Buu-Mɔɔ INTANƐT NƆ WOJIATOOHE
Buu-Mɔɔ
INTANƐT NƆ WOJIATOOHE
Ga
@
  • ɛ
  • ɔ
  • ɛ́
  • ɛ̃
  • ɔ̃
  • ã
  • ŋ
  • á
  • BIBLIA
  • WOJI
  • ASAFOŊ KPEEI
  • w07 9/1 bf. 32
  • Akɛ Nyɔŋmɔ Gbɛi Tsu Nii Yɛ Russia Lala Mli

Vidio ko bɛ kɛhã nɔ ni ohala nɛɛ.

Ofainɛ waa, be ni wɔtaoɔ wɔjie vidio lɛ, wɔná naagba ko.

  • Akɛ Nyɔŋmɔ Gbɛi Tsu Nii Yɛ Russia Lala Mli
  • Buu-Mɔɔ Eetswa Yehowa Maŋtsɛyeli He Adafi—2007
Buu-Mɔɔ Eetswa Yehowa Maŋtsɛyeli He Adafi—2007
w07 9/1 bf. 32

Akɛ Nyɔŋmɔ Gbɛi Tsu Nii Yɛ Russia Lala Mli

YƐ AFI 1877 mli lɛ, Russia lalafolɔ ko ni ale lɛ waa ni atsɛɔ lɛ Modest Mussorgsky fee lala ni lalɔi akuu baala, ni efo lala lɛ mli wiemɔi lɛ tamɔ sane ko ni ba yɛ shikpɔji ni Biblia lɛ wie amɛhe lɛ anɔ lɛ. Eŋma enaanyo ko akɛ: “Mifo lala ni tamɔ sane ko ni Biblia lɛ bɔ he amaniɛ lɛ, mikɔ sane lɛ fɛɛ kɛjɛ Biblia lɛ mli, ni miwo lala nɛɛ gbɛi akɛ Jesus Navinus [Yoshua], ni etsɔɔ hei po ni Navinus ye kunim yɛ Kanaan shikpɔŋ lɛ nɔ fɛɛ lɛ pɛpɛɛpɛ.” Yɛ lalai krokomɛi ni Mussorgsky fo ni eko gbɛi ji “The Destruction of Sennacherib” (Sanherib Hiɛkpatamɔ lɛ) amli lɛ, ekɛ saji ni tamɔ gbɔmɛi ni atsĩ amɛtã yɛ Biblia lɛ mli lɛ ekomɛi ashihilɛ mli saji kɛ saji ni tamɔ nɔ ko ni ba ni Biblia lɛ bɔ he amaniɛ lɛ tsu nii.

Nɔ ni sa kadimɔ waa ji akɛ, Mussorgsky kɛ bɔ ni Russiabii tsɛɔ Nyɔŋmɔ gbɛi lɛ tsu nii yɛ elala ni gbɛi ji “Jesus Navinus” lɛ mli, ni beni esaa efo lala ni gbɛi ji “The Destruction of Sennacherib” ekoŋŋ yɛ afi 1874 lɛ ekɛ gbɛi nɛɛ tsu nii yɛ mli. Yɛ Hebri Ŋmalɛi lɛ amli lɛ aŋmaa Nyɔŋmɔ gbɛi lɛ kɛ niŋmaa okadii ejwɛ—יהוה (YHWH), ni okadii nɛɛ je kpo yɛ mli aaafee shii 7,000.

No hewɔ lɛ, Mussorgsky lalai ni efolɔ lɛ tsɔɔ akɛ Russiabii lɛ le Nyɔŋmɔ gbɛi ni ji Yehowa lɛ kwraa dani abote afi 1900 afii lɛ mli. Enɛ ja jogbaŋŋ, ejaakɛ Yehowa diɛŋtsɛ kɛɛ Mose akɛ: “Enɛ ji migbɛi kɛyaa naanɔ, ni enɛ ji mikaimɔ kɛyaa yinɔi fɛɛ.”—2 Mose 3:15.

[Mfoniri ni yɔɔ baafa 32]

St. Petersburg Lalafolɔi Atsɔsemɔhe lɛ yɛ afi 1913, heni akɛ lalai ni Mussorgsky ŋmala ní akala lɛ to lɛ

[Hei ni Mfonirii ni yɔɔ baafa 32 lɛ Jɛ]

Lala wolo: The Scientific Music Library of the Saint-Petersburg State Conservatory named after N.A. Rimsky-Korsakov; tsu ni ma gbɛjegbɛ he: National Library of Russia, St. Petersburg

    Ga Woji (1980-2025)
    Shi Mli
    Botemɔ Mli
    • Ga
    • Kɛmaje
    • Bɔ Ni Misumɔɔ Lɛ Mihãa
    • Copyright © 2025 Watch Tower Bible and Tract Society of Pennsylvania
    • Mlai Ni Yɔɔ He
    • Ohe Saji
    • Ohe Saji Lɛ Ahe Gbɛjianɔtoo
    • JW.ORG
    • Botemɔ Mli
    Kɛmaje