Yesu Shihilɛ Kɛ Esɔɔmɔ Nitsumɔ

Mɔdɛŋ Krokomɛi Ni Abɔ Koni Agbe Yesu

Akɛni eji fɛi be hewɔ lɛ, Yesu miishara shi yɛ he ni ale akɛ Salomo ablanaa lɛ nɔ. Eyɛ sɔlemɔtsu lɛ masɛi. Kɛkɛ ni Yudafoi lɛ babɔle Kɛkɛ ni Yudafoi Iɛ babɔle ehe ni amɛbɔi lɛ kɛɛmɔ akɛ: “Mɛɛ beyinɔ nɔ nɔŋŋ oooha wɔyiŋ afee wɔ kɔshikɔshi kɛyashi? Kɛ bo ji Kristo lɛ kɛɛmɔ wɔ faŋŋ.”

Yesu na hetoo akɛ “Mikɛɛ nyɛ, ni nyɛheee mi nyɛyeee.” Yesu ekɛko amɛ tɛɛ akɛ lɛ ji Kristo lɛ, taakɛ ekɛɛ Samaria yoo Iɛ yɛ nu bu lɛ he lɛ. Ni kɛlɛ ejie mɔ ni eji lɛ kpo yɛ be mli ni etsɔɔ amɛ akɛ ejɛ ŋwɛi ni eyɛ dani Abraham yɔɔ Iɛ.

Shi Yesu miisumɔ ni gbɔmɛi lɛ amu sane naa aha amɛ diɛŋtsɛ amɛhe akɛ lɛ ji Kristo Iɛ kɛtsɔ enitsumɔi Iɛ ni amɛkɛaato nɔ ni Biblia lɛ egba efɔ shi akɛ Kristo lɛ baatsu Iɛ he. No hewɔ ni etsɔ hiɛ ekɛɛ ekaselɔi lɛ akɛ amɛkakɛɛ mɔ ko mɔ ko akɛ Iɛ ji Kristo Iɛ. Ni no hewɔ ni etee nɔ ni ekɛɛ nakai Yudafoi ni sumɔɔɔ esane Iɛ akɛ: “Nitsumɔi ni mitsuɔ yɛ mi-Tsɛ gbɛi anɔ Iɛ, nomɛi miiye mihe odase; shi nyɛ moŋ nyɛheee nyɛyeee.”

Mɛni hewɔ amɛheee amɛyeee? Akɛni amɛbɛ odaseyeli ni tsɔɔ akɛ Yesu ji Kristo Iɛ? Dabi, shi ejɛ yiŋtoo ni Yesu kɛha beni ekɛɛ amɛ nɛkɛ lɛ: “Nyɛjeee mitooi lɛ eko, taakɛ bɔ ni mikɛɛ nyɛ lɛ. Mitooi lɛ nuɔ migbee, ni mile amɛ, ni amɛnyiɛɔ misɛɛ, ni mi nɔŋŋ mihaa amɛ naanɔ wala, ni amɛhiɛ kpataŋ kɛaatee naanɔ, ni asaŋ mɔ ko shɔŋ amɛ yɛ midɛŋ. Mi-Tsɛ ni ŋɔ amɛ eha mi lɛ fe mɛi fɛɛ, ni mɔ ko nyɛŋ ashɔ amɛ yɛ mi-Tsɛ dɛŋ.”

Kɛkɛ ni Yesu tsɔɔ wekukpaa ni bɛŋkɛ kpaakpa ni ka ekɛ e-Tsɛ lɛ teŋ lɛ mli, ni ekɛɛ: “Mikɛ Tsɛ Iɛ fɛɛ lɛ, ekomeŋ.” Akɛni Yesu yɛ shikpɔŋ nɛɛ nɔ ni e-Tsɛ lɛ yɛ ŋwɛi hewɔ lɛ, eka shi faŋŋ akɛ jeee akɛ eekɛɛ akɛ lɛ kɛ e-Tsɛ lɛ ji heloo kome diɛŋtsɛ. Shi moŋ, eetsɔɔ akɛ amɛfeɔ ekome yɛ yiŋtoo loo nitsumɔ mli.

Akɛni Yesu wiemɔi lɛ wo amɛmli la hewɔ lɛ, Yudafoi Iɛ kɔlɔ tɛi koni amɛkɛgbe Iɛ, taakɛ amɛfee nyɔji komɛi kɛtsɔ hiɛ, yɛ Asesei Agbijurɔ lɛ mli lɛ. Yesu kɛ ekaa kɛ nɛkɛ gbɔmɛi ni taoɔ Iɛ agbe nɛɛ kpe ni ekɛɛ: “Nitsumɔi kpakpai pii mitsɔɔ nyɛ kɛjɛ mi-Tsɛ ŋɔɔ; te nakai nitsumɔi Iɛ ateŋ nɔ hewɔ ni nyɛbaatswia mi tɛi nɛɛ?”

Amɛha hetoo akɛ: “Jeee nitsumɔi kpakpa ko hewɔ wɔbaatswiao tɛi lɛ, shi moŋ musubɔɔ hewɔŋ, ejaakɛ bo ni gbɔmɔ jio Iɛ, otsɛɔ ohe akɛ nyɔŋmɔ jio.” Akɛni Yesu ekɛko da akɛ eji nyɔŋmɔ ko hewɔ lɛ, mɛni hewɔ Yudafoi lɛ kɛɔ nɛkɛ?

Eka shi faŋŋ akɛ akɛni Yesu kɛ ehewalɛ ni amɛheɔ amɛyeɔ akɛ eji Nyɔŋmɔ pɛ nɔ lɛ ha lɛ diɛŋtsɛ ehe lɛ hewɔ. Akɛ nɔkwɛmɔ nɔ lɛ, ewie bianɛ yɛ “tooi” Iɛ ahe akɛ “mihaa amɛ naanɔ wala,” ni enɛ ji nɔ ko ni adesa ko nyɛŋ afee. Shi Yudafoi lɛ kuɔ amɛhiɛ amɛshwieɔ anɔkwale ni eji akɛ Yesu ekpɛlɛ nɔ akɛ hewalɛ ni eyɔɔ lɛ jɛ e-Tsɛ Iɛ ŋɔɔ lɛ nɔ.

Akɛ Yesu tsɔɔ akɛ eshɛɛɛ Nyɔŋmɔ lɛ, efee nakai kɛtsɔ sane ni ebi nɛɛ nɔ: “Ani aŋmako yɛ nyɛ Mla lɛ mli [yɛ Lala 82:6] akɛ, ‘Mikɛɛ: “Nyɔŋmɔi ji nyɛ’”? Kɛji mɛi aŋɔɔ ni Nyɔŋmɔ wiemɔ lɛ ba tete lɛ atsɛ amɛ ‘nyɔŋmɔi,’ ni anyɛŋ Ŋmalɛ lɛ mli aku lɛ, nyɛmiikɛɛ yɛ mɔ ni Tsɛ lɛ efee lɛ krɔŋkrɔŋ ni etsu lɛ kɛba je lɛ mli lɛ hewɔ akɛ: ‘Obɔ musu,’ akɛni mikɛɛ akɛ: ‘Nyɔŋmɔ Bi ji mi lɛ?’”

Hɛɛ, akɛni Ŋmalɛi lɛ tsɛɔ adesai kojolɔi ni ejaaa lɛ po akɛ “nyɔŋmɔi” hewɔ lɛ, mɛɛ tɔmɔi nɛkɛ Yudafoi nɛɛ baanyɛ ana yɛ Yesu he akɛni ekɛɔ akɛ, “Nyɔŋmɔ Bi ji mi” lɛ? Yesu kɛfata he akɛ: “Kɛ mitsuuu mi-Tsɛ nitsumɔi lɛ, no lɛ nyɛkahea mi nyɛyea; shi kɛji mitsuɔ, ni kɛlɛ nyɛheee mi nyɛyeee lɛ, nyɛhea nitsumɔi Iɛ nyɛyea mɔ, koni nyɛle ni nyɛhe nyɛye akɛ Tsɛ lɛ yɛ mimli, ni mi hu miyɛ Tsɛ lɛ mli.”

Beni Yesu kɛɛ nɛkɛ lɛ, Yudafoi lɛ bo mɔdɛŋ ni amɛmɔ lɛ. Shi ejo foi, taakɛ etsɔ hiɛ efee yɛ Asesei Agbijurɔ lɛ nɔ lɛ. Eshi Yerusalem ni efa gbɛ kɛfo Yordan Faa lɛ kɛtee he ni Yohane je baptisimɔ shishi yɛ aaafee afii ejwɛ ni etsɔ hiɛ lɛ. Eka shi faŋŋ akɛ nɛkɛ he nɛɛ kɛ Galilea Ŋshɔ lɛ wuoyigbɛ ŋshɔnaa gbɛ lɛ jɛkɛɛɛ, kɛjɛ Yerusalem kɛmiiya jɛmɛ heɔ aaafee gbii enyɔ nyiɛmɔ.

Mɛi pii ba Yesu ŋɔɔ yɛ nɛkɛ he nɛɛ ni amɛje shishi amɛkɛɛ: “Yohane efeee okadi ko moŋ, shi nii fiaa ni Yohane wie yɛ nɛkɛ nuu nɛɛ he lɛ, anɔkwaŋ.” No hewɔ lɛ mɛi pii he Yesu nɔ amɛye yɛ biɛ. Yohane 10:​22-42; 4:​26; 8:​23, 58; Mateo 16:⁠20.

◆ Mɛni Yesu sumɔɔ ni gbɔmɛi atsɔ nɔ amɛyoo lɛ akɛ lɛ ji Kristo lɛ?

◆ Yesu kɛ e-Tsɛ lɛ ekomeŋ yɛ mɛɛ gbɛ nɔ?

◆ Eka shi faŋŋ akɛ mɛni hewɔ Yudafoi lɛ kɛɔ akɛ Yesu miifee ehe nyɔŋmɔ ko lɛ?

◆ Yɛ mɛɛ gbɛ nɔ wiemɔ ni Yesu tsɛ kɛjɛ Lalai lɛ amli lɛ tsɔɔ akɛ efeee ehe mɔ ni kɛ Nyɔŋmɔ yeɔ egbɔ?