Lalai

132 Ao Yehowa, kaimɔ David

Kɛ emanehului lɛ fɛɛ;+

 2 Bɔ ni ekã Yehowa kitã,

Bɔ ni ewo Yakob Hewalɔ lɛ shi akɛ:+

Mikãŋ misɛi saatso, mi diɛŋtsɛ misaatso lɛ nɔ;

 4 Mihãŋ mihiŋmɛii aná wɔ,

Ni mihãŋ wɔ hu aba mihiŋmɛii asɛɛ

 5 Kɛyashi maná he ko mahã Yehowa,

Shĩa fɛfɛo* mahã Yakob Hewalɔ lɛ.”+

 6 Naa! Wɔnu he yɛ Efrata;+

Wɔna yɛ koo lɛ mli tsei lɛ ateŋ.+

 7 Nyɛhãa wɔyaa eshĩa*+ lɛ mli;

Nyɛhãa wɔkotoa shi yɛ enajiashi sɛi+ lɛ hiɛ.

 8 Ao Yehowa, tee shi ni oba ohejɔɔmɔhe lɛ,+

Bo kɛ Adeka ni tsɔɔ akɛ oyɛ hewalɛ lɛ.+

 9 Jalɛ nifeemɔi awula mɛi ni yeɔ osɔfo amɛhãa bo lɛ,

Ni onɔkwafoi lɛ alá nyamɔ lala.

10 Otsulɔ David hewɔ lɛ,

Kaakwa mɔ ni ofɔ lɛ mu lɛ.*+

11 Yehowa ekã David kitã;

Etsakeŋ ewiemɔ lɛ kɔkɔɔkɔ.

Ekã lɛ kitã akɛ: “Mahã oseshibii* lɛ ateŋ mɔ kome

Ata omaŋtsɛ sɛi lɛ nɔ.+

12 Kɛji obihii lɛ ye mikpaŋmɔ lɛ

Kɛ mikaimɔi ni matsɔɔ amɛ lɛ anɔ lɛ,+

No lɛ, amɛbihii hu

Baata omaŋtsɛ sɛi lɛ nɔ kɛya naanɔ.”+

13 Ejaakɛ Yehowa ehala Zion;+

Eesumɔ ni ekɛfee eshihilɛhe.+

14 Ekɛɛ akɛ: “Mihejɔɔmɔhe nɛ kɛmiiya naanɔ;

Biɛ mahi,+ ejaakɛ biɛ misumɔɔ.

15 Majɔɔ biɛ babaoo kɛ nibii kpakpai;

Mahã ohiafoi ni yɔɔ biɛ lɛ atɔrɔ kɛ niyenii.*+

16 Mawula emli osɔfoi lɛ kɛ yiwalaheremɔ,+

Ni emli anɔkwafoi lɛ baalá nyamɔ lala.+

18 Mikɛ hiɛgbele baawula ehenyɛlɔi lɛ,

Shi lɛ lɛ, akekere* ni bu eyitso lɛ baakpɛ.”*+