AMOS
1 Wiemɔi ni Amos,* ni ji mɛi ni jɛ Tekoa+ ni lɛɔ toi lɛ ateŋ mɔ kome lɛ nine shɛ nɔ yɛ ninaa mli ni kɔɔ Israel he nɛ; enine shɛ wiemɔi nɛɛ anɔ yɛ Yuda maŋtsɛ Uzia+ kɛ Yoash+ binuu Yeroboam,+ Israel maŋtsɛ lɛ gbii lɛ amli, afii enyɔ dani shikpɔŋhosomɔ lɛ ba.+ 2 Ekɛɛ akɛ:
“Yehowa baahũu kɛaajɛ Zion,
Ni ebaawó egbee nɔ kɛaajɛ Yerusalem.
Tookwɛlɔi lɛ ashikpɔji ni kooloi yeɔ nii yɛ nɔ lɛ baaye awerɛho,
Ni Karmel gɔŋ lɛ yiteŋ baagbi.”+
3 “Nɔ ni Yehowa kɛɛ nɛ,
‘“Damasko atuatsemɔi* etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ amɛkɛ dade ŋmaagbeemɔ tsɔji gbee Gilead.+
4 No hewɔ lɛ, matsu la kɛya Hazael shĩa lɛ,+
Ni ebaashã Ben-hadad mɔji ni atswa gbogboi awo amɛhe lɛ.+
5 Makumɔ Damasko adabaŋi* lɛ;+
Makpãtã mɛi ni yɔɔ Bikat-aven
Kɛ mɔ ni yeɔ nɔ* kɛjɛɔ Bet-eden lɛ fɛɛ ahiɛ;
Ni abaaŋɔ Siriabii lɛ nom kɛya Kir,”+ Yehowa kɛɛ.’
6 Nɔ ni Yehowa kɛɛ nɛ,
‘“Gaza+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ amɛŋɔ nomii akuu muu+ fɛɛ amɛwo Edom dɛŋ.
7 No hewɔ lɛ, matsu la kɛya Gaza gbogbo lɛ nɔ,+
Ni ebaashã emɔji ni atswa gbogboi awo amɛhe lɛ.
8 Makpãtã mɛi ni yɔɔ Ashdod+
Kɛ mɔ ni yeɔ nɔ* kɛjɛɔ Ashkelon lɛ fɛɛ ahiɛ;+
Madɔ minine mato Ekron nɔ,+
Ni Filistibii ni baashwɛ lɛ ahiɛ baakpãtã,”+ Nuŋtsɔ Ofe Yehowa kɛɛ.’
9 Nɔ ni Yehowa kɛɛ nɛ,
‘Tiro+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ amɛŋɔ nomii akuu muu fɛɛ amɛwo Edom dɛŋ,
Ni agbɛnɛ hu, amɛkaiii nyɛmimɛi akpaŋmɔ lɛ.+
10 No hewɔ lɛ, matsu la kɛya Tiro gbogbo lɛ nɔ,
Ni ebaashã emɔji ni atswa gbogboi awo amɛhe lɛ.’+
11 Nɔ ni Yehowa kɛɛ nɛ,
‘Edom+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ ekɛ klante tiu lɛ diɛŋtsɛ enyɛmi lɛ,+
Ni enaaa mɔbɔ kwraa;
Etee nɔ etserɛ amɛmli yɛ emlifu mli ni ekpaaa,
Ni eŋmɛɛɛ emli ni ewo la ewo amɛ lɛ he kwraa.+
13 Nɔ ni Yehowa kɛɛ nɛ,
‘“Amonbii+ lɛ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ amɛgbála Gilead yeihɔlɔi lɛ amli, bɔ ni afee ni amɛlɛɛ amɛhusui lɛ amli.+
14 No hewɔ lɛ, mashɛre la mawo Raba gbogbo lɛ he,+
Ni ebaashã emɔji ni atswa gbogboi awo amɛhe lɛ,
Abaabɔ oshe yɛ ta gbi lɛ nɔ,
Ni lasuogbele hu baaba yɛ ahum gbi lɛ nɔ.
15 Ni abaaŋɔ amɛmaŋtsɛ lɛ kɛ elumɛi lɛ fɛɛ nom,”+ Yehowa kɛɛ.’
2 “Nɔ ni Yehowa kɛɛ nɛ,
‘“Moab+ atuatsemɔi* etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ eshã Edom maŋtsɛ lɛ wui kɛfee kaaloo.
2 No hewɔ lɛ, matsu la kɛya Moab,
Ni ebaashã Keriot mɔji ni atswa gbogboi awo amɛhe lɛ;+
Moab baagbo yɛ hoofeemɔ
4 Nɔ ni Yehowa kɛɛ nɛ,
‘Yuda+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ amɛkwa Yehowa mla* lɛ,
Ni agbɛnɛ hu, amɛyeee etaomɔ nii lɛ anɔ;+
Shi amalei ni amɛtsɛmɛi lɛ nyiɛ sɛɛ lɛ nɔŋŋ ehã amɛdu gbɛ lɛ.+
6 Nɔ ni Yehowa kɛɛ nɛ,
‘Israel+ atuatsemɔi etɛ kɛ ejwɛ lɛ hewɔ lɛ, mitsakeŋ mijwɛŋmɔ,
Ejaakɛ amɛhɔ̃ɔ jalɔi amɛheɔ jwiɛtɛi,
Kɛ ohiafoi hu amɛheɔ tokotai.+
7 Amɛnaanaa mɛi ni bɛ yelikɛbualɔ lɛ ayitsei anɔ amɛwoɔ shikpɔŋ mulu mli,+
Ni amɛtsĩɔ mɛi ni he jɔ lɛ agbɛ lɛ.+
Nuu kɛ epapa fɛɛ kɛ oblayoo kome too lɛ nɔŋŋ náa bɔlɛ,
Ni amɛkɛbuleɔ migbɛ́i krɔŋkrɔŋ lɛ.
8 Amɛkamɔɔ mamai ní amɛshɔ̃ɔ akɛ awabatoo nii*+ lɛ anɔ yɛ afɔleshaa latɛ fɛɛ afɔleshaa latɛ masɛi;+
Ni mɛi ni amɛgbeɔ amɛ shika gbele lɛ ashika lɛ amɛkɛhéɔ wain ní amɛnuɔ yɛ amɛnyɔŋmɔi lɛ ashĩa* lɛ.’
9 ‘Shi miji mɔ ni kpãtã Amornyo lɛ hiɛ yɛ amɛhiɛ,+
Mɔ ni kwɔ tamɔ tseneduru tsei, ní ehe wa tamɔ ooki tsei lɛ;
Mikpãtã eyibii ni yɔɔ yiteŋ kɛ eshishifãi ni yɔɔ shishi lɛ ahiɛ.+
10 Mi mijie nyɛ kɛje* Ejipt shikpɔŋ lɛ nɔ,+
Ni mihã nyɛnyiɛ kɛtsɔ ŋa lɛ nɔ afii 40,+
Koni nyɛbaŋɔ Amornyo lɛ shikpɔŋ lɛ.
Ani ebɛ mli nakai, Israelbii?’ Yehowa kɛɛ.
13 No hewɔ lɛ, majwara nyɛ yɛ he ni nyɛyɔɔ lɛ,
Tamɔ bɔ ni shwiili ni awo lɛ obɔ kɛ ŋmaa* ni afo jwaraa nii ni yɔɔ eshishi lɛ.
14 Mɔ ni he yɔɔ oya náŋ he ko ni eeejo foi kɛya,+
Mɔ ni he wa hu hewalɛ aaatã,
Ni tawulɔ ko tawulɔ ko nyɛŋ lɛ diɛŋtsɛ eyiwala* ehere.
15 Gãitsɛ̃lɔ nyɛŋ shi edamɔ,
Mɔ ni naji yɔɔ oya ejeŋ mli,
Ni okpɔŋɔnɔtalɔ hu nyɛŋ lɛ diɛŋtsɛ eyiwala* ehere.
16 Tawulɔi lɛ ateŋ mɔ ni yɔɔ ekãa* fe fɛɛ lɛ po
Baajo foi kɛ ehe folo yɛ nakai gbi lɛ nɔ,’+ Yehowa kɛɛ.”
3 “Israelbii, nyɛboa wiemɔ ni Yehowa ewie yɛ nyɛhe nɛɛ toi, wiemɔ ni kɔɔ weku muu lɛ fɛɛ ní mijie kɛje* Ejipt shikpɔŋ lɛ nɔ kɛba lɛ he, akɛ:
2 ‘Nyɛ pɛ ji mɛi ni mile yɛ shikpɔŋ lɛ nɔ wekui lɛ fɛɛ ateŋ.+
No hewɔ ni mahã nyɛbu nyɛtɔmɔi lɛ fɛɛ ahe akɔntaa lɛ.+
3 Ani mɛi enyɔ baafee ekome kɛnyiɛ kɛ́ amɛkpaŋko akɛ amɛbaakpe?*
4 Ani jata hũɔ yɛ koo mli kɛ́ enáko kooloo ko ni ebaamɔ?
Ani jata* shiɔ esɛ̃ŋ kɛjɛɔ eshihilɛhe kɛ́ emɔko nɔ ko?
5 Ani akpa duɔ loofɔlɔ yɛ shikpɔŋ kɛ́ atsɔko lɛ tsɔne yɛ jɛmɛ?*
Ani akpa fɛɔ yɛ shikpɔŋ kɛ́ eduko nɔ ko?
6 Kɛ́ akpã tɛtɛrɛmantɛrɛ yɛ maŋ ko mli lɛ, ani maŋbii lɛ ahe kpokpooo?
Kɛ́ amanehulu ba yɛ maŋ lɛ mli lɛ, ani jeee Yehowa ji mɔ ni fee?
8 Jata ehũu!+ Namɔ sheŋ gbeyei?
Nuŋtsɔ Ofe Yehowa ewie! Namɔ egbaŋ?’+
9 ‘Nyɛjajea nyɛtsɔa yɛ Ashdod mɔji ni atswa gbogboi awo amɛhe lɛ ayiteŋ
Kɛ Ejipt shikpɔŋ lɛ nɔ mɔji ni atswa gbogboi awo amɛhe lɛ hu ayiteŋ.
Nyɛkɛa akɛ: “Nyɛbuaa nyɛhe naa nyɛwoa Samaria gɔji lɛ;+
Nyɛkwɛa basabasafeemɔ ni yaa nɔ yɛ eteŋ lɛ
Kɛ shishiumɔ ni yaa nɔ yɛ emli lɛ.+
10 Ejaakɛ amɛleee nɔ ni ja feemɔ,” Yehowa kɛɛ,
“Amɛbuaa yiwalɛ kɛ hiɛkpatamɔ naa yɛ amɛmɔji ni atswa gbogboi awo amɛhe lɛ amli.”’
11 No hewɔ lɛ, nɔ ni Nuŋtsɔ Ofe Yehowa kɛɛ nɛ,
‘Henyɛlɔ ko baabɔle shikpɔŋ lɛ kɛkpe,+
Ebaashɔ̃ ohewalɛ lɛ yɛ odɛŋ,
Ni abaaloo omɔji ni atswa gbogboi awo amɛhe lɛ amli nii.’+
12 Nɔ ni Yehowa kɛɛ nɛ,
‘Bɔ ni tookwɛlɔ shɔ̃ɔ naji enyɔ loo too toi kuku ko kɛjɛɔ jata daaŋ lɛ,
Nakai nɔŋŋ abaashɔ̃ Israelbii lɛ,
Mɛi ni tara saatsei fɛfɛji kɛ sɛi saatsei kpakpai* anɔ amrɔ nɛɛ yɛ Samaria lɛ.’+
13 ‘Nyɛboa toi, ní nyɛbɔa Yakob shĩa lɛ kɔkɔ,’* Nuŋtsɔ Ofe Yehowa, Nyɔŋmɔ taiatsɛ lɛ kɛɛ.
14 ‘Ejaakɛ gbi ni mahã Israel abu etuatsemɔi* lɛ fɛɛ ahe akɔntaa lɛ,+
Mahã Betel afɔleshaa latɛi lɛ hu abu amɛhe akɔntaa;+
Abaafolɔ afɔleshaa latɛ lɛ he akolontoi lɛ ashwie shikpɔŋ.+
15 Matswa fɛ̃i beiaŋ shĩa lɛ kɛ latsa beiaŋ shĩa lɛ fɛɛ nɔ.’
4 “Nyɛ Bashan tsinayei
Ní nyɛyɔɔ Samaria gɔŋ lɛ nɔ,+ nyɛboa wiemɔ nɛɛ toi,
Nyɛ yei ni nyɛshishiuɔ mɛi ni bɛ yelikɛbualɔ lɛ,+ ni nyɛshwishwiaa ohiafoi ashi,
Mɛi ni kɛɔ amɛwumɛi* akɛ, ‘Nyɛbahãa wɔ nɔ ko wɔnua!’ lɛ.
2 Nuŋtsɔ Ofe Yehowa kɛ ekrɔŋkrɔŋfeemɔ lɛ ekã kitã,
‘“Naa! Gbii miiba nyɛnɔ, ni ekɛ kpoji wuji* baahole nyɛnɔ
Ni ekɛ looshamɔ kpoji baahole nyɛteŋ mɛi ni baashwɛ lɛ anɔ.
3 Nyɛbaatsɔmɔ gbogboi lɛ amli fɔji lɛ amli kɛje kpo, mɔ fɛɛ mɔ baaya ehiɛ tɛ̃ɛ;
Ni abaashɛrɛ nyɛ ashwie Harmon,” Yehowa kɛɛ.’
Nyɛkɛ nyɛfɔlei+ lɛ abaa leebi,
Ni nyɛkɛ nyɛnibii amlijai nyɔŋma mli ekomekomei+ lɛ hu abaa* yɛ gbi ni ji etɛ lɛ nɔ.
5 Nyɛshãa blodo ni ashikishaŋ-sha* yɔɔ mli akɛ shidaa afɔle;+
Nyɛshiɛa afɔlei ni nyɛjɛɔ nyɛsuɔmɔ mli nyɛkɛhãa lɛ waa nyɛtsɔa!
Ejaakɛ nakai nyɛsumɔɔ ni nyɛfee, Israelbii,’ Nuŋtsɔ Ofe Yehowa kɛɛ.
6 ‘Ni mi lɛ, mihã nyɛnyanyɔji ahe tse ní niyenii ko bɛ he* yɛ nyɛmaji lɛ amli
Ni mihã niyenii* tã yɛ nyɛshĩai lɛ fɛɛ amli;+
Shi nyɛkuuu nyɛsɛɛ kɛbaaa miŋɔɔ,’+ Yehowa kɛɛ.
7 ‘Nyɔji etɛ dani nikpamɔ be lɛ aaashɛ lɛ, mihãaa nugbɔ hu anɛ ahã nyɛ;+
Mihã nugbɔ nɛ yɛ maŋ kome nɔ, shi enɛɛɛ yɛ ekroko nɔ.
Nugbɔ nɛɔ yɛ shikpɔŋ kome nɔ,
Shi shikpɔŋ kroko ni nugbɔ enɛɛɛ yɛ nɔ lɛ nɔ gbiɔ.
8 Maji enyɔ loo etɛ mli bii didãa kɛtee maŋ kome nɔ koni amɛyanu nu,+
Shi eshɛɛɛ amɛnaa;
Shi nyɛkuuu nyɛsɛɛ kɛbaaa miŋɔɔ,’+ Yehowa kɛɛ.
9 ‘Mihã jeŋ dɔlɛ ni hãa ŋmɔshi nibii ŋalaa kɛ hela ni hãa tsei gboiɔ+ ba onɔ.
Nyɛfee abɔi kɛ wain ŋmɔji babaoo,
Shi baalabii* ye nyɛgbami tsei kɛ oliv tsei lɛ;+
Shi loloolo lɛ, nyɛkuuu nyɛsɛɛ kɛbaaa miŋɔɔ,’+ Yehowa kɛɛ.
10 ‘Mitsu tsɛŋemɔ hela ni gbeɔ mɔ ni tamɔ Ejipt nɔ lɛ kɛba nyɛteŋ.+
Mikɛ klante gbegbee nyɛblahii lɛ,+ ni mishɔ̃ nyɛkpɔŋɔi lɛ,+
Mihã fũ ni yɔɔ nyɛnsarai lɛ amli lɛ te shi kɛba nyɛgugɔji amli;+
Shi nyɛkuuu nyɛsɛɛ kɛbaaa miŋɔɔ,’ Yehowa kɛɛ.
11 ‘Mibutu nyɛ
Tamɔ bɔ ni Nyɔŋmɔ butu Sodom kɛ Gomora lɛ.+
Ni nyɛtamɔ tso ni afã yɛ la mli;
Shi nyɛkuuu nyɛsɛɛ kɛbaaa miŋɔɔ,’+ Yehowa kɛɛ.
12 No hewɔ lɛ, Israel, nakai mafee bo.
Akɛni mibafee bo nakai hewɔ lɛ,
Israel, saamɔ ohe ni okɛ o-Nyɔŋmɔ lɛ akpe.
13 Ejaakɛ naa! lɛ ji mɔ ni shɔ̃ gɔji lɛ,+ ni ebɔ kɔɔyɔɔ lɛ;+
Ehãa gbɔmɔ leɔ esusumɔi,*
Ehãa leebi maŋkpa tsɔɔ duŋ,+
Ni enyiɛɔ shikpɔŋ lɛ nɔ hei grɔŋŋi lɛ anɔ;+
Egbɛ́i ji Yehowa, Nyɔŋmɔ taiatsɛ lɛ.”
5 “Israel shĩa, nyɛboa wiemɔ nɛɛ, ni ji yaafo lala* ní miwóɔ nɔ mishiɔ nyɛ lɛ toi:
2 ‘Oblayoo fro lɛ, ni ji Israel, egbee shi;
Enyɛɛɛ ete shi dɔŋŋ.
Akpoo lɛ yɛ lɛ diɛŋtsɛ eshikpɔŋ nɔ;
Mɔ ko mɔ ko bɛ ni baawó enɔ.’
3 “Ejaakɛ nɔ ni Nuŋtsɔ Ofe Yehowa kɛɛ nɛ:
‘Maŋ ni jeɔ kpo kɛ mɛi akpe lɛ, ebaashwɛ emɛi oha;
Ni maŋ ni jeɔ kpo kɛ mɛi oha lɛ, ebaashwɛ emɛi nyɔŋma ehã Israel shĩa lɛ.’+
4 “Ejaakɛ nɔ ni Yehowa kɛɔ Israel shĩa lɛ nɛ:
‘Nyɛtaoa misɛɛ gbɛ koni nyɛya nɔ nyɛhi wala mli.+
Nyɛkayaa Gilgal,+ ni nyɛkafoa mli kɛmiiya Beer-sheba hu,+
Ejaakɛ bɔ fɛɛ bɔ ni fee lɛ, abaaŋɔ Gilgal nom,+
Ni Betel hu hiɛ baakpãtã.*
6 Nyɛtaoa Yehowa sɛɛ gbɛ koni nyɛya nɔ nyɛhi wala mli,+
Koni ekaba Yosef shĩa lɛ nɔ trukaa tamɔ la,
Ní ebashã Betel, bɔ ni mɔ ko mɔ ko bɛ ni baanyɛ agbe la lɛ.
8 Mɔ ni fee Kima ŋulamiku* kɛ Kesil ŋulamiku* lɛ,+
Mɔ ni hãa duŋ kpii tsɔɔ leebi lɛ,
Mɔ ni hãa jetsɛremɔ woɔ duŋ tamɔ nyɔɔŋ lɛ,+
Mɔ ni tsɛɔ ŋshɔ lɛ mli nui lɛ kɛbaa
Ní efɔseɔ eshwieɔ shikpɔŋ lɛ nɔ lɛ+
—Egbɛ́i ji Yehowa.
9 Ebaahã hiɛkpatamɔ aba hewalɔi anɔ oya,
Ni ebaakpãtã hei ni atswa gbogboi awo amɛhe lɛ ahiɛ.
10 Amɛnyɛɔ mɛi ni jajeɔ mɛi yɛ maŋ lɛ agbó lɛ naa lɛ,
Ni amɛnyaŋeɔ mɛi ni wieɔ anɔkwale lɛ.+
11 Akɛni nyɛheɔ ŋmɔshi too* yɛ ohiafo dɛŋ
Ní nyɛheɔ eŋmaa* yɛ edɛŋ akɛ too* hewɔ lɛ,+
Nyɛhiŋ shĩai ni nyɛkɛ tɛi ni ako emamɔ lɛ amli+
Ni nyɛnuŋ wain ŋmɔji kpakpai ni nyɛfee lɛ amli wain dɔŋŋ.+
12 Ejaakɛ mile bɔ ni nyɛtuatsemɔi* lɛ fa hã
Kɛ bɔ ni nyɛhe eshai lɛ dara hã
—Nyɛhaoɔ jalɔi,
Nyɛheɔ nyɔɔŋnii,*
Ni nyɛyeee jalɛ sane nyɛhãaa ohiafoi yɛ maŋ lɛ agbó lɛ naa.+
13 No hewɔ lɛ, mɛi ni yɔɔ sɛɛyoomɔ lɛ baamua amɛnaa yɛ nakai be lɛ mli,
Ejaakɛ ebaafee amanehulu be.+
Kɛkɛ lɛ, Yehowa, Nyɔŋmɔ taiatsɛ lɛ, kɛ nyɛ baahi shi,
Tamɔ bɔ ni nyɛkɛɔ akɛ ekɛ nyɛ yɛ lɛ.+
Ekolɛ Yehowa, Nyɔŋmɔ taiatsɛ lɛ,
Baana Yosef mɛi ni eshwɛ lɛ mɔbɔ.’+
16 “No hewɔ lɛ, nɔ ni Yehowa, Yehowa Nyɔŋmɔ, taiatsɛ lɛ, kɛɛ nɛ:
‘Abaawo yara yɛ henaabuamɔhei lɛ fɛɛ,
Amɛbaakɛɛ yɛ gbɛjegbɛi lɛ fɛɛ anɔ akɛ, “Ao, ao!”
Amɛbaatsɛ okwaafoi ní amɛbaye awerɛho
Kɛ mɛi ni fóɔ yɛ yara nɔ* lɛ hu, ní amɛbafó.’
17 ‘Abaawo yara yɛ wain ŋmɔ fɛɛ wain ŋmɔ mli;+
Ejaakɛ matsɔ oteŋ kɛho,’ Yehowa kɛɛ.
18 ‘Kpoo hã mɛi ni shweɔ Yehowa gbi lɛ!+
Te Yehowa gbi lɛ naa baayakpa ahã nyɛ tɛŋŋ?+
Ebaafee duŋ, shi jeee la.+
19 Ebaafee tamɔ nuu ko ni joɔ jata naa foi, ní ekɛ oshishibrishi yakpeɔ,
Ni kɛ́ etee eshĩa ni ekɛ enine kpasa gbogbo lɛ, onufu kɔ̃ɔ lɛ.
20 Yehowa gbi lɛ baatsɔ duŋ, shi jeee la;
Ebaatsɔ duŋ kabitii, shi jeee kpɛmɔ!
22 Kɛ́ nyɛŋɔ shãa afɔlei kɛ nikee afɔlei nyɛhã mi po lɛ,
Mináŋ he miishɛɛ;+
Ni mihiɛ esɔŋ nyɛnaanyobɔɔ afɔlei ni nyɛkɛ kooloi ni ewowoo fɔ shãa lɛ.+
23 Kaahã minu olalai lɛ agbɛɛmɔ lɛ;
Ni mitaooo manu lalai ní okɛ okpãa saŋkui lɛ tswaa lɛ.+
24 Hã jalɛsaneyeli aho tamɔ nui hoɔ lɛ,+
Ní jalɛ hu aho tamɔ faa ni hoɔ daa.
25 Israel shĩa, ani nyɛkɛ afɔlei kɛ nikee afɔlei bahã mi
Yɛ nakai afii 40 lɛ amli, yɛ ŋa lɛ nɔ?+
26 Agbɛnɛ, nyɛbaatere Sakut, nyɛmaŋtsɛ lɛ, kɛ Kaiwan,*
Nyɛmagai lɛ, nyɛnyɔŋmɔ lɛ ŋulami ní nyɛfee nyɛhã nyɛhe lɛ kɛya,
27 Ni mahã aŋɔ nyɛ nom kɛya Damasko sɛɛ shɔŋŋ,’+ mɔ ni gbɛ́i ji Yehowa, Nyɔŋmɔ taiatsɛ lɛ, kɛɛ.”+
6 “Kpoo hã mɛi ni yɔɔ Zion ni kɛ amɛhiɛ fɔ̃ɔ amɛ diɛŋtsɛ amɛhe nɔ* lɛ,
Mɛi ni susuɔ akɛ amɛyɛ shweshweeshwe yɛ Samaria gɔŋ lɛ nɔ lɛ,+
Gbɔmɛi wuji ni yɔɔ jeŋmaji lɛ amli maŋ titri lɛ mli lɛ,
Mɛi ni Israel shĩa lɛ baa amɛŋɔɔ lɛ!
2 Nyɛfoa mli kɛyaa Kalne ni nyɛyakwɛa.
Nyɛjɛa jɛmɛ nyɛyaa Hamat Wulu lɛ,+
Ni nyɛkpelekea shi kɛyaa Filistibii amaŋ Gat lɛ mli.
Ani amɛhi fe maŋtsɛyelii nɛɛ,*
Aloo amɛshikpɔŋ lɛ da fe nyɛnɔ lɛ?
4 Amɛkamɔɔ shwuɔ wu* saatsei anɔ,+ ni amɛgbɛjɛɔ amɛhe yɛ sɛi saatsei anɔ,+
Ni amɛyeɔ tooku lɛ mli gwantɛŋhii lɛ kɛ tsinabii* ni eshwishwii lɛ;+
5 Amɛsɔ̃ɔ lalai kɛnyiɛɔ saŋku* gbɛɛmɔ sɛɛ,+
Ni amɛ diɛŋtsɛ amɛfeɔ lalatswaa nibii, tamɔ David fee lɛ;+
Ni mui kpakpai fe fɛɛ amɛkpaa.
Shi Yosef amanehulu lɛ jeee amɛhe sane ko.*+
7 No hewɔ lɛ, amɛbaatsɔ mɛi ni aŋɔ amɛ nom lɛ ahiɛ kɛya nomŋɔɔ mli,+
Ni mɛi ni egbɛjɛ amɛhe kɛkamɔ shi lɛ ahiɛtserɛjiemɔ ni yɔɔ hoo lɛ sɛɛ baafo.
8 ‘Nuŋtsɔ Ofe Yehowa kɛ lɛ diɛŋtsɛ ehe ekã kitã,’*+ Yehowa, Nyɔŋmɔ taiatsɛ lɛ kɛɛ,
‘“Minyaŋeɔ nɔ ni Yakob kɛshiɔ etsitsi lɛ,+
Minyɛɔ emɔji ni atswa gbogboi awo amɛhe lɛ,+
Mikɛ maŋ lɛ kɛ emli nibii lɛ fɛɛ baahã.+
9 “‘“Ni kɛji eshwɛ mɛi nyɔŋma yɛ shĩa kome mli po lɛ, amɛbaagboi kɛ̃. 10 Amɛteŋ mɔ ko wekunyo* baaba ni ebahole amɛ kɛje kpo, ní eyashã amɛ ekomekomei. Ebaajie amɛwui lɛ kɛje shĩa lɛ; ni ebaabi mɔ fɛɛ mɔ ni yɔɔ shĩa lɛ sɛɛtsui lɛ amli lɛ akɛ, ‘Ani eshwɛ mɔ ko lolo fata ohe?’ Ni ebaakɛɛ akɛ, ‘Mɔ ko mɔ ko bɛ biɛ!’ Kɛkɛ lɛ ebaakɛɛ akɛ, ‘Feemɔ diŋŋ! Ejaakɛ jeee be ni akɛtsĩɔ Yehowa gbɛ́i lɛ tã kwraa nɛ.’”
11 Ejaakɛ Yehowa ji mɔ ni kɛ famɔ lɛ hãa,+
Ni ebaakumɔ shĩa wulu lɛ dukuduku,
Ni ebaafufulu shĩa bibioo lɛ.+
12 Ani okpɔŋɔi joɔ foi yɛ tɛsaa nɔ,
Aloo mɔ ko kɛ tsinai huɔ yɛ jɛmɛ?
13 Nyɛnyaa nii ni he bɛ sɛɛnamɔ he,
Ni nyɛkɛɔ akɛ, “Ani jeee wɔ diɛŋtsɛ wɔnyɛmɔ naa wɔná hewalɛ* yɛ?”+
14 No hewɔ lɛ, Israel shĩa, mahã jeŋmaŋ ko abatutua nyɛ,’+ Yehowa, Nyɔŋmɔ taiatsɛ lɛ kɛɛ,
‘Ni amɛbaawa nyɛ yi kɛjɛ Lebo-hamat*+ aahu kɛyashi Araba lɛ Nujɔɔ* lɛ naa tɔ̃ɔ.’”
7 Nɔ ni Nuŋtsɔ Ofe Yehowa jie etsɔɔ mi nɛ: Naa! Ehã baalabii* babaoo ba be ni sɛɛkpee ŋmɔshi nibii lɛ bɔi daramɔ lɛ.* Enɛ ji sɛɛkpee ŋmɔshi nibii, be ni afolɔ maŋtsɛ lɛ jwɛi* lɛ sɛɛ. 2 Be ni baalabii lɛ eye shikpɔŋ lɛ nɔ kwɛ̃ɛ nii lɛ amɛgbe naa lɛ, mikɛɛ: “Ao, Nuŋtsɔ Ofe Yehowa, ofainɛ, okɛ amɛhe ake amɛ!+ Te Yakob aaafee tɛŋŋ eyi aná wala lɛ?* Ejaakɛ egbɔjɔ!”+
3 No hewɔ lɛ, Yehowa tsake ejwɛŋmɔ* yɛ enɛ he.+ Yehowa kɛɛ: “Ebaŋ mli.”
4 Nɔ ni Nuŋtsɔ Ofe Yehowa jie etsɔɔ mi nɛ: Naa! Nuŋtsɔ Ofe Yehowa kɛɛ ekɛ la baagbala amɛtoi. La lɛ kpãtã nui ni mli kwɔlɔ waa lɛ ahiɛ, ni ekpãtã shikpɔŋ lɛ fã ko hu hiɛ. 5 Kɛkɛ ni mikɛɛ: “Ao, Nuŋtsɔ Ofe Yehowa, ofainɛ, kaahã enɛ ba.+ Te Yakob aaafee tɛŋŋ eyi aná wala lɛ?* Ejaakɛ egbɔjɔ!”+
6 No hewɔ lɛ, Yehowa tsake ejwɛŋmɔ* yɛ enɛ he.+ Nuŋtsɔ Ofe Yehowa kɛɛ: “Enɛ hu baŋ mli.”
7 Nɔ ni ejie etsɔɔ mi nɛ: Naa! Yehowa damɔ gbogbo ko ni akɛ plomo* tswa nɔ, ni ehiɛ plomo yɛ edɛŋ. 8 Ni Yehowa kɛɛ mi akɛ: “Amos, mɛni onaa nɛɛ?” Ni mikɛɛ: “Plomo.” Kɛkɛ ni Yehowa kɛɛ: “Naa, mikɛ plomo miito mimaŋ Israel he. Mikɛ amɛhe ekeŋ amɛ dɔŋŋ.+ 9 Abaafee Isak hei grɔŋŋi+ lɛ amaŋfɔ, ni abaakpãtã Israel jamɔhei lɛ ahiɛ;+ ni mikɛ klante baabatutua Yeroboam shĩa lɛ.”+
10 Amazia, Betel osɔfo lɛ,+ kɛ shɛɛ nɛɛ tsu akɛyahã Israel maŋtsɛ Yeroboam+ akɛ: “Amos miikpaŋ oyinɔ yɛ Israel shĩa lɛ teŋ tuuntu.+ Shikpɔŋ lɛ nyɛŋ ewiemɔi lɛ fɛɛ anaa edamɔ.+ 11 Ejaakɛ nɔ ni Amos kɛɛ nɛ, ‘Akɛ klante baagbe Yeroboam, ni bɔ fɛɛ bɔ ni fee lɛ, abaaŋɔ Israel nom kɛaaje eshikpɔŋ lɛ nɔ kɛya.’”+
12 Ni Amazia kɛɛ Amos akɛ: “Ninalɔ, yaa, joo foi kɛya Yuda shikpɔŋ lɛ nɔ, ní oyatao odaaŋ ŋmaa* yɛ jɛmɛ, ní ogba yɛ jɛmɛ.+ 13 Shi kaagba yɛ Betel dɔŋŋ,+ ejaakɛ maŋtsɛ jamɔhe ni,+ ni maŋtsɛyeli shĩa hu ni.”
14 Kɛkɛ ni Amos hã Amazia hetoo akɛ: “Jeee gbalɔ ji mi, ni jeee gbalɔ bi hu ji mi; shi moŋ, kooloi akwɛlɔ ji mi,+ ni misaa sikamore agbami tsei ahe hu.* 15 Shi Yehowa hã mikpa kooloi lɛ kwɛmɔ, ni Yehowa kɛɛ mi akɛ, ‘Yaa ni oyagba otsɔɔ mimaŋ Israel.’+ 16 No hewɔ lɛ, agbɛnɛ, bo Yehowa wiemɔ lɛ toi: ‘Ookɛɛ akɛ, “Kaagba oshi Israel,+ ni kaashiɛ+ oshi Isak shĩa lɛ.” 17 No hewɔ lɛ, nɔ ni Yehowa kɛɛ nɛ: “Oŋa baatsɔ ashawo yɛ maŋ lɛ mli, ni obihii kɛ obiyei lɛ baanyɔnyɔi yɛ klante naa. Akɛ susumɔ kpãa baaja oshikpɔŋ lɛ, ni bo diɛŋtsɛ lɛ, obaayagbo yɛ shikpɔŋ ko ni he tseee nɔ; ni bɔ fɛɛ bɔ ni fee lɛ, abaaŋɔ Israel nom kɛaaje eshikpɔŋ lɛ nɔ kɛya.”’”+
8 Nɔ ni Nuŋtsɔ Ofe Yehowa jie etsɔɔ mi nɛ: Naa! Kɛntɛŋ kɛ emli latsa beiaŋ aduawa. 2 Ni ekɛɛ, “Amos, mɛni onaa nɛɛ?” Mihã hetoo akɛ, “Kɛntɛŋ kɛ emli latsa beiaŋ aduawa.” Kɛkɛ ni Yehowa kɛɛ mi akɛ: “Mimaŋ Israel naagbee eshɛ. Mikɛ amɛhe ekeŋ amɛ dɔŋŋ.+ 3 ‘Nakai gbi lɛ nɔ lɛ, sɔlemɔ shĩa lɛ lalai lɛ baatsɔ yaafo,’+ Nuŋtsɔ Ofe Yehowa kɛɛ. ‘Abaashɛrɛ gbohii ashwie he fɛɛ he+—jɛmɛ baafee diŋŋ!’
4 Nyɛboa enɛ toi, nyɛ mɛi ni nyɛnaanaa ohiafoi anɔ,
Ní nyɛkpãtãa shikpɔŋ lɛ nɔ bii ni he jɔ lɛ ahiɛ,+
5 Ní nyɛkɛɔ akɛ, ‘Mɛɛ be nyɔɔŋtsere hee gbi jurɔ lɛ baaba naagbee,+ koni wɔhɔ̃ɔ wɔŋmaa* lɛ,
Kɛ Hejɔɔmɔ Gbi lɛ hu,+ koni wɔbɔi ŋmaa hɔɔmɔ?
Koni wɔhã efa* susumɔnɔ lɛ afee bibioo
Ní shekel* nsɛni tɛ lɛ ada,
Koni wɔta wɔshishiumɔ nsɛni lɛ he fioo;*+
6 Koni wɔkɛ jwiɛtɛi ahé mɛi ni ehia amɛ lɛ,
Ní wɔkɛ tokota ahé ohiafo,+
Ní wɔhɔ̃ɔ ŋmaa lɛ mli nɔ ni ehiii lɛ.’
7 Yehowa kɛ Nɔ Ni Yakob Kɛshiɔ Etsitsi lɛ ekã kitã akɛ,+
‘Mihiɛ kpaŋ amɛnifeemɔi lɛ fɛɛ anɔ kɔkɔɔkɔ.+
8 Enɛ hewɔ lɛ, shikpɔŋ lɛ baahoso,
Ni enɔ bii lɛ ateŋ mɔ fɛɛ mɔ baaye awerɛho.+
Shikpɔŋ muu lɛ fɛɛ baawó ehe nɔ tamɔ Nilo lɛ,
Ni ebaayi kɛteke nɔ, ni ebaanyɔ shi tamɔ Nilo lɛ ni yɔɔ Ejipt lɛ.’+
9 ‘Nakai gbi lɛ nɔ lɛ,’ Nuŋtsɔ Ofe Yehowa kɛɛ,
‘Mahã hulu anyɔ shi shwane fintiŋŋ,
Ni mahã shikpɔŋ lɛ nɔ awo duŋ shwane ketekete.+
Mikɛ kpekpe baaŋmɔ hɛ fɛɛ hɛ, ni mahã mɔ fɛɛ mɔ yiteŋ akpa;
Mahã efee tamɔ bi kome he awerɛhoyeli,
Ni enaagbee baafee tamɔ gbi ni joɔ.’
11 ‘Naa! Gbii miiba,’ Nuŋtsɔ Ofe Yehowa kɛɛ,
‘Ni mahã hɔmɔ aba shikpɔŋ lɛ nɔ,
Jeee niyenii* he hɔmɔ, ni jeee nu kumai hu ni,
Shi moŋ, Yehowa wiemɔi lɛ ni abaanu lɛ he hɔmɔ ni.+
12 Amɛbaadidãa kɛaajɛ ŋshɔnaa kɛya ŋshɔnaa,
Ni amɛbaajɛ kooyi kɛya bokã.*
Amɛbaakpa shi amɛtao Yehowa wiemɔ lɛ, shi amɛnaŋ.
13 Nakai gbi lɛ nɔ lɛ, nɔ baanyɔ oblayei froi ni he yɔɔ fɛo
Kɛ oblahii hu anɔ yɛ kumai lɛ hewɔ;
14 Mɛi ni kɛ Samaria fɔyeli lɛ kãa kitã+ ní amɛkɛɔ akɛ,
“Ao Dan, gbii abɔ ni onyɔŋmɔ lɛ hiɛ kã nɛɛ!”+
Kɛ, “Gbii abɔ ni Beer-sheba gbɛ+ lɛ hiɛ kã nɛɛ!”
Amɛbaagbeegbee shi, ni amɛteŋ shi dɔŋŋ’ lɛ.”+
9 Mina Yehowa+ yɛ afɔleshaa latɛ lɛ yiteŋ, ni ekɛɛ: “Tswaa akulashiŋ lɛ yitso lɛ nɔ, ni shinai lɛ ashi baahoso. Folɔmɔ amɛyitsei lɛ, ni mikɛ klante baagbe amɛteŋ naagbee mɔ lɛ. Mɔ fɛɛ mɔ ni baajo foi lɛ he ejeŋ mli, ni mɔ fɛɛ mɔ ni baaka akɛ ebaajo foi lɛ yeŋ omanye.+
2 Kɛ́ amɛtsa shi kɛtee Gbonyobu* lɛ mli tɔ̃ɔ po lɛ,
Minine baamɔ amɛ kɛjɛ jɛmɛ;
Ni kɛ́ amɛkwɔ kɛtee ŋwɛi po lɛ,
Magbala amɛ kɛjɛ jɛmɛ kɛba shikpɔŋ.
3 Ni kɛ́ amɛyatee amɛhe yɛ Karmel yiteŋ po lɛ,
Matao amɛ yɛ jɛmɛ, ni mamɔmɔ amɛ.+
Kɛ́ amɛtee amɛhe kɛje mihiɛ yɛ ŋshɔ lɛ shishi po lɛ,
Mafã onufu yɛ jɛmɛ ní ekɔmɔ amɛ.
4 Kɛ́ amɛhenyɛlɔi ŋɔ amɛ nom po lɛ,
Mafã klante yɛ jɛmɛ ní egbe amɛ;+
Majie mihiɛ maka amɛ ni mafee amɛ efɔŋ, jeee ekpakpa.+
5 Ejaakɛ Nuŋtsɔ Ofe, Yehowa taiatsɛ lɛ, ji mɔ ni taa shikpɔŋ lɛ he,
Ni esereɔ,+ ni enɔ bii lɛ fɛɛ yeɔ awerɛho;+
Shikpɔŋ muu lɛ fɛɛ baawó ehe nɔ tamɔ Nilo lɛ,
Ni ebaanyɔ shi tamɔ Nilo lɛ ni yɔɔ Ejipt lɛ.+
6 ‘Mɔ ni tswaa etrakpoi yɛ ŋwɛi
Ni emaa etsũ* yɛ shikpɔŋ lɛ yiteŋ lɛ;
Mɔ ni tsɛɔ ŋshɔ lɛ mli nui lɛ kɛbaa,
Ní efɔseɔ eshwieɔ shikpɔŋ lɛ nɔ lɛ+
—Egbɛ́i ji Yehowa.’+
7 ‘Israelbii, nyɛtamɔ Kushbii abii kɛhã mi,’ Yehowa kɛɛ.
8 ‘Naa! Nuŋtsɔ Ofe Yehowa hiŋmɛii jwere maŋtsɛyeli ni feɔ esha lɛ nɔ,
Ni ebaakpãtã ehiɛ kɛje shikpɔŋ lɛ nɔ.+
Shi mikpãtãŋ Yakob shĩa lɛ hiɛ kwrakwra,’+ Yehowa kɛɛ.
9 ‘Ejaakɛ naa! Mikɛ famɔ miihã,
Ni mahoso Israel shĩa lɛ yɛ jeŋmaji lɛ fɛɛ ateŋ,+
Tamɔ bɔ ni ahosoɔ shaanii lɛ,
Ni tɛ kome po egbeŋ shi.
10 Miwebii lɛ ateŋ eshafeelɔi lɛ fɛɛ baagboi yɛ klante naa,
Mɛi ni kɛɔ akɛ, “Amanehulu lɛ bɛŋkɛŋ wɔ, ni eninaŋ wɔ hu” lɛ.’
11 ‘Nakai gbi lɛ nɔ lɛ, mawó David agba* ni egbee shi lɛ nɔ mama shi,+
Masaa ehei* ni egbála lɛ,
Ni masaa ehei ni efite lɛ;
Masaa matswa mama shi tamɔ eji yɛ blema gbii lɛ amli lɛ,+
12 Bɔ ni afee ni amɛŋɔ Edom nii ni eshwɛ lɛ,+
Kɛ jeŋmaji fɛɛ ni akɛ migbɛ́i tsɛɔ amɛ lɛ,’ Yehowa, mɔ ni feɔ enɛ lɛ, kɛɛ.
13 ‘Naa! Gbii miiba,’ Yehowa kɛɛ,
‘Ni hulɔ lɛ baayanina nikpalɔ lɛ,
Ni mɔ ni ŋaa wain yibii lɛ baayanina mɔ ni hiɛ dumɔwui lɛ;+
Ni wain dɔkɔdɔkɔ baatsere kɛaajɛ gɔji lɛ amli,+
14 Mabua mimaŋ Israel ni aŋɔ amɛ nom lɛ anaa kɛku sɛɛ kɛba,+
Ni amɛbaasaa amɛmamɔ maji ni efee amaŋfɔ lɛ, ni amɛbaahi mli;+
Amɛbaafee wain ŋmɔji, ni amɛbaanu amɛmli wain,+
Ni amɛbaafee abɔi, ni amɛbaaye amɛmli yibii.’+
15 ‘Madu* amɛ yɛ amɛshikpɔŋ lɛ nɔ,
Ni afãŋ amɛ dɔŋŋ
Kɛjeŋ amɛshikpɔŋ ni mikɛhã amɛ lɛ nɔ,’+ Yehowa, o-Nyɔŋmɔ lɛ kɛɛ.”
Eshishi ji, “Eji Jatsu” loo “Etere Jatsu.”
Loo “mlatɔmɔi.”
Adabaŋ ji dade loo tso ni akɛbeleɔ shinaa loo agbó sɛɛ kɛlaa sɛɛ.
Hebri sht. ŋm., “mɔ ni hiɛɔ maŋtsɛtso lɛ.”
Hebri sht. ŋm., “mɔ ni hiɛɔ maŋtsɛtso lɛ.”
Loo “mlatɔmɔi.”
Hebri sht. ŋm., “akolonto.”
Hebri sht. ŋm., “kojolɔ.”
Loo “gbɛtsɔɔmɔ.”
Loo “amɛshɔ̃ɔ akɛ shiŋmɛɛnii.”
Loo “ajamɔhe.”
Loo “kɛkwɔ kɛje.”
Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
Loo “esusuma.”
Loo “esusuma.”
Loo “Tawulɔi lɛ ateŋ mɛi ni hiɛ ekãa tsui.”
Loo “kɛkwɔ kɛje.”
Loo “kɛ́ amɛtoko gbɛjianɔ akɛ amɛbaakpe?”
Loo “jata oblanyo kɛ ekuɛ he tsɔi.”
Shishitsɔɔmɔi komɛi kɛɔ akɛ, “kɛ́ tsɔnenaa niyenii bɛ mli?”
Loo “eteemɔŋ sane.”
Loo “Damasko sɛi saatsei.”
Loo “ní nyɛyea odase nyɛshia Yakob shĩa lɛ.”
Loo “emlatɔmɔi.”
Loo “aivori.” Kwɛmɔ Wiemɔi Titrii Amligbalamɔ lɛ.
Shishitsɔɔmɔi komɛi kɛɔ akɛ, “shĩai babaoo.”
Loo “amɛnuŋtsɔmɛi.”
“Kpoji wuji” ni atsɔɔ yɛ biɛ lɛ ji dadei ni adɔrɔ amɛnaa tamɔ kpoŋ ní akɛ kooloo ni agbe tsotsoroɔ naa.
Loo “nyɛbatsea atua.”
Loo “nyɛkɛ nyɛtaitii lɛ hu abaa.”
Kwɛmɔ Wiemɔi Titrii Amligbalamɔ lɛ.
Loo “mihãaa nyɛ niyenii ko nyɛye.”
Hebri sht. ŋm., “blodo.”
Baalabi ji agã henɔ ko.
Ni tsɔɔ akɛ, Nyɔŋmɔ susumɔi.
Loo “awerɛhoyeli lala.”
Shishitsɔɔmɔi komɛi kɛɔ akɛ, “Betel baatsɔ naakpɛɛ nɔ ko.”
Loo “joomɔ.”
Eeenyɛ efee akɛ, no ji Pleiades ŋulamii ni yɔɔ Taurus ŋulamiku lɛ mli lɛ.
Eeenyɛ efee akɛ, no ji ŋulamiku ni atsɛɔ lɛ Orion lɛ.
Loo “shikpɔŋ too.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Eeenyɛ efee akɛ, eji maŋ too ko ni abiɔ ni ohiafoi awo.
Loo “nyɛmlatɔmɔi.”
Loo “shika ni hãa atsimɔɔ nɔfɔŋfeemɔ nɔ.”
Ni ji, mɛi ni awoɔ amɛ nyɔmɔ koni amɛfó yɛ yara nɔ.
Eeenyɛ efee akɛ, nyɔŋmɔi enyɔ nɛɛ fɛɛ kɔɔ shibɔlemɔ ŋulami ni atsɛɔ lɛ Saturn, ní ajá akɛ nyɔŋmɔ lɛ he.
Loo “mɛi ni yɔɔ Zion ni amɛhe ejɔ amɛ.”
Eeenyɛ efee akɛ, aatsɔɔ Yuda kɛ Israel maŋtsɛyelii lɛ.
Hebri sht. ŋm., “sɛ̃i.”
Loo “aivori.” Kwɛmɔ Wiemɔi Titrii Amligbalamɔ lɛ.
Loo “tsina oblahii.”
Loo “kpãa saŋku.”
Hebri sht. ŋm., “Yosef amanehulu lɛ wooo amɛ hela.”
Loo “kɛ esusuma ekã kitã.”
Hebri sht. ŋm., “Epapa nyɛmi nuu.”
Loo “joomɔ.”
Hebri sht. ŋm., “wɔŋɔ akolontoi wɔhã wɔhe.”
Loo “he ni atsɔɔ kɛboteɔ Hamat lɛ.”
Kwɛmɔ Wiemɔi Titrii Amligbalamɔ lɛ.
Baalabi ji agã henɔ ko.
Ni ji, yɛ January kɛ February mli.
Ni ji, jwɛi ni afolɔ ni aka ni egbi ni akɛhãa kooloi.
Hebri sht. ŋm., “Te Yakob aaafee tɛŋŋ ete shi edamɔ shi lɛ?”
Loo “shwa ehe.”
Hebri sht. ŋm., “Te Yakob aaafee tɛŋŋ ete shi edamɔ shi lɛ?”
Loo “shwa ehe.”
Loo “kulomulo.” Ni ji, kpãa ko kɛ enaa dade ní akɛkwɛɔ akɛ nɔ ko ma shi jaŋŋ lo.
Hebri sht. ŋm., “ní oyaye blodo.”
Loo “ni migbulɔɔ sikamore agbamii ahe hu.”
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.
Kwɛmɔ Saji Krokomɛi B14 lɛ.
Kwɛmɔ Saji Krokomɛi B14 lɛ.
Ni tsɔɔ akɛ, amɛbaajɔɔsu nsɛni lɛ kɛshishiu mɛi.
Loo “awerɛhoyeli lalai.”
Hebri sht. ŋm., “blodo.”
Loo “hulushiteehe.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “etsũ kɛ eyiteŋ kokloo.”
Loo “kɛkwɔ kɛje.”
Loo “mama tsũ.”
Loo “amɛhei.”
Hebri sht. ŋm., “Ni gɔŋkpɔi lɛ fɛɛ aaasere.”
Loo “Matɛo.”