Noy a waɗata?

50 A yiɗi yeeɗugo haa foroy nder aljanna mbooɗga na?

Nden kam, ekkitu kadi boo ko Allah wi’i. Habdu jaŋgugo Bibel.—Yuhanna 17:3; Wahayu Yuhanna 1:3

51 Ekkitu fahin dow Yeesu.—Tooktaaki Tawreeta 18:18, 19; Yuhanna 3:16; Kuuɗe Nelaaɓe 3:19-23

52 Habdu waɗugo kuuɗe booɗɗe tan e ɗowtaan Yeehova.—Roma’en 6:17, 18, 22

53 Siftoru: Yeehova wi’i taa en mbara goɗɗo.—Gurtaaki 20:13; 1 Yuhanna 3:11, 12

54 Taa en kooca kuuje yimɓe.—Gurtaaki 20:15; Efesu’en 4:28

55 Gorko fotaay jooɗaago e waalugo bee debbo to debbo oo, naa debbo maako.—Gurtaaki 20:14, 17; 1 Tessaloniiki’en 4:3

56 Siftoru: rewɓe noy Allah hokki Aadama? Wakkati noy gorko jooɗata bee debbo mum?—Laataanooji 2:22, 24; Matta 19:5, 6; 1 Korintu’en 7:2, 10, 11

57 Siftoru fahin: Yeehova tan en rewata—Matta 4:10; 1 Korintu’en 8:6

58 Labbi e suuraaji potaay wallugo en. Ngam ɗume?—1 Korintu’en 8:4

Ɗum wooɗi to goɗɗo mari labbi na?—Tooktaaki Tawreeta 27:15; 1 Yuhanna 5:21

59 Ngam ɗume ɗum wooɗaay to goɗɗo mari layaaji e lawru?—Tooktaaki Tawreeta 18:10-13; Wahayu Yuhanna 21:8

60 Malaa’ika’en halluɓe, malla ginnaaji tuurtini Allah. Ɓe ɗon kuuwtinira hiilooɓe ngam estugo yimɓe.—Kuuɗe Nelaaɓe 16:16

61 Tooren Allah. Ɗum wi’igo yoo, en volwana Allah, en ngecca mo en ngiɗi rewugo mo e en ngecca mo boo, o walla en.—Filippi’en 4:6, 7

62 En ɗowtaana Yeesu e en nuɗɗina mo boo.—Ibraniŋko’en 5:9; Yuhanna 3:16

63 Siftoru: Yeesu maayi ngam hisnugo en.—Roma’en 5:8

64 Siftoru: Yeesu ɗum Laamiiɗo meeɗen mo yi’ataake. Ammaa, en ɗowtaana mo.—Filippi’en 2:9-11; Wahayu Yuhanna 19:16

65 Yeesu wi’i a wolwana yimɓe feere kuuje booɗɗe jey a ekkiti, e yiɗɓe rewugo Allah boo, ɓe ngiiwa ngiiwam baptisma.—Matta 28:19, 20; Yuhanna 4:7-15

66 Bana ni, a wolwana soobiraaɓe ma kuuje booɗɗe ɗe’e.—Matta 10:32

67 To a ekkiti jaŋgugo laɓɗum, a faaman kuuje ɗuuɗɗe fahin, e a foti a famtina yimɓe feere.—2 Timote 2:15

68 Yeesu ekkitini ɓikkoy bana noy koy ɗowtanta Allah. O meeɗaay somugo ngam wolwugo bee maakoy sam.—Matta 19:13-15

69 Saarooji poti boo ekkitingo ɓikkoy maakoy haa koy ɗowtaana Allah e koy ngiɗa Allah.—Tooktaaki Tawreeta 6:6, 7; Balndi 6:20-22; Efesu’en 6:4

70 Dinaaji feere feere ɗuuɗɗi masin. Ɓurna waazuuji maaji walaa nder Bibel. Yeehova ɗon umra en, sey en acca dinaaji jey waazinta gooŋga.—Wahayu Yuhanna 18:4; Yuhanna 4:23, 24

71 Yeehova mari rewanɓe mo dow lesdi. Ɓe ekkitinan ma kuuje ɗuuɗɗe dow maako. A anndi ɓe na?—Kuuɗe Nelaaɓe 15:14; Roma’en 10:14, 15

72 Ɗum Seedooɓe Yeehova’en. Ɓe mari sulhu caka maɓɓe. Ngam ɗume? Ngam ɓe ɗon ngiɗindira masin.—Esaaya 43:10-12; Yuhanna 13:34, 35

73 Fahin, ngam ɓe ngiɗi Yeehova, ɓe ngiiwi ngiiwam baptisma. Nii on ɓe ɗon kolla bee baŋguɗum bana noy ɓe acci laawol ngeendam kalluɗam e ɓe ngiɗi saalaago nder ngeendam luttuɗam maɓɓe, ngam rewugo Allah.—Kuuɗe Nelaaɓe 2:41

74 Seedooɓe yeehova, ɓe ngeli yeeɗugo nder aljanna kayniiɗam kesam.—Jabuura 37:9-11, 29

Noy a waɗata to a yiɗi jooɗugo nder aljanna bee maɓɓe?—Yakuba 1:22, 25; 2:20-26

75 War hawtu bee maɓɓe ngam ekkitugo rewugo Yeehova. Ɓe ngiɗi Allah Yeehova e Yeesu Almasiihu; ɓe ɗon ɗowtaana ɓe boo. A yiɗi Yeehova e Yeesu na? A foti wallugo yimɓe feere haa ɓe annda Allah boo na?—Yuhanna 6:45-47

76 Yeehova e Yeesu Almasiihu, ɓe ngiɗi ma. Ɓe ngiɗi a yeeɗa haa foroy nder Aljanna.—Yuhanna 3:16

Min tammi ko a ekkiti bee suuraaji e tindinooje ɗe tokkata ɗi, hokki ma yela yeeɗugo dow lesdi haa foroy. To a yiɗi ekkitugo kuuje feere fahin, emmu Seedoowo Yeehova jey toy fuu haa wuro ma. Malla a winda, e to a anndaa windugo, goɗɗo windana ma, haa adireesi a yiɗi, bana ɗum holli haa wakeere 2, nder deftere nde.