Mɛni Hewɔ Esa Akɛ Wɔye Wɔ Lilɛi Nɔ?

Ani ole mɔ ko ni wieɔ babaoo tsɔ? Abɛi 10:19 kɛ yiŋtoo ko ni no hewɔ esa akɛ wɔkwa enɛ lɛ haa. Ekɛɔ akɛ: “Wiemɔ babaoo yɔɔ nɛɛ nɔtɔmɔ kpaaa yɛ mli; shi mɔ ni mɔɔ enaabu mli lɛ, nilelɔ ni.”

Yesu nyɛ bi Yakobo ma bɔ ni ehe hiaa ákɛ akwɛ ni akɛ lilɛi lɛ akatɔtɔ mɔ ko nane lɛ nɔ mi ejaakɛ kɛ mɔ ko nyɛɛɛ aye nɔ lɛ, ehaa mɔ lɛ jamɔ feɔ efolo. (Yak. 1:26) Wɔteŋ mɔ ko bɛ ni baanyɛ aye elilɛi nɔ kwraa, shi wɔbaanyɛ wɔbɔ he mɔdɛŋ kɛ̃. Yak. 3:​2-8.

Enɛ etsɔɔɔ akɛ esa ni wɔtsɔ mumui, ni wɔkɛ wɔhe wooo sanegbaa mli. Shi kaa ohe okwɛ yɛ nɛkɛ gbɛ nɔ: Susumɔ ohenumɔi ahe fioo. Kwɛmɔ akɛ, kɛ́ kuu ko ekpe kɛmiigba sane ni ofata he lɛ, ani onuɔ he akɛ esani owie sane fɛɛ sane ni akɛaaba lɛ he babaoo lo. Yɛ sanegbaa ni kɔɔ shihilɛ mli nibii ahe nɛɛ mli lɛ, ani ebafeɔ mɔ ni wieɔ babaoo fe kuu lɛ mlibii lɛ fɛɛ? Kɛ̀ nakai ni lɛ, belɛ Abɛi 10:19 he susumɔ baaye abuɔ bɔ.