1 Kronika
9 Aŋmala Israelbii lɛ fɛɛ agbɛ́ii yɛ wekutɔkpaa wolo lɛ mli, ni aŋmala enɛ yɛ Israel Maŋtsɛmɛi Awolo lɛ mli. Ni aŋɔ Yuda nom kɛtee Babilon ejaakɛ eyeee anɔkwa.+ 2 Mɛi ni ku amɛsɛɛ kɛba amɛshikpɔŋ lɛ nɔ klɛŋklɛŋ yɛ amɛmaji lɛ amli ji, Israelbii lɛ ekomɛi, kɛ osɔfoi lɛ, kɛ Levibii lɛ, kɛ sɔlemɔ shĩa sɔɔlɔi*+ lɛ. 3 Ni Yuda,+ kɛ Benyamin,+ kɛ Efraim, kɛ Manase seshibii lɛ ekomɛi yahi Yerusalem, amɛji: 4 Utai, mɔ ni papa ji Amihud, ni lɛ hu epapa ji Omri, ni lɛ hu epapa ji Imri, ni lɛ hu epapa ji Bani lɛ, Yuda binuu Perez+ seshibii lɛ. 5 Ni yɛ Shilobii lɛ ateŋ lɛ, Asaia, mɔ ni ji kromɔbi lɛ kɛ ebihii lɛ. 6 Ni yɛ Zerabii+ lɛ ateŋ lɛ, Yeuel kɛ amɛnyɛmimɛi hii 690.
7 Ni yɛ Benyaminbii lɛ ateŋ lɛ, Salu, mɔ ni papa ji Meshulam, ni lɛ hu epapa ji Hodavia, ni lɛ hu epapa ji Hasenua lɛ, 8 kɛ Ibneia, mɔ ni papa ji Yeroham lɛ, kɛ Ela, mɔ ni papa ji Uzi, ni lɛ hu epapa ji Mikri lɛ, kɛ Meshulam, mɔ ni papa ji Shefatia, ni lɛ hu epapa ji Reuel, ni lɛ hu epapa ji Ibnia lɛ. 9 Ni amɛnyɛmimɛi hii lɛ ayifalɛ yɛ amɛwekutɔkpaa lɛ naa ji 956. Hii nɛɛ fɛɛ ji amɛtsɛmɛi ashĩai lɛ onukpai.*
10 Ni yɛ osɔfoi lɛ ateŋ lɛ, Yedaia, kɛ Yehoiarib, kɛ Yakin,+ 11 kɛ Azaria, mɔ ni papa ji Hilkia, ni lɛ hu epapa ji Meshulam, ni lɛ hu epapa ji Zadok, ni lɛ hu epapa ji Meraiot, ni lɛ hu epapa ji Ahitub, mɔ ni ji anɔkwa Nyɔŋmɔ lɛ shĩa* lɛ hiɛnyiɛlɔ lɛ, 12 kɛ Adaia, mɔ ni papa ji Yeroham, ni lɛ hu epapa ji Pashur, ni lɛ hu epapa ji Malkia lɛ, kɛ Maasai, mɔ ni papa ji Adiel, ni lɛ hu epapa ji Yahzera, ni lɛ hu epapa ji Meshulam ni lɛ hu epapa ji Meshilemit, ni lɛ hu epapa ji Imer lɛ, 13 kɛ amɛnyɛmimɛi hii lɛ, ni ji tsɛmɛi ashĩai onukpai lɛ, hii kãkãlɔi 1,760, ni sa kɛhã sɔɔmɔ yɛ anɔkwa Nyɔŋmɔ lɛ shĩa lɛ.
14 Ni yɛ Levibii lɛ ateŋ lɛ, Shemaia,+ mɔ ni papa ji Hashub, ni lɛ hu epapa ji Azrikam, ni lɛ hu epapa ji Hashabia lɛ, Merari seshibii lɛ; 15 kɛ Bakbakar, kɛ Heresh, kɛ Galal, kɛ Matania, mɔ ni papa ji Mika, ni lɛ hu epapa ji Zikri, ni lɛ hu epapa ji Asaf lɛ, 16 kɛ Obadia, mɔ ni papa ji Shemaia, ni lɛ hu epapa ji Galal, ni lɛ hu epapa ji Yedutun lɛ, kɛ Berekia, mɔ ni papa ji Asa, ni lɛ hu epapa ji Elkana, mɔ ni hi Netofatbii+ lɛ ashihilɛhei lɛ.
17 Ni agbonaakwɛlɔi+ lɛ ji Shalum, kɛ Akub, kɛ Talmon, kɛ Ahiman, kɛ amɛnyɛmi nuu Shalum, mɔ ni ji amɛnɔ onukpa lɛ, 18 ni kɛyashi nakai be lɛ, no mli lɛ, lɛ ekwɛɔ maŋtsɛ lɛ agbó ni yɔɔ bokãgbɛ lɛ naa.+ Mɛnɛɛmɛi ji agbonaakwɛlɔi yɛ Levibii lɛ nsarai lɛ amli. 19 Ni Shalum, mɔ ni papa ji Kore, ni lɛ hu epapa ji Ebiasaf, ni lɛ hu epapa ji Kora lɛ, kɛ Korabii lɛ, ni ji enyɛmimɛi hii ni jɛ etsɛmɛi ashĩa lɛ, ji mɛi ni kwɛɔ sɔɔmɔ nitsumɔ lɛ nɔ akɛ kpee buu lɛ naa kwɛlɔi, ni amɛtsɛmɛi lɛ sɔmɔ akɛ he ni atsɔɔ kɛboteɔ Yehowa nsara lɛ mli lɛ naa kwɛlɔi. 20 Tsutsu lɛ, Finehas,+ Eleazar+ binuu lɛ ji amɛhiɛnyiɛlɔ; ni Yehowa kɛ lɛ yɛ. 21 Ni no mli lɛ, Zakaria,+ Meshelemia binuu lɛ ji he ni atsɔɔ kɛboteɔ kpee buu lɛ mli lɛ naa kwɛlɔ.
22 Mɛi fɛɛ ni ahã amɛsɔmɔ yɛ agbói lɛ anaa akɛ agbonaakwɛlɔi lɛ ayifalɛ ji 212. No mli lɛ, amɛyɛ amɛshihilɛhei lɛ yɛ bɔ ni aŋmala amɛgbɛ́i yɛ amɛwekutɔkpaa wolo lɛ mli lɛ naa.+ David, kɛ Samuel ni ji ninalɔ+ lɛ, ji mɛi ni kɛ nitsumɔ nɛɛ wo mɛi ni amuɔ afɔ̃ɔ amɛnɔ nɛɛ adɛŋ. 23 Amɛ kɛ amɛbihii lɛ ji mɛi ni buɔ Yehowa shĩa lɛ,+ ni ji buu lɛ shĩa lɛ, agbói lɛ anaa. 24 Agbonaakwɛlɔi lɛ damɔɔ ekoji ejwɛ lɛ anaa—ni ji bokã, kɛ anai, kɛ kooyi, kɛ wuoyi.+ 25 Ato gbɛjianɔ koni yɛ be kɛ beiaŋ lɛ, amɛnyɛmimɛi hii lɛ ajɛ amɛshihilɛhei lɛ koni amɛkɛ amɛ abatsu nii gbii kpawo. 26 Ayɛ nɔkwɛlɔi* ejwɛ ni amuɔ afɔ̃ɔ amɛnɔ ni kwɛɔ agbonaakwɛlɔi lɛ anɔ. Levibii ji amɛ, ni amɛ amɛkwɛɔ tsũi* lɛ kɛ anɔkwa Nyɔŋmɔ lɛ shĩa lɛ nitoohei lɛ anɔ.+ 27 Amɛhiɔ hei ni amɛtsuɔ nii yɛ, yɛ anɔkwa Nyɔŋmɔ lɛ shĩa lɛ he, nyɔɔŋ muu fɛɛ, ejaakɛ amɛ ni amɛbuɔ he, ni amɛ ni amɛhiɛɔ enaa samfee lɛ, ni amɛ ni amɛgbeleɔ shĩa lɛ daa leebi.
28 Amɛteŋ mɛi komɛi kwɛɔ nibii+ ni akɛsɔmɔɔ lɛ nɔ; kɛ́ amɛkɛmiiba lɛ, amɛkaneɔ, ni kɛ́ amɛkɛmiije kpo hu, amɛkaneɔ. 29 Ahã amɛteŋ mɛi komɛi kwɛ nibii krokomɛi lɛ, kɛ nibii krɔŋkrɔŋ lɛ,+ kɛ ashikishaŋ kpakpa+ lɛ, kɛ wain+ lɛ, kɛ mu+ lɛ, kɛ frankinsɛnsi+ lɛ, kɛ balsam mu+ lɛ nɔ. 30 Osɔfoi abihii lɛ ekomɛi ji mɛi ni futuɔ tsofa-kɛ-ŋma ni akɛ balsam mu feɔ lɛ. 31 Ni Matitia, ni jɛ Levibii lɛ ateŋ, ni ji Shalum, Koranyo lɛ kromɔbi lɛ ji mɔ ni kwɛɔ nibii ni ashãa yɛ pan mli+ lɛ anɔ, ejaakɛ amuɔ afɔ̃ɔ enɔ. 32 Amɛnyɛmimɛi hii lɛ ekomɛi ni ji Kohatbii lɛ ji mɛi ni kwɛɔ blodo ni eko kã eko nɔ*+ lɛ nɔ, ni amɛshãa daa hejɔɔmɔ gbi.+
33 Mɛnɛɛmɛi ji mɛi ni láa lɛ, mɛi ni ji Levibii lɛ atsɛmɛi ashĩai onukpai lɛ ni yɔɔ tsũi* lɛ amli, mɛi ni ahãaa amɛtsu nitsumɔi krokomɛi lɛ eko lɛ; ejaakɛ daa jetsɛremɔ kɛ jenamɔ lɛ, amɛmiitsu amɛnitsumɔ lɛ. 34 Mɛnɛɛmɛi ji Levibii lɛ atsɛmɛi ashĩai onukpai lɛ yɛ amɛwekutɔkpaa lɛ naa, amɛji onukpai lɛ. Amɛhi Yerusalem.
35 Yeiel hi Gibeon, ni lɛ ji mɔ ni to Gibeon.*+ Atsɛɔ eŋa Maaka. 36 Ni ekromɔbi ji Abdon, ni mɛi ni nyiɛ esɛɛ ji Zur, kɛ Kish, kɛ Baal, kɛ Ner, kɛ Nadab, 37 kɛ Gedor, kɛ Ahio, kɛ Zakaria, kɛ Miklot. 38 Miklot fɔ Shimeam. Ni amɛ kɛ amɛnyɛmimɛi hii krokomɛi lɛ fɛɛ hi amɛnyɛmimɛi hii lɛ amasɛi yɛ Yerusalem. 39 Ner+ fɔ Kish; ni Kish fɔ Saul;+ ni Saul fɔ Yonatan,+ kɛ Malki-shua,+ kɛ Abinadab,+ kɛ Eshbaal. 40 Ni Yonatan binuu ji Merib-baal.+ Merib-baal fɔ Mika.+ 41 Ni Mika bihii ji Piton, kɛ Melek, kɛ Tarea, kɛ Ahaz. 42 Ahaz fɔ Yara; Yara fɔ Alemet, kɛ Azmawet, kɛ Zimri. Zimri fɔ Moza. 43 Ni Moza fɔ Binea, ni lɛ hu ebinuu ji Refaia, ni lɛ hu ebinuu ji Eleasa, ni lɛ hu ebinuu ji Azel. 44 Azel fɔ bihii ekpaa, ni amɛgbɛ́i ji Azrikam, kɛ Bokeru, kɛ Ishmael, kɛ Shearia, kɛ Obadia, kɛ Hanan. Azel bihii ji mɛnɛɛmɛi fɛɛ.