Wemaxɔmɛ Azɔ̌ Yɛhwexɔsuɖuto ɔ Tɔn Sín Vɔ̌gbɔnji
È na gbějé nùkanbyɔ elɔ lɛ kpɔ́n ɖò Wemaxɔmɛ Azɔ̌ Yɛhwexɔsuɖuto ɔ Tɔn e è na bló ɖò aklunɔzán gbla azǎn 29 Ayidosun 2015 tɔn é hwenu. È wlan azǎn e jí è na w’azɔ̌ dó nǔ ɖokpo ɖokpo jí ɖè é d’emɛ, bonu è na dó sixu ba dò nú nǔ hwenu e è ɖò nǔ sɔ́ nú wemaxɔmɛ ɔ wɛ ɖò aklunɔzán gbla ɖokpo ɖokpo mɛ é.
1. Etɛ ka nyla ɖò lee Mikali ɖɔ xó nú Davidi gbɔn ɔ mɛ? Nùkplɔnmɛ tɛ ka ɖò tan enɛ mɛ bɔ asú kpo asì kpo lɛ ɖó na hɛn dó ayi mɛ? (2 Sam. 6:20-23) [11 Nùxwásun, w11-EG 1/10 wex. 28 akpá. 1]
2. Hwenu e Davidi ɖɔ emi na gbá tɛmpli nú Jehovah é ɔ, gbeyiɖɔ Natáan na gbè tɔn ɛ. Jehovah ka gbɛ́ ɖɔ é kún sɔgbe ó. Nɛ̌ Natáan ka wà nǔ gbɔn? (2 Sam. 7:2, 3) [11 Nùxwásun, w12-EG 15/2 wex. 24 akpá. 6-7]
3. Etɛwu Natáan ka zán nùjlɛdonǔwu e ɖò 2 Samuwɛli 12:1-7 mɛ é, bo ma ɖɔ nú Davidi tlɔlɔ kpowun ɖɔ é hu hwɛ syɛnsyɛn ǎ? Nɛ̌ tan enɛ ka sixu d’alɔ mǐ bɔ mǐ na nyí nùkplɔnmɛtɔ́ ɖagbe gbɔn? [18 Nùxwásun, w12-EG 15/2 wex. 24 akpá. 2-3]
4. Etɛwu Abusalɔmu ka kpéwú bo blɛ́ Izlayɛli-ví lɛ? Nɛ̌ mǐ ka sixu cɔ́ mǐɖée dó “Abusalɔmu” égbé tɔn lɛ wu gbɔn? (2 Sam. 15:6) [25 Nùxwásun, w12-EG 15/7 wex. 13 akpá. 7]
5. Nɛ̌ Jehovah ka kpé nukún dó Davidi wu hwenu e é ɖò ninɔmɛ syɛnsyɛn ɖé mɛ é gbɔn? Etɛ enɛ ka sixu kplɔ́n mǐ? (2 Sam. 17:27-29) [1 Ayidosun, w08-EG 15/9 wex. 5-6 akpá. 15-16]
6. Kpɔ́ndéwú tɛ Davidi ka zé ɖ’ayǐ nú mǐ ɖò lee é wà nǔ xá jonɔ e è nɔ ylɔ ɖɔ Itayi é gbɔn é mɛ? (2 Sam. 18:2) [1 Ayidosun, w09-EG 15/5 wex. 27 akpá. 7]
7. Etɛ kpɔ́ndéwú Baazilayi tɔn ka sixu kplɔ́n mɛxomɔ e ɖò agun ɔ mɛ lɛ é? (2 Sam. 19:33-35) [8 Ayidosun, w07-EG 15/7 wex. 15 akpá. 1-2]
8. Nɛ̌ Jehovah ka nɔ ɖexlɛ́ ɖɔ emi ɖò gbeji gbɔn? Jiɖiɖe tɛ enɛ ka na mǐ ɖò égbé? (2 Sam. 22:26) [15 Ayidosun, w13-EG 15/6 wex. 17-18 akpá. 4, 6]
9. Nɛ̌ Natáan ka nɔ gbeji nú Jehovah gbɔn? Nɛ̌ mǐ ka sixu xwedó kpɔ́ndéwú tɔn enɛ gbɔn ɖò égbé? (1 Axɔ. 1:11-14) [22 Ayidosun, w12-EG 15/2 wex. 25 akpà. 1, 4-5]
10. Akpáxwé gbɛzinzan tɔn tɛ lɛ Mawu sɛntɔ́ ɖé ka sixu ba hwɛjijɔ e ma sɔgbe ǎ é bo gbà sɛ́n Mawu tɔn ɖè, lee Salomɔ́ɔ bló gbɔn é? (1 Axɔ. 3:1) [29 Ayidosun, w11-EG 15/12 wex. 10 akpá. 12-14]