YOEL
1 Nɔ ni Yehowa kɛɛ Yoel,* Petuel binuu lɛ nɛ:
2 “Nyɛ onukpai, nyɛboa enɛ toi,
Nyɛ shikpɔŋ lɛ nɔ bii fɛɛ, nyɛboa toi.
Ani nɔ ko ni tamɔ nɛkɛ eba yɛ nyɛgbii lɛ amli,
Aloo yɛ nyɛtsɛmɛi lɛ agbii lɛ amli pɛŋ?+
4 Nɔ ni baalabii* ni yeɔ nii hwaŋhwaŋ lɛ shi lɛ, baalabii ni keɔ yuu kɛbaa lɛ eye;+
Ni nɔ ni baalabii ni keɔ yuu kɛbaa lɛ shi lɛ, baalabii ni bɛ fiji lɛ eye;
Ni nɔ ni baalabii ni bɛ fiji lɛ shi lɛ, baalabii ni yeɔ nii ni amɛtɔrɔɔɔ lɛ eye.*+
5 Nyɛ dãatɔlɔi,+ nyɛhiɛ atsɛ̃a ní nyɛfóa!
Nyɛ wainnulɔi, nyɛfóa waa,
Ejaakɛ ajie wain dɔkɔdɔkɔ lɛ yɛ nyɛdaaŋ.+
6 Ejaakɛ jeŋmaŋ ko efã kɛba mishikpɔŋ lɛ nɔ, ehe wa ni anyɛɛɛ emli bii lɛ akane.+
Enyanyɔji lɛ, jata nyanyɔji ni,+ ekadai lɛ, jata kadai ni.
7 Ekpãtã miwain tso lɛ hiɛ, ni ehã migbami tso lɛ etsɔ tsoku,
Ekpɔlɔ tsei lɛ ahe sakoo, ni eshɛrɛ eshwie,
Ni amɛniji ní etsɛ̃rɛ̃ lɛ ahe eyɛ futaa.
8 Fó waa tamɔ bɔ ni oblayoo fro* buɔ kpekpe ni efóɔ waa
Yɛ eblayeiaŋ ayemforo wu lɛ hewɔ lɛ.
9 Ŋmaa* afɔle+ kɛ dãa afɔle+ sɛɛ efo yɛ Yehowa shĩa lɛ;
Osɔfoi lɛ, ni ji Yehowa sɔɔlɔi lɛ, miiye awerɛho.
10 Akpãtã ŋmɔji lɛ ahiɛ, shikpɔŋ lɛ miiye awerɛho;+
Ejaakɛ akpãtã ŋmaa lɛ hiɛ, wain hee lɛ egbi, mu lɛ hu sɛɛ efo.+
11 Okwaafoi ahiɛ egboi, mɛi ni saa wain tsei ahe lɛ miifó waa,
Yɛ wiiti kɛ barle* lɛ hewɔ;
Ejaakɛ ŋmɔshi nibii ni akpa lɛ ahiɛ ekpãtã.
12 Wain tso lɛ egbi,
Agbami tso lɛ eŋala.
Pomegranet tso lɛ, tɛŋ tso lɛ, kɛ apol tso lɛ,
Tsei lɛ fɛɛ ni yɔɔ ŋa lɛ mli lɛ egbigbii;+
Ejaakɛ miishɛɛ etsɔ hiɛgbele yɛ gbɔmɛi ateŋ.
Nyɛ, mi-Nyɔŋmɔ lɛ sɔɔlɔi, nyɛbaa, nyɛbumɔa kpekpe kɛwɔa;
Ejaakɛ akɛ ŋmaa afɔle+ kɛ dãa afɔle+ baaa nyɛ-Nyɔŋmɔ lɛ shĩa lɛ dɔŋŋ.
14 Nyɛshiɛa akɛ ahi ŋmaa;* nyɛtsɛa henaabuamɔ krɔŋkrɔŋ.+
Nyɛbuaa onukpai lɛ kɛ shikpɔŋ lɛ nɔ bii lɛ fɛɛ anaa
Kɛbaa Yehowa, nyɛ-Nyɔŋmɔ lɛ shĩa lɛ,+ ni nyɛbolɔa nyɛtsɛa Yehowa koni eye ebua nyɛ.
15 Ao, nakai gbi lɛ miiba!
Yehowa gbi lɛ ebɛŋkɛ,+
Ni ebaaba tamɔ hiɛkpatamɔ kɛaajɛ Ofe lɛ ŋɔɔ!
16 Bɛ wɔhiŋmɛii jwere nɔ nɛkɛ nɔŋŋ ni aŋɔ niyenii kɛje wɔhiɛ,
Ni miishɛɛ kɛ nyamɔ sɛɛ fo yɛ wɔ-Nyɔŋmɔ lɛ shĩa lɛ?
Nitoohei lɛ kamɔ shi efoji.
Akumɔ aboŋoi lɛ ashwie shi, ejaakɛ ŋmaa tsei lɛ eŋala.
18 Lɛɛ kooloi po miikɛ̃mɔ!
Tsinai miitsomlo, ejaakɛ amɛnáaa jwɛi!
Ni tookui miina nɔ.
19 Ao Yehowa, bo mibolɔɔ mitsɛɔ nɛɛ;+
Ejaakɛ la ekpãtã ŋa nɔ jwɛi lɛ ahiɛ,
Ni lalilɛi eshã tsei fɛɛ ni yɔɔ ŋa lɛ mli lɛ.
20 Ŋa mli kooloi lɛ po hiɛ miitse bo,
Ejaakɛ fai lɛ egbi,
Ni la ekpãtã ŋa nɔ jwɛi lɛ ahiɛ.”
2 “Nyɛkpãa tɛtɛrɛmantɛrɛ* yɛ Zion!+
Nyɛbɔa ta oshe yɛ migɔŋ krɔŋkrɔŋ lɛ nɔ.
Shikpɔŋ lɛ nɔ bii lɛ fɛɛ ahe akpokpo,
Ejaakɛ Yehowa gbi lɛ miiba!+ Ebɛŋkɛ!
Maŋ ko yɛ ni emli bii fa babaoo ni amɛhe wa;+
Maŋ ko ni tamɔ nakai bako dã,
Ni eko hu baŋ dɔŋŋ
Kɛmiiya yinɔi fɛɛ amli.
3 La kpãtãa nii ahiɛ yɛ amɛhiɛ,
Ni lalilɛi kpãtãa nii ahiɛ yɛ amɛsɛɛ.+
Shikpɔŋ ni kã amɛhiɛgbɛ lɛ tamɔ Eden abɔɔ lɛ,+
Shi amɛsɛɛgbɛ lɛ, ŋa kpataa ni,
Ni nɔ ko nɔ ko nyɛŋ aje amɛdɛŋ.
4 Kɛ́ ona amɛ lɛ, amɛtamɔ okpɔŋɔi,
Ni amɛjoɔ foi tamɔ ta okpɔŋɔi.+
5 Kɛ́ amɛmiitumɔ kɛmiiba yɛ gɔji lɛ anɔ lɛ, gbɛɛmɔ ni anuɔ lɛ tamɔ shwiilii agbɛɛmɔ,+
Etamɔ bɔ ni kɛ́ la ni miitso grigri miishã ŋmaa* tsei lɛ egbɛɔ lɛ.
Amɛtamɔ maŋ ní he wa ní amɛbua amɛhe naa kɛhã ta.+
6 Amɛhewɔ lɛ, majimaji baahao.
Gbeyei baamɔ mɔ fɛɛ mɔ.
7 Amɛfãa tamɔ tawulɔi,
Amɛkwɔɔ gbogbo tamɔ asraafoi.
Mɔ fɛɛ mɔ nyiɛɔ egbɛ nɔ,
Ni amɛgbaaa afã kɛjeee amɛgbɛi anɔ.
8 Amɛteŋ mɔ ko mɔ ko tsiii enyɛmi;
Mɔ fɛɛ mɔ fãa kɛnyiɛɔ egbɛ nɔ tɛ̃ɛ.
Kɛ́ tawuu nii hã amɛteŋ mɛi komɛi gbee shi lɛ,
Mɛi krokomɛi lɛ ejeee amɛgbɛi anɔ.
9 Amɛshaa foi kɛyaa maŋ lɛ mli, amɛjoɔ foi kɛnyiɛɔ gbogbo nɔ.
Amɛkwɔɔ tsũi, amɛtsɔmɔɔ samfɛji amli kɛboteɔ mli tamɔ julɔ.
10 Shikpɔŋ hosoɔ ni ŋwɛi kpokpoɔ bliblibli yɛ amɛhiɛ.
Hulu kɛ nyɔŋtsere woɔ duŋ,+
Ni ŋulamii lɛ hu kpaa kpɛmɔ.
11 Yehowa baawó egbee nɔ yɛ esraafoi lɛ ahiɛ,+ ejaakɛ esraafoi lɛ ayi fa babaoo diɛŋtsɛ.+
Namɔ baanyɛ naa adamɔ?”+
12 “Kɛ̃lɛ, amrɔ nɛɛ po,” Yehowa kɛɛ, “nyɛkua nyɛsɛɛ kɛbaa miŋɔɔ kɛ nyɛtsui fɛɛ,+
Kɛ ŋmaahilɛ+ kɛ yaafo kɛ yarawoo.
13 Nyɛgbálaa nyɛtsuii,+ shi jeee nyɛtadei,+
Ni nyɛkua nyɛsɛɛ kɛbaa Yehowa, nyɛ-Nyɔŋmɔ lɛ ŋɔɔ,
Ejaakɛ musuŋtsɔlɔ* kɛ mɔbɔnalɔ ji lɛ, emli fuuu mra+ ni esuɔmɔ ni tsakeee lɛ fa babaoo,+
Ni ebaatsake ejwɛŋmɔ* yɛ amanehulu lɛ he.
14 Namɔ aaale kɛji eeekpale, ni eeetsake ejwɛŋmɔ*+
Ni eeejɔɔ nyɛ,*
Koni nyɛkɛ ŋmaa afɔle kɛ dãa afɔle ahã Yehowa, nyɛ-Nyɔŋmɔ lɛ?
15 Nyɛkpãa tɛtɛrɛmantɛrɛ* yɛ Zion!
Nyɛshiɛa akɛ ahi ŋmaa;* nyɛtsɛa henaabuamɔ krɔŋkrɔŋ.+
16 Nyɛbuaa mɛi lɛ anaa; nyɛfea asafo lɛ krɔŋkrɔŋ.+
Nyɛbuaa hiimeji lɛ* anaa; nyɛbuaa gbekɛbii kɛ abifabii ni miiye fufɔ lɛ anaa.+
Ayemforo wu lɛ aje kpo kɛjɛ esɛɛtsu lɛ mli, ní ayemforo lɛ hu aje kpo kɛjɛ eyemforo tsũ lɛ mli.
17 Osɔfoi lɛ, ni ji Yehowa sɔɔlɔi lɛ afó
Yɛ ablanaa lɛ kɛ afɔleshaa latɛ lɛ teŋ,+ ní amɛkɛɛ akɛ:
‘Ao Yehowa, naa omaŋ lɛ mɔbɔ;
Kaahã ogboshinii lɛ tsɔ nyaŋemɔ nii,
Kaahã jeŋmaji lɛ ye amɛnɔ.
Mɛni hewɔ esa akɛ majimaji lɛ akɛɛ akɛ, “Nɛgbɛ amɛ-Nyɔŋmɔ lɛ yɔɔ?”’+
19 Ni Yehowa baakɛɛ emaŋ lɛ akɛ:
‘Naa, miihã nyɛ ŋmaa kɛ wain hee kɛ mu,
Ni nyɛbaaye nii nyɛtɔrɔ jogbaŋŋ;+
Mihãŋ abɔ nyɛ ahora yɛ jeŋmaji lɛ ateŋ dɔŋŋ.+
20 Mashwie kooyigbɛnyo lɛ kɛje nyɛhe kɛya shɔŋŋ;
Magbɛ lɛ mashwã shikpɔŋ gbiŋ ni akɛfeee nɔ ko nɔ,
Mawó esraafoi ni nyiɛ hiɛ lɛ mawo bokãgbɛ ŋshɔ* lɛ naa gbɛ,
Ni mawó esraafoi ni nyiɛ sɛɛ lɛ hu mawo anaigbɛ ŋshɔ* lɛ naa gbɛ.
Ehe fu lɛ baate shi,
Hɛɛ, ehe fu ni naa wa lɛ baaya nɔ ate shi kɛya ŋwɛi;+
Ejaakɛ Nyɔŋmɔ baafee nibii wuji.’
21 Bo shikpɔŋ, kaashe gbeyei.
Omii ashɛ ohe ní onya, ejaakɛ Yehowa baafee nibii wuji.
22 Nyɛ ŋa mli kooloi, nyɛkashea gbeyei,
Ejaakɛ ŋa nɔ jwɛi lɛ baafee frɔ̃frɔ̃,+
Ni tsei lɛ baawo yibii;+
Agbami tso kɛ wain tso baawo yibii babaoo.+
23 Nyɛ Zionbii,* nyɛmii ashɛa nyɛhe ní nyɛnyaa yɛ Yehowa, nyɛ-Nyɔŋmɔ lɛ mli;+
Ejaakɛ ebaahã mra mli nugbɔ* anɛ bɔ ni sa ahã nyɛ,
Ebaahã nu ashwie shi ahã nyɛ,
Ebaahã mra mli nugbɔ kɛ sɛɛkpee nugbɔ* anɛ ahã nyɛ tamɔ tsutsu lɛ.+
24 Ŋmaagbeemɔhei lɛ baayimɔ obɔbɔ kɛ ŋmaa kpakpa,
Ni bui ni aŋaa wain yɛ mli kɛ bui ni aŋaa oliv yɛ mli lɛ baayimɔ kɛ wain hee kɛ mu kɛteke nɔ.+
25 Ni nibii ni baalabii* ni keɔ yuu kɛbaa,
Baalabii ni bɛ fiji, baalabii ni yeɔ nii ni amɛtɔrɔɔɔ, kɛ baalabii* ni yeɔ nii hwaŋhwaŋ lɛ eye yɛ afii ni eho lɛ amli lɛ, mato nyɛ najiaŋ.
Mi, mitsu misraafoi babaoo nɛɛ kɛba nyɛteŋ.+
26 Anɔkwa, nyɛbaaye nii nyɛbaatɔrɔ,+
Ni nyɛbaajie Yehowa, nyɛ-Nyɔŋmɔ lɛ,+
Mɔ ni efee naakpɛɛ nii ehã nyɛ lɛ gbɛ́i lɛ yi;
Ahãŋ mimaŋ lɛ hiɛ agbo dɔŋŋ.+
Ahãŋ mimaŋ lɛ hiɛ agbo dɔŋŋ.
28 No sɛɛ lɛ, mafɔse mimumɔ lɛ mashwie+ heloo srɔtoi fɛɛ nɔ,
Ni nyɛbihii kɛ nyɛbiyei lɛ baagba,
Onukpai ni yɔɔ nyɛteŋ lɛ baala lamɔi,
Ni nyɛblahii lɛ baana ninai.+
29 Ni minyɔji hii kɛ minyɔji yei lɛ po,
Mafɔse mimumɔ lɛ mashwie amɛnɔ yɛ nakai gbii lɛ amli.
32 Ni mɔ fɛɛ mɔ ni boɔ tsɛɔ Yehowa gbɛ́i lɛ, abaahere eyiwala;+
Ejaakɛ, tamɔ bɔ ni Yehowa ekɛɛ lɛ, mɛi komɛi baaje mli sɔkee yɛ Zion Gɔŋ lɛ nɔ kɛ Yerusalem,+
Abaabaa mɛi ní Yehowa tsɛɔ lɛ ayi.”
3 “Naa! nakai gbii lɛ amli kɛ nakai be lɛ mli lɛ,
Kɛ́ mikɛ Yudabii kɛ Yerusalembii ni aŋɔ amɛ nom lɛ ku sɛɛ kɛba lɛ,+
2 Mabua jeŋmaji lɛ fɛɛ hu anaa,
Ni mikɛ amɛ baakpeleke shi kɛba Yehoshafat* Jɔɔ lɛ mli.
Mikɛ amɛ baaye sane yɛ jɛmɛ+
Yɛ mimaŋ kɛ migboshinii, ni ji Israel lɛ hewɔ,
Ejaakɛ amɛgbɛ amɛ amɛshwã jeŋmaji lɛ amli,
Ni amɛja mishikpɔŋ lɛ amɛhã amɛhe.+
3 Amɛfɔ̃ oshiki kɛja miwebii lɛ amɛhã amɛhe;+
Amɛhɔ̃ɔ gbekɛ nuu kɛwo ashawo yoo nyɔmɔ
Ni amɛhɔ̃ɔ gbekɛ yoo kɛhé wain amɛnu.
4 Agbɛnɛ hu, Tiro kɛ Sidon kɛ Filistia kpokpai lɛ fɛɛ,
Mɛɛ sane nyɛkɛ mi yɔɔ?
Ani nyɛmiito mi najiaŋ yɛ nɔ ko ni mifee hewɔ?
Kɛ́ nyɛmiito mi najiaŋ lɛ,
No lɛ, mihe baafee oya, hɛɛ, oya nɔŋŋ ni makpa nɔ ni nyɛkɛtoɔ mi najiaŋ lɛ mabu nyɛyiteŋ.+
5 Ejaakɛ nyɛŋɔ mijwiɛtɛi kɛ mishika tsuru lɛ,+
Ni nyɛloo mijwetrii kpakpai lɛ kɛtee nyɛjamɔhei lɛ;
6 Ni nyɛhɔ̃ɔ Yudabii kɛ Yerusalembii lɛ nyɛhã Greekbii lɛ,+
Bɔ ni afee ni nyɛjie amɛ kɛjɛ amɛshikpɔŋ lɛ nɔ kɛya shɔŋŋ;
7 Naa, makanya amɛ koni amɛshi he ni nyɛhɔ̃ɔ amɛ kɛtee lɛ kɛba,+
Ni makpa nɔ ni nyɛkɛtoɔ mi najiaŋ lɛ mabu nyɛyiteŋ.
8 Mahɔ̃ɔ nyɛbihii kɛ nyɛbiyei lɛ mahã Yudabii lɛ,+
Ni amɛ hu amɛbaahɔ̃ɔ amɛ amɛhã Shebabii, ni ji jeŋmaŋ ko ni yɔɔ shɔŋŋ lɛ;
Hɛɛ, Yehowa diɛŋtsɛ ewie.
9 Nyɛshiɛa yɛ jeŋmaji lɛ ateŋ akɛ:+
‘Nyɛsaa nyɛhe nyɛtoa ta!* Nyɛkanyaa hii kãkãlɔi lɛ!
Nyɛhãa asraafoi lɛ fɛɛ atsia abɛŋkɛa, nyɛhãa amɛfãa kɛbaa!+
10 Nyɛkɛ nyɛtsina kɔii anaa dadei lɛ asɔ̃a klantei, ni nyɛkɛ nyɛkaklai ni akɛsaa tsei ahe lɛ asɔ̃a akpɔlɔi.
Mɔ ni he waaa lɛ akɛɛ akɛ: “Mihe wa.”
11 Nyɛ jeŋmaji fɛɛ ni jwere shi kɛkpe, nyɛbaa nyɛbayea nyɛbuaa, nyɛbuaa nyɛhe naa kutuu!’”+
Yehowa, hã omɛi ni he wa* lɛ akpeleke shi kɛba jɛmɛ.
12 “Jeŋmaji lɛ akanya amɛhe, ni amɛfã kɛba Yehoshafat Jɔɔ lɛ mli;
Ejaakɛ jɛmɛ mata makojo jeŋmaji fɛɛ ni jwere shi kɛkpe lɛ.+
13 Nyɛkɛ nikpamɔ kakla awoa mli, ejaakɛ ŋmɔshi nii lɛ eshɛ kpamɔ.
Nyɛkpelekea shi kɛbaa ni nyɛbanaanaa wain yibii anɔ, ejaakɛ wainŋaa bu lɛ eyi obɔ.+
Wain bui lɛ eyimɔ kɛteke nɔ, ejaakɛ amɛnɔfɔŋfeemɔ lɛ fa babaoo.
14 Mɛi babaoo, hɛɛ, mɛi babaoo yɛ yiŋkpɛɛ jɔɔ lɛ mli,
Ejaakɛ Yehowa gbi lɛ ebɛŋkɛ yɛ yiŋkpɛɛ jɔɔ lɛ mli.+
15 Hulu kɛ nyɔɔŋtsere baawo duŋ,
Ni ŋulamii hu baakpa kpɛmɔ.
16 Ni Yehowa baahũu tamɔ jata kɛaajɛ Zion,
Ebaawó egbee nɔ kɛaajɛ Yerusalem.
Ni ŋwɛi kɛ shikpɔŋ baahoso;
Shi Yehowa baatsɔ abobaahe ehã ewebii lɛ,+
Ebaatsɔ mɔɔ ni wa ehã Israelbii lɛ.
17 Ni nyɛbaaná nyɛle akɛ miji Yehowa, nyɛ-Nyɔŋmɔ lɛ, mɔ ni hiɔ Zion, migɔŋ krɔŋkrɔŋ lɛ nɔ lɛ.+
18 Nakai gbi lɛ nɔ lɛ, wain dɔkɔdɔkɔ baatsere kɛaajɛ gɔji lɛ anɔ,+
Mliki* baaho kɛaajɛ gɔŋkpɔi lɛ anɔ,
Ni nu baaho yɛ Yuda fai lɛ fɛɛ amli.
19 Shi Ejipt baatsɔ amaŋfɔ,+
Ni Edom baatsɔ ŋa kpataa+
Yɛ yiwalɛ nii ni amɛfee Yudabii lɛ hewɔ,+
Hɛɛ, amɛshwie mɛi ni efeko nɔ ko lɛ alá shi yɛ Yudabii lɛ ashikpɔŋ lɛ nɔ.+
20 Shi mɛi baahi Yuda be fɛɛ be,
Kɛ Yerusalem hu kɛya yinɔi fɛɛ amli.+
Eshishi ji, “Yehowa Ji Nyɔŋmɔ.”
Baalabi ji agã henɔ ko.
Akɛ Hebri wiemɔi srɔtoi tsu nii yɛ biɛ kɛhã baalabii henɔi ejwɛ.
Loo “oblayoo.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Eji wiiti henɔ ko.
Hebri sht. ŋm., “nyɛfia nyɛhɛ.”
Loo “nyɛgbalaa nyɛtsitsi mai.”
Loo “Nyɛshiɛa ŋmaahilɛ krɔŋkrɔŋ.”
Shishitsɔɔmɔi komɛi kɛɔ akɛ, “Agbamii gbiji.”
Loo “Dumɔwui lɛ egbigbii yɛ amɛsofii lɛ ashishi.”
Hebri sht. ŋm., “akolonto.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Ni ji, Nyɔŋmɔ wiemɔ.
Loo “drolɔ.”
Loo “ebaashwa ehe.”
Loo “ebaashwa ehe.”
Hebri sht. ŋm., “ebaashi jɔɔmɔ yɛ sɛɛ.”
Hebri sht. ŋm., “akolonto.”
Hebri sht. ŋm., “Nyɛfea ŋmaahilɛ krɔŋkrɔŋ.”
Loo “onukpai lɛ.”
Ni ji, Ŋshɔ Ni Egbo lɛ.
Ni ji, Mediterenia Ŋshɔ.
Hebri sht. ŋm., “Nyɛ Zion bihii.”
Yɛ Biblia lɛ mli lɛ, “mra mli nugbɔ” ji nugbɔnɛmɔ ni jeɔ shishi aaafee October teŋgbɛ.
Yɛ Biblia lɛ mli lɛ, “sɛɛkpee nugbɔ” ji nugbɔnɛmɔ ni jeɔ shishi aaafee April teŋgbɛ.
Baalabi ji agã henɔ ko.
Akɛ Hebri wiemɔi srɔtoi tsu nii yɛ biɛ kɛhã baalabii henɔi ejwɛ.
Loo “okadii.”
Loo “lasu kpɔŋŋkpɔŋŋ ni miitetee shi.”
Eshishi ji, “Yehowa Ji Kojolɔ.”
Hebri sht. ŋm., “Nyɛfea ta krɔŋkrɔŋ.”
Loo “hã otawulɔi.”
Loo “mɛikpɔji.”
Loo “fufɔ.”
Loo “Nujɔɔ.”
Loo “amɛlayisɔyeli.”