1 Maŋtsɛmɛi

10 Ni Sheba maŋnyɛ lɛ nu gbɛ́i ni Solomon ehe yɛ Yehowa gbɛ́i lɛ hewɔ lɛ he,+ no hewɔ lɛ, eba koni ekɛ sanebimɔi ni mli wawai* abaka lɛ akwɛ.+ 2 Ebashɛ Yerusalem kɛ mɛi babaoo ni eto sɛrɛnɛɛ kɛnyiɛ esɛɛ,+ kɛ afukpɔŋɔi ni tere balsam mu+ kɛ shika tsuru babaoo, kɛ ojarawatɛi. Etee Solomon ŋɔɔ ni ekɛ lɛ yawie nɔ fɛɛ nɔ ni yɔɔ etsui mli. 3 Kɛkɛ ni Solomon hã esanebimɔi lɛ fɛɛ ahetoo. Emli eko eko bɛ ni mli wa kɛhã* maŋtsɛ lɛ ni enyɛɛɛ egbála mli etsɔɔ maŋnyɛ lɛ.

4 Be ni Sheba maŋnyɛ lɛ na Solomon nilee* lɛ fɛɛ,+ shĩa ni ema,+ 5 kɛ ekpɔlɔ nɔ niyenii,+ kɛ etsuji lɛ ashitaramɔ yɛ ekpɔlɔ lɛ he, kɛ bɔ ni ekpɔlɔ he sɔɔlɔi lɛ sɔmɔɔ yɛ ekpɔlɔ lɛ he kɛ atadei ni amɛwoɔ, kɛ edãawolɔi lɛ, kɛ shãa afɔlei ni eshãa daa yɛ Yehowa shĩa lɛ, ehe jɔ.* 6 No hewɔ lɛ, ekɛɛ maŋtsɛ lɛ akɛ: “Ohe saji ni minu yɛ mi diɛŋtsɛ mishikpɔŋ lɛ nɔ yɛ nibii ni ofee* kɛ onilee* lɛ he lɛ fɛɛ lɛ, anɔkwale ni. 7 Shi miheee saji ni minu lɛ miyeee kɛyashi miba ni mikɛ mi diɛŋtsɛ mihiŋmɛii bana. Ni naa! nɔ ni agba mi lɛ shɛɛɛ emli fã po. Onilee* lɛ kɛ nii ni oyɔɔ lɛ fa kwraa fe nɔ ni agba mi lɛ. 8 Anɔkwa, owebii* lɛ yɛ miishɛɛ, ni otsuji ni damɔɔ ohiɛ be fɛɛ be ni amɛboɔ onilee* lɛ toi lɛ hu yɛ miishɛɛ!+ 9 Ajie Yehowa, o-Nyɔŋmɔ lɛ yi,+ mɔ ni ená ohe miishɛɛ ni ekɛ bo eta Israel maŋtsɛ sɛi lɛ nɔ lɛ. Akɛni Yehowa sumɔɔ Israel kɛyaa naanɔ hewɔ lɛ, ewó bo maŋtsɛ koni okojo ni oye jalɛ sane.”

10 Kɛkɛ ni ehã maŋtsɛ lɛ shika tsuru talɛntai* 120 kɛ balsam mu+ babaoo kɛ ojarawatɛi.+ Mɔ ko kɛ balsam mu babaoo tamɔ nɛkɛ baaa dɔŋŋ yɛ nɔ ni Sheba maŋnyɛ lɛ kɛbahã Maŋtsɛ Solomon lɛ sɛɛ.

11 Hiram meelei ni kɛ shika tsuru jɛɔ Ofir+ kɛbaa lɛ hu kɛ algum tsei+ babaoo diɛŋtsɛ, kɛ ojarawatɛi jɛɔ Ofir kɛbaa.+ 12 Maŋtsɛ lɛ kɛ algum tsei lɛ fee niiamlihiɛmɔ nibii kɛhã Yehowa shĩa lɛ kɛ maŋtsɛ shĩa lɛ, ni ekɛ eko hu fee saŋkui kɛ kpãa saŋkui kɛhã lalɔi lɛ.+ Akɛ algum tsei ni fa tamɔ nɛkɛ baaa dɔŋŋ, ni anako eko nakai dɔŋŋ hu kɛbashi ŋmɛnɛ.

13 Maŋtsɛ Solomon hu hã Sheba maŋnyɛ lɛ nɔ fɛɛ nɔ ni etaoɔ kɛ nɔ fɛɛ nɔ ni ebi maŋtsɛ lɛ, ni agbɛnɛ hu, ejɛ lɛ diɛŋtsɛ esuɔmɔ mli eke maŋnyɛ lɛ nii.* No sɛɛ lɛ, maŋnyɛ lɛ shi kɛtee lɛ diɛŋtsɛ eshikpɔŋ lɛ nɔ, lɛ kɛ etsuji lɛ fɛɛ.+

14 Ni shika tsuru ni akɛbahã Solomon yɛ afi kome mli lɛ tsiimɔ ji shika tsuru talɛntai 666,+ 15 soro nɔ ni enáa kɛjɛɔ jarayelɔi gbɛfalɔi lɛ kɛ guɔyelɔi lɛ kɛ Arab maŋtsɛmɛi lɛ fɛɛ kɛ shikpɔŋ lɛ nɔ amralofoi lɛ adɛŋ.

16 Maŋtsɛ Solomon kɛ shika tsuru ni akɛ dade kroko efutu fee tsɛŋi wuji 200+ (ekɛ shika tsuru shekeli* 600 ha tsɛŋi lɛ eko fɛɛ eko he),+ 17 ni ekɛ shika tsuru ni akɛ dade kroko efutu fee tsɛŋi bibii* 300 hu (ekɛ shika tsuru minai* etɛ ha tsɛŋi bibii lɛ eko fɛɛ eko he). Kɛkɛ ni maŋtsɛ lɛ kɛyato Lebanon Koo Shĩa+ lɛ mli.

18 Maŋtsɛ lɛ kɛ shwuɔ wu* fee maŋtsɛ sɛi+ wulu ko hu, ni ekɛ shika tsuru ni atsuu he ha he.+ 19 Afee atrakpoi ekpaa yɛ maŋtsɛ sɛi lɛ hiɛ, ni akɛ nɔ ko kokloo eha maŋtsɛ sɛi lɛ yiteŋ yɛ esɛɛgbɛ, ni niji yɛ maŋtsɛ sɛi lɛ biɛ kɛ biɛ, ni jata+ damɔ niji enyɔ lɛ eko fɛɛ eko he. 20 Ni jatai 12 damɔ atrakpoi ekpaa lɛ anɔ, atrakpoi ekpaa lɛ eko fɛɛ eko naa biɛ kɛ biɛ lɛ, ekome damɔ jɛmɛ. Maŋtsɛyeli ko efeko nɔ ko tamɔ nakai pɛŋ.

21 Shika tsuru akɛfee kɔɔpoi ni Maŋtsɛ Solomon kɛnuɔ nii lɛ fɛɛ, ni shika tsuru krɔŋŋ akɛfee nibii fɛɛ ni yɔɔ Lebanon Koo Shĩa+ lɛ mli lɛ. Nɔ ko nɔ ko bɛ ni akɛ jwiɛtɛi fee, ejaakɛ yɛ Solomon gbii lɛ amli lɛ, abuuu jwiɛtɛi ahãaa nɔ ko.+ 22 Ejaakɛ maŋtsɛ lɛ yɛ Tarshish+ meelei ni fata Hiram meelei lɛ ahe yɛ ŋshɔ hiɛ. Shi kome yɛ daa afii etɛ mli lɛ, Tarshish meelei lɛ kɛ shika tsuru kɛ jwiɛtɛi, kɛ shwuɔ wu,*+ kɛ aduji wuji,* kɛ piikɔk babaoo baa.

23 No hewɔ lɛ, Maŋtsɛ Solomon fe maŋtsɛmɛi krokomɛi fɛɛ ni yɔɔ shikpɔŋ lɛ nɔ yɛ ninámɔ+ kɛ hiɛshikamɔ gbɛfaŋ.+ 24 Ni mɛi ni jɛ shikpɔŋ lɛ nɔ hei srɔtoi fɛɛ lɛ ba Solomon ŋɔɔ* koni amɛbabo nilee* ni Nyɔŋmɔ kɛwo etsui mli lɛ toi.+ 25 Amɛteŋ mɔ fɛɛ mɔ kɛ nikeenii ko baa—jwiɛtɛi nibii, kɛ shika tsuru nibii, kɛ atadei, kɛ tawuu hewulamɔ nii, kɛ balsam mu, kɛ okpɔŋɔi, kɛ tejii*—ni nɛkɛ eyaa nɔ daa afi.

26 Ni Solomon tee nɔ ebua shwiilii kɛ okpɔŋɔi* anaa; eyɛ shwiilii 1,400 kɛ okpɔŋɔi* 12,000,+ ni ekɛ amɛ to shwiilii amaji lɛ amli, kɛ agbɛnɛ hu, yɛ maŋtsɛ lɛ masɛi yɛ Yerusalem.+

27 Maŋtsɛ lɛ hã jwiɛtɛi bu yɛ Yerusalem tamɔ tɛi, ni ehã tseneduru tsei hu bu tamɔ sikamore tsei ni yɔɔ Shefela lɛ.+

28 Akɛ Solomon okpɔŋɔi lɛ jɛɔ Ejipt kɛbaa, ni maŋtsɛ lɛ jarayelɔi gbɛfalɔi lɛ yahéɔ amɛ kuikui,* kuu fɛɛ kuu kɛ ejara.+ 29 Shwiilii ni akɛjɛɔ Ejipt kɛbaa lɛ ekome jara ji jwiɛtɛi kapɛji 600, ni okpɔŋɔ kome hu jara ji 150; ni maŋtsɛ lɛ jarayelɔi gbɛfalɔi lɛ nɔŋŋ yahéɔ enɛɛmɛi kɛbahãa Hitbii+ amaŋtsɛmɛi lɛ kɛ Siriabii amaŋtsɛmɛi lɛ fɛɛ.