5 Be ni Siriabii ni yɔɔ Damasko+ lɛ ba koni amɛbaye amɛbua Zoba maŋtsɛ Hadadezer lɛ, David gbe Siriabii 22,000.+ 6 Kɛkɛ ni David to asraafoi akui yɛ Damasko, ni ji Siria maŋtiase lɛ, ni Siriabii lɛ batsɔmɔ David tsuji ni amɛkɛ nikeenii* bahãa lɛ. He fɛɛ he ni David yaa lɛ, Yehowa hãa eyeɔ kunim.*+ 7 Agbɛnɛ hu, David shɔ̃ tsɛŋ koklobii ni akɛ shika tsuru fee lɛ kɛje Hadadezer tsuji lɛ adɛŋ ni ekɛba Yerusalem.+ 8 Maŋtsɛ David loo akɔɔble babaoo kɛjɛ Beta kɛ Berotai, ni ji Hadadezer maji lɛ amli.