July 28–August 3
Wɔshiɛmɔ Kɛ Wɔshihilɛ Kpee Nifeemɔ Wolo—2025 | July

JULY 28–AUGUST 3

ABƐI 24

Lala 38 Kɛ Sɔlemɔ | Hiɛkpamɔ (Min. 1)

NYƆŊMƆ WIEMƆ LƐ MLI JWETRII

1. Saamɔ Ohe Oto Shihilɛi Ni Mli Wala

(Min. 10)

Yaa nɔ okase nii ni oná nilee ni ohiɛ akã shi (Abɛ 24:5; w23.07 18 kk. 15)

Kɛ́ onijiaŋ je wui po lɛ, yaa nɔ ofee nibii srɔtoi ni ofeɔ kɛjáa Nyɔŋmɔ lɛ (Abɛ 24:10; w09 12/15 18 kk. 12-13)

Kɛ́ wɔhemɔkɛyeli lɛ mli wa ni wɔsumɔɔ Yehowa lɛ, no baawa ni wɔnyɛ wɔfi shi yɛ shihilɛi ni mli wala amli (Abɛ 24:16; w20.12 15)

Nyɛmi yoo ko ni miiye hela ko ni naa wa lɛ kɛ enaanyo ko miitsu shĩa fɛɛ shĩa nitsumɔ lɛ kɛ miishɛɛ. Ekɛ nɔ ko ni yɔɔ etablɛti lɛ nɔ miitsɔɔ yoo ko yɛ yoo lɛ shinaa lɛ naa.

2. Pɛimɔ Ŋmalɛi Lɛ Amli Jogbaŋŋ

(Min. 10)

  • Abɛ 24:27—Mɛni wɔkaseɔ yɛ abɛ nɛɛ mli? (w09 10/15 12 kk. 5-7)

  • Mɛɛ jwetrii oná yɛ otsi nɛɛ Biblia kanemɔ lɛ mli ni obaasumɔ ni owie he?

3. Biblia Kanemɔ

(Min. 4) Abɛ 24:​1-20 (th nikasemɔ 11)

KASEMƆ BƆ NI ASHIƐƆ JOGBAŊŊ

4. Kɛ́ Oyaaje Sanegbaa Shishi

(Min. 2) ODASE NI AYEƆ BE NI ANYIƐƐƐ SHIƐMƆ NƆ. Okɛ mɔ ko miigba sane, shi onáaa hegbɛ oye lɛ odase dani sanegbaa lɛ sɛɛ fo. (lmd nikasemɔ 2 oti 4)

5. Kɛ́ Oyaaje Sanegbaa Shishi

(Min. 3) SHĨA FƐƐ SHĨA. (lmd nikasemɔ 3 oti 4)

6. Kɛ́ Oyaaje Sanegbaa Shishi

(Min. 3) MAŊ ODASEYELI. Hã mɔ lɛ ale akɛ wɔkɛ mɛi kaseɔ Biblia lɛ ni wɔheee nɔ ko, ni ohã lɛ Biblia kasemɔ kaadi lɛ eko. (lmd nikasemɔ 4 oti 3)

7. Wiemɔ

(Min. 3) lmd saji krokomɛi A oti 11—Saneyitso: Nyɔŋmɔ Ehã Wɔle Esusumɔ Yɛ Saji Ahe. (th nikasemɔ 6)

HII SHI AKƐ KRISTOFONYO

Lala 99

8. Kɛ́ Shihilɛi Ni Mli Wala Ba Lɛ, Nyɛyea Nyɛbuaa Nyɛhe

(Min. 15) Sanegbaa.

Tsɛŋemɔ hela, adebɔɔ naa oshãra, basabasafeemɔ, ta, loo yiwaa baanyɛ aba trukaa. Kɛ́ shihilɛi ni mli wala ba lɛ, nyɛmimɛi ni kɛ shihilɛi nɛɛ miikpe lɛ yeɔ amɛbua amɛhe ni amɛwowoɔ amɛhe hewalɛ. Kɛ́ shihilɛi nɛɛ ba, ni esaaa wɔhe po lɛ, wɔnuɔ he wɔhãa wɔnyɛmimɛi ni tsɔɔ mli lɛ, ni wɔfeɔ nɔ fɛɛ nɔ ni wɔbaanyɛ kɛyeɔ wɔbuaa amɛ.—1Ko 12:​25, 26.

Mfonirii ni ato naa: Nyɛmimɛi hii kɛ yei miiwa amɛnyɛmimɛi Kristofoi yɛ gbɛi srɔtoi anɔ. 1. Adebɔɔ naa oshãra ko efite Maŋtsɛyeli Asa ko, ni nyɛmimɛi komɛi miisaa amɛmiima ekoŋŋ. 2. Nyɛmimɛi komɛi miihere yoo ko kɛ ebiyoo ni ji abobalɔi lɛ hiɛmɛɛ. 3. Nyɛmi yoo ko miitsu onia yɛ Maŋtsɛyeli Asa nɔ. 4. Nyɛmimɛi komɛi miihã nyɛmimɛi ni ji abobalɔi lɛ amɛhiamɔ nii yɛ Maŋtsɛyeli Asa ko nɔ. 5. Nyɛmimɛi komɛi ni kɛ amɛhe ehã miija nu. 6. Nyɛmi nuu ko miisɔle.

Kanemɔ 1 Maŋtsɛmɛi 13:6 kɛ Yakobo 5:16b. No sɛɛ lɛ bi toibolɔi lɛ akɛ:

  • Mɛni hewɔ sɔlemɔ ni Nyɔŋmɔ tsuji sɔleɔ amɛhãa mɛi krokomɛi lɛ yɔɔ hewalɛ waa lɛ?

Kanemɔ Marko 12:​42-44 kɛ 2 Korintobii 8:​1-4. No sɛɛ lɛ bi toibolɔi lɛ akɛ:

  • Kɛ́ wɔbɛ nɔ ko tsɔ ni no hewɔ lɛ onia fioo ko pɛ wɔbaanyɛ wɔtsu ni akɛye abua nyɛmimɛi ni kɛ shihilɛi ni mli wala ekpe lɛ, mɛni hewɔ esaaa akɛ wɔshashaoɔ shi akɛ wɔbaatsu onia lɛ?

Jiemɔ VIDIO nɛɛ: Amɛwo Nyɛmimɛi Lɛ Hewalɛ Be Ni Atsĩ Shiɛmɔ Nitsumɔ Lɛ Naa Lɛ. No sɛɛ lɛ bi toibolɔi lɛ akɛ:

  • Be ni atsĩ shiɛmɔ nitsumɔ lɛ naa yɛ Yuropa Bokãgbɛ lɛ, mɛɛ afɔlei nyɛmimɛi lɛ jɛ suɔmɔ mli amɛshã koni amɛnyɛ amɛye amɛbua amɛnyɛmimɛi ni yɔɔ jɛmɛ lɛ?

  • Be ni atsĩ shiɛmɔ nitsumɔ lɛ naa yɛ Yuropa Bokãgbɛ lɛ, te nyɛmimɛi lɛ fee tɛŋŋ amɛye kitã ni ji akɛ wɔkpe ni wɔwowoo wɔhe hewalɛ lɛ nɔ?—Heb 10:​24, 25

9. Asafoŋ Biblia Nikasemɔ

(Min. 30) lfb nikasemɔ 4-5

Naamuu (Min. 3) | Lala 112 Kɛ Sɔlemɔ

Emli Saji
Buu-Mɔɔ (Nikasemɔ Nɔ)—2025 | May

Nikasemɔ 21: July 28, 2025–August 3, 2025

14 Okɛ Ojwɛŋmɔ Ama Maŋ Ni Baaya Nɔ Ahi Shi Lɛ Nɔ