Emli Saji

Klɛŋklɛŋ nikasemɔ lɛ wieɔ naagbai ni wɔnyɛmimɛi Kristofoi ni eyaba abo yɛ maji krokomɛi anɔ lɛ kɛkpeɔ lɛ ahe, ni etsɔɔ wɔ nibii ni wɔbaanyɛ wɔfee kɛye wɔbua amɛ jogbaŋŋ. Yɛ nikasemɔ ni ji enyɔ lɛ mli lɛ, wɔbaana bɔ ni Biblia mli shishitoo mlai baanyɛ aye abua fɔlɔi ni kɛ amɛbii efã kɛtee maji krokomɛi anɔ lɛ koni amɛkpɛ yiŋ srɔtoi ni baaye abua amɛbii lɛ.

Je nɛŋ shihilɛ bɛ mlɛo kɛhã Yehowa tsuji fɛɛ. Nikasemɔi nɛɛ baatsɔɔ wɔ bɔ ni wɔbaafee wɔhã suɔmɔ ni wɔyɔɔ kɛhã Yehowa, nibii ni wɔkase yɛ Biblia lɛ mli, kɛ wɔnyɛmimɛi Kristofoi lɛ mli aya nɔ awa daa koni je lɛ mumɔ lɛ ni hãa mɛi foɔ amɛ pɛ amɛnɔ mli lɛ akaná wɔnɔ hewalɛ. Kɛfata he lɛ, amɛbaatsɔɔ wɔ bɔ ni wɔbaafee wɔsumɔ Kristo fe nibii ni yɔɔ je lɛ mli lɛ.