1 Kronika
5 Ruben,+ Israel kromɔbi lɛ bihii nɛ. Lɛ ji kromɔbi, shi akɛni ebule epapa saa lɛ hewɔ lɛ,+ akɛ gbɛnaa ni eyɔɔ akɛ kromɔbi lɛ hã Israel binuu Yosef bihii lɛ,+ no hewɔ lɛ, aŋmaaa egbɛ́i yɛ wekutɔkpaa wolo lɛ mli akɛ lɛ ji kromɔbi. 2 Eyɛ mli akɛ Yuda+ nɔ kwɔ fe enyɛmimɛi hii lɛ, ni lɛ emli aná hiɛnyiɛlɔ lɛ kɛjɛ moŋ,+ shi akɛ kromɔbi gbɛnaa lɛ hã Yosef. 3 Ruben, ni ji Israel kromɔbi lɛ bihii ji Hanok kɛ Palu kɛ Hezron kɛ Karmi.+ 4 Yoel binuu* ji Shemaia, ni lɛ hu ebinuu ji Gog, ni lɛ hu ebinuu ji Shimei, 5 ni lɛ hu ebinuu ji Mika, ni lɛ hu ebinuu ji Reaia, ni lɛ hu ebinuu ji Baal, 6 ni lɛ hu ebinuu ji Beerah, mɔ ni Asiria maŋtsɛ Tiglat-pilneser+ baŋɔ lɛ nom kɛtee lɛ; eji Rubenbii lɛ ateŋ onukpai lɛ eko. 7 Bɔ ni ato enyɛmimɛi hii lɛ awekui lɛ anaa yɛ wekutɔkpaa wolo lɛ mli yɛ amɛseshibii lɛ anaa nɛ: Yeiel, mɔ ni ji onukpa lɛ,* kɛ Zakaria, 8 kɛ Bela, mɔ ni tsɛ ji Azaz, ni Azaz hu tsɛ ji Shema, ni Shema hu tsɛ ji Yoel lɛ, mɛi ni hi shi kɛjɛ Aroer+ aahu kɛtee Nebo kɛ Baal-meon lɛ.+ 9 Amɛhi shi kɛjɛ bokãgbɛ aahu kɛtee Yufrate Faa+ lɛ naa ŋa lɛ he, ejaakɛ kooloi ni amɛlɛɔ lɛ ayi efa babaoo yɛ Gilead+ shikpɔŋ lɛ nɔ. 10 Yɛ Saul gbii lɛ amli lɛ, amɛkɛ Hagribii lɛ yawu ta ni amɛye amɛnɔ kunim, no hewɔ lɛ, amɛhi Hagribii lɛ amama tsũi lɛ amli yɛ Gilead bokãgbɛ kpokpaa lɛ nɔ fɛɛ.
11 Gad seshibii lɛ hi amɛmasɛi kɛjɛ Bashan shikpɔŋ lɛ nɔ aahu kɛtee Saleka.+ 12 Yɛ Bashan lɛ, Yoel ji onukpa,* ni Shafam ji esɛɛ mɔ, ni Yanai kɛ Shafat hu ji hiɛnyiɛlɔi. 13 Ni amɛnyɛmimɛi hii ni jɛ amɛtsɛmɛi ashĩai lɛ ji Mikael, kɛ Meshulam, kɛ Sheba, kɛ Yorai, kɛ Yakan, kɛ Zia, kɛ Eber, amɛyi kpawo. 14 Mɛnɛɛmɛi ji Abihail bihii, ni Abihail hu papa ji Huri, ni Huri hu papa ji Yaroa, ni Yaroa hu papa ji Gilead, ni Gilead hu papa ji Mikael, ni Mikael hu papa ji Yeshishai, ni Yeshishai hu papa ji Yado, ni Yado hu papa ji Buz. 15 Ahi, mɔ ni papa ji Abdiel, ni Abdiel hu papa ji Guni lɛ, ji amɛtsɛmɛi ashĩa lɛ onukpa.* 16 Amɛhi Gilead,+ kɛ Bashan+ kɛ ehe maji ni baa lɛ abo* lɛ, kɛ hei fɛɛ ni yɔɔ Sharon ni kooloi yeɔ nii yɛ lɛ aahu kɛtee hei nɛɛ ahusui anaa tɔ̃ɔ. 17 Aŋmala amɛgbɛ́i yɛ wekutɔkpaa wolo lɛ mli yɛ Yuda maŋtsɛ Yotam+ gbii lɛ amli, kɛ Israel maŋtsɛ Yeroboam*+ gbii lɛ amli.
18 Rubenbii lɛ, kɛ Gadbii lɛ, kɛ Manase weku lɛ fã kroko lɛ yɛ tawulɔi kãkãlɔi 44,760 ni hiɛɔ tsɛŋi kɛ klantei kɛ gãii,* ni atsɔse amɛ kɛhã ta yɛ amɛsraafoi lɛ ateŋ. 19 Amɛkɛ Hagribii+ lɛ, kɛ Yetur, kɛ Nafish,+ kɛ Nodab wu ta. 20 Aye abua amɛ yɛ ta lɛ mli, no hewɔ lɛ, akɛ Hagribii lɛ kɛ mɛi fɛɛ ni fata amɛhe lɛ wo amɛdɛŋ, ejaakɛ amɛbo amɛtsɛ Nyɔŋmɔ koni eye ebua amɛ yɛ ta lɛ mli, ni ebo amɛfaikpamɔ lɛ toi ejaakɛ amɛkɛ amɛhiɛ fɔ̃ enɔ.+ 21 Amɛŋɔ amɛkooloi lɛ—afukpɔŋɔi 50,000, gwantɛŋi 250,000, kɛ tejii 2,000—kɛ agbɛnɛ hu gbɔmɛi* 100,000. 22 Agbe mɛi babaoo ejaakɛ anɔkwa Nyɔŋmɔ lɛ ji mɔ ni wu ta lɛ.+ Ni amɛhi shi yɛ jɛmɛ kɛyashi be ni aŋɔ amɛ nom lɛ.+
23 Manase+ weku lɛ fã kroko lɛ seshibii lɛ hi shikpɔŋ lɛ nɔ kɛjɛ Bashan kɛtee Baal-hermon, kɛ Senir, kɛ Hermon Gɔŋ+ lɛ he. No mli lɛ, amɛyi fa babaoo. 24 Amɛtsɛmɛi ashĩai lɛ onukpai* lɛ nɛ: Efer, kɛ Ishi, kɛ Eliel, kɛ Azriel, kɛ Yeremia, kɛ Hodavia, kɛ Yadiel; tawulɔi kãkãlɔi ji amɛ, hii ni ehe gbɛ́i, ni amɛji amɛtsɛmɛi ashĩai lɛ onukpai. 25 Shi amɛyeee amɛtsɛmɛi a-Nyɔŋmɔ lɛ anɔkwa ni amɛjá shikpɔŋ lɛ nɔ bii lɛ,+ ni ji mɛi ni Nyɔŋmɔ kpãtã amɛhiɛ kɛje amɛhiɛ lɛ anyɔŋmɔi lɛ.* 26 No hewɔ lɛ, Israel Nyɔŋmɔ lɛ tsirɛ Asiria maŋtsɛ Pul+ (ni ji Asiria maŋtsɛ Tiglat-pilneser)*+ ni ebaŋɔ Rubenbii lɛ, kɛ Gadbii lɛ, kɛ Manase weku lɛ fã kroko lɛ nom kɛtee, ni ekɛ amɛ tee Hala, kɛ Habor, kɛ Hara, kɛ Gozan+ Faa lɛ he, he ni amɛyɔɔ kɛbashi ŋmɛnɛ lɛ.