He ni Abonsam Ba Kɛjɛ

“Minitsumɔi ji ni maha gbekɛbii lɛ atara amɛsɛii anɔ ni amɛfĩmɔ amɛmlifii nii lɛ ni maha amɛfee dioo,” ni nɛkɛ ji bɔ ni obalayoo ko ni kɛ ebe fa tsuɔ nii akɛ skulbii abɔs nɔkwɛlɔ yɛ South Dakota lɛ kɛɛ. Ebɔ amaniɛ akɛ:

“Gbekɛbii hii lɛ ateŋ mɔ kome haa etɔɔ mi waa. Shi kaimɔ akɛ, eye afii ekpaa pɛ, ni kɛlɛ saji ni jɛɔ edaaŋ lɛ baaha onukpa ni wieɔ sakasaka po lɛ naa akpɛ ehe. Miwoɔ lɛ diɛŋtsɛ mitaa esɛi lɛ mli ni mikɛ lɛ taa shi ni mikɛ minine tsiɔ enaabu koni efee dioo. Eshiɔ ŋtia, eyiɔ mɔ ma, etitiɔ mɔ, ejɛɔ mɔ, ni ebolɔɔ. Kɛ enɔ fɔŋ feemɔ be lɛ shɛ lɛ, ebiɔ ni ata enɔ yɛ esɛi lɛ mli koni efee dioo.

“Sohaa bafee gbi ni ehiii kwraa, ni nakai gbi lɛ nɔ lɛ, miniji fɛɛ fee shikpilikpii, kɛkɛ ni ebi mi akɛ: ‘Mɛni hewɔ Nyɔŋmɔ bɔ Abonsam?’ Mihiɛ wolo ni ji My Book of Bible Stories lɛ ekome yɛ bɔs lɛ mli. Mikɛɛ lɛ akɛ nɛkɛ wolo nɛɛ baaye abua lɛ ni ena he ni Abonsam ba kɛjɛ. Ani obaahe oye akɛ wɔkase saji 41 momo? Kulɛ minijiaŋ eje wui yɛ nɛkɛ gbekɛ nɛɛ he, shi esu etsake kwraa kɛyashɛ he ni agbɛnɛ esumɔɔɔ ni eshiɔ bɔs lɛ mli kɛ wɔyashɛ skul. Eesumɔ ni ekase babaoo!”

Wolo ni ekaaa nɛɛ kasemɔ ewo yibii ni tamɔ nakai yɛ gbekɛbii pii amli. Onine baanyɛ ashɛ wolo fɛfɛo kɛ emli mfonirii nɛɛ ni akala lɛ agboi ni hiɛ baafai 256 lɛ ekome nɔ kɛ oŋmala nɔ ni ataoɔ yɛ Shishigbɛ nɛɛ ni ofo ni okɛ ₵700.00 wo mli ofata he kɛmaje wɔ lɛ.

Nyɛfainɛ nyɛkɛ wolo My Book of Bible Stories lɛ ekome amajea mi. Mikɛ ₵700.00 ewo mli kɛmiiwo nyɔmɔ.