Ekɛ Wao Gai lɛ Saa Wo Amɛwaobii Ekoŋŋ

“KWƐMƆ mi waobii. Ani onaa nɔ ko srɔto?” Nuu ko kpã enine mli etsɔɔ yoo ko ní ji Yehowa Odasefoi ateŋ mɔ kome, ni ekwɛ ni amrɔ lɛ nɔŋŋ lɛ eyɔse akɛ ekpeemɔ wao ga lɛ bɛ ewao. Etsɔɔ mli akɛ, enyɛŋ ekɛ eŋa lɛ ahi shi dɔŋŋ, no hewɔ lɛ amɛkpɛ amɛyiŋ akɛ amɛbaatse gbala. Odasefonyo lɛ kɛɛ lɛ akɛ: “Dabi! Hemɔ wolo nɛɛ ni okane. Ebaaye ebua bo kɛ ogbalashihilɛ lɛ.” Kɛkɛ ni eha lɛ Biblia kasemɔ he wolo ni ji Nilee Ni Kɛ Mɔ Yaa Naanɔ Wala Mli lɛ eko.a

Yɛ gbii komɛi asɛɛ lɛ nuu lɛ ku esɛɛ eba Odasefonyo lɛ ŋɔɔ yɛ miishɛɛ henumɔ ko mli. Ekɛ enine tsɔɔ lɛ. Yɛ nɛkɛ be nɛɛ mli lɛ ewo ekpeemɔ ga lɛ. Ekɛɛ yoo lɛ akɛ ekɛ eŋa fɛɛ ekane Nilee wolo lɛ, ni akɛ amrɔ nɛɛ amɛyɛ miishɛɛ waa diɛŋtsɛ. Yɛ shishinumɔ ko naa lɛ, wolo lɛ saa ekɛ wao gai lɛ wo amɛ waobii ekoŋŋ.

Ŋaawoo ni Biblia lɛ kɛhaa lɛ baanyɛ aye abua wu kɛ ŋa koni amɛjie anɔkwa suɔmɔ kpo amɛtsɔɔ amɛhe. Enɛ ji anɔkwale ejaakɛ Biblia lɛ ŋmalɔ lɛ jeee mɔ ko fe wɔ-Bɔlɔ lɛ, mɔ ni kɛɛ akɛ: “Miji Yehowa, o-Nyɔŋmɔ lɛ, mɔ ni tsɔɔo nii ni hi hao, mɔ ni tsɔɔo gbɛ ni sa akɛ onyiɛ nɔ lɛ.”—Yesaia 48:17.

[Shishigbɛ niŋmaa]