Emli Saji

Naagbai kɛ haomɔi ni wɔkɛkpeɔ lɛ baanyɛ asu wɔtsui, ehã wɔfee yeyeeye, ni wɔnijiaŋ aje wui. Yɛ nikasemɔi nɛɛ amli lɛ, wɔbaana bɔ ni Yehowa nine ni wa lɛ baanyɛ awaje wɔ, ni ehã wɔná ekãa koni wɔya nɔ wɔfi shi. Agbɛnɛ hu, wɔbaana bɔ ni wɔbaafee wɔwu wɔshi nibii ni baanyɛ ahã Yehowa jɔɔmɔi aŋmɛɛ wɔ lɛ.

Nyɔŋmɔ tsuji ni yɔɔ je lɛŋ fɛɛ lɛ miisumɔ ni amɛhesaamɔ afee nɔ ni yɔɔ hiŋmɛi nɔ ni he tse ni etɔtɔŋ mɛi krokomɛi anane. Wɔbaasusu Biblia mli shishitoo mlai komɛi ni baanyɛ aye abua wɔ koni wɔsaa wɔhe yɛ gbɛ ni woɔ Nyɔŋmɔ hiɛ nyam lɛ nɔ lɛ ahe.

Klɛŋklɛŋ nikasemɔ lɛ baahã wɔna bɔ ni oblahii kɛ oblayei baanyɛ ajwɛŋ nibii ahe jogbaŋŋ koni no ahã amɛhemɔkɛyeli lɛ mli awa, ni amɛnyɛ amɛfã he. Nɔ ni ji enyɔ lɛ baatsɔɔ wɔ bɔ ni fɔlɔi baanyɛ aye abua amɛbii lɛ koni amɛhemɔkɛyeli lɛ mli awa, ni amɛná he miishɛɛ akɛ amɛbaakase Biblia lɛ ni amɛle Yehowa jogbaŋŋ.