Lalai
Sɔlemɔ ni mɔ ni awaa lɛ yi lɛ sɔle be ni ehao* ni efɔse nɔ ni haoɔ lɛ lɛ eshwie Yehowa hiɛ lɛ.+
2 Okɛ ohiɛ akatee mi yɛ mihaomɔ be lɛ mli.+
3 Ejaakɛ migbii lɛ miilaaje tamɔ lasu,
Ni miwui lɛ ahe edɔ tamɔ nɔ ni amɛjwere la mli.+
4 Mitsui egbo yɛ mimli tamɔ jwɛi ni egbi ni eŋala,+
Ejaakɛ mihiɛ kpaa miniyenii po nɔ.
6 Mitsɔ tamɔ ŋa nɔ dɔkɔdɔkɔ;
Mitamɔ patu bibioo ni yɔɔ he ko ni efee koikoi.
8 Mihenyɛlɔi lɛ wieɔ amɛshiɔ mi gbi muu fɛɛ.+
Mɛi ni yeɔ mihe fɛo lɛ kɛ migbɛ́i lomɔɔ.
9 Ejaakɛ lamulu etsɔ miniyenii,*+
Ni yaafonui efutu nii ni minuɔ lɛ mli,+
10 Yɛ omlila lɛ kɛ omlifu lɛ hewɔ,
Ejaakɛ owó minɔ koni oshɛ mi ofɔ̃.
15 Jeŋmaji lɛ baashe Yehowa gbɛ́i lɛ gbeyei,
Ni shikpɔŋ lɛ nɔ maŋtsɛmɛi lɛ fɛɛ baashe onunyam lɛ gbeyei.+
19 Ejaakɛ ejɛɔ ehe krɔŋkrɔŋ ni kwɔ lɛ ekwɛɔ shikpɔŋ,+
Yehowa jɛɔ ŋwɛi ekwɛɔ shikpɔŋ lɛ,
20 Koni ebo mɔ ni awo lɛ tsuŋ lɛ kɛ̃ɛmɔ lɛ toi,+
Koni ehã mɛi ni abu amɛ gbele fɔ lɛ aye amɛhe,+
21 Bɔ ni afee ni ajaje Yehowa gbɛ́i lɛ yɛ Zion+
Kɛ eyijiemɔ lɛ yɛ Yerusalem,
22 Be ni majimaji lɛ kɛ maŋtsɛyelii lɛ
Ebua amɛhe naa koni amɛsɔmɔ Yehowa lɛ.+
23 Eshɔ̃ mihewalɛ yɛ midɛŋ trukaa be ni mibe shɛko;
Efo migbii lɛ anɔ kuku.
24 Mikɛɛ akɛ: “Ao mi-Nyɔŋmɔ,
Bo mɔ ni owala afii lɛ hiɔ shi yɛ yinɔi fɛɛ amli,+
Kaagbe mi yɛ miwala afii lɛ teŋ.
26 Amɛhiɛ baakpãtã, shi bo lɛ, obaahi shi daa;
Amɛbaafite tamɔ atade fiteɔ lɛ.
Obaatsake amɛ tamɔ bɔ ni atsakeɔ mama lɛ, ni amɛbaaho amɛya.
27 Shi bo lɛ, oyɛ bɔ ni oyɔɔ lɛ nɔŋŋ, ni owala afii lɛ hu baŋ naagbee kɔkɔɔkɔ.+
28 Otsuji lɛ abii lɛ baahi shi ni efɔŋ ko baaa amɛnɔ,
Ni amɛseshi lɛ baadamɔ shi shiŋŋ yɛ ohiɛ.”+