Adafitswai
● Wolo ni akɛbaaha yɛ March: Woji ni hiɛ baafai 192 ni akala dani 1980 shɛ lɛ eko fɛɛ eko ni asafo lɛ yɔɔ yɛ ejara lɛ fa naa. Kɛ asafo lɛ bɛ woji nɛɛ eko lɛ, akɛ “Let Your Kingdom Come” wolo lɛ atsu nii. Kɛ nyɛkɛ “Kingdom Come” wolo lɛ baatsu nii lɛ, belɛ ejara ji ₵350 kɛha asafo lɛ kɛ maŋbii, kɛ 175 kɛha gbɛgbalɔi. Nyɛfainɛ nyɛkwɛa “Adafitswaa” gbɛhe yɛ Wɔ Maŋtsɛyeli Sɔɔmɔ Vol. 34, No. 1 mli kɛha gbɛtsɔɔmɔ yɛ bɔ ni nyɛaafee nyɛbi nyɔmɔ nɔtsemɔ he. April: Revelation Climax wolo lɛ. May kɛ June: Buu-Mɔɔ shɛɛ.
● Taakɛ bɔ ni atsɔ hiɛ atswa adafi momo yɛ wolo nɛɛ mli nɔ ni etsɔ hiɛ lɛ amli lɛ, Asafo lɛ etooo gbɛjianɔ kɛha Kaimɔ wein lɛ hemɔ afi nɛɛ. Agbala wɔ jwɛŋmɔ kɛtee February 15, 1990 Buu-Mɔɔ lɛ nɔ, yɛ baafa 11 yɛ wein ni hi kɛha Kaimɔ lɛ he.
Bɔni afee ni nyɛfee akpiti aboloo ni sa kɛha Kaimɔ lɛ, nyɛfainɛ nyɛkwɛa nibii ni atsɔɔ ni akɛfee lɛ, yɛ February 1, 1985 Buu-Mɔɔ lɛ baafa 27.
● Esa akɛ woloŋmalɔ lɛ akwɛ koni ekɛ Memorial Report ni aŋmala mli pɛpɛɛpɛ lɛ amaje yɛ Ju, April 1.
● Abaaha 1991 Kaimɔ be lɛ mli maŋshiɛmɔ krɛdɛɛ lɛ yɛ jeŋ fɛɛ yɛ Hɔgbaa, April 7, 1991. Wiemɔ lɛ yitso ji “Ba ni Mesia lɛ Eba lɛ kɛ Enɔyeli lɛ.” Akɛ wiemɔ lɛ he wolo baamaje. Asafoi ni kpokpaa nɔkwɛlɔ lɛ saraa amɛ yɛ nakai otsi lɛ mli lɛ baaha maŋshiɛmɔ krɛdɛɛ lɛ yɛ otsi ni nyiɛ sɛɛ lɛ mli. Esaaa ni asafo ko haa maŋshiɛmɔ krɛdɛɛ lɛ dani April 7 shɛɔ.
● Esa akɛ onukpai asɛinɔtalɔ lɛ aloo mɔ kroko ni ebaabala lɛ akwɛ asafo lɛ shika he akɔntaabuu mli yɛ March 1 aloo yɛ no sɛɛ nɔŋŋ kɛ ebaahi. Kɛ afee enɛ lɛ, esa akɛ atswa asafo lɛ adafi yɛ he.
● Abaafee Kaimɔ lɛ Hɔɔ, March 30, 1991. Eyɛ mli akɛ abaanyɛ aje wiemɔ lɛ shishi mra moŋ, shi nyɛfainɛ nyɛkaia akɛ esaaa ni ajeɔ shishi akɛ Kaimɔ aboloo kɛ wein lɛ tsɔɔ, ja hulu eyanyɔ shi sɛɛ da. Esaaa ni afeɔ kpee kroko ko yɛ nakai gbi lɛ nɔ ja kpee kɛha shiɛmɔyaa pɛ. Esa akɛ asafoi ni feɔ kpee daa Hɔɔ lɛ ato gbɛjianɔ kroko kɛha nakai kpee lɛ ni afee yɛ gbi kroko nɔ kɛ ebaahi nakai feemɔ. Afeŋ tsakemɔi yɛ Hɔgbaa kpeei ahe gbɛjianɔtoo mli.
● Esa akɛ shiɛlɔi ni baasumɔ ni amɛkɛ amɛhe awo gbɛgbalɔi awalɔi asɔɔmɔ lɛ mli yɛ April mli lɛ ato amɛ gbɛjianɔ bianɛ ni amɛkɛ amɛgbɛbimɔ wolo lɛ aha mra. Enɛ baaye abua onukpai lɛ ni amɛto shiɛmɔyaa he gbɛjianɔ jogbaŋŋ.