Teokrase Lɛ He Saji

◆ Yɛ January 23, 1990 lɛ Benin nɔyeli lɛ jie mla ni guɔ Yehowa odasefoi anitsumɔ yɛ nakai maŋ lɛ mli lɛ kwraa kɛjɛ jɛmɛ. Yɛ January 8 lɛ, nyɛmimɛi lɛ na miishɛɛ waa akɛ amɛaakpe kutuu kɛha kpee krɛdɛɛ ko ni afee yɛ Cotonou lɛ, ni amrɔ nɛɛ, amɛmiikpa gbɛ akɛ amɛbaaha amɛ teokrase nitsumɔ lɛ aya hiɛ.

◆ Colombia miiya nɔ oobɔ shweremɔ fɛfɛo he amaniɛ.Yɛ January mli lɛ amɛshɛ shiɛlɔi ayifalɛ ni fe fɛɛ ni ji 43,850 he, ni abaptisi mɛi 490.

◆ Yɛ January 26, 1990 lɛ, aha gbɛŋmɛɛ wolo koni akɛma klɛŋklɛŋ Kpeee Asa yɛ Costa Rica. Sɛii aaafee 2,200 baaya mli, ni aakpa gbɛ akɛ abaagbe emaa naa yɛ afi mli.