1-10.
(a) Jonasi tò hwedo azɔ̌ e Jehovah ɖè n’i é wu hwɛ̌. É ɖò mɔ̌ có, Jehovah kpò ɖò zinzan ɛ wɛ. Akɔnkpinkpan tɛ enɛ ka na mǐ? (Ps. 103:14; 1 Pi. 5:10)
(b) Jonasi nɔ lin ɖɔ Ninivunu lɛ kún sɔ́ sixu huzu jijɔ gbeɖé ó có, ye ka wá huzu. Etɛ enɛ ka kplɔ́n mǐ dó nǔ e mǐ nɔ lin dó mɛ e mǐ nɔ ɖɔ Mawuxó na lɛ é wu é? (Yona 3:6-9; Eccl. 11:6; Mɛ. 13:48)
Tàn 71
1. Mɛ̌ ka nyí Ezayi? Hwetɛnu é ka nɔ gbɛ̀? Etɛ Jehovah ka xlɛ́ ɛ?
2. Ðɔ xókwin “palaɖisi” ɔ sín tinmɛ. Etɛ é ka flín we?
3. Etɛ Jehovah ka ɖɔ nú Ezayi ɖɔ é ni wlan dó Palaɖisi yɔyɔ̌ ɔ wu?
4. Etɛwu Adamu kpo Ɛva kpo ka hɛn xwé yetɔn ɖɛkpɛɖɛkpɛ ɔ bú?
5. Akpá tɛ Jehovah ka dó nú mɛ e yí wǎn n’i lɛ é?
Nùkanbyɔ ɖevo lɛ:
1. Xà Isaïe 11:6-9.
(a) Nɛ̌ Xó Mawu tɔn ka tinmɛ fífá e na nɔ kanlin lɛ kpo gbɛtɔ́ lɛ kpo tɛntin ɖò gbɛ̀ yɔyɔ̌ ɔ mɛ é gbɔn? (Ps. 148:10, 13; Is. 65:25; Ézé. 34:25)
(b) Nɛ̌ xó e Ezayi ɖɔ lɛ é ka ɖò jijɛ wɛ ɖò togun Jehovah tɔn tɛntin égbé ɖò gbigbɔ lixo gbɔn? (Hlɔ. 12:2; Efɛ. 4:23, 24)
(c) Mɛ̌ ka zɔ́n bɔ gbɛtɔ́ lɛ ɖò jijɔ huzu wɛ égbé bo na lɛ́ wá huzu ɖò gbɛ̀ yɔyɔ̌ ɔ mɛ? (Is. 48:17, 18; Ga. 5:22, 23; Fili. 4:7)
2. Xà Nǔɖexlɛ́mɛ 21:3, 4.
(a) Nɛ̌ Biblu ka xlɛ́ ɖɔ Mawu ɖò gbɛtɔ́ lɛ tɛntin kún nyí ɖɔ é ɖò ayikúngban jí jɔwun wɛ ó gbɔn? (Lév. 26:11, 12; 2 Chr. 6:18; Is. 66:1; Nǔɖe. 21:2, 3, 22-24)
(b) Avǐ kpo wuvɛ̌ alɔkpa tɛ lɛ kpo ka na bú? (Luk. 8:49-52; Hlɔ. 8:21, 22; Nǔɖe. 21:4)
Tàn 72
1. Mɛ̌ ka ɖò ɖiɖe ɔ mɛ? Aniwu é ka ɖò wuvɛ̌ ɖaxó ɖé mɛ?
2. Wema tɛ lɛ Ezekiasi ka fɔ tɛ́ ɖó Jehovah nukɔn? Ðɛ tɛ é ka xò?
3. Axɔsu alɔkpa tɛ Ezekiasi ka nyí? Wɛn tɛ Jehovah ka dó sɛ́dó é gbɔn gbeyiɖɔ Ezayi jí?
4. Etɛ wɛnsagun Jehovah tɔn ka wà nú Asiliinu lɛ, bɔ ɖiɖe ɔ xlɛ́?
5. Axɔsuɖuto akɔta wè lɛ tɔn nɔ fífá mɛ nú hwenu ɖé. É ɖò mɔ̌ có, etɛ ka jɛ ɖò Ezekiasi sín kú gudo?
Nùkanbyɔ ɖevo lɛ:
1. Xà 2 Rois 18:1-36.
(a) Nɛ̌ ɖɛ̌mɛnu Asiliinu lɛ tɔn Labucake ka jló na vɔ́da nú nùɖiɖi Izlayɛli-ví lɛ tɔn gbɔn? (2 Rois 18:29, 30, 35; Ps. 64:3)
(b) Nɛ̌ Kúnnuɖetɔ́ Jehovah tɔn lɛ ka nɔ xwedó kpɔ́ndéwú Ezekiasi tɔn hwenu e ye kpannukɔn gbeklanxamɛtɔ́ lɛ é gbɔn? (2 Rois 18:36; Ps. 39:1; Prov. 26:4; 2 Tim. 2:24)
2. Xà 2 Rois 19:1-37.
(a) Nɛ̌ mɛ Jehovah tɔn lɛ ka nɔ xwedó kpɔ́ndéwú Ezekiasi tɔn hwenu e adǎn gbò ye é ɖò égbé gbɔn? (2 Rois 19:1, 2; Prov. 3:5, 6; Eble lɛ 10:24, 25; Ja. 5:14, 15)
(b) Ali atɔn tɛ lɛ nu Axɔsu Senakelibu ka cí ahwan ɖè? Mɛ̌ é ka nɔte na ɖò nǔ ɖɔ ɖ’ayǐ lixo? (2 Rois 19:32, 35, 37; Nǔɖe. 20:2, 3)
3. Xà 2 Rois 21:1-6, 16.
2Etɛwu è ka sixu ɖɔ ɖɔ Manase wɛ baɖa hú axɔsu e kpacɛ ɖò Jeluzalɛmu lɛ é bǐ? (2 Chr. 33:4-6, 9)
Tàn 73
1. Xwè nabi Joziasi ka ɖó hwenu e é jɛ axɔsu ɖu jí é? Etɛ é ka jɛ wiwa jí hwenu e é ɖu axɔsu nú xwè tɛnwe gudo é?
2. Etɛ wà wɛ Joziasi ka ɖè bɔ a mɔ ɖò ɖiɖe nukɔntɔn ɔ mɛ?
3. Etɛ vɔsanúxwlémawutɔ́ ɖaxó ɔ ka mɔ hwenu e ye ɖò tɛmpli vɔ́ jla ɖó wɛ é?
4. Etɛwu Joziasi ka vún awu tɔn?
5. Wɛn Jehovah tɔn tɛ gbeyiɖɔ nyɔnu Uluda ka dó Joziasi?
Nùkanbyɔ ɖevo lɛ:
1. Xà 2 Chroniques 34:1-28.
(a) Etɛ kpɔ́ndéwú Joziasi tɔn ka kplɔ́n yɔkpɔvu e ɖò wuvɛ̌ mɔ wɛ lɛ é? (2 Chr. 33:21-25; 34:1, 2; Ps. 27:10)
(b) Nǔ taji tɛ lɛ Joziasi ka wà bonu sinsɛn-biblo nugbǒ na yì nukɔn ɖò axɔsuɖuɖu tɔn sín xwè 8 gɔ́ ɔ, 12 gɔ́ ɔ kpo 18 gɔ́ ɔ kpo mɛ? (2 Chr. 34:3, 8)
(c) Etɛ kpɔ́ndéwú e Axɔsu Joziasi kpo Vɔsanúxwlémawutɔ́ Ðaxó Ilikiya kpo zé ɖ’ayi é ka kplɔ́n mǐ dó lee mǐ na nɔ kpé nukún dó kpléxɔ mǐtɔn lɛ wu gbɔn é wu? (2 Chr. 34:9-13; Prov. 11:14; 1 Ko. 10:31)
Tàn 74
1. Mɛ̌ ka nyí dɔnkpɛvu e ɖò ɖiɖe ɔ mɛ é?
2. Ee Jehovah ɖɔ Jelemii na nyí gbeyiɖɔ emitɔn é ɔ, etɛ é ka lin? Amɔ̌, etɛ Jehovah ka ɖɔ n’i?
3. Wɛn tɛ dido togun ɔ Jelemii ma ka ɖó te ǎ?
4. Nɛ̌ vɔsanúxwlémawutɔ́ lɛ ka tɛnkpɔn bo na bɔ nu dó nú Jelemii gbɔn? Amɔ̌, nɛ̌ é ka xlɛ́ ɖɔ emi kpàn akɔ́n gbɔn?
5. Ee Izlayɛli-ví lɛ ma huzu jijɔ ǎ é ɔ, etɛ ka jɛ?
Nùkanbyɔ ɖevo lɛ:
1. Xà Jérémie 1:1-8.
(a) Etɛ ka nɔ zɔ́n bɔ mɛɖé nɔ kpé nǔ wu bo na wà sinsɛnzɔ́ Jehovah tɔn bɔ kpɔ́ndéwú Jelemii tɔn xlɛ́? (2 Ko. 3:5, 6)
(b) Akɔnkpinkpan tɛ kpɔ́ndéwú Jelemii tɔn ka na Klisanwun winnyawinnya lɛ égbé? (Eccl. 12:1; 1 Tim. 4:12)
2. Xà Jérémie 10:1-5.
Nùjlɛdonǔwu ɖagbe tɛ Jelemii ka na bo dó xlɛ́ ɖɔ jiɖiɖe dó bocyɔ lɛ wu nyí nǔ vɔtɔ́? (Jér. 10:5; Is. 46:7; Hab. 2:19)
3. Xà Jérémie 26:1-16.
(a) Jehovah ɖegbe nú Jelemii ɖɔ é ni ‘ma ɖè nùɖé kpò sín xó ɔ mɛ ó.’ Nɛ̌ mɛ yí ami dó ɖè e kpò lɛ é ka nɔ hɛn xó enɛ dó ayi mɛ hwenu e ye ɖò wɛn Jehovah tɔn dó wɛ é gbɔn égbé? (Jér. 26:2; Dt 4:2; Mɛ. 20:27)
(b) Kpɔ́ndéwú wɛn Jehovah tɔn dido akɔta lɛ tɔn ɖagbe tɛ Jelemii ka zé ɖ’ayǐ nú Kúnnuɖetɔ́ Jehovah tɔn lɛ égbé? (Jér. 26:8, 12, 14, 15; 2 Tim. 4:1-5)
4. Xà 2 Rois 24:1-17.
Etɛ lɛ mɛ gbejimanɔ nú Jehovah Juda tɔn ka tɔ́n kɔ dó? (2 Rois 24:2-4, 14)
Tàn 75
Daniɛli kpo Xɔ́ntɔn Tɔn lɛ Kpo
1. Mɛ̌ mɛ̌ e ka nyí nyaví ɛnɛ e ɖò ɖiɖe ɔ mɛ lɛ é? Etɛwu ye ka ɖò Babilɔnu?
2. Tuto tɛ Nɛbukadunɛzaa ka bló nú nyaví ɛnɛ lɛ? Gbè tɛ lɛ é ka ɖè nú deví tɔn lɛ?
3. Nùɖuɖu alɔkpa tɛ Daniɛli ka byɔ nú é kpo xɔ́ntɔn tɔn atɔn lɛ kpo?
4. Ee ye ɖu mǎ nú azǎn wǒ gudo é ɔ, nɛ̌ Daniɛli kpo xɔ́ntɔn tɔn atɔn lɛ kpo ka gbɔn vo nú dɔnkpɛvu ɖě lɛ gbɔn?
5. Nɛ̌ Daniɛli kpo xɔ́ntɔn tɔn atɔn lɛ kpo ka wá jɛ axɔsu ɔ sín hɔn mɛ gbɔn? Ali tɛ nu ye ka nyɔ̌nùí hú nùnywɛtɔ́ ɖaxó tò ɔ tɔn lɛ ɖè?
Nùkanbyɔ ɖevo lɛ:
1. Xà Daniel 1:1-21.
(a) Gǎndido alɔkpa tɛ sín hudo mǐ ka ɖó bo na kpéwú bo dɛ ɖò mɛtɛnkpɔn lɛ nu lobo na ɖu ɖò gǎnmaɖó mǐtɔn lɛ jí? (Dan. 1:8; Gen. 39:7, 10; Ga. 6:9)
(b) Ali tɛ lɛ nu è ka sixu tɛ́n mɛ winnyawinnya lɛ kpɔ́n alǒ zín ye jí bɔ ye na wà nǔ nyanya é mɛɖé lɛ nɔ sɔ́ dó mɔ “yɛ̌yinú” é ɖè? (Dan. 1:8; Prov. 20:1; 2 Ko. 6:17–7:1)
(c) Etɛ tàn dɔnkpɛvu Eble ɛnɛ enɛ lɛ tɔn ka kplɔ́n mǐ dó nǔ e mǐ nɔ lin dó nùnywɛ gbɛ̀ elɔ tɔn wu é wu? (Dan. 1:20; Is. 54:13; 1 Ko. 3:18-20)
Tàn 76
1. Etɛ ka ɖò jijɛ dó Jeluzalɛmu kpo Izlayɛli-ví lɛ kpo wu wɛ, bɔ ɖiɖe ɔ xlɛ́?
2. Mɛ̌ ka nyí Ezekiɛlu? Nǔ d’abaɖa tɛ lɛ Jehovah ka xlɛ́ ɛ?
3. Ee Izlayɛli-ví lɛ ma ɖó sísí nú Jehovah ǎ é ɔ, akpá tɛ é ka dó?
4. Ee Izlayɛli-ví lɛ fɔ́n gǔ dó Axɔsu Nɛbukadunɛzaa jí é ɔ, etɛ é ka wà?
5. Etɛwu Jehovah ka tin bɔ awě enɛ xò Izlayɛli-ví lɛ?
6. Nɛ̌ Izlayɛli tò ka jɛ vɔ̌ bǐ gbɔn? Xwè nabi é ka nɔ vɔ̌ na?
Nùkanbyɔ ɖevo lɛ:
1. Xà 2 Rois 25:1-26.
(a) Mɛ̌ ka nyí Zedekia? Etɛ ka jɛ dó wǔ tɔn? Nɛ̌ nǔ enɛ ka xlɛ́ ɖɔ nǔ ɖɔ ɖ’ayǐ Biblu tɔn jɛ gbɔn? (2 Rois 24:18, 19; 25:5-7; Ézé. 12:13-15)
(b) Mɛ̌ wu gbejimanɔ Izlayɛli tɔn ka sín, bɔ Jehovah ɖɔ? (2 Rois 25:9, 11, 12, 18, 19; 2 Chr. 36:14, 17)
2. Xà Ézékiel 8:1-18.
Nɛ̌ Klisanwun-nyijɛtɔ́ lɛ ka nɔ xwedó kpɔ́ndéwú Izlayɛli-ví gufɔntɔ́ hwesivɔ sɛntɔ́ lɛ tɔn gbɔn? (Ézé. 8:16; Is. 5:20, 21; Jn 3:19-21; 2 Tim. 4:3)
Tàn 77
1. Gbè tɛ axɔsu Babilɔnu tɔn Nɛbukadunɛzaa ka ɖè nú togun ɔ?
2. Etɛwu Daniɛli sín xɔ́ntɔn atɔn lɛ ma ka ɖèkɔ́ nú bocyɔ siká tɔn ɔ ǎ?
3. Ee Nɛbukadunɛzaa lɛ́ na tɛn Eble atɔn lɛ hwɛ̌ bo na kpɔ́n ɖɔ ye na ɖèkɔ́ à jí é ɔ, nɛ̌ ye ka xlɛ́ ɖɔ emi ɖeji dó Jehovah wu gbɔn?
4. Etɛ Nɛbukadunɛzaa ka na gbè bɔ è wà nú Cadlaki, Mɛcaki kpo Abɛdunɛgoo kpo?
5. Etɛ Nɛbukadunɛzaa ka mɔ hwenu e é kpɔ́n kpómɛmyɔ ɔ mɛ é?
6. Aniwu axɔsu ɔ ka kpa susu nú Mawu Cadlaki, Mɛcaki kpo Abɛdunɛgoo kpo tɔn? Kpɔ́ndéwú tɛ ye ka zé ɖ’ayǐ nú mǐ?
Nùkanbyɔ ɖevo lɛ:
1. Xà Daniel 3:1-30.
(a) Etɛ dɔnkpɛvu Eble atɔn lɛ ka wà bɔ Mawu sɛntɔ́ lɛ bǐ ɖó na zé afɔ dó afɔdo yetɔn mɛ hwenu e ye kpannukɔn mɛtɛnkpɔn lɛ é? (Dan. 3:17, 18; Mat. 10:28; Hlɔ. 14:7, 8)
(b) Nǔ taji tɛ Jehovah Mawu ka kplɔ́n Nɛbukadunɛzaa? (Dan. 3:28, 29; 4:29, 33-35)
Tàn 78
1. Axɔsu Babilɔnu tɔn fɔ gannu kpo kɔfu e è bɛ́ sín tɛmpli Jehovah tɔn mɛ ɖò Jeluzalɛmu lɛ é dó ɖu agɔ̌ ɖaxó ɖé na. Etɛ ka jɛ ɖò agɔ̌ ɔ tɛnmɛ?
2. Etɛ Bɛlucazaa ka ɖɔ nú nùnywɛtɔ́ tɔn lɛ? Amɔ̌, etɛ wu ye ma ka kpé ǎ?
3. Etɛ axɔsu ɔ sín nɔ ka ɖɔ n’i ɖɔ é ni bló?
4. Etɛwu Mawu ka sɛ́ alɔví ɔ dó bɔ é wlan nǔ dó dǒ ɔ wu bɔ Daniɛli ɖɔ nú axɔsu ɔ?
5. Nɛ̌ Daniɛli ka tín nǔ e è wlan dó dǒ ɔ wu lɛ é mɛ gbɔn?
6. Etɛ ka jɛ hwenu e Daniɛli kpò ɖò xó ɖɔ wɛ é?
Nùkanbyɔ ɖevo lɛ:
1. Xà Daniel 5:1-31.
(a) Nɛ̌ xɛsi e Bɛlucazaa ɖi hwenu e é mɔ nùwlanwlan ɔ é ka gbɔn vo nú xɛsi ɖi nú Mawu gbɔn? (Dan. 5:6, 7; Ps. 19:9; Hlɔ. 8:35-39)
(b) Akɔnkpinkpan ɖaxó tɛ Daniɛli ka ɖexlɛ́ hwenu e é ɖò xó ɖɔ nú Bɛlucazaa kpo mɛ nukúnɖeji tɔn lɛ kpo wɛ é? (Dan. 5:17, 18, 22, 26-28; Mɛ. 4:29)
(c) Nɛ̌ Daniel wemata 5 ka tɛɖɛ̌ jí ɖɔ Jehovah wɛ nyí nǔbǐwukpétɔ́ wɛkɛ ɔ tɔn gbɔn? (Dan. 4:17, 25; 5:21)
Tàn 79
1. Mɛ̌ ka nyí Daliwusi? Nɛ̌ Daniel ka cí n’i?
2. Etɛ wǔhwantɔ́ ɖé lɛ ka ɖɔ nú Daliwusi ɖɔ é ni wà?
3. Etɛ Daniɛli ka wà hwenu e é sè sɛ́n yɔyɔ̌ e è dó é?
4. Etɛwu wǔ ka kú Daliwusi kaka bɔ é ma sixu d’amlɔ ǎ? Etɛ é ka wà ayihɔngbe tɔn zǎnzǎn?
5. Xósin tɛ Daniɛli ka na Daliwusi?
6. Etɛ ka jɛ dó mɛ nyanya e ɖò kú Daniɛli tɔn ba wɛ lɛ é wu? Wema tɛ Daliwusi ka wlan sɛ́dó mɛ e ɖò axɔsuɖuto tɔn mɛ lɛ é?
Nùkanbyɔ ɖevo lɛ:
1. Xà Daniel 6:1-28.
(a) Nɛ̌ gbě Daniɛli tɔn e ye bla é ka nɔ flín mǐ nǔ e gbeklanxamɛtɔ́ lɛ wà bo na ɖó azɔ̌ Kúnnuɖetɔ́ Jehovah tɔn égbé tɔn lɛ te é gbɔn? (Dan. 6:7; Ps. 94:20; Is. 10:1; Hlɔ. 8:31)
(b) Nɛ̌ Mawu sɛntɔ́ lɛ ka sixu xwedó kpɔ́ndéwú Daniɛli tɔn bo hwìhwɛ́ yeɖee dó “acɛkpikpa e ɖò tò nu lɛ é” glɔ gbɔn? (Dan. 6:5, 10; Hlɔ. 13:1; Mɛ. 5:29)
(c) Nɛ̌ mǐ ka sixu xwedó kpɔ́ndéwú Daniɛli tɔn bo sɛ̀n Jehovah “zǎn kéze” gbɔn? (Dan. 6:16, 20; Fili. 3:16; Nǔɖe. 7:15)
Tàn 80
Togun Mawu Tɔn Tɔ́n Sín Babilɔnu
1. Etɛ wà wɛ Izlayɛli-ví lɛ ka ɖè, bɔ ɖiɖe ɔ xlɛ́?
2. Nɛ̌ Silusi ka bló nǔ e Jehovah ɖɔ ɖ’ayǐ gbɔn Ezayi jí é gbɔn?
3. Etɛ Silusi ka ɖɔ nú Izlayɛli-ví e ma sixu lɛkɔ yì Jeluzalɛmu ǎ lɛ é?
4. Etɛ Silusi ka fɔ nú togun ɔ bɔ ye bɛ́ lɛkɔ yì Jeluzalɛmu?
5. Sun nabi Izlayɛli-ví lɛ ka zɔn ali na cobo lɛkɔ wá Jeluzalɛmu?
6. Xwè nabi tò ɔ ka nɔ vɔ̌ na?
Nùkanbyɔ ɖevo lɛ:
1. Xà Is.ïe 44:28 kpo 45:1-4 kpo.
(a) Nɛ̌ Jehovah ka tɛɖɛ̌ jí ɖɔ nǔ e emi ɖɔ ɖ’ayǐ dó Silusi wu é na jɛ dandan gbɔn? (Is. 55:10, 11; Hlɔ. 4:17)
(b) Nɛ̌ xó e Ezayi ɖɔ ɖ’ayǐ dó Silusi wu e ka xlɛ́ ɖɔ Jehovah Mawu kpé nǔ wu bo na ɖɔ nǔ e na jɛ ɖò sɔgudo lɛ é ɖ’ayǐ gbɔn? (Is. 42:9; 45:21; 46:10, 11; 2 Pi. 1:20, NW)
2. Xà Ezra 1:1-11.
Nɛ̌ mǐ ka sixu xwedó kpɔ́ndéwú mɛ e ma kpéwú bo lɛkɔ yì Jeluzalɛmu ǎ lɛ é tɔn bo ‘na hlɔnhlɔn alɔ’ mɛ e ɖò sinsɛnzɔ́ hwebǐnu tɔn mɛ lɛ é tɔn gbɔn? (Ezra 1:4, 6; Hlɔ. 12:13; Kolɔ. 4:12)
Tàn 81
1. Mɛ nabi ka lɛkɔ sín Babilɔnu yì Jeluzalɛmu? Amɔ̌, nɛ̌ ye ka mɔ tò ɔ ɖó hwenu e ye wá é?
2. Ee Izlayɛli-ví lɛ wá gudo é ɔ, etɛ gbá jí ye ka jɛ? Amɔ̌, etɛ kɛntɔ́ yetɔn lɛ ka wà?
3. Mɛ̌ mɛ̌ e ka nyí Agayi kpo Zakali kpo? Etɛ ye ka ɖɔ nú togun ɔ?
4. Etɛwu Tatenayii ka sɛ́ wema dó Babilɔnu? Xósin tɛ è ka na ɛ?
5. Ee Ɛzla sè ɖɔ è ɖò na jla tɛmpli Mawu tɔn ɖó é ɔ, etɛ é ka wà?
6. Ðɛ tɛ xò wɛ Ɛzla ka ɖè ɖò ɖiɖe ɔ mɛ? Nɛ̌ Mawu ka sè ɖɛ tɔn gbɔn? Etɛ enɛ ka kplɔ́n mǐ?
Nùkanbyɔ ɖevo lɛ:
1. Xà Ezra 3:1-13.
Enyi mǐ wá yì mɔ mǐɖee ɖò fí e togun Mawu tɔn sín agun ɖebǔ ma ɖè ǎ é ɔ, etɛ mǐ ka ɖó na kpó ɖò biblo wɛ? (Ezra 3:3, 6; Mɛ. 17:16, 17, NW; Eble lɛ 13:15)
2. Xà Ezra 4:1-7.
Kpɔ́ndéwú tɛ Zelubabɛlu ka zé ɖ’ayǐ nǔ togun Jehovah tɔn dó agalilɛ xá sinsɛn wu? (Ex. 34:12; 1 Ko. 15:33; 2 Ko. 6:14-17)
3. Xà Ezra 5:1-5, 17 kpo 6:1-22 kpo.
(a) Etɛwu gbeklanxamɛtɔ́ lɛ ma ka kpéwú bo ɖó tɛmpli ɔ gbigbá te ǎ? (Ezra 5:5; Is. 54:17)
(b) Nɛ̌ nǔwiwa sunnu mɛxo Jwifu lɛ tɔn ka na akɔnkpinkpan mɛxo agun tɔn lɛ ɖɔ ye ni nɔ xwedó alixlɛ́mɛ Jehovah tɔn hwenu e ye kpannukɔn gbeklanxamɛtɔ́ lɛ é gbɔn? (Ezra 6:14; Ps. 32:8; Hlɔ. 8:31; Ja. 1:5)
4. Xà Ezra 8:21-23, 28-36.
Cobonu mǐ na jɛ nùɖé wà jí ɔ, kpɔ́ndéwú ɖagbe tɛ Ɛzla ka zé ɖ’ayǐ bɔ mǐ na xwedó? (Ezra 8:23; Ps. 127:1; Prov. 10:22; Ja. 4:13-15)
Tàn 82
1. Mɛ̌ mɛ̌ e ka nyí Mɔludekayi kpo Ɛsitɛɛ kpo?
2. Etɛwu Axɔsu Axasuelusi ka ba na da asì ɖevo? Mɛ̌ é ka da?
3. Mɛ̌ ka nyí Amaa? Etɛ ka sìn xomɛ n’i ɖesu?
4. Sɛ́n tɛ è ka dó? Etɛ Ɛsitɛɛ ka wà hwenu e é sè wɛn Mɔludekayi tɔn é?
5. Etɛ ka jɛ dó Amaa wu? Etɛ Mɔludekayi ka wá nyí?
6. Nɛ̌ è ka hwlɛn Izlayɛli-ví lɛ gán sín kɛntɔ́ yetɔn lɛ sí gbɔn?
Nùkanbyɔ ɖevo lɛ:
1. Xà Esther 2:12-18
Nɛ̌ Ɛsitɛɛ ka ɖexlɛ́ ɖɔ “fífá kpo vivo ɖò ayi mɛ kpo” kplɔnkplɔn xɔ akwɛ gbɔn? (Est. 2:15; 1 Pi. 3:1-5)
2. Xà Esther 4:1-17.
Lee ali hun nú Ɛsitɛɛ bɔ é jɛ tagba dó sinsɛn-biblo nugbǒ ɔ tamɛ é ɔ, ali tɛ ka hun nú mǐ lɔ bɔ mǐ na ɖè mɛɖeezejo kpo gbejininɔ nú Jehovah mǐtɔn kpo xlɛ́? (Est. 4:13, 14; Mat. 5:14-16; 24:14)
3. Xà Esther 7:1-6.
Nɛ̌ mɛ Jehovah tɔn gègě ma ka gbɛ̀ ɖɔ è ni doya nú emi ǎ Ɛsitɛɛ ɖɔhun gbɔn égbé? (Est. 7:4; Mat. 10:16-22; 1 Pi. 2:12)
Tàn 83
1. Ee dǒ ɖebǔ ma lɛlɛ̌ dó Jeluzalɛmu ǎ é ɔ, nɛ̌ é ka cí nú Izlayɛli-ví lɛ?
2. Mɛ̌ ka nyí Nexemii?
3. Azɔ̌ tɛ Nexemii ka nɔ wà? Etɛwu é ka nyí azɔ̌ taji?
4. Wɛn tɛ lɛ ka kú wǔ nú Nexemii? Etɛ é ka wà?
5. Nɛ̌ Axɔsu Alutakɛlukesi ka nyɔ́ xomɛ dó Nexemii wu gbɔn?
6. Nɛ̌ Nexemii ka tò xɔgbigbázɔ́ ɔ gbɔn bɔ kɛntɔ́ Izlayɛli-ví lɛ tɔn ma kpéwú bo ɖó te ǎ?
Nùkanbyɔ ɖevo lɛ:
1. Xà Nehémia 1:4-6 kpo 2:1-20 kpo.
Nɛ̌ Nexemii ka ba alixlɛ́mɛ Jehovah tɔn gbɔn? (Neh. 2:4, 5; Hlɔ. 12:12; 1 Pi. 4:7)
2. Xà Nehémia 3:3-5.
Etɛ lee Tekoyiinu lɛ gbɔn vo nú “mɛ nukúnɖeji” yetɔn lɛ gbɔn é ka kplɔ́n mɛxo lɛ kpo devizɔwatɔ́ lɛ kpo? (Neh. 3:5, 27; 2 Tɛ. 3:7-10; 1 Pi. 5:5)
3. Xà Nehémia 4:1-23.
(a) È ɖò ya dó nú Izlayɛli-ví lɛ wɛ syɛnsyɛn có, etɛ ka sísɛ́ ye bɔ ye ma ɖó xɔgbigbázɔ́ ɔ te ǎ? (Neh. 4:6, 8, 9; Ps. 50:15; Is. 65:13, 14)
(b) Akɔnkpinkpan tɛ kpɔ́ndéwú Izlayɛli-ví lɛ tɔn ka na mǐ égbé?
4. Xà Nehémia 6:15.
Izlayɛli-ví lɛ mɛ̀ dǒ Jeluzalɛmu tɔn lɛ fó ɖò sun wè vlamɛ. Etɛ enɛ ka ɖexlɛ́ dó hlɔnhlɔn e nùɖiɖi ɖó é wu? (Ps. 56:3, 4; Mat. 17:20; 19:26)
Tàn 84
1. Mɛ̌ ka nyí nyɔnu e ɖò ɖiɖe ɔ mɛ é?
2. Etɛ Gabliyɛ ka ɖɔ nú Mali?
3. Nɛ̌ Gabliyɛ ka tinmɛ nú Mali ɖɔ é na jì vǐ ɖé enyi é na bo ma sɛkpɔ sunnu ǎ gbɔn?
4. Etɛ ka jɛ hwenu e Mali yì ba hɛnnumɔ tɔn Elizabɛti kpɔ́n é?
5. Etɛ Jozɛfu ka lin hwenu e é sè ɖɔ Mali ɖò xò é? Amɔ̌, etɛwu é ka wá ɖyɔ linlin tɔn?
Nùkanbyɔ ɖevo lɛ:
1. Xà Luka 1:26-56.
(a) Etɛwu Jezu ma ka ɖu hwɛhuhu gǔ hwenu e Jehovah zé gbɛ̀ tɔn dó Mali xomɛ é ǎ? (Hlɔ. 3:23; Luk. 1:35; Jn 6:69; Eble lɛ 7:26; 10:5)
(b) Nɛ̌ è ka kpa susu nú Jezu jɛ nukɔn nú jiji tɔn gbɔn? (Luk. 1:41-43)
(c) Kpɔ́ndéwú ɖagbe tɛ Mali ka zé ɖ’ayǐ nǔ Klisanwun e è jɔwu bɔ ye ɖò sinsɛnzɔ́ titewungbe ɖé wà wɛ égbé lɛ é? (Luk. 1:38, 46-49; 17:10; Prov. 11:2)
2. Xà Matie 1:18-25.
È nɔ ylɔ Jezu ɖɔ Emanuɛli ǎ có, nɛ̌ nǔ e é wà lɛ é ka sɔgbe kpo tinmɛ nyikɔ enɛ tɔn kpo gbɔn? (Mat. 1:22, 23; Jn 14:8-10; Eble lɛ 1:1-3)
Tàn 85
1. Mɛ̌ ka nyí yɛyɛví e ɖò ɖiɖe ɔ mɛ é? Fitɛ sɔ́ ɛ mlɔ́ wɛ Mali ka ɖè?
2. Etɛwu è ka jì Jezu ɖò kanlin-xɔ mɛ?
3. Sunnu tɛ lɛ ka ɖò kanlin-xɔ ɔ mɛ byɔ wɛ ɖò ɖiɖe ɔ mɛ? Etɛ wɛnsagun ɖé ka ɖɔ nú ye?
4. Etɛwu Jezu ka nyí mɛ bunɔ ɖé?
5. Etɛwu è ka ylɔ Jezu ɖɔ Vǐ Mawu tɔn?
Nùkanbyɔ ɖevo lɛ:
1. Xà Luka 2:1-20.
(a) Etɛ Sezaa Ogusi ka wà bɔ xó e è ɖɔ ɖ’ayǐ dó jiji Jezu tɔn wu é dó jɛ? (Luk. 2:1-4; Mika 5:2)
(b) Etɛ mǐ mɛ ɖokpo ɖokpo ka sixu wà bɔ Mawu na xà mǐ dó mɛ e nǔ yetɔn nyɔ́ nukún tɔn mɛ lɛ é mɛ? (Mat. 16:24; Jn 17:3; Mɛ. 3:19; Eble lɛ 11:6)
(c) Enyi lɛngbɔnyitɔ́ Judeenu e sɔ́ yeɖee hwe lɛ é ɖó hwɛjijɔ bo jɛ awǎ ɖó jiji Mɛhwlɛngantɔ́ ɖé tɔn wu ɔ, hwɛjijɔ ɖaxó tɛ Mawu sɛntɔ́ lɛ ka ɖó égbé bo na jɛ awǎ? (Luk. 2:10, 11; Efɛ. 3:8, 9; Nǔɖe. 11:15; 14:6)
Tàn 86
1. Sunnu tɛ lɛ ka ɖò ɖiɖe ɔ mɛ? Etɛwu mɛ ɖokpo ka ɖò alɔ dlɛn dó sunví e ɖò kínkɔ́n wɛ é?
2. Etɛwu Axɔsu Elodu sín ayi ka gbado? Etɛ é ka bló?
3. Fitɛ sunví e ɖò kínkɔ́n wɛ é ka kplá sunnu lɛ yì? Amɔ̌, etɛwu ye ka gbɔn ali ɖevo bo lɛkɔ yì tò yetɔn mɛ?
4. Gbè tɛ Elodu ka ɖè? Aniwu?
5. Etɛ Jehovah ka ɖɔ Jozɛfu ni bló?
6. Mɛ̌ ka zɔ́n bɔ sunví yɔyɔ̌ ɔ hɔ́n? Aniwu?
Nùkanbyɔ ɖevo:
1. Xà Matie 2:1-23.
Xwè nabi Jezu ka ɖó hwenu e mɛ e nɔ mɔ nǔ jɛ sun sín wuntun lɛ wu é wá ba ɛ kpɔ́n é? Fitɛ é ka ɖè hwenɛnu? (Mat. 2:1, 11, 16)
Tàn 87
1. Xwè nabi Jezu ka ɖó ɖò ɖiɖe ɔ mɛ? Fitɛ é ka ɖè ɖò finɛ?
2. Etɛ Jozɛfu kpo xwédo tɔn kpo ka nɔ bló xwewu xwewu?
3. Ee Jozɛfu kpo Mali kpo ko ɖi zɔnlin xwè xwé nú kéze ɖokpo gudo é ɔ, etɛwu ye ka lɛkɔ yì Jeluzalɛmu?
4. Fitɛ Jozɛfu kpo Mali kpo ka mɔ Jezu ɖè? Etɛ ka kpaca mɛ e ɖò finɛ lɛ é?
5. Etɛ Jezu ka ɖɔ nú nɔ tɔn Mali?
6. Nɛ̌ mǐ ka na ɖi Jezu ɖò Xó Jehovah tɔn kplɔnkplɔn mɛ gbɔn?
Nùkanbyɔ ɖevo lɛ:
1. Xà Luka 2:41-52.
(a) Sɛ́n ɔ byɔ ɖɔ sunnu lɛ kɛɖɛ ni nɔ yì xwè ɔ tɛnmɛ xwewu xwewu. É ɖò mɔ̌ có, kpɔ́ndéwú ɖagbe tɛ Jozɛfu kpo Mali kpo ka zé ɖ’ayǐ nú mɛjitɔ́ lɛ égbé? (Luk. 2:41; Dt 16:16; 31:12; Prov. 22:6)
(b) Nɛ̌ Jezu ka zé kpɔ́ndéwú ɖagbe ɖ’ayǐ nú mɛ winnyawinnya lɛ bɔ ye na nɔ hwìhwɛ́ yeɖee dó mɛjitɔ́ yetɔn lɛ glɔ gbɔn? (Luk. 2:51; Dt 5:16; Prov. 23:22; Kolɔ. 3:20)
2. Xà Matie 13:53-56.
Nɔví sunnu Jezu tɔn ɛnɛ tɛ lɛ sín nyikɔ ka ɖò Biblu mɛ? Nɛ̌ è ka wá zán ye mɛ wè ɖò agun Klisanwun tɔn mɛ gbɔn? (Mat. 13:55; Mɛ 12:17; 15:6, 13; 21:18; Ga. 1:19; Ja. 1:1; Ju. 1)
Tàn 88
1. Mɛ̌ mɛ̌ e ka nyí sunnu wè e ɖò ɖiɖe ɔ mɛ lɛ é?
2. Nɛ̌ è ka nɔ bló baptɛm nú mɛ gbɔn?
3. Mɛ alɔkpa tɛ lɛ Jaan ka nɔ bló baptɛm na?
4. Hwɛjujɔ taji tɛ wu Jezu ka ɖɔ nú Jaan ɖɔ é ni bló baptɛm nú emi?
5. Nɛ̌ Mawu ka xlɛ́ ɖɔ baptɛm e Jezu bló é nyɔ́ nukún Tɔn mɛ gbɔn?
6. Etɛ ka jɛ hwenu e Jezu yì nɔ gbetótló mɛ nú azǎn 40 é?
7. Ðɔ ahwanvu Jezu tɔn nukɔntɔn ɖé lɛ sín nyikɔ. Nùjiwǔ tɛ é ka bló dó nukɔn?
Nùkanbyɔ ɖevo lɛ:
1. Xà Matie 3:13-17.
Enyi mǐ jló na wà jlǒ Jehovah tɔn ɔ, etɛ mǐ ka ɖó na wà bɔ kpɔ́ndéwú Jezu tɔn xlɛ́? (Ps. 40:7, 8; Mat. 28:19, 20; Luk. 3:21, 22)
2. Xà Matie 4:1-11.
Nɛ̌ lee Jezu nyɔ́ Biblu zán gbɔn é ka dó wusyɛn lanmɛ nú mǐ bɔ mǐ na nɔ kplɔ́n Biblu hwɛhwɛ gbɔn? (Mat. 4:5-7; 2 Pi. 3:17, 18; 1 Jn 4:1)
3. Xà Jaan 1:29-51.
Mɛ̌ sín ali Jaan Baptɛmublonumɛtɔ́ ɔ ka jlɛ nú ahwanvu tɔn lɛ? Nɛ̌ mǐ ka sixu xwedó kpɔ́ndéwú tɔn gbɔn égbé? (Jn 1:29, 35, 36; 3:30; Mat. 23:10)
4. Xà Jaan 2:1-12.
Nɛ̌ nùjiwǔ Jezu tɔn nukɔntɔn ɔ ka xlɛ́ ɖɔ Jehovah kún nɔ tɛ̀ nǔ ɖagbe ɖebǔ mɛ e ɖò sinsɛn Ɛ wɛ lɛ é ó gbɔn? (Jn 2:9, 10; Ps. 84:11; Ja. 1:17)
Tàn 89
É Nya Nǔsatɔ́ lɛ Sín Tɛmpli Mɛ
1. Etɛwu ye ka ɖò kanlin sà wɛ ɖò tɛmpli ɔ mɛ?
2. Etɛ ka sìn xomɛ nú Jezu?
3. Etɛ wà wɛ Jezu ka ɖè ɖò ɖiɖe ɔ mɛ? Gbè tɛ é ka ɖè nú sunnu e ɖò ahwannɛ́ sà wɛ lɛ é?
4. Ee ahwanvu Jezu tɔn lɛ mɔ nǔ e wà wɛ é ɖè é ɔ, etɛ ye ka flín?
5. Tokpɔn tɛ mɛ Jezu ka gbɔn hwenu e é lɛkɔ xwè Galilee é?
Nùkanbyɔ ɖevo:
1. Xà Jaan 2:13-25.
Enyi mǐ kpɔ́n lee Jezu wà nǔ gbɔn xá akwɛɖyɔtɔ́ lɛ ɖò tɛmpli ɔ mɛ é ɔ, etɛ mǐ ka ɖó na nɔ lin dó ajɔ̌wiwa ɖò Kpléxɔ Axɔsuɖuto ɔ tɔn mɛ wu? (Jn 2:15, 16; 1 Ko. 10:24, 31-33)
Tàn 90
Jezu kpo Nyɔnu Ðé kpo Ðò Dotɔ̀ Ðé Kɔn
1. Etɛwu Jezu ka nɔte ɖò tɔ̀ ɖé tó ɖò Samalii? Xó tɛ ɖɔ nú nyɔnu ɔ wɛ é ka ɖè ɖò finɛ?
2. Etɛwu xó enɛ ka kpaca nyɔnu ɔ? Etɛ Jezu ka ɖɔ n’i? Etɛwu?
3. Sìn tɛ xó ɖɔ wɛ Jezu ka ɖè bɔ nyɔnu ɔ vɛdo? Amɔ̌, sìn alɔkpa tɛ ka wɛ?
4. Aniwu nǔ e Jezu tuùn dó nyɔnu ɔ wu lɛ é ka kpaca ɛ? Nɛ̌ Jezu ka tuùn nǔ enɛ lɛ gbɔn?
5. Etɛ tàn enɛ ka kplɔ́n mǐ?
Nùkanbyɔ ɖevo lɛ:
1. Xà Jaan 4:5-43.
(a) Nɛ̌ mǐ ka sixu xwedó kpɔ́ndéwú Jezu tɔn ɖò nǔwiwa mǐtɔn kpo akɔ ɖevo lɛ kpo mɛ gbɔn? (Jn 4:9; 1 Ko. 9:22; 1 Tim. 2:3, 4; Ti. 2:11)
(b) Lè gbigbɔ mɛ tɔn tɛ lɛ mɛ e huzu ahwanvu Jezu tɔn é ka nɔ mɔ? (Jn 4:14; Is. 58:11; 2 Ko. 4:16)
(c) Nyɔnu Samaliinu ɔ tuùn nǔ e Jezu kplɔ́n ɛ lɛ é n’i, ɖó nǔ enɛ lɛ ɖiɖɔ nú mɛ ɖevo lɛ sín akpàkpà sɔ́ ɛ. Nɛ̌ mǐ ka sixu wà nǔ é ɖɔhun gbɔn? (Jn 4:7, 28; Mat. 6:33; Luk. 10:40-42)
Tàn 91
1. Fitɛ Jezu ka ɖò nǔ kplɔ́n mɛ ɖè wɛ, bɔ ɖiɖe ɔ xlɛ́? Mɛ̌ mɛ̌ e ka junjɔn ayǐ ɖò akpá tɔn?
2. Nɛ̌ mɛsɛ́dó 12 lɛ ka nɔ nyí?
3. Axɔsuɖuto tɛ sín wɛn jla wɛ Jezu ka ɖè?
4. Ðɛ tɛ Jezu ka kplɔ́n mɛ lɛ?
5. Etɛ Jezu ka ɖɔ dó lee mɛ lɛ ɖó na nɔ wà nǔ xá nɔzo yetɔn lɛ gbɔn é wu?
Nùkanbyɔ ɖevo lɛ:
1. Xà Matie 5:1-12.
Nɛ̌ mǐ ka sixu xlɛ́ ɖɔ nǔ gbigbɔ mɛ tɔn e hudo mǐ lɛ é nɔ ɖu ayi mɛ nú mǐ gbɔn? (Hlɔ. 10:13-15; 1 Tim. 4:13, 15, 16)
2. Xà Matie 5:21-26.
Nɛ̌ Matie 5:23, 24 ka tɛɖɛ̌ jí ɖɔ lee mǐ nɔ wà nǔ gbɔn xá nɔví mǐtɔn lɛ é nɔ kúnkplá xɔ́ntɔn nyinyi mǐtɔn kpo Jehovah kpo gbɔn? (Mat. 6:14, 15; Ps. 133:1; 1 Jn 4:20)
3. Xà Matie 6:1-8.
Susu xɔ nú mɛɖee alɔkpa tɛ lɛ Klisanwun lɛ ka ɖó na hɔn na? (Luk. 18:11, 12; 1 Ko. 4:6, 7; 2 Ko. 9:7)
4. Xà Matie 6:25-34.
Etɛ Jezu ka kplɔ́n mǐ dó lee mǐ ɖó na ɖeji dó Jehovah wu ɖɔ é na kpé nukún dó hudo agbaza tɔn mǐtɔn lɛ wu é wu? (Ex. 16:4; Ps. 37:25; Fili. 4:6)
5. Xà Matie 7:1-11.
Etɛ nùjlɛdonǔwu e ɖò Matie 7:5 mɛ é ka kplɔ́n mǐ? (Prov. 26:12; Hlɔ. 2:1; 14:10; Ja. 4:11, 12)
Tàn 92
1. Mɛ̌ ka nyí tɔ́ ɖyɔvivu e ɖò ɖiɖe ɔ mɛ é tɔn? Etɛwu ado ka hu é kpo asì tɔn kpo wá yì?
2. Etɛ Jayilusu ka wà hwenu e é mɔ Jezu é?
3. Ee Jezu ɖido Jayilusu xwé é ɔ, etɛ ka jɛ? Wɛn tɛ è ka wá dó Jayilusu ɖò ali jí?
4. Etɛwu mɛ e ɖò Jayilusu xwé lɛ é ka cá Jezu ko?
5. Ee Jezu kplá mɛsɛ́dó tɔn atɔn, vǐ-tɔ́ ɔ kpo vǐ-nɔ ɔ kpo yì xɔ e mɛ vǐ ɔ ɖè é ɔ, etɛ é ka wà?
6. Mɛ ɖevo tɛ lɛ Jezu ka fɔ́n sín kú? Etɛ enɛ ka xlɛ́?
Nùkanbyɔ ɖevo lɛ:
1. Xà Luka 8:40-56.
Nɛ̌ nawe e ɖò hun ɖi wɛ é sín nǔ ka byɔ lanmɛ nú Jezu, bɔ é kú nǔblawu n’i gbɔn? Etɛ enɛ ka kplɔ́n mɛxo agun tɔn lɛ? (Luk. 8:43, 44, 47, 48; Lév. 15:25-27; Mat. 9:12, 13; Kolɔ. 3:12-14)
2. Xà Luka 7:11-17.
Alɔ tɛ xósin e Jezu na asúkúsi Nayini tɔn é ka ɖ’akɔ́n jí nú mɛ e mɛ vívɛ́ná yetɔn kú lɛ é? (Luk. 7:13; 2 Ko. 1:3, 4; Eble lɛ 4:15)
3. Xà Jaan 11:17-44.
Nɛ̌ Jezu ka xlɛ́ ɖɔ e kún nyla ɖɔ è ni ya mɛ vívɛ́ná mɛtɔn é kú é sín avǐ ó gbɔn? (Jn 11:33-36, 38; 2 Sam. 18:33; 19:1-4)
Tàn 93
1. Nǔ baɖabaɖa tɛ ka jɛ dó Jaan Baptɛmublonumɛtɔ́ ɔ wu? Nɛ̌ nǔ enɛ ka cí nú Jezu?
2. Nɛ̌ Jezu ka na nùɖuɖu mɛ tobutobu e xwedó é lɛ é gbɔn? Nùɖuɖu xasun nabi ka kpò?
3. Aniwu ado ka hu ahwanvu lɛ zǎn ɔ mɛ? Etɛ ka jɛ dó Piyɛɛ wu?
4. Nɛ̌ Jezu ka na nùɖuɖu gbɛtɔ́ afatɔ́ɔ́n mɔkpan azɔn wegɔ ɔ gbɔn?
5. Etɛwu axɔsuɖuɖu Jezu tɔn sín hwenu ka na jiwǔ?
Nùkanbyɔ ɖevo lɛ:
1. Xà Matie 14:1-32.
(a) Etɛ tàn e ɖò Matie 14:23-32 mɛ é ka xlɛ́ dó gbɛtɔ́ alɔkpa e Piyɛɛ nyí é wu?
(b) Nɛ̌ Biblu ka xlɛ́ ɖɔ Piyɛɛ zin bo ɖu ɖò hǔn ma kú sín nǔwiwa tɔn jí gbɔn? (Mat. 14:27-30; Jn 18:10; 21:7; Mɛ. 2:14, 37-40; 1 Pi. 5:6, 10)
2. Xà Matie 15:29-38.
Nɛ̌ Jezu ka ɖó sísí nú nǔ agbaza tɔn e gosin Tɔ́ tɔn gɔ́n lɛ é gbɔn? (Mat. 15:37; Jn 6:12; Kolɔ. 3:15)
3. Xà Jaan 6:1-21.
Nɛ̌ Klisanwun lɛ ka sixu xwedó kpɔ́ndéwú Jezu tɔn bo ɖó sísí nú gǎn e ɖò tò nu lɛ é gbɔn égbé? (Jn 6:15; Mat. 22:21; Hlɔ. 12:2; 13:1-4)
Tàn 94
1. Etɛ dɔn wɛ mɛsɛ́dó lɛ ka ɖè ɖò yeɖee tɛntin ee ye lɛkɔ sín tò línlín ɖé mɛ é?
2. Aniwu Jezu ka ylɔ nyaví kpɛví ɖé bo sɔ́ ɛ ɖó te ɖò tɛntin mɛsɛ́dó lɛ tɔn?
3. Ali tɛ nu mɛsɛ́dó lɛ ka ɖó na kplɔ́n bo cí vǐ kpɛví lɛ ɖɔhun ɖè?
4. Sun yɔywɛ ɖé gudo ɔ, nɛ̌ Jezu ka xlɛ́ ɖɔ emi yí wǎn nú vǐ kpɛví lɛ gbɔn?
Nùkanbyɔ ɖevo lɛ:
1. Xà Matie 18:1-4.
Etɛwu Jezu ka nɔ jlɛ nǔ dó nǔ wu dó kplɔ́n nǔ mɛ? (Mat. 13:34, 36; Mak. 4:33, 34)
2. Xà Matie 19:13-15.
Enyi mǐ ɖò nyɔna Axɔsuɖuto ɔ tɔn lɛ jla wɛ ɔ, jijɔ yɔkpɔvu lɛ tɔn tɛ lɛ mǐ ka ɖó na xwedó? (Ps. 25:9; 138:6; 1 Ko. 14:20)
3. Xà Maki 9:33-37.
Etɛ Jezu ka kplɔ́n ahwanvu tɔn lɛ dó tɛn nukúnɖeji lɛ jíjló wu? (Mak. 9:35; Mat. 20:25, 26; Ga. 6:3; Fili. 2:5-8)
4. Xà Maki 10:13-16.
Nɛ̌ Jezu ka nyɔ́ kpɔ́jɛji gbɔn? Etɛ kpɔ́ndéwú enɛ ka kplɔ́n mɛxo agun tɔn lɛ? (Mak. 6:30-34; Fili. 2:1-4; 1 Tim. 4:12)
Tàn 95
Lee Jezu Nɔ Kplɔ́n Nǔ Mɛ Gbɔn É
1. Nǔ tɛ nya ɖé ka kanbyɔ Jezu? Etɛwu?
2. Etɛ Jezu ka nɔ zán dó kplɔ́n nǔ mɛ hweɖelɛnu? Etɛ mǐ ka ko kplɔ́n dó Jwifu lɛ kpo Samaliinu lɛ kpo wu?
3. Etɛ ka jɛ dó Jwifu e xwè Jeliko é wu ɖò tàn e Jezu kpi é mɛ?
4. Etɛ vɔsanúxwlémawutɔ́ Jwifu ɖé kpo Levíinu ɖé kpo ka wà hwenu e ye wá xweyigbe é?
5. Mɛ̌ ka ɖò Jwifu e è gblewu é d’alɔ wɛ ɖò ɖiɖe ɔ mɛ?
6. Ee Jezu kpi tàn ɔ fó é ɔ, etɛ é ka kanbyɔ? Xósin tɛ nya ɔ ka na ɛ?
Nùkanbyɔ ɖevo lɛ:
1. Xà Luka 10:25-37.
(a) Jezu hɛn ɔ é na ko na xósin sɛnkplɔnmɛtɔ́ ɔ tlɔlɔ có, nɛ̌ é ka d’alɔ ɛ bɔ é lin tamɛ dó nùkanbyɔ ɔ jí gbɔn? (Luk. 10:26; Mat. 16:13-16)
(b) Nɛ̌ Jezu ka zán nùjlɛdonǔwu dó ɖu ɖò mɛnúvɛ́mɛwú sín jijɔ e mɛ e nɔ ɖótó é lɛ é ɖó é jí gbɔn? (Luk. 10:36, 37; 18:9-14; Ti. 1:9)
Tàn 96
1. Ee Jezu ɖò tò lɛ mɛ gbɔn wɛ é ɔ, etɛ é ka nɔ wà?
2. Jezu bló baptɛm bɔ é ɖó xwè atɔn gudo é ɔ, etɛ é ka ɖɔ nú mɛsɛ́dó tɔn lɛ?
3. Mɛ̌ mɛ̌ e ka ɖò ɖiɖe ɔ mɛ? Etɛ Jezu ka wà nú nawe ɔ?
4. Etɛwu xósin e Jezu na nú xómɔɖɔdoxówu sinsɛngán lɛ tɔn é ka hu winnya nú ye?
5. Ee Jezu kpo mɛsɛ́dó tɔn lɛ kpo tɔ́n sín Jeliko tlolo é ɔ, etɛ é ka bló nú nukúntuntɔnnɔ nùbyɔɖutɔ́ wè?
6. Aniwu Jezu ka bló nùjiwǔ lɛ?
Nùkanbyɔ ɖevo lɛ:
1. Xà Matie 15:30, 31.
Nɛ̌ Jehovah ka ɖè hlɔnhlɔn jiwǔ tɔn xlɛ́ gbɔn Jezu jí gbɔn? Etɛ enɛ ka ɖó na wà dó nukúnnú e mǐ mɔ jɛ nǔ e sín akpá Jehovah dó bɔ é kúnkplá gbɛ̀ yɔyɔ̌ ɔ é wu? (Ps. 37:29; Is. 33:24)
2. Xà Luka 13:10-17.
Jezu bló nùjiwǔ tɔn nukúnɖeji ɖé lɛ ɖò Gbɔjɛzángbe. Nɛ̌ nùjiwǔ enɛ lɛ ka ɖè agbɔ̌n alɔkpa e mǐ na mɔ ɖò Axɔsuɖuɖu Xwè Afatɔ́ɔ́n Tɔn Jezu tɔn hwenu é xlɛ́ gbɔn? (Luk. 13:10-13; Ps. 46:9; Mat. 12:8; Kolɔ. 2:16, 17; Nǔɖe. 21:1-4)
3. Xà Matie 20:29-34.
Nɛ̌ tàn elɔ ka xlɛ́ ɖɔ alɔdómɛ sín tɛn kún nɔ hán Jezu gbeɖé ó gbɔn? Etɛ enɛ ka kplɔ́n mǐ? (Dt 15:7; Ja. 2:15, 16; 1 Jn 3:17)
Tàn 97
1. Hwenu e Jezu wá gletoxo kpɛví e sɛkpɔ Jeluzalɛmu é mɛ é ɔ, etɛ é ka ɖɔ nú ahwanvu tɔn lɛ ɖɔ ye ni wà?
2. Etɛ ka jɛ hwenu e Jezu sɛkpɔ Jeluzalɛmu é, bɔ ɖiɖe ɔ xlɛ́?
3. Etɛ yɔkpɔvu lɛ ka wà hwenu e ye mɔ Jezu ɖò azɔn gbɔ nú nukúntuntɔnnɔ lɛ kpo sékunɔ lɛ kpo wɛ é?
4. Etɛ Jezu ka ɖɔ nú vɔsanúxwlémawutɔ́ e ɖò xomɛ sìn wɛ lɛ é?
5. Nɛ̌ mǐ ka sixu ɖi yɔkpɔvu e kpa susu nú Jezu lɛ é gbɔn?
6. Etɛ ahwanvu lɛ ka jló na tuùn?
Nùkanbyɔ ɖevo lɛ:
1. Xà Matie 21:1-17.
(a) Nɛ̌ lee Jezu ɖè Axɔsu fɔ yì Jeluzalɛmu gbɔn é ka gbɔn vo nú ahwanjiɖuɖe ahwangán sunvinɔ lɛ tɔn ɖò Hlɔmanu lɛ sín hwenu gbɔn? (Mat. 21:4, 5; Zec. 9:9; Fili. 2:5-8, NW; Kolɔ. 2:15)
(b) Etɛ yɔkpɔvu Izlayɛlinu e ɖɔ xó sín Psaume 118 gɔ́ ɔ mɛ hwenu e Jezu byɔ tɛmpli ɔ mɛ lɛ é ka sixu kplɔ́n mɛ winnyawinnya lɛ? (Mat. 21:9, 15; Ps. 118:25, 26; 2 Tim. 3:15; 2 Pi. 3:18)
2. Xà Jaan 12:12-16.
Etɛ sín afɔ děma e mɛ e kpa susu nú Jezu lɛ é zán lɛ é ka sɔ́ ɖó te? (Jn 12:13; Fili. 2:10; Nǔɖe. 7:9, 10)
Tàn 98
1. Xlɛ́ Jezu ɖò ɖiɖe ɔ mɛ. Mɛ̌ mɛ̌ e ka gɔ́ n’i?
2. Etɛ vɔsanúxwlémawutɔ́ lɛ ka tɛnkpɔn bo na wà nú Jezu ɖò tɛmpli ɔ mɛ? Xó tɛ é ka ɖɔ nú ye?
3. Etɛ mɛsɛ́dó lɛ ka kanbyɔ Jezu?
4. Etɛwu Jezu ka ɖɔ nǔ e na ɖò jijɛ wɛ ɖò ayikúngban jí bo na xlɛ́ ɖɔ é ko ɖò axɔsu ɖu wɛ ɖò jixwé é ɖé lɛ nú mɛsɛ́dó tɔn lɛ?
5. Etɛ lɛ Jezu ka ɖɔ é na jɛ hwɛ̌ có emi na ɖè nǔnyanyawiwa bǐ sín ayikúngban jí?
Nùkanbyɔ ɖevo lɛ:
1. Xà Matie 23:1-39.
(a) Biblu gbɛ́ tɛnmɛ-nyikɔ ɖé lɛ zinzan ǎ. É ɖò mɔ̌ có, etɛ xó e Jezu ɖɔ ɖò Matie 23:8-11 mɛ é ka xlɛ́ dó tɛnmɛ-nyikɔ mɛblɛ́blɛ́ tɔn lɛ zinzan ɖò agun Klisanwun tɔn mɛ wu? (Mɛ. 26:25; Hlɔ. 13:7; 1 Pi. 2:13, 14)
(b) Etɛ Falizeyi lɛ ka wà bo na dó sú ali dó gbɛtɔ́ lɛ bonu ye ma huzu Klisanwun ó? Nɛ̌ sinsɛngán lɛ ka nɔ zán wlɛnwín ɖokpo ɔ gbɔn égbé? (Mat. 23:13; Luk. 11:52; Jn 9:22; 12:42; 1 Tɛ. 2:16)
2. Xà Matie 24:1-14.
(a) Nɛ̌ Matie 24:13 ka tɛɖɛ̌ jí ɖɔ linsyɛnsyɛn nyí nǔ taji gbɔn?
(b) Etɛ ka nyí tinmɛ xókwin “kaka yì fó” e ɖò Matie 24:13 mɛ é tɔn? (Mat. 16:27; Hlɔ. 14:10-12; 2 Ko. 5:10)
3. Xà Maki 13:3-10.
Xógbe tɛ ka ɖò Maki 13:10 mɛ bo xlɛ́ ɖɔ wɛnɖagbe ɔ jijla ɖó na mya nukún nú mǐ? Nɛ̌ xó Jezu tɔn enɛ ka ɖó na sɔ́ akpàkpà mǐ gbɔn? (Hlɔ. 13:11, 12; 1 Ko. 7:29-31; 2 Tim. 4:2)
Tàn 99
1. Etɛwu Jezu kpo mɛsɛ́dó tɔn 12 lɛ kpo ka ɖò xɔ ɖaxó ɖé mɛ ɖò síngbó ɖé jí, bɔ ɖiɖe ɔ xlɛ́?
2. Mɛ̌ ka ɖò xɔ ɔ mɛ tɔ́n sín wɛ? Etɛ wà gbé é ka xwè?
3. Ee ye ɖu Dindinwayi-xwè sín nùɖuɖu ɔ gudo é ɔ, nùɖuɖu taji tɛ Jezu ka ɖó ayǐ?
4. Etɛ Dindinwayi-xwè ɔ ka nɔ flín Izlayɛli-ví lɛ? Etɛ nùɖuɖu taji e Jezu ɖó ayǐ é ka nɔ flín ahwanvu tɔn lɛ?
5. Ee ye ɖu Nùɖuɖu Aklunɔ Tɔn ɔ gudo é ɔ, etɛ Jezu ka ɖɔ nú ahwanvu tɔn lɛ? Etɛ ye ka wà?
Nùkanbyɔ ɖevo lɛ:
1. Xà Matie 26:14-30.
(a) Nɛ̌ Matie 26:15 ka xlɛ́ ɖɔ Juda ɖesu wɛ jló bo sà Jezu gbɔn?
(b) Nǔ wè ɖò bǔ tɛ lɛ hun Jezu tɔn e kɔn nyì ayǐ é ka wà? (Mat. 26:27, 28; Jér. 31:31-33; Efɛ. 1:7; Eble lɛ 9:19, 20)
2. Xà Luka 22:1-39.
Ali tɛ nu Sataan ka byɔ ayi mɛ nú Juda ɖè? (Luk. 22:3; Jn 13:2; Mɛ. 1:24, 25)
3. Xà Jaan 13:1-20.
(a) Sɔgbe xá xó e ɖò Jaan 13:2 mɛ é ɔ, è ka sixu dó hwɛ Juda ɖó nǔ e é wà é wu à? Etɛ nǔ enɛ ka kplɔ́n Mawu sɛntɔ́ lɛ? (Gen. 4:7; 2 Ko. 2:11; Ga. 6:1; Ja. 1:13, 14)
(b) Kpɔ́ndéwú taji tɛ Jezu ka zé ɖ’ayǐ? (Jn 13:14, 15; Mat. 23:11; 1 Pi. 2:21)
4. Xà Jaan 17:1-26.
Ali tɛ nu Jezu ka xoɖɛ ɖɔ ahwanvu emitɔn lɛ ni “nyí ɖokpo” ɖè? (Jn 17:11, 21-23; Hlɔ. 13:8; 14:19; Kolɔ. 3:14)
Tàn 100
1. Fitɛ Jezu kpo mɛsɛ́dó tɔn lɛ kpo ka yì ee ye tɔ́n sín xɔ ɔ mɛ gudo é? Etɛ é ka ɖɔ ye ni wà?
2. Etɛ wà wɛ mɛsɛ́dó lɛ ka ɖè hwenu e Jezu lɛkɔ wá gɔ̌n yetɔn é? Azɔn nabi nǔ ka nyí mɔ̌?
3. Mɛ̌ mɛ̌ e ka byɔ jikpá ɔ mɛ? Etɛ Juda Isikaliɔti ka wà, bɔ ɖiɖe ɔ xlɛ́?
4. Etɛwu Juda ka kisi nú Jezu? Etɛ Piyɛɛ ka wà?
5. Etɛ Jezu ka ɖɔ nú Piyɛɛ? Amɔ̌, etɛwu Jezu ma ka ɖɔ nú Mawu bonu é sɛ́ wɛnsagun lɛ dó é ǎ?
Nùkanbyɔ ɖevo lɛ:
1. Xà Matie 26:36-56.
(a) Nɛ̌ lee Jezu dɔn ayi ahwanvu tɔn lɛ tɔn wá nǔ jí gbɔn é ka nyí kpɔ́ndéwú ɖagbe ɖé nú mɛxo agun tɔn lɛ gbɔn? (Mat. 20:25-28; 26:40, 41; Ga. 5:17; Efɛ. 4:29, 31, 32)
(b) Etɛ Jezu ka lin dó adǎnwanu zé dó nɔzo mɛtɔn jí wu? (Mat. 26:52; Luk. 6:27, 28; Jn 18:36)
2. Xà Luka 22:39-53.
Nùɖiɖi Jezu tɔn vɔ́da wu wɛ zɔ́n bɔ wɛnsagun ɖé wá tɔ́n dó jǐ tɔn ɖò jikpá Jɛsemanɛ tɔn mɛ bo na ɛ hlɔnhlɔn à? Tinmɛ. (Luk. 22:41-43; Is. 49:8; Mat. 4:10, 11; Eble lɛ 5:7)
3. Xà Jaan 18:1-12.
Nɛ̌ Jezu ka cyɔn alɔ ahwanvu tɔn lɛ jí hwenu e kɛntɔ́ tɔn lɛ wá é gbɔn? Etɛ kpɔ́ndéwú enɛ ka kplɔ́n mǐ? (Jn 10:11, 12; 18:1, 6-9; Eble lɛ 13:6; Ja. 2:25)
Tàn 101
1. Mɛ̌ ka zɔ́n tawun bɔ è hu Jezu?
2. Etɛ mɛsɛ́dó lɛ ka wà hwenu e sinsɛngán lɛ wlí Jezu é?
3. Etɛ ka jɛ ɖò vɔsanúxwlémawutɔ́ ɖaxó Kayifu xwégbe?
4. Etɛwu Piyɛɛ ka tɔ́n bo ya avǐ?
5. Xó tɛ vɔsanúxwlemawutɔ́gán lɛ ka sú hwenu e Jezu lɛkɔ yì Pilatu gɔ́n é?
6. Ee hwe jɛ kɔ lɛ́ jí kɛɖɛ ɖò Axɔsuzángbe é ɔ, etɛ ka jɛ dó Jezu wu? Akpá tɛ é ka dó nú danuwatɔ́ e è xwè dó atín wu ɖò akpá tɔn lɛ é ɖokpo?
7. Fitɛ Palaɖisi e xó Jezu ɖɔ é ka na nɔ?
Nùkanbyɔ ɖevo lɛ:
1. Xà Matie 26:57-75.
Ali tɛ nu hwɛɖɔxɔsa ɖaxó Jwifu lɛ tɔn sín azɔ̌watɔ́ lɛ ka xlɛ́ ɖɔ ayixa emitɔn baɖa ɖè? (Mat. 26:59, 67, 68)
2. Xà Matie 27:1-50.
Nǔ e Juda wà é ka vɛ́ n’i dóó à? Etɛwu? (Mat. 27:3, 4; Mak. 3:29; 14:21; 2 Ko. 7:10, 11)
3. Xà Luka 22:54-71.
Zǎn e mɛ è wlí Jezu é ɔ, Piyɛɛ gbɛ́ ɖɔ emi kún tuùn i ó. Etɛ enɛ ka sixu kplɔ́n mǐ? (Luk. 22:60-62; Mat. 26:31-35; 1 Ko. 10:12)
4. Xà Luka 23:1-49.
Nɛ̌ Jezu ka wà nǔ gbɔn hwenu e è ɖó hwɛ agɔ n’i é? Etɛ enɛ ka sixu kplɔ́n mǐ? (Luk. 23:33, 34; Hlɔ. 12:17-19; 1 Pi. 2:23)
5. Xà Jaan 18:12-40.
Xɛsi ɖi nú gbɛtɔ́ wà nǔ dó Piyɛɛ wu nú hwenu ɖé có, é lɛ́vɔ wá mɔ hlɔnhlɔn bo nyí mɛsɛ́dó nukúnɖeji ɖé. Etɛ enɛ ka xlɛ́? (Jn 18:25-27; 1 Ko. 4:2; 1 Pi. 3:14, 15; 5:8, 9)
6. Xà Jaan 19:1-30.
(a) Linlin e sɔgbe é tɛ Jezu ka ɖó dó nǔ agbaza tɔn lɛ wu? (Jn 2:1, 2, 9, 10; 19:23, 24; Mat. 6:31, 32; 8:20)
(b) Nɛ̌ xógbe e Jezu dó ɖò kúdónú é ka nyí ɖuɖeji xógbe e xlɛ́ ɖɔ é j’ahwan dó nǔbǐwukpétɔ́ e Jehovah nyí é jí gbɔn? (Jn 16:33; 19:30, NW; 2 Pi. 3:14; 1 Jn 5:4)
Tàn 102
1. Mɛ̌ ka nyí nyɔnu e ɖò ɖiɖe ɔ mɛ é? Mɛ̌ ka nyí sunnu wè lɛ? Fitɛ ye ka ɖè ɖò finɛ?
2. Etɛwu Pilatu ka ɖɔ nú vɔsanúxwlémawutɔ́ lɛ ɖɔ ye ni sɛ́ sɔja lɛ dó bonu ye ni cɔ́ yɔdo Jezu tɔn?
3. Ee Jezu kú bɔ é jɛ azǎn tɔn atɔngɔ ɔ gbè ayitéhɔnnu é ɔ, etɛ wɛnsagun ɖé ka wà? Amɔ̌, etɛ vɔsanúxwlémawutɔ́ lɛ ka wà?
4. Ee nyɔnu ɖé lɛ yì yɔdo Jezu tɔn kɔn é ɔ, etɛ ka kpaca ye?
5. Etɛwu Piyɛɛ kpo Jaan kpo ka kanwezun yì yɔdo Jezu tɔn kɔn? Etɛ ye ka mɔ?
6. Etɛ ka jɛ dó cyɔ Jezu tɔn wu? Amɔ̌, etɛ Jezu ka bló bo dó xlɛ́ ahwanvu tɔn lɛ ɖɔ emi ɖò gbɛ̀?
Nùkanbyɔ ɖevo lɛ:
1. Xà Matie 27:62-66 kpo 28:1-15 kpo.
Hwenu e Jezu fɔ́n sín kú é ɔ, nɛ̌ vɔsanúxwlemawutɔ́gán lɛ, Falizeyi lɛ kpo sunnu mɛxo lɛ kpo ka hu hwɛ dó gbigbɔ mímɛ́ gbɔn? (Mat. 12:24, 31, 32; 28:11-15)
2. Xà Luka 24:1-12.
Nɛ̌ fínfɔ́n sín kú Jezu tɔn sín tàn ka xlɛ́ ɖɔ Jehovah nɔ mɔ nyɔnu lɛ dó mɔ kúnnuɖetɔ́ e wu è sixu ɖeji dó lɛ é gbɔn? (Luk. 24:4, 9, 10; Mat. 28:1-7)
3. Xà Jaan 20:1-12.
Enyi mǐ ma mɔ nukúnnú jɛ lee nǔ ɖɔ ɖ’ayǐ Biblu tɔn ɖé jɛ gbɔn é mɛ ganji ǎ ɔ, nɛ̌ Jaan 20:8, 9 ka d’alɔ mǐ bɔ mǐ ɖó na xwè sɔ gbɔn? (Prov. 4:18; Mat. 17:22, 23; Luk. 24:5-8; Jn 16:12)
Tàn 103
Jezu Sɔ́ Éɖee Xlɛ́ Ahwanvu Tɔn Lɛ
1. Etɛ Mali ka ɖɔ nú nya e é vɛdo ɖɔ é wɛ nyí jikpajikpɔntɔ́ ɔ é? Amɔ̌, etɛ ka zɔ́n bɔ é wá tuùn ɖɔ Jezu wɛ?
2. Etɛ ka jɛ hwenu e ahwanvu wè ɖò ali jí xwè gletoxo Emayusi tɔn mɛ é?
3. Nùjiwǔ tɛ ka jɛ hwenu e ahwanvu wè lɛ ɖɔ nú mɛsɛ́dó lɛ ɖɔ emi mɔ Jezu é?
4. Azɔn nabi Jezu ka sɔ́ éɖee xlɛ́ ahwanvu tɔn lɛ?
5. Etɛ Tɔmaa ka ɖɔ hwenu e é sè ɖɔ ahwanvu lɛ mɔ Aklunɔ ɔ é? Amɔ̌, etɛ ka jɛ azǎn tɔn tantɔn gudo?
Nùkanbyɔ ɖevo lɛ:
1. Xà Jaan 20:11-29.
Ðiɖɔ wɛ Jezu ɖè ɖó Jaan 20:23 mɛ ɖɔ è na gbè gbɛtɔ́ lɛ bɔ ye na sɔ́ hwɛ kɛ mɛ à? Tinmɛ. (Ps. 49:2, 7; Is. 55:7; 1 Tim. 2:5, 6; 1 Jn 2:1, 2)
2. Xà Luka 24:13-43.
Nɛ̌ mǐ ka sixu sɔnǔ nú ayixa mǐtɔn bonu é na yí nugbǒ Biblu tɔn lɛ gbɔn? (Luk. 24:32, 33; Ezra 7:10; Mɛ. 16:14; Eble lɛ 5:11-14)
Tàn 104
1. Ahwanvu nabi ka mɔ Jezu zɛɛn gbè ɖokpo? Etɛ jí é ka ɖɔ xó nú ye dó?
2. Etɛ ka nyí Axɔsuɖuto Mawu tɔn ɔ? Nɛ̌ gbɛ̀ ka na cí ɖò ayikúngban jí hwenu e Jezu na ɖu axɔsu nú xwè afatɔ́ɔ́n é?
3. Azǎn nabi Jezu ka sɔ́ éɖee xlɛ́ ahwanvu tɔn lɛ na? Amɔ̌, etɛ sín hwenu ka sù n’i lo, bɔ é na wà?
4. Cobonu Jezu na jó ahwanvu tɔn lɛ dó ɔ, etɛ é ka ɖɔ ye ni wà?
5. Etɛ ka ɖò jijɛ wɛ ɖò ɖiɖe ɔ mɛ? Nɛ̌ Jezu ka bú dó ahwanvu tɔn lɛ gbɔn?
Nùkanbyɔ ɖevo lɛ:
1. Xà 1 Kolɛntinu lɛ 15:3-8.
Etɛwu mɛsɛ́dó Pɔlu ka ɖɔ xó kpo jiɖiɖe kpo sɔmɔ̌ dó fínfɔ́n sín kú Jezu tɔn wu? Etɛ lɛ sín xó Klisanwun lɛ ka sixu ɖɔ kpo jiɖiɖe kpo égbé? (1 Ko. 15:4, 7, 8; Is. 2:2, 3; Mat. 24:14; 2 Tim. 3:1-5)
2. Xà Mɛsɛ́dó 1:1-11.
Nɛ̌ wɛnɖagbe jijla sín azɔ̌ ɔ ka ko gbakpé lee Mɛsɛ́dó 1:8 ɖɔ ɖ’ayǐ gbɔn é gbɔn? (Mɛ. 6:7; 9:31; 11:19-21; Kolɔ. 1:23)
Tàn 105
Jezu Kɔn Gbigbɔ Mímɛ́ Dó Ahwanvu Tɔn lɛ Jí
1. Etɛ ka jɛ dó ahwanvu Jezu tɔn e nɔte ɖò Jeluzalɛmu lɛ é jí, bɔ ɖiɖe ɔ xlɛ́?
2. Etɛ ka kpaca jonɔ e wá Jeluzalɛmu lɛ é?
3. Etɛ Piyɛɛ ka tinmɛ nú togun ɔ?
4. Ee togun ɔ ɖótó Piyɛɛ gudo é ɔ, nɛ̌ é ka cí gbɔn nú ye? Etɛ Piyɛɛ ka ɖɔ ye ni wà?
5. Mɛ nabi ka bló baptɛm ɖò Pantekotu 33 H.M.?
Nùkanbyɔ ɖevo lɛ:
1. Xà Mɛsɛ́dó 2:1-47.
(a) Nɛ̌ xó e Piyɛɛ ɖɔ ɖò Mɛsɛ́dó 2:23, 36 mɛ é ka xlɛ́ ɖɔ akɔta Jwifu lɛ tɔn bǐ kɔ wɛ kú Jezu tɔn ɖè gbɔn? (1 Tɛ. 2:14, 15)
(b) Nɛ̌ Piyɛɛ ka zé kpɔ́ndéwú ɖagbe ɖ’ayǐ dó xójlɛdoxówu sín Biblu mɛ jí gbɔn? (Mɛ. 2:16, 17, 29, 31, 36, 39; Kolɔ. 4:6)
(c) Jezu d’akpá ɖɔ emi na fɔ ‘cavi axɔsuɖuto jixwé tɔn lɛ’ nú Piyɛɛ. Nɛ̌ Piyɛɛ ka zán cavi nukɔntɔn ɔ gbɔn? (Mɛ. 2:14, 22-24, 37, 38; Mat. 16:19)
Tàn 106
1. Etɛ ka jɛ hwenu e Piyɛɛ kpo Jaan kpo xwè tɛmpli mɛ hwelɛkɔ gbè ɖokpo é?
2. Etɛ Piyɛɛ ka ɖɔ nú sékunɔ ɔ? Etɛ Piyɛɛ ka na ɛ bɔ é kpé hú akwɛ?
3. Etɛwu sinsɛngán lɛ ka sìn xomɛ? Etɛ ye ka wà nú Piyɛɛ kpo Jaan kpo?
4. Etɛ Piyɛɛ ka ɖɔ nú sinsɛngán lɛ? Sɛ́n tɛ è ka dó nú mɛsɛ́dó lɛ?
5. Etɛwu sinsɛngán lɛ ka hwanwǔ? Amɔ̌, etɛ ka jɛ hwenu e è fɔ mɛsɛ́dó lɛ dó gankpa mɛ azɔn wegɔ ɔ é?
6. Xósin tɛ mɛsɛ́dó lɛ ka na hwenu e è kplá ye wá Hwɛɖɔxɔsa Ðaxó Jwifu lɛ tɔn é?
Nùkanbyɔ ɖevo lɛ:
1. Xà Mɛsɛ́dó 3:1-10.
Mǐ nɔ bló nùjiwǔ dó gbɔ azɔn nú mɛ égbé ǎ có, etɛ mǐ ka sixu na mɛ bɔ é na kpé hú akwɛ? (Jn 17:3; 2 Ko. 5:18-20; Fili. 3:8)
2. Xà Mɛsɛ́dó 4:1-31.
Enyi mǐ kpannukɔn nukúnvandomɛ ɖò sinsɛnzɔ́ ɔ mɛ ɔ, nɛ̌ mǐ ka ɖó na xwedó kpɔ́ndéwú nɔví mǐtɔn Klisanwun xwè kanweko nukɔntɔn ɔ tɔn lɛ tɔn gbɔn? (Mɛ. 4:29, 31; Efɛ. 6:18-20; 1 Tɛ. 2:2)
3. Xà Mɛsɛ́dó 5:17-42.
Nɛ̌ mɛ e ma nyí Kúnnuɖetɔ́ ǎ é ɖé lɛ ka xlɛ́ ɖò hwexónu kpo égbé kpo ɖɔ emi ɖó sísí nú azɔ̌ wɛnɖagbe ɔ jijla tɔn gbɔn? (Mɛ. 5:34-39)
Tàn 107
1. Mɛ̌ ka nyí Etyɛni? Etɛ Mawu ka d’alɔ ɛ bɔ é wà?
2. Xó tɛ Etyɛni ka ɖɔ bɔ é sìn xomɛ nú sinsɛngán lɛ?
3. Ee mɛ lɛ dɔn Etyɛni yì toxo ɔ gudo é ɔ, etɛ ye ka wà n’i?
4. Nyaví dɔnkpɛvu tɛ ka ɖò te ɖò awu lɛ kpá ɖò ɖiɖe ɔ mɛ?
5. Ðɛ tɛ Etyɛni ka xò sɛ́dó Jehovah cobo bɔnu?
6. Enyi mɛɖé jɛ agɔ dó mǐ ɔ, etɛ mǐ ka ɖó na wà Etyɛni ɖɔhun?
Nùkanbyɔ ɖevo lɛ:
1. Xà Mɛsɛ́dó 6:8-15.
Wlɛnwín mɛblɛ́blɛ́ tɔn tɛ lɛ sinsɛngán lɛ ka nɔ zán bo na dó ɖó wɛnɖagbe jijla sín azɔ̌ Kúnnuɖetɔ́ Jehovah tɔn lɛ tɔn te? (Mɛ. 6:9, 11, 13)
2. Xà Mɛsɛ́dó 7:1-60.
(a) Etɛ ka d’alɔ Etyɛni bɔ é j’ahwan dó wɛnɖagbe ɔ jí ɖò Hwɛɖɔxɔsa Ðaxó Jwifu lɛ tɔn? Etɛ kpɔ́ndéwú tɔn ka kplɔ́n mǐ? (Mɛ. 7:51-53; Hlɔ. 15:4; 2 Tim. 3:14-17; 1 Pi. 3:15)
(b) Nɛ̌ mǐ ka ɖó na nɔ wà nǔ xá mɛ é nɔ jɛ agɔ dó azɔ̌ mǐtɔn lɛ é gbɔn? (Mɛ. 7:58-60; Mat. 5:44; Luk. 23:33, 34)
Tàn 108
1. Ee è hu Etyɛni gudo é ɔ, etɛ Solu ka wà?
2. Ee Solu ɖò Damasi li jí é ɔ, nùjiwǔ tɛ ka jɛ?
3. Etɛ Jezu ka ɖɔ nú Solu ɖɔ é ni wà?
4. Xó tɛ Jezu ka ɖɔ nú Ananiasi? Nɛ̌ Solu ka lɛ́ jɛ nukúnnú mɔ jí gbɔn?
5. Nɛ̌ Solu ka wá nyí? Nɛ̌ è ka wá zán ɛ gbɔn?
Nùkanbyɔ ɖevo lɛ:
1. Xà Mɛsɛ́dó 8:1-4
Nɛ̌ yadonumɛ e vunbla agun Klisanwun tɔn e è ɖó ayǐ tlolo é ka d’alɔ bɔ nùɖiɖi Klisanwun tɔn gbakpé gbɔn? Nǔ mɔhun tɛ ka nɔ jɛ égbé? (Mɛ. 8:4; Is. 54:17)
2. Xà Mɛsɛ́dó 9:1-20.
Azɔ̌ atɔn ɖò bǔ tɛ lɛ Jezu ka ɖɔ emi lin na sɔ́ d’así nú Solu? (Mɛ. 9:15; 13:5; 26:1; 27:24; Hlɔ. 11:13)
3. Xà Mɛsɛ́dó 22:6-16.
Nɛ̌ mǐ ka sixu ɖi Ananiasi gbɔn? Etɛwu é ka nyí nùjɔnǔ? (Mɛ. 22:12; 1 Tim. 3:7; 1 Pi. 1:14-16; 2:12)
4. Xà Mɛsɛ́dó 26:8-20.
Nɛ̌ lee Solu wá huzu Klisanwun gbɔn é ka na na akɔnkpinkpan mɛ e sín asú alǒ asì ma ko nyí Klisanwun ǎ lɛ é gbɔn égbé? (Mɛ. 26:11; 1 Tim. 1:14-16; 2 Tim. 4:2; 1 Pi. 3:1-3)
Tàn 109
1. Mɛ̌ ka ɖò kɔ́ ɖé wɛ ɖò ɖiɖe ɔ mɛ?
2. Etɛ wɛnsagun ɖé ka ɖɔ nú Kɔnɛyi?
3. Etɛ Mawu ka xlɛ́ Piyɛɛ hwenu e é ɖò Sinmɔɔ sín xɔta ɖò Jopée é?
4. Etɛwu Piyɛɛ ka ɖɔ nú Kɔnɛyi ɖɔ é kún ɖó na jɛkpo bo ɖèkɔ́ nú emi ó?
5. Etɛwu nǔ ka kpaca ahwanvu Jwifu e xwedó Piyɛɛ lɛ é?
6. Nǔ taji tɛ gɔ̌n Kɔnɛyi tɔn e Piyɛɛ yì é ka ɖó na kplɔ́n mǐ?
Nùkanbyɔ ɖevo lɛ:
1. Xà Mɛsɛ́dó 10:1-48.
Etɛ xógbe Piyɛɛ tɔn e ɖò Mɛsɛ́dó 10:42 mɛ é ka xlɛ́ dó azɔ̌ wɛnɖagbe Axɔsuɖuto ɔ jijla tɔn wu? (Mat. 28:19; Mak. 13:10; Mɛ. 1:8)
2. Xà Mɛsɛ́dó 11:1-18.
Jujɔ tɛ Piyɛɛ ka zán hwenu e nǔ e Jehovah nɔ lin dó mɛ e ma nyí Jwifu ǎ lɛ é wu é wá jɛ ganna ganna é? Nɛ̌ mǐ ka sixu xwedó kpɔ́ndéwú tɔn gbɔn? (Mɛ. 11:17, 18; 2 Ko. 10:5; Efɛ. 5:17)
Tàn 110
Timɔtée, Alɔdomɛtɔ́ Yɔyɔ̌ Pɔlu Tɔn
1. Nyaví dɔnkpɛvu tɛ ka ɖò ɖiɖe ɔ mɛ? Fitɛ é ka nɔ nɔ? Nɛ̌ nɔ tɔn kpo nɔ tɔn nɔ kpo ka nɔ nyí?
2. Xó tɛ Timɔtée ka ɖɔ hwenu e Pɔlu ɖɔ é ni xwedó emi kpo Silasi kpo bonu ye na yì jla wɛnɖagbe ɔ gbɔn tò línlín lɛ mɛ é?
3. Fitɛ è ka ylɔ ahwanvu Jezu tɔn lɛ ɖɔ Klisanwun ɖè dó nukɔn?
4. Ðɔ toxo e mɛ Pɔlu, Silasi kpo Timɔtée kpo gbɔn hwenu e ye gosin Lisitili é ɖé lɛ.
5. Nɛ̌ Timɔtée ka d’alɔ Pɔlu gbɔn? Etɛ mɛ winnyawinnya lɛ ka ɖó na kanbyɔ yeɖee égbé?
Nùkanbyɔ ɖevo lɛ:
1. Xà Mɛsɛ́dó 9:19-30.
Nɛ̌ mɛsɛ́dó Pɔlu ka wà ayiɖotenú hwenu e è bla gbě tɔn ɖó wɛnɖagbe ɔ wu é gbɔn? (Mɛ. 9:22-25, 29, 30; Mat. 10:16)
2. Xà Mɛsɛ́dó 11:19-26.
Nɛ̌ tàn e ɖò Mɛsɛ́dó 11:19-21, 26 mɛ é ka xlɛ́ ɖɔ gbigbɔ Jehovah tɔn ɖò ali xlɛ́ wɛnɖagbe ɔ jijla sín azɔ̌ wɛ gbɔn?
3. Xà Mɛsɛ́dó 13:13-16, 42-52.
Nɛ̌ Mɛsɛ́dó 13:51, 52 ka xlɛ́ ɖɔ ahwanvu lɛ kún lɔn bonu nukúnvandomɛ dó awakanmɛ kú nú ye ó gbɔn? (Mat. 10:14; Mɛ. 18:6; 1 Pi. 4:14)
4. Xà Mɛsɛ́dó 14:1-6, 19-28.
Nɛ̌ xógbe ‘ye sɔ́ ye dó alɔ mɛ nú Jehovah’ ka nɔ d’alɔ mǐ bɔ hwenu e mǐ ɖò alɔ dó mɛ yɔyɔ̌ lɛ wɛ é ɔ, ado ma na hu mǐ ǎ gbɔn? (Mɛ. 14:21-23; 20:32; Jn 6:44)
5. Xà Mɛsɛ́dó 16:1-5.
Nɛ̌ gbè e Timɔtée yí bɔ è gbò ada n’i é ka xlɛ́ ɖɔ è ɖò taji ɖɔ è ni ‘wà nǔ bǐ ɖó wɛnɖagbe ɔ wu’ gbɔn? (Mɛ. 16:3; 1 Ko. 9:23; 1 Tɛ. 2:8)
6. Xà Mɛsɛ́dó 18:1-11, 18-22.
Etɛ Mɛsɛ́dó 18:9, 10 ka xlɛ́ dó nǔ e Jezu nɔ wà ɖò wɛnɖagbe ɔ jijla sín azɔ̌ mɛ é wu? Ganjɛwu tɛ enɛ ka na mǐ? (Mat. 28:20)
Tàn 111
1. Nyaví tɛ ka ɖò ayimimlɔ ɖò ɖiɖe ɔ mɛ? Etɛ ka jɛ dó wǔ tɔn?
2. Etɛ Pɔlu ka wà hwenu e é mɔ ɖɔ nyaví ɔ ko kú é?
3. Fitɛ Pɔlu, Timɔtée kpo mɛ e xwedó ye lɛ é kpo ka ɖido? Etɛ ka jɛ hwenu e ye nɔte ɖò Milɛ é?
4. Akpá tɛ gbeyiɖɔ Agabusi ka gbò nú Pɔlu? Nɛ̌ nǔ ka nyí mɔ̌ pɛ́ɛ́ gbɔn?
Nùkanbyɔ ɖevo lɛ:
1. Xà Mɛsɛ́dó 20:7-38.
(a) Nɛ̌ mǐ ka sixu “mɛ́ sín hun gbɛtɔ́ lɛ bǐ tɔn mɛ” lee Pɔlu ɖɔ gbɔn ɖò Mɛsɛ́dó 20:26, 27, NW mɛ é gbɔn? (Ézé. 33:8; Mɛ. 18:6, 7)
(b) Aniwu mɛxo agun tɔn lɛ ka ɖó na ‘hɛn xó nugbǒ e gosin Mawu gɔ́n é dó ayi mɛ syɛnsyɛn’ hwenu e ye ɖò nǔ kplɔ́n mɛ wɛ é? (Mɛ. 20:17, 29, 30; Ti. 1:7-9; 2 Tim. 1:13)
2. Xà Mɛsɛ́dó 26:24-32.
Nɛ̌ Pɔlu ka zán toví Hlɔma tɔn e é nyí é sín acɛ bo dó wà sinsɛnzɔ́ e Jezu sɔ́ d’así n’i é fó gbɔn? (Mɛ. 9:15; 16:37, 38; 25:11, 12; 26:32; Luk. 21:12, 13)
Tàn 112
Tɔjihun ɔ Gbà Ðò Tɔtɛntinto Ðé Kpá
1. Etɛ ka jɛ dó tɔjihun e mɛ Pɔlu ɖè hwenu e é gbɔn tɔtɛntinto Klɛti tɔn kpá é?
2. Etɛ Pɔlu ka ɖɔ nú mɛ e ɖò tɔjihun ɔ mɛ lɛ é?
3. Nɛ̌ tɔjihun ɔ ka wá gbà hánnyá gbɔn?
4. Etɛ sɔjakanwekogán e ɖò ye nu é ka ɖɔ? Nɛ̌ ye ka jɛ agě jí wuyɛyɛ̌-afɔyɛ́yɛ́ gbɔn?
5. Nɛ̌ tɔtɛntinto e mɛ ye wá é ka nɔ nyí? Ee ayǐ mɛ nyɔ́ é ɔ, etɛ è ka wà nú Pɔlu?
Nùkanbyɔ ɖevo lɛ:
1. Xà Mɛsɛ́dó 27:1-44.
Nɛ̌ ganjɛwu e mǐ ɖó ɖɔ nǔ e ɖò Biblu mɛ lɛ é sɔgbe é ka nɔ syɛn d’eji hwenu e mǐ ɖò Hlɔma yìyì Pɔlu tɔn sín tàn xà wɛ é gbɔn? (Mɛ. 27:16-19, 27-32; Luk. 1:3; 2 Tim. 3:16, 17)
2. Xà Mɛsɛ́dó 28:1-14.
Pagáwùn e ɖò Maluti lɛ é ‘nyɔ́ xomɛ tlala’ dó Pɔlu kpo hagbɛ̌ tɔn e tɔjihun gbà dó lɛ é kpo wu. Enɛ wu ɔ, akpàkpà tɛ ka ɖó na sɔ́ Klisanwun lɛ? Gbɔn nɛ é? (Mɛ. 28:1, 2; Eble lɛ 13:1, 2; 1 Pi. 4:9)
Tàn 113
1. Mɛ̌ mɛ̌ e Pɔlu ka ɖɔ yɛhwexó na hwenu e é ɖò gankpa mɛ ɖò Hlɔma é?
2. Mɛ̌ ka nyí jonɔ e ɖò tavo ɔ tó é, bɔ ɖiɖe ɔ xlɛ́? Etɛ wà nú Pɔlu wɛ é ka ɖè?
3. Mɛ̌ ka nyí Epafloditi? Etɛ é ka hɛn hwenu e é lɛkɔ yì Filipu é?
4. Etɛwu Pɔlu ka wlan wema sɛ́dó xɔ́ntɔn tɔn vívɛ́ Filemɔ?
5. Etɛ Pɔlu ka wà hwenu e é jɛte sín gan mɛ é? Etɛ ka wá jɛ dó wǔ tɔn?
6. Mɛ̌ Jehovah ka zán dó wlan wema gudo tɔn Biblu tɔn lɛ? Etɛ jí wema Nǔɖexlɛ́mɛ tɔn ka ɖɔ xó dó?
Nùkanbyɔ ɖevo lɛ:
1. Xà Mɛsɛ́dó 28:16-31 kpo Filipunu lɛ 1:13 kpo.
Hwenu e Pɔlu ɖò gan mɛ ɖò Hlɔma é ɔ, nɛ̌ é ka zán hwenu tɔn gbɔn? Lè tɛ agun Klisanwun tɔn ka ɖu ɖò nùɖiɖi tɔn e ma vɔ́da ǎ é mɛ? (Mɛ. 28:23, 30; Fili. 1:14)
2. Xà Filipunu lɛ 2:19-30.
Xógbe ɖagbetuùnnúmɛ tɔn tɛ lɛ Pɔlu ka zán dó Timɔtée kpo Epafloditi kpo wu? Nɛ̌ mǐ ka sixu xwedó kpɔ́ndéwú Pɔlu tɔn gbɔn? (Fili. 2:20, 22, 25, 29, 30; 1 Ko. 16:18; 1 Tɛ. 5:12, 13)
3. Xà Filemɔ 1-25.
(a) Etɛ ka sísɛ́ Pɔlu bɔ é ɖɔ nú Filemɔ ɖɔ é ni wà nǔ e sɔgbe é? Nɛ̌ mɛxo agun tɔn lɛ ka sixu xwedó kpɔ́ndéwú tɔn gbɔn ɖò égbé? (File. 9; 2 Ko. 8:8; Ga. 5:13)
(b) Nɛ̌ xó e Pɔlu ɖɔ ɖò Filemɔ 13, 14 mɛ é ka xlɛ́ ɖɔ é nɔ ɖó sísí nú acɛ e mɛ ɖevo lɛ ɖó bo na wà nǔ e ye lin é gbɔn, ɖò agun ɔ mɛ? (1 Ko. 8:7, 13; 10:31-33)
4. Xà 2 Timɔtée 4:7-9.
Nɛ̌ mǐ ka sixu ɖó jiɖe Pɔlu ɖɔhun ɖɔ enyi mǐ nɔ gbeji kaka yì fó ɔ, Jehovah na sú axɔ tɔn mǐ gbɔn? (Mat. 24:13; Eble lɛ 6:10)
Tàn 114
1. Etɛwu Biblu ka ɖɔ ɖɔ sɔ́ lɛ ɖò te jɛ sín jixwé wɛ?
2. Nɛ̌ ahwan e Mawu jló na fun xá nǔnyanyawatɔ́ e ɖò ayikúngban jí lɛ é ka nɔ nyí? Etɛwu é ka na fun ahwan enɛ?
3. Mɛ̌ ka na nɔ nukɔn nú ahwan ɔ, bɔ ɖiɖe ɔ xlɛ́? Etɛwu é ka xwè axɔsugbakún? Etɛ hwǐ e ɖò alɔ tɔn mɛ é ka ɖexlɛ́?
4. Sɔgbe kpo Tàn 10, 15 kpo 33 gɔ́ ɔ kpo ɔ, etɛwu é ma ka ɖó na kpaca mǐ ɖɔ Jehovah na sú kún dó nú nǔnyanyawatɔ́ lɛ ǎ?
5. Nɛ̌ Tàn 36 kpo 76 gɔ́ ɔ kpo ka xlɛ́ mǐ ɖɔ Jehovah na sú kún dó nú nǔnyanyawatɔ́ lɛ enyi ye na bo ɖɔ emi ɖò sinsɛn ɛ wɛ ɔ gbɔn?
Nùkanbyɔ ɖevo lɛ:
1. Xà Nǔɖexlɛ́mɛ 19:11-16.
(a) Nɛ̌ Biblu ka xlɛ́ céɖécéɖé ɖɔ Jezu Klisu wɛ ɖò sɔ́ wewé ɔ kún wɛ gbɔn? (Nǔɖe. 1:5; 3:14; 19:11; Is. 11:4)
(b) Nɛ̌ hun e gbà dó awu Jezu tɔn mɛ é ka dó zǒgbe jí ɖɔ é na ɖu ɖò ahwan ɔ jí bo ɖu ɖ’eji bǐ mlɛ́mlɛ́ gbɔn? (Nǔɖe. 14:18-20; 19:13)
(c) Mɛ̌ mɛ̌ e ka sixu ko ɖò ahwangɔnu e xwedó Jezu ɖò sɔ́ wewé jí lɛ é mɛ? (Nǔɖe. 2:26, 27; 3:5; 19:14; Mat. 25:31, 32)
Tàn 115
1. Etɛ sín vivǐ mǐ ka na ɖu ɖò Palaɖisi mɛ bɔ Biblu xlɛ́?
2. Etɛ sín akpá Biblu ka dó nú mɛ e na nɔ Palaɖisi mɛ lɛ é?
3. Hwetɛnu Jezu ka na bló nǔ ɖagbe enɛ lɛ bǐ?
4. Hwenu e Jezu ɖò ayikúngban jí é ɔ, etɛ lɛ é ka bló bo dó xlɛ́ nǔ e é na wà ɖò axɔsuɖuɖu tɔn hwenu é?
5. Etɛ Jezu kpo mɛ e na ɖu axɔsu xá ɛ lɛ é kpo ka na wà hwenu e ye na ɖu axɔsu dó ayikúngban jí é?
Nùkanbyɔ ɖevo lɛ:
1. Xà Nǔɖexlɛ́mɛ 5:9, 10.
Etɛwu mǐ ka na ɖeji ɖɔ mɛ e na ɖu axɔsu dó ayikúngban ɔ jí ɖò Axɔsuɖuɖu Xwè Afatɔ́ɔ́n Tɔn ɔ hwenu lɛ é na nyí axɔsu kpo vɔsanúxwlémawutɔ́ xomɛnyɔtɔ́ kpo nùblawukúnúmɛtɔ́ lɛ kpo? (Efɛ. 4:20-24; 1 Pi. 1:7; 3:8; 5:6-10)
2. Xà Nǔɖexlɛ́mɛ 14:1-3.
Etɛ ka nyí tinmɛ nyikɔ Tɔ́ ɔ kpo Lɛngbɔví ɔ kpo tɔn e è wlan dó nukɔn nú 144 000 lɛ é? (1 Ko. 3:23; 2 Tim. 2:19; Nǔɖe. 3:12)
Tàn 116
Nǔ E Mǐ Na Wà bo Na Nɔ Gbɛ̀ Kaka Sɔyi É
1. Etɛ mǐ ka ɖó na wà bo na nɔ gbɛ̀ kaka sɔyi?
2. Nɛ̌ mǐ ka sixu tuùn Jehovah Mawu kpo Jezu kpo gbɔn, bɔ nyɔnuví ɔ kpo xɔ́ntɔn tɔn e ɖò ɖiɖe ɔ mɛ lɛ é kpo xlɛ́?
3. Wema ɖevo tɛ a ka mɔ ɖò ɖiɖe ɔ mɛ? Etɛwu mǐ ka ɖó na nɔ xà ɛ hwɛhwɛ?
4. Etɛ sín hudo mǐ ka lɛ́ ɖó gɔ́ nú Jehovah kpo Jezu kpo tuùntuùn cobo na mɔ gbɛ̀ mavɔmavɔ?
5. Etɛ Tàn 69 gɔ́ ɔ ka kplɔ́n mǐ?
6. Etɛ kpɔ́ndéwú ɖagbe nyaví kpɛví Samuwɛli tɔn e ɖò Tàn 55 gɔ́ ɔ mɛ é ka xlɛ́?
7. Nɛ̌ mǐ ka sixu xwedó kpɔ́ndéwú Jezu Klisu tɔn gbɔn? Enyi mǐ wà mɔ̌ ɔ, lè tɛ mǐ ka na mɔ?
Nùkanbyɔ ɖevo lɛ:
1. Xà Jaan 17:3.
Nɛ̌ Biblu ka xlɛ́ ɖɔ Jehovah Mawu kpo Jezu kpo tuùntuùn kún nyí nùkplɔnkplɔn dó tamɛ kɛɖɛ xó ó gbɔn? (Mat. 7:21; Ja. 2:18-20; 1 Jn 2:17)
2. Xà Psaume 145:1-21.
(a) Ðɔ hwɛjijɔ e mǐ ɖó bo na ɖò Jehovah kpa wɛ é ɖé lɛ. (Ps. 145:8-11; Nǔɖe. 4:11)
(b) Nɛ̌ Jehovah ka “nyɔ́ nú mɛ bǐ” gbɔn? Nɛ̌ enɛ ka ɖó na zɔ́n bɔ mǐ na sɛkpɔ ɛ gbɔn? (Ps. 145:9; Mat. 5:43-45)
(c) Enyi Jehovah vɛ́ nú mǐ ɔ, etɛ wiwa sín akpàkpà ka na sɔ́ mǐ? (Ps. 119:171, 172, 175; 145:11, 12, 21)