“Maŋtsɛyeli Asa lɛ ni Miyasara”

Afã Laura,a ni ji kɔleji skulnyo ko koni eya jamɔ gbɛjianɔtoo ko mli, koni eŋma bɔ ni ebaana lɛ he sane kɛya. Ehala akɛ ebaaya Yehowa Odasefoi lɛ anɔ lɛ, ni efee esaneyitso lɛ akɛ, “Maŋtsɛyeli Asa lɛ ni Miyasara.” Mɛɛ srɔtofeemɔ Laura na yɛ Odasefoi lɛ ahe? Saji ni nyiɛ sɛɛ nɛɛ ji saji babaoo ni etsĩ tã lɛ ateŋ ekomɛi.

Gbekɛbii: “Gbekɛbii lɛ kɛ onukpai lɛ fɛɛ tara tsũ kome too lɛ nɔŋŋ mli. Yɛ sɔlemɔi ni mitee lɛ fɛɛ mli lɛ amli lɛ, gbekɛbii lɛ shiɔ amɛfɔlɔi ni amɛyaa Gbekɛbii Asɔlemɔ.”

Hewolonɔ su mli ekomefeemɔ: “Bei pii lɛ, sɔlemɔi lɛ gbalaa mɛi ajwɛŋmɔ kɛyaa hewolonɔ su ni jɛ akutso pɔtɛɛ ko mli nɔ. . . . Ni kɛlɛ, Yehowa Odasefoi lɛ fɛɛ taraa shi kutuu, ni amɛjaraaa amɛmli.”

Mɔ hiɛmɛɛ heremɔ mumɔ: “Mɛi pii kɛ mi bagba sane. . . . Mɛi komɛi po bi mi kɛji mɔ ko kɛ mi miikase Biblia lɛ lo. Shi kɛlɛ, minuuu he akɛ amɛmiinyɛ minɔ. Amɛshi . . . amɛha mi koni mi diɛŋtsɛ makpɛ miyiŋ.”

Aheee shika: “Nɔ ko ni fee mi naakpɛɛ waa ji akɛ, aheee shika yɛ mɔ ko mɔ ko dɛŋ. . . . Sɔlemɔi ni mitee lɛ fɛɛ eko heɔ shika yɛ gbekɛbii asɔlemɔ lɛ po mli.”

Yehowa Odasefoi asafoi aaafee 90,000 yɔɔ je lɛŋ he fɛɛ he. Mɛni hewɔ oyasaraaa amɛteŋ nɔ ni bɛŋkɛ bo lɛ?

[Shishigbɛ niŋmaa]