Nifeemɔ Ko Ni Esaaa Akɛ Ehoɔ Ohe

“Nyɛfea enɛ ni nyɛŋɔkai mi.” Wɔ Nuntsɔ Yesu Kristo wie wiemɔi nɛɛ, ni anaa yɛ Luka 22:19 lɛ, yɛ be mli ni eto egbele lɛ kaimɔ lɛ shishi lɛ. Yesu gbele lɛ ji nɔ ni gbele gbɛ kɛha adesai koni amɛna hegbɛ kɛha naanɔ wala yɛ paradeiso shishilɛ mli. No hewɔ lɛ egbele lɛ ji nɔ ko ni esa akɛ wɔkai.

Ani obaaye ekaimɔ lɛ afi nɛɛ?

Ofainɛ kpɛlɛmɔ nɛkɛ ninefɔɔ ni jɛ Yehowa Odasefoi aŋɔɔ nɛɛ nɔ ni obafata amɛhe kɛkai nɛkɛ nifeemɔ ni he hiaa nɛɛ. Abaafee enɛ yɛ beni hulu enyɔ shi sɛɛ yɛ gbi ni kɛ Nisan 14 kpaa gbee yɛ Biblia lɛ nyɔŋtsere kalenda lɛ nɔ lɛ nɔ. Kadimɔ gbi lɛ yɛ okalenda lɛ nɔ koni ohiɛ akakpa nɔ. No ji April 10, 1990. Yehowa Odasefoi ni yɔɔ he ni oyɔɔ lɛ baanyɛ atsɔɔ bo he ni abaafee yɛ kɛ be pɔtɛɛ ni abaakai nɛkɛ nifeemɔ nɛɛ yɛ he ni nyɛyɔɔ lɛ.