Allah halkan halluɓe fahin na?

22Hande boo yimɓe halli masin. Kuuje kalluɗe ɗume ɓe ɗon kuuwa?

23 Yimɓe feere ɗon mbara woɗɓe. Allah wi’i taa mbar goɗɗo.—Gurtaaki 20:13; 1 Yuhanna 3:11, 12

24 Feere ɗon ngujja. Allah wi’i ’taa a wujja’.—Gurtaaki 20:15; Efesu’en 4:28

25 Woɗɓe ɗon ɓaŋŋa rewɓe ɗuuɗɓe. Feere ɗon ngeeɗa bee rewɓe ɗiɗo malla ɓuri, nder saare feere feere. Worɓe feere boo ɗon ngeeɗa bee rewɓe bilaa haɓɓugo te’gal. Ɗo fuu liddi bee ko Bibel wi’i.—Matta 19:4-6; 1 Korintu’en 7:1-4; 1 Timote 3:1, 2

26 Siftoru: Naa Allah hokkino Aadama debbo gootel tan na?—Laataanooji 2:22, 24

27 Yimɓe feere ɗon rewa labbi. Allah wi’i taa a huuwtinira bee labbi malla suuraaji nder dewal.—Gurtaaki 20:4, 5; Esaaya 44:9-17; 1 Yuhanna 5:21

28 Yeehova nattinan halluɓe jey yiɗaa sannjugo.—Jabuura 37:9, 10; Luka 13:5; 1 Korintu’en 6:9, 10