Wolo ni Mɛi Sumɔɔ

Nitsulɔ ko ni tsuɔ nii yɛ jarayeli shwapo ko mli yɛ St. John’s Newfoundland kɛ woloŋmalɔ lɛ na Biblia mli sanegbaa. Ajie wolo, My Book of Bible Stories lɛ yi aha obalayoo lɛ. Etao wolo ko ni tamɔ nakai aahu yɛ Nyɔŋmɔjamɔ gbɛjianɔtooi lɛ aŋɔɔ, shi ena akɛ woji ni amɛyɔɔ lɛ jara wa kwraa tsɔ̃. Beni eyoo akɛ shika fioo ko pɛ akɛheɔ enɛ lɛ, oya nɔŋŋ ni ehe wolo lɛ. Beni mɛi krokomɛi ni yɔɔ shwapo lɛ mli lɛ kɛ amɛ onukpa lɛ na wolo lɛ, amɛkɛɛ amɛmiisumɔ eko amɛha amɛbii kɛ amɛ diɛŋtsɛ amɛhe kɛ amɛnanemɛi. Nɔ ni jɛ mli ji akɛ nitsulɔ lɛ kɛ My Book of Bible Stories lɛ 25 sɔŋŋ ha nitsulɔi lɛ.

Bo hu obaasumɔ My Book of Bible Stories lɛ kɛ ona eko. Biblia mli saji 116 yɔɔ mli, ni ehaa nikanelɔ lɛ leɔ nɔ fɛɛ nɔ ni kɔɔ Biblia lɛ he. Akala wolo lɛ mli saji lɛ agboi kɛ mfonirii fe 125, yɛ sui sɔrɔtoi ni yɔɔ fɛo mli. Onine baanyɛ ashɛ nikeenii ni jara wa ni hiɛ baafai 256 nɛɛ nɔ kɛtsɔ nɔ ni oooŋma yɛ nɔ ni afo he akrabatsa ni yɔɔ shishigbɛ nɛɛ nɔ lɛ nɔ.

Ofainɛ okɛ wolo, My Book of Bible Stories lɛ ekome amaje mi. Mikɛ ¢20 miimaje koni mikɛwo nyɔmɔ.