Maŋtsɛyeli Jajelɔi Bo Amaniɛ

Yehowa Jɔɔ Hekamɔ

YEHOWA ODASEFOI nuɔ suɔmɔ ni mli kwɔ he amɛhaa Yehowa Nyɔŋmɔ kɛ gbɛnaa nii ni ka amɛ nɔ yɛ amɛnaanyo gbɔmɔ he lɛ, ni enɛ tsirɛɔ amɛ koni amɛbɔ mɔdɛŋ ni amɛha mɔ fɛɛ mɔ ana hegbɛ ni ebo Nyɔŋmɔ Maŋtsɛyeli Iɛ he sanekpakpa lɛ toi. (Mateo 24:14) No hewɔ ni nyɛmiyoo ko tswa efai shi akɛ ebaashiɛ etsɔɔ asraafoi kɛ amɛwekui yɛ asraafoi ashihilɛ he ni yɔɔ eshikpɔŋkuku Iɛ mli Iɛ.

Be fɛɛ be ni eeebɔ mɔdɛŋ lɛ, asafoiatsɛ ni kwɛɔ amɛnɔ lɛ tsiɔ enaa. Nyɛmiyoo nɛɛ gba akɛ: “No hewɔ lɛ mikpɛ miyiŋ akɛ mana tatsɛ Iɛ ni ji onukpa lɛ diɛŋtsɛ. Beni mitswa woloŋmalɔ Iɛ tɛlifon lɛ, ekpoo akɛ eeeha ni mikɛ tatsɛ lɛ awie. Mito gbɛjianɔ akɛ maya ni mayasara tatsɛ lɛ yɛ eshia, ejaakɛ jeee asraafoi ashihilɛ he Iɛ eyɔɔ. Beni mifee nakai lɛ, ebi mi he ni mijɛ. Duromɔ naa lɛ, afɔ mi yɛ ŋshɔkpɔ bibioo ko nɔ yɛ Fiji. Yɛ bulɛ hewɔ lɛ, ebo minibimɔ Iɛ toi ni ekɛɛ mi akɛ enu Yehowa Odasefoi ahe shi enako mɔ ko ni baatsɔɔ lɛ wɔnitsumɔ Iɛ mli. Enɛ kɛ hegbɛ ni yɔɔ naakpɛɛ ha mi koni maye lɛ odase, ni ehe woji sɔrɔtoi etɛ ni akɛkaseɔ Biblia Iɛ. Ekɛɛ mi ni miba enitsumɔ he Iɛ yɛ asraafoi ashihilɛ he Iɛ leebi 9:00 enɔ Jufɔ. Beni mi kɛ nyɛmiyoo kroko tee eŋɔɔ lɛ, no mli Iɛ etsɔ hiɛ ekɛɛ bulɔi Iɛ momo akɛ wɔbaaba jɛmɛ ni ekɛɛ wɔ akɛ gbɛ yɛ akɛ wɔɔnyɛ wɔshiɛ yɛ asraafoi ashihilɛ he Iɛ. Tatsɛ Iɛ kɛɛ: ‘Amrɔ nɛɛ miikɛɛ onukpai lɛ fɛɛ akɛ agbele shinai fɛɛ aha nyɛ yɛ Sohaa, eyɛ mli akɛ wɔteŋ mɛi pii jɛ jamɔi sɔrɔtoi amli moŋ, shi kɛlɛ nyɛ nɔ Iɛ baanyɛ afee nɔ ni akɛtswaa ŋwɛi Maŋtsɛyeli lɛ kɛ je lɛ naagbee lɛ he adafi.’

Nyɛmiyoo lɛ tee nɔ akɛ: “Beni wɔshɛ jɛmɛ yɛ Sohaa lɛ, asraafoi atsɔne ko ni tsɔnei ni awieɔ awoɔ mli ni gbɛɔ yɔɔ mli Iɛ bɔle asraafoi ashihilɛ he lɛ fɛɛ ni etswa adafi akɛ: ‘Yei onukpai enyɔ baaba shihilɛ he Iɛ ni amɛbabɔ nyɛ kɔkɔ, no hewɔ lɛ nyɛfainɛ nyɛgbelea nyɛshinai nyɛhaa amɛ ni nyɛboa amɛ toi. Nyɛkɛ amɛ akajea ŋwane ni nyɛkanaa amɛhe jwɛŋmɔ fɔŋ.’ Wɔtsu nii yɛ asraafoi ashihilɛ he Iɛ kɛjɛ leebi 8:30 kɛyashi gbɛkɛ 5:​00, ni wɔkɛ woji wuji 100 kɛ woji tɛtrɛbii 200 ha. Mɛni jɛ mli ba‘? Wɔfee sɛɛsaramɔi babaoo ni wɔje shia Biblia mli nikasemɔi babaoo shishi.”

Naa niiashikpamɔ kroko ni ŋɔɔ ni jɛ South Pacific Ŋshɔkpɔ ko ni nyɛsɛɛ nɛɛ gbɛgbalɔi krɛdɛɛ yaje shiɛmɔ nitsumɔ lɛ shishi yɛ jɛmɛ Iɛ nɔ. United Church lɛ mli hiɛnyiɛlɔi Iɛ teɔ shi woɔ nɛkɛ gbɛgbalɔi krɛdɛɛ nɛɛ waa. Beni kpokpaa nɔkwɛlɔ lɛ yasara jɛmɛ lɛ, etɔ amɛ waa akɛ amɛaafee sɛɛsaramɔ, ejaakɛ maŋtsɛ ni yɔɔ akrowa lɛ ni sɔlemɔ lɛ mli onukpai Iɛ ena enɔ hewalɛ lɛ kpoo akɛ eeeŋmɛ Yehowa Odasefoi agbɛ ni amɛba akrowa Iɛ. Beni amɛshɛ jɛmɛ lɛ, maŋtsɛ lɛ bɛ jɛmɛ, no hewɔ Iɛ amɛtee mɔ ni yɔɔ wiemɔ Iɛ he miishɛɛ Iɛ ŋɔɔ ni amɛye lɛ odase fɛfɛo. Beni amɛshiɔ lɛ, amɛna ni lɛlɛ agbo ko miiba, eka shi faŋŋ akɛ emli tsɔne Iɛ efite, ejaakɛ amɛmiiwiri kɛ tabɔlɔ. Hɛɛ, akrowa Iɛ maŋtsɛ lɛ ni, ni ebaaa mra ni eeebatsi sɛɛsaramɔ Iɛ naa. Beni amɛku amɛsɛɛ amɛtee shia lɛ, gbɛgbalɔi lɛ kɛɛ kpokpaa nɔkwɛlɔ lɛ yɛ Kru blɔfo mli akɛ: “Me fella thinkim might angel now breakim engine belong him.” Eshishi ji “Wɔsusuɔ akɛ ŋwɛibɔfo ko ni he wa efite elɛlɛ lɛ mli tsɔne lɛ.”

No hewɔ lɛ Yehowa jɔɔ nɛkɛ nyɛmimɛi nɛɛ ahekamɔ ni amɛkɛbo famɔ akɛ ashiɛ “maŋtsɛyeli lɛ he sanekpakpa” lɛ toi Iɛ nɔ.