27 “Shi ani Nyɔŋmɔ baaba ebahi shikpɔŋ lɛ nɔ lɛɛlɛŋ?+ Naa! Ŋwɛii, ŋwɛii amli ŋwɛi po edaaa hãaa bo;+ enyiɛ nɔŋŋ shĩa ni mima nɛɛ!+ 28 No hewɔ lɛ, Yehowa, mi-Nyɔŋmɔ, bo otsulɔ sɔlemɔ kɛ faikpamɔ kɛhã mɔbɔnalɛ lɛ toi, ni obo sɔlemɔ ni otsulɔ sɔleɔ kɛhã yelikɛbuamɔ lɛ, kɛ sɔlemɔ ni esɔleɔ yɛ ohiɛ ŋmɛnɛ gbi nɛɛ toi. 29 Hã ohiŋmɛii akã shĩa nɛɛ he jenamɔ kɛ jetsɛremɔ, shĩa ni owie yɛ he akɛ, ‘Migbɛ́i baahi jɛmɛ’ lɛ,+ ni obo sɔlemɔ ni otsulɔ ewó ehiɛ etsɔɔ biɛ ni esɔleɔ lɛ toi.+ 30 Ni obo otsulɔ faikpamɔ kɛhã mɔbɔnalɛ kɛ nɔ ni omaŋ Israel biɔ be ni amɛtsɔ amɛhiɛ amɛhã biɛ ni amɛsɔleɔ lɛ toi, ni onu yɛ he ni oyɔɔ lɛ, he ni oyɔɔ yɛ ŋwɛii+ lɛ; ni onu ni okɛke.+

66 Nɔ ni Yehowa kɛɛ nɛ:

“Ŋwɛi lɛ, mimaŋtsɛ sɛi ni, ni shikpɔŋ lɛ, minajiashi sɛi ni.+