19 Ni yɛ gbi ni ji etɛ lɛ nɔ lɛ, bɔ fɛɛ bɔ ni fee lɛ abaabi oshi, no hewɔ lɛ, yaa he ni nyɛsɛɛ lɛ* oyatee ohe yɛ lɛ, ni ohi tɛ lɛ ni yɔɔ biɛ lɛ masɛi. 20 Matsɛ̃rɛ̃ gãimlibii etɛ mawo tɛ lɛ afã kome, tamɔ nɔ ni miitsɛ̃ nɔ ko pɔtɛɛ gãi. 21 Kɛ́ mitsu sɔɔlɔ lɛ, makɛɛ lɛ akɛ, ‘Yaa ni oyatao gãimlibii lɛ.’ Kɛ́ mikɛɛ sɔɔlɔ lɛ akɛ, ‘Naa! Gãimlibii lɛ yɛ obiɛgbɛ, yaakɔlɔ’ lɛ, no lɛ, obaanyɛ oku osɛɛ oba, ejaakɛ no tsɔɔ akɛ, gbii abɔ ni Yehowa hiɛ kã nɛɛ, obaaná toiŋjɔlɛ ni sane fɔŋ ko kwraa baŋ onɔ. 22 Shi kɛ́ mikɛɛ oblanyo lɛ akɛ, ‘Gãimlibii lɛ etɛke bo’ lɛ, no lɛ, yaa, ejaakɛ Yehowa ewo bo gbɛ.