Adafitswai

● Wolo ni akɛbaatsu nii yɛ March: Woji ni hiɛ baafai 192 ni akala dani 1980 shɛ lɛ ni akɛbaaha yɛ ejara lɛ fa naa. (Kwɛmɔ February 1989, Wɔ Maŋtsɛyeli Sɔɔmɔ lɛ mli Adafitswai kɛha gbɛtsɔɔmɔ yɛ gbɛ ni aaatsɔ nɔ abi nyɔmɔ nɔtsemɔ.) April: Akɛ Revelation Climax wolo lɛ aha. May kɛ June: Buu-Mɔɔ shɛɛ he tafaa. Kɛ anyɛɛɛ ashɛ lɛ, akɛ woji tɛtrɛbii enyɔ kɛ wolo bibioo kome aha yɛ ejara diɛŋtsɛ lɛ naa, shi akɛ School wolo bibioo lɛ akafata he.

● Kaimɔ lɛ wein lɛ eko yɛ hei sɔrɔtoi fɛɛ ni akɛ shika majemɔ yaa lɛ. Fanta tɔ kome jara ji ¢250. Nyɛ diɛŋtsɛ nyɛbaatao nyɛtɔ ni mli tse kɛ enaatsii nii. Nyɛkaia akɛ, kɛ hooo lɛ nɔ ko tamɔ fanta tɔi enyɔ he baahia nyɛ ni nyɛkɛkwɛ kui bibii aaafee etɛ nɔ.

● Onukpai lɛ ato gbɛjianɔ ni amɛkɛ wiemɔ awo onukpai ni sa ni baanyɛ aha enɛ Iɛ adɛŋ kɛ agbɛnɛ sɔɔlɔi ni baakwɛ Kaimɔ lɛ yeli yɛ kui bibii amli lɛ fɛɛ nɔ lɛ adɛŋ. Akwɛ koni kuu fɛɛ kuu ana Kaimɔ lɛ he nibii ni sa. Akɛ kui lɛ ekomɛi afata ekrokomɛi ahe kɛ he ni amɛyɔɔ lɛ yɛ shweshweeshwe.

● Akɛni nanemɛi pii ni baaa kpeei ni wɔfeɔ daa lɛ baaba Kaimɔ lɛ shishi hewɔ lɛ, ebaahi akɛ akɛ he ni abaafee Kaimɔ lɛ yɛ lɛ aya he kroko kwraa ni jeee jɛmɛ kuu lɛ kpeɔ yɛ daa. Mɔ fɛɛ mɔ akwɛ jogbaŋŋ yɛ nanemɛi ni eba Kaimɔ lɛ shishi lɛ kɛ wiemɔ he. Nyɛjiea gbɔfeemɔ su ni nyɛherea amɛ hiɛmɛɛ. Shi nyɛkaia hu akɛ esaaa akɛ mɔ fɛɛ mɔ leɔ he ni wɔkpeɔ yɛ kɛ be mli ni wɔkpeɔ kɛ nibii krokomɛi hu.

● Aawo mɔ fɛɛ mɔ hewalɛ ni eya nɔ ekane Kaimɔ Biblia kanemɔ lɛ. ● Bɔ ni ato gbɛjianɔ lɛ nɛ:

Soo, April 5: Yohane 12:​2-19; Marko 11:1-11.

Sohaa, April 6: Yohane 12:​20-50.

Hɔɔ, April 7: Luka 21:​1-36.

Hɔgbaa, April 8: Marko 14:​1, 2, 10, 11.

Ju, April 9: Mateo 26:​17-19; Marko 14:12-16: Luka 22:​7-13.

Jufɔ, April 10, Kaimɔ be, beni hulu enyɔ shi: Yohane 19:​1-42.

● Nyɛfainɛ nyɛkaia akɛ akafee kpee ko kwraa yɛ Jufɔ April 10 ja Kaimɔ lɛ pɛ. Kɛ nyɛ asafo lɛ yɛ kpee yɛ Jufɔ lɛ, nyɛbaanyɛ nyɛtsi enɛ kɛya otsi lɛ mli gbi kroko nɔ.

● Bɔni afee ni nyɛfee Kaimɔ lɛ akpiti aboloo ni sa lɛ, nyɛfainɛ nyɛkwɛa bɔ ni atsɔɔ akɛ afee lɛ aha ni jɛɔ kpo yɛ February 1, 1985 Buu-Mɔɔ lɛ baafa 27.

● Nyɛtoa gbɛjianɔ ni nyɛbaa maŋshiɛmɔ krɛdɛɛ kɛha 1990 Kaimɔ be lɛ ni nyɛ fɛɛ nyɛyea nyɛbuaa enɛ yɛ Hɔgbaa, March 25, aloo yɛ no sɛɛ nɔŋŋ. Nyɛkaia akɛ wiemɔ lɛ yitso ji “Mɔ Wala Diɛŋtsɛ lɛ Mli!”

● Afee Cost List loo woji ajara hee ni baaje shishi kɛjɛ March 1, 1990. Akɛ enɛ ekomekomei ejwɛ miimaje asafo fɛɛ asafo. Ehe ehiaaa ni nyɛkane nyɛ woji akɛni mɛi komɛi anine shɛɛɛ amɛwoji lɛ anɔ lɛ hewɔ. Shi, woji kɛ woji tɛtrɛbii ni akɛbaamaje kɛjɛ benɛ mli kɛyaa lɛ fɛɛ lɛ baadamɔ jara hee lɛ nɔ.

● Onukpai asɛinɔtalɔ lɛ loo mɔ ko ni ebaahala akwɛ osafo lɛ akɔntaabuu mli yɛ March 1 aloo yɛ no sɛɛ nɔŋŋ.