Yesu Shihilɛ Kɛ Esɔɔmɔ Nitsumɔ

Wekukpaa ni Bɛŋkɛ Kpaakpa Mli Ŋɔɔmɔ ni Anaa

YƐ KAIMƆ niyenii Iɛ sɛɛ Iɛ, Yesu tee nɔ ekɛ tsuiŋ wiemɔ kɛ tsɔɔmɔ wo ebɔfoi lɛ hewalɛ. Etamɔ nɔ ni no mli lɛ, nyɔɔŋteŋ po eho. No hewɔ lɛ Yesu wo hewalɛ akɛ: “Nyɛbaa, ni wɔjea kpo kɛjɛa biɛ.” Shi dani amɛaashi Iɛ, suɔmɔ ni Yesu yɔɔ kɛha amɛ Iɛ tsirɛ lɛ ni etee nɔ ewie etsɔɔ amɛ, ni ekɛ nɔkwɛmɔ nii sɔrɔtoi wo amɛ hewalɛ.

Eje shishi akɛ, “Miji anɔkwa weintso lɛ, ni mi-Tsɛ ji okwaafonyo Iɛ.” Okwaafonyo Kpeteŋkpele, Yehowa Nyɔŋmɔ, tɛo nɛkɛ okadi weintso nɛɛ beni ekɛ mumɔ krɔŋkrɔŋ fɔ Yesu mu yɛ ebaptisimɔ be lɛ mli yɛ afi 29 Ŋ.B. naagbee be mli lɛ. Shi Yesu tee nɔ etsɔɔ akɛ, weintso lɛ feɔ nɔ ni fe lɛ pɛ he okadi, akɛ:

“Mihe nine fɛɛ nine ni wooo yibii lɛ, efolɔɔ, ni nɔ fɛɛ nɔ ni woɔ yibii lɛ, ekpɔlɔɔ he, bɔni afee ni ewo yibii fe tsutsu Iɛ. . . . Taakɛ bɔ ni tso nine nyɛŋ ajɛ lɛ diɛŋtsɛ emli awo yibii akɛ ja ema weintso lɛ he lɛ, nakai nyɛ hu nyɛnyɛŋ akɛ ja nyɛhi mimli. Miji weintso Iɛ, ni nyɛji niji lɛ.”

Yɛ Pentekoste, gbii 51 sɛɛ lɛ, bɔfoi Iɛ kɛ mɛi krokomɛi batsɔmɔ tsei aniji yɛ weintso Iɛ nɔ beni afɔse mumɔ krɔŋkrɔŋ ashwie amɛnɔ lɛ. Yɛ naagbee Iɛ, gbɔmɛi 144,000 batsɔmɔɔ okadi tsei aniji yɛ weintso lɛ nɔ. Amɛ kɛ weintso Iɛ diɛŋtsɛ, Yesu Kristo, feɔ okadi weintso ni woɔ Nyɔŋmɔ Maŋtsɛyeli lɛ yibii lɛ.

Yesu tsɔɔ nɔ ni haa yibiiwoo nɛɛ baa lɛ mli: “Mɔ ni hiɔ mimli, ni mi hu mihiɔ emli lɛ, lɛ nɔŋŋ ewoɔ yibii pii; ejaakɛ kɛ jeee miŋ Iɛ, nyɛnyɛŋ nɔ ko nyɛfee.” Shi kɛji akɛ mɔ ko wooo yibii lɛ, Yesu kɛɔ akɛ, “afoɔ tamɔ tso nine, ni egbiɔ, ni abuaa naa awoɔ la mli, ni ashaa.” Shi yɛ gbɛ kroko nɔ lɛ, Yesu wo shi akɛ: “Kɛ nyɛhi mimli, ni miwiemɔi lɛ hi nyɛmli lɛ, nyɛaakpa nɔ fɛɛ nɔ ni nyɛtaoɔ lɛ he fai, ni aaafee aha nyɛ.”

Kɛkɛ ni Yesu tee nɔ etsɔɔ ebɔfoi lɛ nɔ ni woɔ Tsɛ Iɛ hiɛ nyam, akɛ, “kɛ nyɛwo yibii, ni nyɛtsɔmɔ mikaselɔi Iɛ.” Yibii ni Nyɔŋmɔ taoɔ yɛ tsei aniji lɛ anɔ ji Kristofoi asubaŋi ni amɛaajie lɛ kpo, titri lɛ, suɔmɔ. Kɛfata he lɛ, akɛni Kristo ji Nyɔŋmɔ Maŋtsɛyeli lɛ jajelɔ hewɔ lɛ, nɔ ni fata yibii ni asumɔɔ Iɛ he ji amɛnitsumɔ akɛ mɛi ni feɔ kaselɔi taakɛ efee Iɛ.

Agbɛnɛ Yesu wo hewalɛ akɛ, “nyɛhia shi yɛ misuɔmɔ Iɛ mli.” Ni kɛlɛ, mɛɛ gbɛ ebɔfoi Iɛ aaatsɔ nɔ afee enɛ yɛ? Ekɛɔ akɛ, “kɛji nyɛye mikitai Iɛ anɔ Iɛ, nyɛaahi misuɔmɔ lɛ mli.” Yɛ be mli ni Yesu yaa nɔ Iɛ etsɔɔ mli akɛ: “Enɛ ji mikita, akɛ nyɛsumɔ nyɛhe tamɔ bɔ ni misumɔ nyɛ lɛ. Mɔ ko bɛ suɔmɔ ni da fe enɛ, akɛ mɔ aaaŋɔ ewala eŋmɛ shi eha eshieŋtsɛmɛi.”

Yɛ ŋmɛlɛtswai fioo mli lɛ, Yesu baajie nɛkɛ suɔmɔ ni kwɔ fe fɛɛ nɛɛ kpo etsɔɔ kɛtsɔ ewala ni ekɛaaha yɛ ebɔfoi lɛ ahewɔ, kɛ agbɛnɛ mɛi krokomɛi fɛɛ ni baatsɔɔ hemɔkɛyeli yɛ emli lɛ nɔ. Esa akɛ enɔkwɛmɔ nɔ Iɛ atsirɛ esɛɛnyiɛlɔi lɛ ni amɛna suɔmɔ ni haa akɛ he shaa afɔle ahaa mɛi krokomɛi lɛ nɔŋŋ eko. Nɛkɛ suɔmɔ nɛɛ baakadi amɛ, taakɛ Yesu etsɔ hiɛ ewie lɛ: “Enɛ mɛi fɛɛ kɛaale akɛ mikaselɔi ji nyɛ, kɛji nyɛsumɔɔ nyɛhe lɛ.”

Yɛ be mli ni etsɔɔ mɛi ni ji eshieŋtsɛmɛi lɛ, Yesu kɛɛ: “Kɛji nyɛfee nii ni miwoɔ nyɛ he kita lɛ, no lɛ mishieŋtsɛmɛi ji nyɛ. Mitsɛɛɛ nyɛ nyɔji dɔŋŋ, ejaakɛ nyɔŋ leee nɔ ni enuŋtsɔ feɔ; shi moŋ shieŋtsɛmɛi mitsɛ nyɛ, ejaakɛ nii fɛɛ ni minu yɛ mi-Tsɛ naa lɛ, mitsi ta mikɛɛ nyɛ.”

Mɛɛ wekukpaa ni jara wa waa po ji enɛ​—akɛ mɔ ko kɛ Yesu aaabɔ akɛ shieŋtsɛmɛi ni bɛŋkɛ amɛhe kpaakpa! Shi bɔni afee ni amɛya nɔ amɛna wekukpaa nɛɛ mli ŋɔɔmɔ lɛ, esa akɛ ekaselɔi Iɛ “aya nɔ awo yibii.” Kɛji amɛfee nakai lɛ, Yesu kɛɔ akɛ, “nɔ fɛɛ nɔ ni nyɛaabi Tsɛ lɛ yɛ migbɛi amli lɛ, ebaafee eha nyɛ.” Yɛ anɔkwale mli lɛ, enɛ ji nyɔmɔwoo kpele kɛha Maŋtsɛyeli yibiiwoo babaoo!

Yɛ be mli ni etee nɔ ewo ebɔfoi Iɛ hewalɛ akɛ “amɛsumɔ amɛhe” lɛ, Yesu tsɔɔ mli akɛ, je Iɛ baanyɛ amɛ. Ni kɛlɛ eshɛje amɛmii: “Kɛji je lɛ miinyɛ nyɛ lɛ, nyɛnaa nyɛlea akɛ mi tsutsu enyɛ.” Kɛkɛ ni Yesu tsɔɔ nɔ hewɔ ni je Iɛ nyɛɔ esɛɛnyiɛlɔi Iɛ mli, akɛ: “Akɛni nyɛjɛɛɛ je lɛ mli, shi mi moŋ mihala nyɛ kɛjɛ je lɛŋ lɛ, no hewɔ je Iɛ nyɛɔ nyɛ Iɛ.”

Yɛ be mli ni etsɔɔ nɔ hewɔ ni je lɛ nyɛɔ amɛ Iɛ mli lolo lɛ, Yesu tee nɔ akɛ: “Shi amɛaaŋɔ enɛɛmɛi fɛɛ amɛfee nyɛ yɛ migbɛi lɛ hewɔ; ejaakɛ amɛleee mɔ [Yehowa Nyɔŋmɔ] ni tsu mi lɛ.” Yesu naakpɛɛ nitsumɔi lɛ buɔ mɛi ni nyɛɔ Iɛ Iɛ fɔ, taakɛ ewie he Iɛ: “Eji mitsuuu nitsumɔi ni mɔ ko mɔ ko tsuko eko da yɛ amɛteŋ kulɛ, amɛhe bɛ esha ko; shi enɛ lɛ amɛna, ni kɛlɛ amɛnyɛ mi kɛ mi-Tsɛ fɛɛ.” No hewɔ lɛ taakɛ Yesu kɛɔ lɛ, ŋmalɛi Iɛ eba mli: “Amɛnyɛ mi yakatswaa.”

Taakɛ etsɔ hiɛ efee lɛ, Yesu tee nɔ eshɛje amɛmii ekoŋŋ kɛtsɔ shi ni ewo amɛ akɛ ebaatsu yelikɛbualɔ lɛ, mumɔ krɔŋkrɔŋ lɛ, ni ji Nyɔŋmɔ nifeemɔ hewalɛ lɛ kɛba amɛnɔ Iɛ nɔ. “Lɛ, kɛ eba lɛ, eeeye mihe odase; ni nyɛ hu nyɛaaye odase.” Yohane 14:​31–15:​27; 13:​3, 35; Galatabii 6:​16; Lala 35:​19; 69:⁠4.

▪ Mɛɛ be mli Yehowa tɛo okadi weintso lɛ, ni mɛɛ be mli mɛi krokomɛi batsɔmɔ weintso Iɛ la, ni yɛ mɛɛ gbɛ nɔ?

▪ Yɛ naagbee lɛ, tsei aniji enyiɛ okadi weintso lɛ baana?

▪ Mɛɛ yibii Nyɔŋmɔ taoɔ kɛjɛɔ tsei aniji Iɛ anɔ?

▪ Te wɔfee tɛŋŋ wɔtsɔmɔ Yesu shieŋtsɛmɛi?

▪ Mɛni hewɔ je lɛ nyɛɔ Yesu sɛɛnyiɛlɔi Iɛ?