Lalai

142 Mikɛ migbee bo mitsɛ Yehowa koni eye ebua mi;+

Mikɛ migbee kpa Yehowa fai koni ena mi mɔbɔ.

 2 Mifɔseɔ nɔ ni haoɔ mi lɛ mishwieɔ ehiɛ;

Mijaje mihaomɔ lɛ yɛ ehiɛ+

 3 Be ni mimumɔ naa* tã yɛ mimli lɛ.

Amɛtsɔ mi tsɔne yɛ teemɔŋ,

Yɛ gbɛ ni minyiɛɔ nɔ lɛ nɔ.

 4 Kwɛmɔ mininejurɔ nɔ, ni obaana akɛ

Mɔ ko mɔ ko susuuu mihe.*+

He ko bɛ ni manyɛ majo foi kɛya;+

Mɔ ko mɔ ko gbaaa ehe naa yɛ mihe.*

Miikɛɛ akɛ: “Bo ji mibobaahe,+

Nɔ pɛ ni miyɔɔ* yɛ hiɛkãalɔi ashikpɔŋ lɛ nɔ.”

 6 Bo mibolɔmɔ kɛhã yelikɛbuamɔ lɛ toi jogbaŋŋ,

Ejaakɛ mihao waa.

Jiemɔ mi kɛje mɛi ni waa mi yi lɛ adɛŋ,+

Ejaakɛ amɛhe wa fe mi.

 7 Jiemɔ mi* kɛje gboklɛfoi abu lɛ mli

Koni majie ogbɛ́i lɛ yi.

Jalɔi abua amɛhe naa yɛ mihe,

Ejaakɛ okɛ mi yeɔ jogbaŋŋ.