Naamuu

Ani bei komɛi lɛ okaiɔ nibii komɛi ni hã omii shɛ ohe be ni ofata Yehowa webii lɛ ahe lɛ? Tamɔ ekolɛ asafoŋ kpee ko ni otee ni wo bo hewalɛ, kpee wulu ko ni afee ni hã oná miishɛɛ waa, niiashikpamɔ fɛfɛo ko ni oná be ni onyiɛ shiɛmɔ nɔ, loo ekolɛ sane ko ni yɔɔ miishɛɛ ni okɛ onaanyo héyelilɔ ko gba lɛ? Kɛ́ nakai ni lɛ, belɛ ohiɛ kpako Yehowa nɔ; ni lɛ hu ehiɛ kpako onɔ. Ehiɛ kpako bɔ ni osɔmɔ lɛ ni oye lɛ anɔkwa lɛ nɔ. Ni eeshwe ni eye ebua bo koni oku osɛɛ kɛba eŋɔɔ.

Yehowa wie akɛ: “Mi diɛŋtsɛ madi mitoi lɛ asɛɛ, ni matao amɛsɛɛgbɛ. Bɔ ni tookwɛlɔ taoɔ etooku asɛɛgbɛ, gbi ni eyɔɔ etoi ní egbɛ eshwã lɛ ateŋ lɛ, nakai nɔŋŋ kɛ̃ matao mitoi lɛ asɛɛgbɛ, ni majie amɛ kɛaajɛ he fɛɛ he ní amɛgbɛ amɛshwã kɛtee.”​—Ezekiel 34:11, 12.