Adafitswai

● Wolo ni akɛbaatsu nii yɛ February kɛ March: Woji ni hiɛ baafai 192 ni akala dani 1980 shɛ lɛ eko ni akɛbaaha yɛ ejara lɛ fa naa. (Nyɛfainɛ nyɛkwɛa February 1989 Wɔ Maŋtsɛyeli Sɔɔmɔ lɛ mli Adafitswai lɛ amli kɛha gbɛtsɔɔmɔ yɛ gbɛ ni aaatsɔ nɔ abi nyɔmɔ nɔtsemɔ.) April: Akɛ Revelation Climax: wolo lɛ aha. May kɛ June: Buu-Mɔɔ shɛɛ he tafaa. Kɛ anyɛɛɛ ashɛ lɛ, abaanyɛ akɛ woji tɛtrɛbii lɛ enyɔ kɛ woji bibii lɛ eko ni jeee Skul wolo bibioo lɛ afata he aha yɛ jata ni akɛhaa daa lɛ naa.

● Abaaye Kaimɔ lɛ yɛ Jufɔ, April 10, 1990. Eyɛ mli akɛ kɛ ehe miihia lɛ abaanyɛ aje wiemɔ lɛ shishi mra moŋ, shi nyɛfainɛ nyɛkaia akɛ Kaimɔ lɛ aboloo lɛ kɛ wein lɛ ni akɛbaaha lɛ baŋ ja hulu enyɔ shi da. Akafee kpee ko yɛ nakai gbi lɛ nɔ. Kɛ nyɛ asafo lɛ kpeɔ yɛ Jufɔ lɛ, no lɛ nyɛtsakea nyɛ kpee be nɛɛ kɛyaa otsi lɛ mli gbi kroko nɔ.

● Wɔmiito Kaimɔ wein lɛ he gbɛjianɔ yɛ hei ni nyɛkɛ nyɛ asafo lɛ shika yaa lɛ. Nyɛkaia akɛ kɛji akɛ naatsii lɛ yɛ nɔ lolo yɛ Kaimɔ be lɛ mli lɛ, no baatsɔɔ akɛ gbijurɔ lɛ yeli baaya nɔ yɛ kui bibii amli. Enɛ baabi Kaimɔ wein babaoo fe bɔ ni afɔɔ hemɔ. Nyɛhaa no ahia nyɛjwɛŋmɔ mli.

● Kɛji akɛ naatsii lɛ yɛ nɔ lolo yɛ be mli ni Kaimɔ be lɛ aaashɛ lɛ, wɔbaasumɔ ni wɔjie yi akɛ Asafo lɛ kɛ kui lɛ ekomɛi afata ekrokomɛi ahe koni ana wielɔi ni he esa aha kui lɛ fɛɛ. Onukpai lɛ asusu enɛ he bianɛ.

● Abaaha maŋshiɛmɔ krɛdɛɛ kɛba 1990 Kaimɔ be lɛ yɛ jeŋ fɛɛ yɛ Hɔgbaa, March 25, 1990. Wiemɔ lɛ yitso ji “Mɔ Wala Diɛŋtsɛ lɛ Mli!” Akɛ wiemɔ lɛ he gbɛjianɔtoo wolo miimaje. Asafoi ni kpokpaa nɔkwɛlɔ baasara amɛ, aloo amɛbaafee kpokpaa nɔ kpee loo gbi kome kpee krɛdɛɛ yɛ nakai otsi lɛ naagbee lɛ baaha amɛ maŋshiɛmɔ krɛdɛɛ lɛ yɛ otsi ni nyiɛ sɛɛ lɛ mli. Asafo ko akaha maŋshiɛmɔ krɛdɛɛ nɛɛ beni March 25 shɛko.

● Woloŋmalɔ lɛ kɛ sɔɔmɔ nɔkwɛlɔ lɛ ati gbɛgbalɔi fɛɛ asɔɔmɔ nitsumɔ mli. Kɛ eetɔ mɛi komɛi yɛ amɛ ŋmɛlɛtswai anamɔ mli lɛ, onukpai lɛ ato gbɛjianɔ ni aye abuɔ amɛ. Kɛha ŋaawoo lɛ, nyɛfainɛ nyɛkwɛa September 1986 Wɔ Maŋtsɛyeli Sɔɔmɔ lɛ mli nɔ ni aŋma ahɔ mli lɛ yɛ kukuji 12-20.

● Aatswa onukpai akui fɛɛ adafi akɛ wɔmiihe daa gbɛgbalɔi agbɛbimɔ woji. Eyɛ mli akɛ ebaawa kɛha mɛi komɛi akɛ amɛnine aaashɛ ŋmɛlɛtswaa taomɔ nii ni ji 90 yɛ nyɔŋ kome mli lɛ nɔ yɛ shihilɛ ni wɔyɔɔ mli ŋmɛnɛŋmɛnɛ lɛ hewɔ moŋ, shi kɛlɛ aawo mɛi ni biɔ ni amɛfee gbɛgbalɔi nɛɛ hewalɛ ni amɛbɔ mɔdɛŋ bɔ ni amɛaanyɛ ni amɛbɛŋkɛ ŋmɛlɛtswai 90 lɛ he yɛ daa nyɔŋ nɔ kɛ ahala amɛ. Sɔɔmɔ ajinafoi lɛ akwɛ koni mɛi ni biɔ akɛ amɛbaafee daa gbɛgbalɔi lɛ afee mɛi ni baanyɛ abɛŋkɛ ŋmɛlɛtswaa taomɔ nii lɛ ahe dani ajie amɛyi koni ahala amɛ.

● Wɔmiikai onukpai asɛinɔtalɔ lɛ koni eto gbɛjianɔ koni onukpai enyɔ loo mɔ kome kɛ gbɛgbalɔi kɛ gbɛgbalɔi krɛdɛɛ lɛ fɛɛ akpe taakɛ atsɔɔ mli yɛ wɔ wolo ni ji November 1, 1989 lɛ mli lɛ, kɛ afeko nakai lolo. Abaanyɛ akɛ ŋaawoo ni sa aha yɛ bɔ ni aaafee ni nine aaashɛ ŋmɛlɛtswai taomɔ nii lɛ nɔ loo abɛŋkɛ he kpaakpa bɔ ni aaanyɛ.