Nyɛbaa! Nyɛbaaná Hewalɛ Hee

1. Mɛi pii ni yɔɔ je lɛŋ feɔ nibii gbohii;

Amɛkwa Nyɔŋmɔ gbɛ lɛ kwraa.

Gbɛtsɔɔmɔ kpakpa he miihia wɔ fɛɛ kwa

Koni wɔkatɔ̃ Nyɔŋmɔ nɔ.

Kristofoi akpeei wajeɔ wɔ be fɛɛ be

Koni wɔfee nibii kpakpai.

Wɔkpeei lɛ hãa wɔhiɛnɔkamɔ mli waa;

Enɛ hãa wɔshiɛɔ kɛ ekãa.

Wɔbaabo Yehowa wɔ-Nyɔŋmɔ lɛ toi,

Wɔbaafee esuɔmɔnaa nii.

Wɔkpeei lɛ baahã wɔle Nyɔŋmɔ jogbaŋŋ;

Koni wɔhi esafo lɛŋ.

2. Nyɔŋmɔ Wiemɔ kɛɔ akɛ wɔkpe bei fɛɛ;

Wɔbaabo gbɛtsɔɔmɔ nɛɛ toi.

Wɔkɛ wɔhiɛ baafɔ̃ wɔ-Nyɔŋmɔ lɛ nɔ,

Ele wɔhiamɔ nibii fɛɛ.

Wɔnɔkwɛlɔi agbɛtsɔɔmɔ kpakpa hãa

Wɔhemɔkɛyeli mli waa.

Nyɛmimɛi hii kɛ yei baahi wɔmasɛi,

Koni wɔhe akafee shoo.

Wɔkpeei srɔtoi fɛɛ baawo wɔ hewalɛ

Be ni wɔmɛɔ Paradeiso.

Nyɔŋmɔ baatsɔɔ wɔ bɔ ni wɔba wɔjeŋ

Koni wɔná naanɔ wala.