Ðe xlɛ́ ɖɔ émí kpan akɔ́n hwenu e è ɖo kɔ gbídí nú we wɛ é

Xa Jelemíi 38:1-13 bá kplɔ́n nǔ dó akɔ́nkpinkpan gbeyíɖɔ Jelemíi kpó agooɖojǐe Evɛ́di Mɛlɛ́ki kpó tɔn wú.

Gbějé nǔ e lɛ́ lɛ̌ dó wěmafɔ ɔ lɛ́ é kpɔ́n. Nɛ̌ Jelemíi ka xlɛ́ ɖɔ émí kpan akɔ́n hwenu e é ɖo wɛn Jexóva tɔn jlá wɛ é gbɔn? (Jel. 27:12-14; 28:15-17; 37:6-10) Nɛ̌ mɛ lɛ́ ka wa nǔ gbɔn ɖó nǔ e Jelemíi ɖɔ é wú?—Jel. 37:15, 16.

Ba do nú nǔ d’é jí. Kɔ tɛ́ è ka gbídí nú Jelemíi? (jr-F 27-28 akpá. 20-22) Ba do nú nǔ dó lěe sitɛ́nu lɛ́ nɔ cí ɖo Biblu sín táan mɛ é jí. (it-1-F 483-484) Nɛ̌ nǔ ka sixú ko cí nú Jelemíi hwenu e è sɔ́ ɛ dó sitɛ́nu e mɛ adu ɖe é mɛ é wú? Xɛsi tɛ́ lɛ́ jí Evɛ́di Mɛlɛ́ki ka sixú ko ɖu ɖe?—w12-F 1/5 31 akpá. 2-3.

Ba nǔkplɔ́nmɛ lɛ́. Kan nǔ élɔ́ lɛ́ byɔ́ hwiɖée:

• ‘Étɛ́ tan élɔ́ ka kplɔ́n mì dó lěe Jexóva nɔ nya xɛ ɖo mɛsɛntɔ́ tɔn gbejínɔtɔ́ lɛ́ jí gbɔn é wú?’ (Ðɛh. 97:10; Jel. 39:15-18)

• ‘Ninɔmɛ tɛ́ lɛ́ mɛ un ka ɖó ná xlɛ́ ɖɔ un kpan akɔ́n ɖe?’

• ‘Nɛ̌ un ka sixú bló gbɔn bo ná lɛ́ kpan akɔ́n hú gǎn bo ná wa nǔ e sɔgbe é hwenu e è ɖo kɔ gbídí nú mì wɛ é?’ (w11 1/3 30)a