Lalai
Kɛhã lalatsɔɔlɔ lɛ; yɛ Yedutun*+ gbɛ nɔ. Lala ni David fo.
Gbii abɔ ni mɔ fɔŋ yɔɔ mihiɛ nɛɛ,
Mafi minaabu kɛbu minaabu he.”+
3 Mitsui he dɔ la yɛ mimli.
Be ni mijwɛŋɔ lɛ,* la lɛ tee nɔ etso.
Kɛkɛ ni mililɛi wie akɛ:
4 “Ao Yehowa, ye obua mi koni male bɔ ni minaagbee baaji,
Kɛ migbii lɛ falɛ,+
Koni male bɔ ni miwala yɔɔ kuku hã.*
Eji anɔkwale akɛ gbɔmɔ fɛɛ gbɔmɔ lɛ, kɛ́ eyɛ shweshweeshwe po lɛ, etamɔ kɔɔyɔɔ ni amuɔ.+ (Sela)
6 Eji anɔkwale akɛ gbɔmɔ fɛɛ gbɔmɔ lɛ, enyiɛ tamɔ hɔɔŋ.
Egbaa shi kɛyaa kɛbaa* efolo.
Ebuaa nibii anaa ni eleee mɔ ni baaye po.+
7 Ao Yehowa, belɛ, mɛni nɔ mihiɛ kã mɔ?
Bo pɛ onɔ mihiɛ kã.
8 Jiemɔ mi kɛje mitɔmɔi lɛ fɛɛ amli.+
Kaahã buulu kɛ mi ye tamɔ mɔ ko ni abuuu lɛ ahãaa nɔ ko.
10 Jiemɔ omanehulu lɛ kɛje minɔ.
Yi ni onine yiɔ mi lɛ ehã migbɔjɔ.
Anɔkwa, gbɔmɔ fɛɛ gbɔmɔ tamɔ kɔɔyɔɔ ni amuɔ.+ (Sela)
12 Ao Yehowa, bo misɔlemɔ lɛ toi,
Bo bolɔmɔ ni mibolɔɔ kɛhã yelikɛbuamɔ lɛ toi.+
Kaaku ohiɛ oshwie miyaafonui lɛ anɔ.
13 Jiemɔ ohiɛ yɛ minɔ koni maná miishɛɛ
Dani maho maya.”