‘Eye Ebua Mi Ni Akɛ Bulɛ Eha Mi’

Enɛ ji sane ni nuu ko ni jɛ Afrika Anaigbɛ wie yɛ wolo, Your Youth​—Getting the Best out of It lɛ he. Eŋma akɛ: “Mifɔɔ weku muu lɛ fɛɛ tsɛmɔ koni mikɛ amɛ asusu saji ni yɔɔ wolo nɛɛ mli lɛ ahe. Obalaŋtai ni yɔɔ wɔ akutso lɛ mli lɛ hu baa ni amɛbafataa wɔsanegbaa lɛ he. Miida shi babaoo yɛ nɛkɛ wolo nɛɛ hewɔ, obalaŋtai ni yɔɔ wɔ akutso lɛ mli lɛ fɛɛ kɛ bulɛ haa mi, ni miyeɔ mibuaa amɛ kɛ amɛnaagbai.”

Nɔ ni fata wolo ni hiɛ yitsei 24 nɛɛ mli saji lɛ ahe hu ji ‘Te Obuɔ Tsɔsemɔ Ohaa Tɛŋŋ?’ ‘Ani Esa akɛ Onu Daa ni Wa?’ ‘Lalai kɛ Joi ni Ohalaa,’ ‘Ani Jwɛŋmɔ yɛ Bɔlɛnamɔ he Jeŋba Kpakpa Mli?’ kɛ ‘Nyiɛmɔ ni Tsɔɔ Gbalashihilɛ Hiɛ.’ Onine baanyɛ ashɛ wolo fɛfɛo nɛɛ ekome nɔ ni ebaaye ebuao ni oye omanye yɛ shihilɛ mli kɛtsɔ nɔ ni aŋmala yɛ shishigbɛ nɛɛ ni oootsɔɔ nɔ ni osumɔɔ yɛ nɔ lɛ nɔ.

Nyɛfainɛ nyɛkɛ wolo ni hiɛ baafai 192, Your Youth​—Getting the Best out of It ekome amajea mi. Mikɛ ¢60 ewo mli kɛmiiwo nyɔmɔ.