Lalai

Malá majie oyi,

Yɛ nyɔŋmɔi krokomɛi ahiɛ.*

 2 Matsɔ mihiɛ mahã osɔlemɔ shĩa*+ krɔŋkrɔŋ lɛ ni makoto shi,

Ni majie ogbɛ́i lɛ yi+

Yɛ osuɔmɔ ni tsakeee kɛ onɔkwayeli lɛ hewɔ.

 3 Gbi ni mibo mitsɛ bo lɛ, ohere mi nɔ;+

Owo mi ekãa* ni ohã miná hewalɛ.+

 4 Ao Yehowa, shikpɔŋ lɛ nɔ maŋtsɛmɛi lɛ fɛɛ baajie oyi,+

Ejaakɛ amɛnu onaa shiwoi lɛ.

 5 Amɛbaalá Yehowa gbɛi lɛ ahe lala,

Ejaakɛ Yehowa anunyam lɛ da.+

 6 Yehowa yɛ ŋwɛi shɔŋŋ moŋ, shi enaa heshibalɔi,+

Shi henɔwolɔi lɛ, amɛyɛ shɔŋŋ yɛ ehiɛ.+

Okpãa onine mli oshiɔ mihenyɛlɔi amlifu lɛ;

Oninejurɔ baahere mi.

Ao Yehowa, osuɔmɔ ni tsakeee lɛ hiɔ shi kɛyaa naanɔ;+

Kaahã ohiɛ miikpa oninenaa nitsumɔi lɛ anɔ.+