Lalai
David nɔ.
28 Ao Yehowa, mi-Tɛsaa,+ bo miyaa nɔ mibolɔɔ mitsɛɔ;
Kaatsimɔ otoi owo mi.
2 Kɛ́ mibo mitsɛ bo koni oye obua mi lɛ, bo mifaikpamɔi lɛ toi,
Be ni mihole miniji anɔ mitsɔɔ ojamɔhe lɛ mli sɛɛtsu lɛ.+
3 Kaaloo mi ofata efɔŋfeelɔi lɛ ahe, mɛi ni yeɔ awui lɛ,+
Mɛi ni kɛ amɛnyɛmi gbɔmɔ wieɔ toiŋjɔlɛ wiemɔ, shi efɔŋ moŋ yɔɔ amɛtsuii amli lɛ.+
4 Wo amɛ nyɔmɔ yɛ amɛnifeemɔi lɛ ahewɔ,+
Yɛ amɛnifeemɔi fɔji lɛ anaa.
Too amɛ najiaŋ yɛ amɛninenaa nitsumɔi lɛ ahewɔ,
Yɛ nɔ ni amɛfee lɛ naa.+
Ebaakumɔ amɛ, ni etswaŋ amɛ emaŋ shi.
6 Ajie Yehowa yi,
Ejaakɛ ebo mifaikpamɔi kɛhã yelikɛbuamɔ lɛ toi.
Eye ebua mi, ni mitsui enyɔ mimli,
No hewɔ lɛ, mikɛ milala lɛ baajie eyi.
8 Yehowa ji emaŋ lɛ hewalɛ;
Lɛ ji teemɔhe ni kɛ yiwalaheremɔ kpele bahãa mɔ ni efɔ lɛ mu lɛ.+
9 Heremɔ omaŋ lɛ, ni ojɔɔ ogboshinii lɛ.+