Adafitswai

● Wolo ni akɛbaaha yɛ February kɛ March: Woji ni hiɛ baafai 192 ni akala dani 1980 shɛ lɛ eko fɛɛ eko ni asafo lɛ yɔɔ yɛ ejara lɛ ta naa. Kɛ osato lɛ bɛ woji nɛɛ eko lɛ, akɛ “Let Your Kingdom Come” wolo lɛ atsu nii. Kɛ nyɛkɛ “Kingdom Come” wolo lɛ baatsu nii lɛ, belɛ ejara ji ₵350 kɛha asafo lɛ kɛ maŋbii, kɛ ₵175 kɛha gbɛgbalɔi. Akala wolo nɛɛ yɛ 1981, no hewɔ lɛ efataaa nɔ ni akɛhaa yɛ ejara lɛ fa naa yɛ tafaa nɛɛ mli lɛ he. Abaanyɛ ashɛ “Kingdom Come” wolo lɛ. Nyɛfainɛ nyɛkwɛa “Adafitswai” ni yɔɔ Bulletin Vol. 34 No. 1 lɛ mli kɛha amaniɛbɔɔ ni baaye abua nyɔmɔ nɔtsemɔ. April: Revelation Climax wolo lɛ. May kɛ June: Buu-Mɔɔ shɛɛ.

● Kɛjɛ March kɛyaa lɛ, maŋshiɛmɔ wiemɔ hee kɛha kpokpaa nɔkwɛlɔi lɛ baafee “Ŋwɛi Nilee yɛ Jeŋnilee Jeŋ Ko Mli.”

● Akɛ kaimɔ nɛɛ miiha yɛ gbɛgbamɔ sɔɔmɔ lɛ he:

● Kɛ daa gbɛgbalɔ ko kpa egbɛgbamɔ sɔɔmɔ lɛ, esa akɛ atswa enɛ he adafi atsɔɔ asafo lɛ. Adafitswaa ni yɔɔ kuku lɛ baanyɛ atsɔɔ akɛ: “Aaha asafo lɛ ale akɛ [gbɛgbalɔ lɛ gbɛi] jeee daa gbɛgbalɔ dɔŋŋ.”

● Daa afi ŋmɛlɛtswaa taomɔ nii kɛha gbɛgbalɔi lɛ ka he eji ŋmɛlɛtswaa 1,000.

Esa akɛ afi muu aho kɛjɛ be mli ni saneyeli ajinafoi ka mɔ ko hiɛ aloo ahe lɛ kɛba asafo lɛ mli ekoŋŋ lɛ dani asusu mɔ lɛ he kɛha gbɛgbalɔi awamɔ loo daa gbɛgbamɔ sɔɔmɔ lɛ.​—Kwɛmɔ Wɔ Maŋtsɛyeli Sɔɔmɔ, September 1986 nɔ̃ ni aŋma ahɔ mli lɛ, kukuji 21 kɛ 23.

● Esa akɛ woloŋmalɔ lɛ kɛ sɔɔmɔ nɔkwɛlɔ lɛ asusu daa gbɛgbalɔi lɛ anitsumɔ lɛ fɛɛ he. Kɛji akɛ etɔɔ mɔ ko dani enine shɛɔ eŋmɛlɛtswaa oti lɛ nɔ lɛ, esa akɛ onukpai lɛ ato gbɛjianɔ ni aye abuɔ lɛ. Kɛha ŋaawooi lɛ, nyɛfainɛ nyɛkwɛa nɔ ni aŋma ahɔ September 1986 Wɔ Maŋtsɛyeli Sɔɔmɔ lɛ mli lɛ kukuji 12-20 lɛ.

● Aakai onukpai asɛinɔtalɔi lɛ ni amɛto gbɛjianɔ koni onukpai enyɔ kɛ daa gbɛgbalɔi kɛ gbɛgbalɔi krɛdɛɛ lɛ fɛɛ akpe taakɛ wolo ni wɔŋma yɛ November 1, 1990 lɛ tsɔɔ lɛ, kɛ afeko nakai momo. Akɛ ŋaawoo ni sa yɛ bɔ ni aaafee ni nine ashɛ ŋmɛlɛtswaa taomɔ nii lɛ nɔ lɛ aha.