Teokrase Sɔɔmɔ Skul Kaa

Wolo naa ŋamɔ kaa yɛ nibii ni akase yɛ Teokrase Sɔɔmɔ Skul nifeemɔi amli kɛjɛ September 4 kɛyashi December 18, 1989 otsii lɛ amli. Okɛ wolo kroko atsu nii ni okɛŋmala sanebimɔi ni ooonyɛ lɛ ahetoi yɛ be ni ato lɛ mli.

(Akadi Enɛ: Abaanyɛ akɛ Biblia lɛ pɛ atsu nii yɛ be mli ni afeɔ niŋmaa kaa lɛ. Hei ni atsɔɔ ni sanebimɔi lɛ jɛ ni yɔɔ sanebimɔi lɛ anaagbee lɛ yɛ kɛha mɔ diɛŋtsɛ niiamlitaomɔ. Jeee sanebimɔi lɛ eko fɛɛ eko abaatsɔɔ baafai kɛ kukuji ni ajie kɛjɛ Buu-Mɔɔ lɛ mli lɛ yɛ naagbee.)

Ha sanebimɔi ni nyiɛ sɛɛ nɛɛ ahetoo akɛ Anɔkwalɛ loo Amale:

1. “Tsofɔ” ni atsi ta yɛ Zakaria 6:12 lɛ ji Yesu Kristo. [si bf. 171 kk. 25]

2. Zakaria 8:23 gba efɔ shi akɛ “asafo babaoo” lɛ ni ji “tooi krokomɛi” lɛ baafata shwɛɛnii lɛ ahe yɛ anɔkwa jamɔ mli. (Kpoj. 7:9; Yohane 10:16) [w88 1/1 bf. 18]

3. Yɛ Romabii awolo lɛ mli lɛ, Paulo ma nɔ mi yɛ faŋŋ mli akɛ Yudafoi kɛ mɛi ni jeee Yudafoi lɛ fɛɛ yɛ shidaamɔ koome yɛ Nyɔŋmɔ hiɛ. [si bf. 204 kk. 2]

4. Bɔfo Paulo to asafo ni yɔɔ Roma lɛ shishi yɛ esanekpakpa shiɛmɔ gbɛfai lɛ ekome mli. [si bf. 205 kk. 3]

5. Yesu kaselɔi lɛ ateŋ mɛi fioo pɛ ye anɔkwale ni eji akɛ atee Yesu shi kɛjɛ gbohii ateŋ lɛ he odase. [si bf. 211 kk. 20]

6. Nuu ko awerɛho kɛ tsuitsakemɔ ni jɛ etsui mli tɔɔ lɛ pɛ hewɔ ni Paulo wo Korinto asafo lɛ hewalɛ akɛ amɛhere nuu nɛɛ ni efa akɛ ashwie lɛ yɛ eklɛŋklɛŋ wolo lɛ mli lɛ. [si bf. 213 kk. 6]

7. Akɛni Paulo sɔle eha Nyɔŋmɔ shii etɛ koni ajie ‘ŋmeei ko yɛ eheloo mli’ hewɔ lɛ, atsu enibimɔ lɛ he nii. [si bf. 215 kk. 16]

8. Akɛni ekɛ tsaakpoi enyɔ ni jara waaa kwraa baha hewɔ lɛ, yoo ohiafo ni yɔɔ Marko 12:​41-44 lɛ feɔ nɔkwɛmɔ nɔ kpakpa kɛhaa wɔ koni wɔfi anɔkwale jamɔ sɛɛ yɛ gbɛ ni pɛsɛmkunya bɛ mli nɔ. [Daa otsi Biblia kanemɔ; kwɛmɔ w89 10/15 bf. 31.]

9. Taakɛ eyɔɔ yɛ Marko 15:34 lɛ, etamɔ nɔ ni Yesu gbugbaa yɛ hemɔkɛyeli mli, ni ehe eye akɛ Nyɔŋmɔ ekwa lɛ. [Daa otsi Biblia kanemɔ: kwɛmɔ w87 6/15 bf. 31.]

10. Kɛ asaa akɛ gbalashihilɛ mli hefatalɔ ni ebɔ ajwamaŋ lɛ je shishi ana bɔlɛ ekoŋŋ yɛ be mli ni ale ejwamaŋbɔɔ lɛ tsɔɔ akɛ mɔ ni yeee fɔ lɛ kɛ esha lɛ eke lɛ. [Daa otsi Biblia kanemɔ; kwɛmɔ w87 3/1 bf. 30.]

Ha sanebimɔi ni nyiɛ sɛɛ nɛɛ ahetoo:

11. Mɛɛ shihilɛ mli sɔlemɔ tsu lɛ yɔɔ yɛ Yerusalem yɛ be mli ni Zakaria je egbalɛ lɛ shishi? [si bf. 168 kk. 1]

12. Eyɛ mli akɛ gbɔmɛi fɛɛ yɛ esha shishi moŋ, shi yɛ mɛɛ gbɛ nɔ Yudafoi lɛ na shihilɛ ni nɔ kwɔ mli ŋɔɔmɔ? [si bf. 206 kk. 9]

13. Taakɛ Romabii 13:​1-7 tsɔɔ lɛ, namɛi ji nɔyelɔi ni esa akɛ Kristofoi aba amɛhe shi amɛha amɛ lɛ, ni titri lɛ yɛ mɛɛ yiŋtoo hewɔ? [si bf. 207 kk. 16]

14. Mɛɛ sanenaatsɔɔmɔ ko ni yɔɔ eklɛŋklɛŋ wolo ni eŋma eyaha Korintobii lɛ mli Paulo tsɔ nɔ etsɔɔ yɛ akɛ mɔ ko nyɛŋ ashwa afɔ gbɔmɛi anɔ? [si bf. 210 kk. 9]

15. Namɔ ji tɛsaa ni Kristo tswa esafo lɛ ema nɔ lɛ? [Daa otsi Biblia kanemɔ; kwɛmɔ w87 12/15 bf. 8.]

16. Mɛni ji nɔ ni Yesu tsɔɔ beni ewie nɛkɛ yɛ daimonio ko he lɛ: “Nɛkɛ henɔ sɔrɔto nɛɛ anyɛɛɛ lɛ afa yɛ nɔ ko nɔ ko naa, akɛ ja yɛ sɔlemɔ . . . naa” lɛ? (Marko 9:29) [Daa otsi Biblia kanemɔ; kwɛmɔ w82 6/1 bf. 31.]

17. Mɛni ji “Yona okadi lɛ” ni atsi ta yɛ Mateo 16:4 lɛ? [Daa otsi Biblia kanemɔ; kwɛmɔ w82 11/1 bf. 31.]

18. Namɔ ji “kpaŋmɔ bɔfo lɛ” ni atsi eta yɛ Maleaki 3:1 lɛ? [w87 6/15 bf. 12]

Okɛ wiemɔ kome loo wiemɔi kukuji ni sa lɛ ahɔlɔ gbɛhei ni kamɔ shi efolo nɛɛ amli:

19. Maleaki beaŋ nyo ji ​—​—​—​—​—[si bf.172 kk. 2]

20. Wɔnyɛŋ wɔfee mɛi ni yeɔ nii yɛ Yehowa okpɔlɔ lɛ nɔ kɛ ​—​—​—​—​—[si bf. 210 kk. 16]

21. Ekolɛ “obalanyo” ni laaje mɛi ni bamɔ Yesu lɛ ji ​—​—​—​—​—(Marko 14:​51, 52) [Daa otsi Biblia kanemɔ; kwɛmɔ w89 10/15 bf. 30.]

22. Anɔkwale ni eji akɛ Marko nu he akɛ esa akɛ etsɔɔ wiemɔi tamɔ “Korban” shishi yɛ Marko 7:11 lɛ tsɔɔ akɛ ​—​—​—​—yɔɔ ejwɛŋmɔ mli yɛ be mli ni eŋmaa ewolo lɛ. [Daa otsi Biblia kanemɔ; kwɛmɔ w89 10/15 bf. 30.]

23. Akɛni Yesu sumɔɔɔ ni ​—​—​—​—hewɔ lɛ, ekpoo akɛ enuuu wein ni akɛ ebɔɔ efutu mli lɛ. (Mateo 27:34) [Daa otsi Biblia kanemɔ; kwɛmɔ w89 7/15 bf. 25.]

24. Yɛ Mateo 26:64 lɛ, Yesu kɛ gbalɛ ni yɔɔ Daniel 17:​13, 14 lɛ to ​—​—​—​—yɛ ekaa mli. [Daa otsi Biblia kanemɔ; kwɛmɔ w88 1/1 bf. 10.]

Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:

25. Gbele ye nɔ akɛ maŋtsɛ kɛjɛ Adam nɔ kɛbashi (Abraham; Mose; Kristo) nɔ. [si bf. 206 kk. 10]

26. Paulo ŋma eklɛŋklɛŋ wolo lɛ eyaha Korintobii lɛ yɛ aaafee 55 Ŋ.B. kɛjɛ (Roma; Makedonia; Efeso) . [si bf. 209 kk. 3]

27. Beni Paulo ŋma ewolo ni ji enyɔ lɛ eyaha Korintobii lɛ, [no mli lɛ asafo lɛ nine shɛko eklɛŋklɛŋ wolo lɛ nɔ; no mli lɛ nyɔji babaoo tsɔ hoko kɛjɛ be mli ni eŋma klɛŋklɛŋ wolo lɛ; aaafee afii etɛ ko eho) . [si bf. 213 kk.1]

28. Dekapolis maji lɛ ji (Hela, loo Hellenbii akusum nifeemɔi; Samariabii ajamɔ; Yuda jamɔ) shikwɛɛ hei. (Marko 5:20) [Daa otsi Biblia kanemɔ; kwɛmɔ w89 10/15 bf. 30.]

29. (Mateo; Marko; Luka) pɛ tsi kene ni Elizabet ji, ehɔŋɔɔ kɛ Yohane fɔmɔ ta. [Daa otsi Biblia kanemɔ; kwɛmɔ w89 11/15.] .

30. (Mateo 20:​30; Marko 10:​46; Luka 18:35) eteee shi ewooo saji krokomɛi enyɔ ni eshwɛ lɛ; etsɔɔ sane lɛ mli faŋŋ moŋ. [Daa otsi Biblia kanemɔ; kwɛmɔ w88 2/1 bf. 5.]

Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee:

Mal. 3:​1-18; Mateo 22:​30; Mateo 23:​27, 28; Marko 4:​38; Rom. 11:​13-24

31. Yehowa baaba esɔlemɔ tsu lɛ mli kɛha kojomɔ, koni ebatsuu Levibii lɛ ahe ni ebaatsu nii akɛ odasefonyo eshi efɔŋfeelɔi lɛ. [si bf. 173 kk. 10]

32. Yɛ be mli ni ekɛ mutso he nɔkwɛmɔ nii lɛ tsuɔ nii lɛ, Paulo tsɔɔ mɛi ni jeee Yudafoi lɛ akɛ esaaa akɛ amɛnyaa yɛ kpoomɔ ni akpoo Israelbii lɛ hewɔ. [si bf. 206 kk. 14]

33. Ekolɛ Yesu jɔɔ ehe yɛ saa bɔdɔɔ ko loo sune ko ni ataa nɔ yɛ lɛlɛ lɛ sɛɛ lɛ nɔ. [Daa otsi Biblia kanemɔ; kwɛmɔ w89 10/15 bf. 30.]

34. Kɛ wɔbo ŋaawoo ni yɔɔ mli nɛɛ toi lɛ ebaaha wɔkwa efɔŋfeemɔ kɛ osatofeemɔ [Daa otsi Biblia kanemɔ; kwɛmɔ w89 7/15 bf. 25.]

35. Esaaa akɛ Kristofonyo ni egbalashihilɛ mli hefatalɔ egbo lɛ nuɔ he akɛ eehi shi akɛ oshijafonyo kɛ gbɛkpamɔ akɛ etsutsu gbalashihilɛ mli hefatalɔ lɛ kɛ lɛ baafee ekome ekoŋŋ yɛ gbohiiashitee lɛ mli. [Daa otsi Biblia kanemɔ; kwɛmɔ w87 6/1 bf. 30-1.]