Lalai
Kɛhã lalatsɔɔlɔ lɛ. Lala ni afo. David nɔ.
109 Ao Nyɔŋmɔ, bo mɔ ni mijieɔ oyi,+ kaafee diŋŋ.
2 Ejaakɛ mɔ fɔŋ lɛ kɛ mɔ ni lakaa mɔ lɛ egbɛ amɛdaaŋ amɛwo mi.
4 Amɛte shi amɛwo mi kɛto suɔmɔ ni mijie kpo mitsɔɔ amɛ lɛ najiaŋ;+
Shi maya nɔ masɔle.
5 Amɛkɛ efɔŋ to ekpakpa ni mifee amɛ lɛ najiaŋ,+
Ni amɛkɛ nyɛɛ to suɔmɔ ni mijie kpo mitsɔɔ amɛ lɛ najiaŋ.+
6 Hã mɔ fɔŋ aye enɔ;
Hã shiteekɛwolɔ* adamɔ eninejurɔ nɔ.
7 Kɛ́ akojo lɛ lɛ, hã eye fɔ;
Buu esɔlemɔ po akɛ esha.+
10 Hã ebii atsɔmɔ mɛi ni kpaa shi kɛbaa nii,
Mɛi ni yataoɔ niyenii yɛ amɛtsukoi lɛ amli.
11 Hã mɔ ni faa lɛ nii lɛ ashɔ̃ nɔ fɛɛ nɔ ni eyɔɔ lɛ yɛ edɛŋ,*
Ni gbɔi aloo enibii.
13 Hã afolɔ eseshibii lɛ ashwie;+
Agbe amɛgbɛ́i yɛ yinɔ kome mli.
14 Yehowa akai etsɛmɛi lɛ atɔmɔ lɛ,+
Ni akatsumɔ emami he esha lɛ.
15 Nɔ ni amɛfee lɛ ahi Yehowa hiɛ daa
Ni ehiɛ akpa nɔ ni ale yɛ amɛhe lɛ nɔ yɛ shikpɔŋ lɛ nɔ.+
16 Ejaakɛ ekaiii ni ebaajie mlihilɛ* kpo,+
Shi etee nɔ etiu mɔ ni awaa lɛ yi,+ kɛ ohiafo, kɛ mɔ ni tsui ekumɔ lɛ
Koni egbe lɛ.+
17 Akɛni esumɔɔ ni elomɔ hewɔ lɛ, loomɔ nɔŋŋ ba enɔ;
Akɛni esumɔɔɔ ni ejɔɔ hewɔ lɛ, enáaa jɔɔmɔ ko.
18 Loomɔ ewula lɛ tamɔ atade.
Ni afɔse awo egbɔmɔtso mli tamɔ nu,
Ebote ewui amli tamɔ fɔ.*
21 Shi bo, Yehowa Nuŋtsɔ Ofe,
Tsu saji ahe nii ohã mi yɛ ogbɛ́i lɛ hewɔ.+
Jiemɔ mi ejaakɛ osuɔmɔ ni tsakeee lɛ hi.*+
23 Miilaaje tamɔ hɔɔŋ laajeɔ;
Ahwanya mi ashwie tamɔ baalabi.
24 Ŋmaahilɛ sɔŋŋ ehã minakutsei egbɔjɔ;
Mitã loo ni mifee kanyakanya.*
25 Mitsɔ tamɔ nyaŋemɔ nii yɛ amɛhiɛ.+
Kɛ́ amɛna mi lɛ, amɛhosoɔ amɛyitsei.+
26 Ao Yehowa, mi-Nyɔŋmɔ, ye obua mi;
Okɛ osuɔmɔ ni tsakeee lɛ ahere mi.
27 Koni amɛle akɛ onine fee enɛ;
Ni akɛ, bo Yehowa ofee enɛ.
28 Amɛ lɛ amɛlomɔɔ, shi bo lɛ obaajɔɔ.
Kɛ́ amɛte shi amɛwo mi lɛ, amɛhiɛ ashwie shi,
Ni otsulɔ anya.
30 Minaabu baajie Yehowa yi babaoo;
Majie eyi yɛ mɛi babaoo ahiɛ.+