Teokrase Sɔɔmɔ Skul Niŋmaa Kaa
Wolo naa ŋamɔ kaa yɛ nibii ni atsu yɛ Teokrase Sɔɔmɔ Skul nifeemɔi amli kɛjɛ May 1 kɛyashi August 21, 1989 otsii lɛ amli. Okɛ hetoo wolo kroko atsu nii ni oŋmala sanebimɔi ni ooonyɛ lɛ ahetoo yɛ nɔ yɛ be ni ato lɛ mli.
[[Akadi: Abaanyɛ akɛ Biblia lɛ pɛ atsu nii ni akɛha sanebimɔ ko hetoo yɛ be mli ni afeɔ kaa lɛ. Hei ni atsɔɔ ni yɔɔ sanebimɔi lɛ anaagbee lɛ yɛ kɛha bo diɛŋtsɛ onii amli taomɔ. Atsɔŋ baafa kɛ kukuji ayibɔi yɛ Buu-Mɔɔ ni atsɛ saji ayisɛɛ yɛ mli lɛ eko fɛɛ eko mli.]
Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:
1. “Maji pii” kɛ “jeŋmaji agboi” lɛ kɔɔ maŋkwramɔŋ jeŋmaji kɛ amɛnɔyelii lɛ ahe. (Mika 4:3) [Daa otsi Biblia kanemɔ; kwɛmɔ wGA 89 5/1.]
2. Bɔ ni Stefano fo Bofoi lɛ Asaji 7:42, 43 kukuji etɛ komɛi kuku kɛ Yakobo wiemɔi ni etsɛ yisɛɛ kɛjɛ Bɔfoi lɛ Asaji 15:15-18 lɛ maa anɔkwale ni eji akɛ Amos wolo lɛ fata Biblia mli woji lɛ ahe lɛ nɔ mi. [si bf. 149 kk. 6]
3. Yɛ Zakaria 1:3 lɛ, awoɔ Yudafoi lɛ hewalɛ ni amɛshi Babilon ni amɛku amɛsɛɛ ni amɛba shia yɛ Yerusalem [Daa otsi Biblia kanemɔ; kwɛmɔ w89 6/15.)
4. Shwiilii ejwɛ ni okpɔŋɔi gbalaa lɛ feɔ mumɔŋ bɔfoi ahewalɛ ni afa amɛ ni amɛbu Nyɔŋmɔ webii ahe yɛ shikpɔŋ nɔ lɛ ahe mfoniri. (Zak. 6:1-3) [Daa otsi Biblia kanemɔ; kwɛmɔ w89 6/15.]
5. Taakɛ Mika 7 :4 tsɔɔ lɛ, Israelbii ni egba afalɛ ateŋ mɛi kpakpai fe fɛɛ lɛ yeɔ awui aloo amɛpilaa mɔ fe ŋmeei kɛ kpitikpitii po kɛ mɔ ko bɛŋkɛ amɛ. [si bf. 157 kk. 15; kwɛmɔ wGA89 5/1.]
6. Jeee sɔlemɔ yɛ faŋŋ mli ji nɔ ni Yesu wie eshi lɛ, shi moŋ sɔlemɔi ni akɛɔ koni esa toibolɔi ahiɛ ni egbala amɛhiɛsɔɔ kɛ yijiemɔi ahe ewieɔ lɛ. (Mat. 6:5, 6) [Daa otsi Biblia kanemɔ; kwɛmɔ w86 11/1. bf. 8.]
7. Yinɔsane bɔɔ Moab, Amon, kɛ Asiria hiɛkpatamɔ he amaniɛ, tamɔ bɔ ni Zefania gba—efɔ—shi lɛ pɛpɛɛpɛ. [si bf. 164 kk. 5]
8. Yesu wiemɔi ni yɔɔ Mateo 9:16, 17 lɛ tsɔɔ akɛ ebaaa ni ebasaa Yuda jamɔ loo ni eha eya hiɛ shi moŋ ni ebaje jamɔ gbɛjianɔtoo hee ko shishi. [Daa otsi Biblia kanemɔ; kwɛmɔ wGA89 7/15.]
9. Yesu kɛ gbɛtsɔɔmɔi ni kɔɔ shiɛmɔ he ni yɔɔ Mateo yitso 10 lɛ ha ebɔfoi 12 lɛ pɛ. [Daa otsi Biblia kanemɔ; kwɛmɔ w87 8/1 bf. 8.]
10. Yudafoi lɛ ahe tseee yɛ anɔkwale jamɔ ni amɛku amɛhiɛ amɛshwie nɔ lɛ hewɔ. (Hag. 2:10-14) [si bf. 167 kk. 11]
Ha sanebimɔi ni nyiɛ sɛɛ nɛɛ ahetoo:
11. Mɛɛ nifeemɔ ni enyaŋeɔ bafee nɔdaamɔ nɔ kɛha Obadia heguɔgbee wiemɔi ni ekɛshi Edom lɛ? (Obad. 12-14) [si bf. 152 kk. 8]
12. Namɔ ji “mɔ ni afɔ lɛ mu” ni ahereɔ eyiwala lɛ? (Hab. 3:13) [Daa otsi Biblia kanemɔ; kwɛmɔ wGA89 5/15.]
13. Mɛni ji “wiemɔ krɔŋŋ” lɛ? (Zef. 3:9) [Daa otsi Biblia kanemɔ; kwɛmɔ w89 6/1.]
14. Mɛɛ ŋshɔŋloo eeenyɛ eba akɛ no ji nɔ ni mi Yona lɛ? (Yona 1:17) [si bf. 154 kk. 4, 5; kwɛmɔ wGA89 4/15 hu.]
15. Akɛni etsɛ ehe baa kɛkɛ hewɔ lɛ, mɛɛ gbɛ nɔ Yosef aaatsɔ asusu akɛ eeeshwie Maria yɛ teemɔŋ yɛ? (Mat.1:19) [Daa otsi Biblia kanemɔ; kwɛmɔ wGA89 7/15.]
16. Mɛni ji anɔkwalei ni mli ka shi faŋŋ lɛ ateŋ ekome ni Habakuk wolo lɛ maa nɔ mi? [si bf. 161 kk. 1.]
17. Mɛni hewɔ Yehowa kɛ nitsumɔ wo gbalɔ Hagai dɛŋ lɛ? [si bf. 166 kk. 3]
18. Mɛni hewɔ abu Yesu kaselɔi lɛ akɛ amɛtɔ̃ akɛni ‘amɛfɔɔɔ amɛdɛ kɛ amɛbaaye nii lɛ?’ (Mat. 15:2) [Daa otsi Biblia kanemɔ; kwɛmɔ w87 11/1 bf. 8.]
Okɛ wiemɔ kome loo wiemɔi kukuji ni sa lɛ ahɔlɔ gbɛhei ni kamɔ shi efolo nɛɛ amli:
19. ‘Mɔ ko tsui tserɛmɔ’ tsɔɔ akɛ. . . . . . .ni jɛ tsui mli he miihia kɛha yiwalaheremɔ yɛ Yehowa gbi lɛ. (Yoel 2:12, 13) [wGA89 3/15 bf. 30]
20. Gbalɔ Amos gba eshi shishiulɔi ni sumɔɔ ninamɔ ni yɔɔ shwuɔwu shiai amli yɛ. . . . . . .lɛ. [si bf. 149 kk. 9]
21. Yɛ Obadia gbalɛ lɛ mlibaa mli lɛ,. . . . . . . .hiɛ kpata kwraa kɛjɛ shihilɛ mli, ni emlibii lɛ ahe nɔ ko kwraa eshwɛɛɛ. [si bf. 151 kk. 5]
22. Gbalɔ. . . . . . . .gba yɛ he ni abaafɔ Mesia lɛ yɛ lɛ he. [si bf. 156 kk. 6]
23. “Ajina lɛ hiɛ” ni awie he yɛ Mateo 5:22 lɛ ji. . . . . . . .[Daa otsi Biblia kanemɔ; kwɛmɔ wGA 7/15.]
24. . . . . . . .nyɛŋ aha mɔ ko afee shweshweeshwe yɛ Yehowa mlifu gbi lɛ nɔ. (Zef. 1:18) [si bf. 164 kk. 7]
25. Yiŋtoo ni yɔɔ nɔkwɛmɔ nii ni Yesu kɛtsu nii lɛ asɛɛ ji. . . . . . . (Mat. 13:10-15) [Daa otsi Biblia kanemɔ; kwɛmɔ w87 4/1 bf. 8.]
Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:
26. Gbalɔ (Yoel; Amos; Obadia) gba akɛ mɔ fɛɛ mɔ ni boɔ tsɛɔ Yehowa gbɛi lɛ baaje mli shweshweeshwe yɛ be mli ni Nyɔŋmɔ kɛ kojomɔ baa mɛi fɔji anɔ lɛ. [si bf. 147 kk. 9.]
27. “Lashishwiemɔ maŋ” lɛ ji (Babilon; Ninive; Yerusalem) . (Nahum 3:1) [Daa otsi Biblia kanemɔ; kwɛmɔ wGA89 5/15.]
28. Ni eeeya Ninive moŋ lɛ, Yona tsɔ ehiɛ eha gbɛ kroko ni eyi mli ni eeya Tarshish, ekolɛ yɛ maŋ ni ji (Portugal; Spania; France) mli. [si bf. 154 kk. 6; it kpo 2 bf. 98]
29. “Kpaŋmɔ bɔfo” lɛ ji (Yehowa; Yohane Baptisilɔ lɛ; Yesu Kristo) . (Mal. 3:1) [Daa otsi Biblia kanemɔ; kwɛmɔ wGA89 7/1.]
30. Aŋma Nehum wolo lɛ yɛ be ko mli dani, akpata Ninive hiɛ yɛ afi (740; 632; 607) D.Ŋ.B. [si bf. 159 kk. 3; kwɛmɔ it kpo 2 bf. 505 hu.]
Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:
Mika 6:11; Nah. 1:2, 3; Hab. 3:16, 18; Hag. 1:4-6; Zak. 12:6
31. Okɛ heloo gbɛfaŋ nibii akaye mumɔŋ nitsumɔi ahiɛ kɔkɔɔkɔ. [Daa otsi Biblia kanemɔ; kwɛmɔ w89 6/1.]
32. Esa akɛ mɛi ni akɛ nɔkwɛmɔ nitsumɔ ewo amɛdɛŋ yɛ Nyɔŋmɔ webii ateŋ lɛ afee ekaa he nɔkwɛmɔ nɔ ni ekaaa [Daa otsi Biblia kanemɔ; kwɛmɔ w89 6/15.]
38. Yehowa kɛ oweletɔɔ baa ehenyɛlɔi lɛ anɔ. [si bf. 159 kk. 8]
34. Esa akɛ wɔkɛ tsuishiŋmɛɛ amɛ Yehowa kɛha yiwalaheremɔ [si bf. 162 kk. 11]
35. Mɔ ko nyɛŋ asɔmɔ Yehowa yɛ gbɛ ni ekpɛlɛɔ nɔ lɛ nɔ yɛ be mli ni ekɛ ehe woɔ jarayeli mli hiɛjoomɔ nifeemɔi amli. [Daa otsi Biblia kanemɔ; kwɛmɔ wGA89 5/1.]