27 Ejaakɛ no pɛ ji ehehaanɔ, mama ni ekɛhaa ehe;* mɛni ekɛbaawɔ?+ Kɛ́ ebolɔ etsɛ mi lɛ, bɔ fɛɛ bɔ ni fee lɛ, mabo lɛ toi, ejaakɛ mɔbɔnalɔ* ji mi.+

9 Ejaakɛ, kɛ́ nyɛku nyɛsɛɛ kɛba Yehowa ŋɔɔ lɛ, mɛi ni eŋɔ nyɛnyɛmimɛi lɛ kɛ nyɛbii lɛ nom kɛtee lɛ baana amɛ mɔbɔ+ ni amɛbaahã amɛku amɛsɛɛ kɛba shikpɔŋ nɛɛ nɔ,+ ejaakɛ musuŋtsɔlɔ* kɛ mɔbɔnalɔ ji Yehowa, nyɛ-Nyɔŋmɔ lɛ,+ ni kɛ́ nyɛku nyɛsɛɛ kɛba eŋɔɔ lɛ, etsɔŋ ehiɛ etoŋ afã.”+

17 Amɛbooo bo toi,+ ni amɛkaiii nibii wuji ni ofee yɛ amɛteŋ lɛ, moŋ lɛ, amɛfee amɛhe kuɛŋtilɔi ni amɛhala hiɛnyiɛlɔ koni ekɛ amɛ aku sɛɛ kɛya amɛnyɔŋyeli lɛ mli yɛ Ejipt.+ Shi akɛni oji Nyɔŋmɔ ni sumɔɔ waa akɛ ekɛ eshai ake,* ni oji musuŋtsɔlɔ* kɛ mɔbɔnalɔ, ni omli fuuu mra, ni oyi obɔ kɛ suɔmɔ ni tsakeee hewɔ lɛ,+ okwaaa amɛ.+