Ayiɖónǔwú nú nǔxatɔ́ lɛ́

Nǔxatɔ́ vívɛ́

Xóta nǔkplɔ́nkplɔ́n tɔn e cá kan xá yěɖée lɛ́ é atɔ́ɔ́n wɛ ɖo Atɔxwɛ élɔ́ mɛ.

• Nukɔntɔn ɔ ná ɖɔ xó dó lěe Jexóva yí wǎn nú gbɛtɔ́ lɛ́ gbɔn é kpó nǔ e é wa dó d’alɔ mǐ nú mǐ ná ɖí xwi xá hwɛhuhu bo nyɔ́ nukún tɔn mɛ é kpó wú.

• Ðo wegɔ́ ɔ mɛ ɔ, mǐ ná kplɔ́n nǔ e mɛɖé ɖó ná wa bɔ hwɛ tɔn lɛ́ ná vɛ́ n’i é kpó lěe Jexóva ko d’alɔ mɛ lɛ́ bɔ hwɛ yětɔn vɛ́ nú yě gbɔn é kpó.

• Atɔngɔ́ ɔ tínmɛ lěe Jexóva ba ɖɔ agun Kɔlɛ́nti tɔn ní wa nǔ xá nya e hu hwɛ syɛ́nsyɛ́n ɖé bɔ hwɛ tɔn ma ka vɛ́ n’i ǎ é gbɔn é.

• Ðo ɛnɛgɔ́ ɔ mɛ ɔ, mǐ ná kplɔ́n lěe mɛxó agun tɔn lɛ́ ná d’alɔ mɛ e hu hwɛ syɛ́nsyɛ́n ɖé lɛ́ é gbɔn é.

• Ðo atɔ́ɔ́ngɔ́ ɔ mɛ, mǐ ná kplɔ́n nǔ e mɛxó agun tɔn lɛ́ kpó mɛ ɖěvo e ɖo agun ɔ mɛ lɛ́ é kpó sixú wa bá dó kpo ɖo wǎnyíyí kpó nǔbláwǔkúnúmɛ kpó ɖe xlɛ́ mɛ e è sɔ́ ɖó kɛ́n nú agun ɔ é ɖé wɛ é.