30 “Kɛ́ wiemɔi nɛɛ fɛɛ ba onɔ, jɔɔmɔ kɛ loomɔ ni mikɛshwie ohiɛ lɛ,+ ni okai nibii nɛɛ*+ yɛ jeŋmaji fɛɛ ni Yehowa, o-Nyɔŋmɔ lɛ, gbɛ bo eshwã amɛmli lɛ ateŋ,+ 2 ni oku osɛɛ kɛba Yehowa, o-Nyɔŋmɔ lɛ ŋɔɔ,+ ni okɛ otsui fɛɛ kɛ osusuma* fɛɛ bo egbee toi yɛ nibii fɛɛ ni mifãa bo ŋmɛnɛ gbi nɛɛ anaa,+ bo kɛ obihii lɛ, 3 no lɛ, Yehowa, o-Nyɔŋmɔ lɛ, baahã onomii lɛ aku amɛsɛɛ kɛba,+ ni ebaana bo mɔbɔ+ ni ebaabua onaa ekoŋŋ kɛjɛ maji fɛɛ ni Yehowa, o-Nyɔŋmɔ lɛ, gbɛ bo eshwã amɛmli lɛ amli.+

20 Amɛkɛ nyɛnyɛmimɛi lɛ fɛɛ baajɛ jeŋmaji lɛ amli kɛba+ yɛ okpɔŋɔi anɔ, yɛ shwiilii amli, yɛ shwiilii ni aha yiteŋ amli, yɛ tejii* anɔ, yɛ afukpɔŋɔi ni he yɔɔ oya lɛ anɔ, ni amɛkɛbaakwɔ kɛba migɔŋ krɔŋkrɔŋ lɛ, ni ji Yerusalem lɛ nɔ koni amɛkɛbake Yehowa tamɔ bɔ ni Israelbii lɛ kɛ amɛnikeenii woɔ nibii ni he tse amli kɛbaa Yehowa shĩa lɛ,” Yehowa kɛɛ.

6 Mahã mihiŋmɛii ahi amɛhe koni mafee amɛ ekpakpa, ni mahã amɛku amɛsɛɛ kɛba shikpɔŋ nɛɛ nɔ.+ Matswa amɛ mama shi, ni mikumɔŋ amɛ; madu* amɛ, ni mifãŋ amɛ.+

24 Majie nyɛ kɛje jeŋmaji lɛ ateŋ ni mabua nyɛnaa kɛjɛ shikpɔji lɛ fɛɛ anɔ, ni mikɛ nyɛ baaba nyɛshikpɔŋ lɛ nɔ.+