39 No hewɔ lɛ, osɔfo Eleazar ŋɔ akɔɔble lajeenii ni mɛi ni la lɛ shã amɛ lɛ kɛba lɛ, ni etswia kɛha afɔleshaa latɛ lɛ he, 40 tamɔ bɔ ni Yehowa tsɔ Mose nɔ ekɛɛ lɛ lɛ pɛpɛɛpɛ. Eji kaimɔ nɔ kɛhã Israelbii lɛ akɛ, mɔkpɔŋ ko* ni jeee Aaron seshinyo lɛ akatsi ebɛŋkɛ akɛ ebaashã tsofa-kɛ-ŋma yɛ Yehowa hiɛ,+ ni akɛ, mɔ ko mɔ ko akatsɔ tamɔ Kora kɛ esɛɛfilɔi lɛ.+

19 Shi Nyɔŋmɔ gbe Bet-shemesh hii lɛ ejaakɛ amɛkwɛ Yehowa Adeka lɛ. Egbe amɛteŋ mɛi 50,070,* ni mɛi lɛ wo yara ejaakɛ Yehowa egbe amɛteŋ mɛi babaoo.+

16 Shi be ni ená hewalɛ lɛ nɔŋŋ lɛ, etsui wó ehe nɔ, ni no kɛ lɛ tee hiɛkpatamɔ mli, ni etɔ̃ Yehowa, e-Nyɔŋmɔ lɛ nɔ, ejaakɛ etee Yehowa sɔlemɔ shĩa lɛ koni eyashã tsofa-kɛ-ŋma yɛ tsofa-kɛ-ŋma afɔleshaa latɛ lɛ nɔ.+

18 Amɛtsĩ Maŋtsɛ Uzia gbɛ, ni amɛkɛɛ lɛ akɛ: “Uzia, jeee onitsumɔ ji oshã tsofa-kɛ-ŋma ohã Yehowa!+ Osɔfoi lɛ pɛ afee amɛ krɔŋkrɔŋ akɛ amɛshã tsofa-kɛ-ŋma, ejaakɛ Aaron seshibii ji amɛ.+ Jee kpo kɛje jamɔhe lɛ, ejaakɛ ootɔ̃, ni Yehowa, o-Nyɔŋmɔ lɛ, woŋ ohiɛ nyam yɛ enɛ he.”