Teokrase Sɔɔmɔ Skul Niŋmaa Kaa

Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ September 2 kɛyashi December 23, 1991. Okɛ wolo kroko atsu nii ni okɛŋmala hetoi abɔ ni ooonyɛ lɛ yɛ be ni ato lɛ mli.

[KADIMƆ: Abaanyɛ akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaai lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ. Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]

Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale:

1. New World Translation lɛ ji klɛŋklɛŋ shishitsɔɔ ni kɛ Nyɔŋmɔ gbɛi wo Kristofoi a-Hela Ŋmalɛi lɛ amli ekoŋŋ. [si bf. 327 kk. 2 (1983 nɔ lɛ, bf. 326 kk. 2)]

2. Cyrus Cylinder lɛ haa aleɔ Maŋtsɛ Koresh nɔyeli gbɛjianɔtoo akɛ ebaaha nomii aku amɛsɛɛ amɛya amɛtsutsu shihilɛ hei ekoŋŋ lɛ. [si bf. 336 kk. 15 (bf. 336 kk. 20)]

3. Jeee Yudafoi lɛ pɛ kpɛlɛɔ nɔ akɛ Mose ji mɔ ni ŋma Pentateuch loo Mose Woji Enumɔ lɛ shi moŋ blema niŋmalɔi, ni amɛteŋ mɛi komɛi ji Yudafoi lɛ ahenyɛlɔi lɛ hu kpɛlɛɔ nɔ. [si bf. 338 kk. 5 (bf. 338 kk. 5)]

4. Eka shi faŋŋ akɛ Shekem to Dina kaabonaa. (1 Mose 34:​1-3) [Daa otsi Biblia kanemɔ; kwɛmɔ w85 6/15 bf. 31.]

5. Sane ni aŋma yɛ 1 Mose 38:​8-10 ni kɔɔ Onan nuu hewalɛ ni ekɛshwie shikpɔŋ lɛ he lɛ wieɔ eshiɔ tsofai ni akɛtsiɔ hɔŋɔɔ naa. [Daa otsi Biblia kanemɔ; kwɛmɔ w73 bf. 255.]

6. Eyɛ mli akɛ nɔ ni Yuda fee ni ji yoo ni esusu akɛ eji yoo ajwamaŋ ni ekɛ lɛ na bɔlɛ lɛ ejaaa moŋ, shi kɛlɛ ekuuu Nyɔŋmɔ mla Iɛ mli kita pɔtɛɛ ko mli. (1 Mose 38:​11-18) [Daa otsi Biblia kanemɔ; kwɛmɔ w73 bf. 384.]

7. Yehowa Odasefoi teɔ shi amɛdamɔɔ shi, amɛdɔɔ amɛmli, loo amɛkɛ amɛhiɛ bumɔɔ shikpɔŋ yɛ nɔyelɔ hiɛ yɛ woo kɛ bulɛ ni amɛyɔɔ kɛha egbɛhe lɛ hewɔ, kɛji afeɔ nakai yɛ maŋ nɔ he ni amɛyɔɔ lɛ. (1 Mose 44:14) [Daa otsi Biblia kanemɔ; kwɛmɔ w74 bf. 62.]

8. Beni Mose ha nui fɛɛ ni yɔɔ Mizraim lɛ tsɔ la lɛ sɛɛ lɛ, Mizraim osɔfoi lɛ ka akɛ amɛ hu amɛaafee nakai, ni ekolɛ amɛkɛ nu bu mli nu ka amɛ ŋkunyaayeli lɛ. (2 Mose 7:​19-24) [Daa otsi Biblia kanemɔ; kwɛmɔ w83 10/15 bf. 30.]

9. Anaa Shekina la lɛ yɛ He Krɔŋkrɔŋ Fe Fɛɛ lɛ yɛ kpeebuu lɛ kɛ Salomo sɔlemɔtsu lɛ fɛɛ mli. (Okɛto 2 Mose 25:​21, 22 he.) [Daa otsi Biblia kanemɔ; kwɛmɔ w66 bf. 543.]

10. “Sane fɔŋ” lɛ kɔɔ nyɛ lɛ pɛ he. (2 Mose 21:23) [Daa otsi Biblia kanemɔ; kwɛmɔ w77 bf. 479-80.]

Ha sanebimɔi ni nyiɛ sɛɛ nɛɛ ahetoo:

11. Mɛɛ tɔmɔi yɔɔ Biblia shishitsɔɔmɔi pii amli? [si bf. 324 kk. 17 (bf. 323 kk. 16)]

12. Kɛ Biblia shishitsɔɔlɔi ku amɛhiɛ amɛshwie wiemɔ shishitsɔɔmɔ diɛŋtsɛ nɔ yɛ nɔ ni amɛsusuɔ akɛ no haa wiemɔ lɛ ŋɔɔ lɛ hewɔ lɛ, mɛni jɛɔ mli baa? [si bf. 326 kk. 34 (bf. 325 kk. 31)]

13. Mɛɛ gbɛ nɔ New World Translation lɛ kɛ ehe kpaa gbee yɛ, yɛ bɔ ni etsɔɔ wiemɔii ashishi ehaa lɛ mli? [si bf. 328 kk. 7 (bf. 327 kk. 7)]

14. Mɛni tsɔɔ bɔ ni Biblia lɛ ji anɔkwale ha lɛ mli jogbaŋŋ yɛ gbɛ ni sa kadimɔ waa nɔ?) [si bf. 342 kk. 25 (bf. 342 kk. 25)]

15. Mɛni hewɔ ni Rahel sumɔɔ ni eha Lea hegbɛ ni ena musu kɛji eeeha lɛ suɔmɔyibii lɛ eko, taakɛ atsɔɔ mli yɛ 1 Mose 30:​14, 15 lɛ? [Daa otsi Biblia kanemɔ; kwɛmɔ w67 bf. 320.]

16. Mɛɛ gbɛ nɔ 1 Mose 39:9 tsɔɔ yɛ akɛ tsɔɔmɔ ni aaatsɔɔ gbekɛbii lɛ Nyɔŋmɔ Wiemɔ lɛ he aaaba sɛɛnamɔ aha amɛ yɛ wɔsɛɛ? [Daa otsi Biblia kanemɔ; kwɛmɔ w73 bf. 556 kk. 17, 18.]

17. Mɛni hewɔ ni Nyɔŋmɔ ha Mose yabi Farao gbɛ ni eha efa gbɛ gbii etɛ kɛya ŋa lɛ nɔ, yɛ be mli ni ekpɛ eyiŋ akɛ Israelbii lɛ ashi Mizraim kwraa lɛ? (2 Mose 3:18) [Daa otsi Biblia kanemɔ; kwɛmɔ w82 1/1 bf. 31.]

18. Ani mɔ ko gbɛi ni aaahi Nyɔŋmɔ ‘wala wolo lɛ mli’ lɛ maa naanɔ wala nɔ mi kɛhaa lɛ? (2 Mose 32:​32, 33) [Daa otsi Biblia kanemɔ; kwɛmɔ w87 9/1 bf. 29.]

19. Mɛɛ gbɛ nɔ wɔɔtsɔ wɔtsɔɔ mli akɛ “Yehowa kɛ Mose wie hiɛ kɛ hiɛ” yɛ? (2 Mose 33:11) [Daa otsi Biblia kanemɔ; kwɛmɔ w70 bf. 320.]

Okɛ wiemɔ kome loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:

20. Yiŋtoi ahewɔ ni tɔmɔi bajeɔ Hebri feemɔwiemɔi ashishitsɔɔmɔ mli lɛ ekome ji wiemɔ he mla ni ŋmɛnɛ atsɛɔ lɛ lɛ [si bf. 330 kk. 14 (bf. 329 kk. 14)]

21. Beni shɛɔ 1989 (1963) lɛ, no mli lɛ New World Translation lɛ eje kpo yɛ wiemɔ​—​—​—mli, ni akala nɔ ni fa fe​—​—​—. [si bf. 331 kk. 21 (bf. 330 kk. 21, 22)]

22. Taakɛ shitsalɔ ko tsɔɔ mli lɛ, shikwɛ̃ɛ he tuuŋtu ni wiemɔi fɛɛ jɛ amɛgbɛ amɛshwa ji​—​—​—​—. [si bf. 339 kk 13 (bf. 339 kk. 13)]

23. Nɔ pɛ ni anyɛɔ adamɔɔ nɔ atseɔ gbala mli kɛ hegbɛ hu ni akɛaabote gbalashihilɛ mli ekoŋŋ ji ​—​—​—. [10, peGA yts. 29 kk. 28]

24. Gbɛi Shilo lɛ shishi ji​—​—​—ni yɛ gbalɛ mlibaa naa lɛ ekɔɔ he. (1 Mose 49:10) [Daa otsi Biblia kanemɔ; kwɛmɔ re bf. 83-4.]

25. Kpaŋmɔ ​—​—​—lɛ yeɔ ebuaa ni anyɛɔ atoɔ “osɔfoi amaŋtsɛyeli kɛ maŋ krɔŋkrɔŋ” ko shishi. (2 Mose 19:⁠6) [Daa otsi Biblia kanemɔ; kwɛmɔ wGA89 2/1 bf. 18-19.]

Halamɔ hetoo ni ja lɛ yɛ wiemɔi ni nyiɛ sɛɛ nɛɛ amli:

26. Ekolɛ nibii ni shitsalɔi yana yɛ Gihon lɛ kɛ Biblia mli sane ni aŋma ni kɔɔ (Babel Mɔɔ lɛ; nujɔɔ ni nu tsɔɔ mli kɛbaa David maŋtiase lɛ mli lɛ; tutuamɔ ni Shishak yatutua Yuda lɛ) kpaa gbee. [si bf. 332 kk. 4 (bf. 333 kk. 9)]

27. (Tito Kaimɔ Tsu lɛ; Pontio Pilato niŋmaa lɛ; Areopago lɛ) ka he eyɛ Ateene lolo, ni enɛ maa nɔ ni awie he yɛ Bɔfoi lɛ Asaji 17:​16-34 lɛ nɔ mi. [si bf. 336 kk. 19 (bf. 336 kk. 24)]

28. Ŋmɛnɛŋmɛnɛ beaŋ tsofafeemɔ mli niiamlitaomɔ ni tsɔɔ akɛ mlifu baanyɛ ana tsuitswaa nɔ hewalɛ ni eha mɔ tsui helai, yitsogbamɔ, gugɔ shrakemɔ, hiɛdimɔ, kɛ nyɛmɔ ni anyɛɛɛ awie jogbaŋŋ lɛ kɛ (Abɛi 14:​30; Hiob 19:​20; Lala 12:⁠4) kpaa gbee. [si bf. 340 kk. 15 (bf. 340 kk. 15)]

29. Wiemɔ “gbɛkɛnaashi” lɛ miiwie be ni ka (shwane nyɔŋma kɛ enyɔ kɛyashi hulu shinyɔɔ; hulu shinyɔɔ aahu kɛyashiɔ duŋ be ni woɔ kpii; kalenda gbi kome gbɛkɛnaashi kɛyashi gbi kroko gbɛkɛnaashi) teŋ lɛ he. (2 Mose 12:⁠6) [Daa otsi Biblia kanemɔ; kwɛmɔ w73 bf. 175.]

30. Nɔ ni atsɔɔ mli yɛ 2 Mose 40:34 lɛ feɔ (odaseyeli ni tsɔɔ akɛ Yehowa kpɛlɛ kpeebuu lɛ nɔ; kaimɔ ni akai amɛ akɛ akɛ hiŋmɛi enaaa Yehowa; jaramɔ bei ni baaba amɛnɔ) lɛ he okadi. [Daa otsi Biblia kanemɔ; kwɛmɔ hs bf. 71 kk. 30.]; Halamɔ ŋmalɛi ni nyiɛ sɛɛ nɛɛ amli nɔ ni kɛ wiemɔi ni nyiɛ sɛɛ lɛ kpaa gbee;

Mose 14:​21; 5 Mose 23:​9-14; 2 Maŋ. 3:​4, 5; Lala 19:​8-11; Lala 77:​12, 13

31. Moabbii Atɛ lɛ kɛ Biblia mli sane lɛ kpaa gbee. [si bf. 333 kk. 6 (bf. 333 kk. 11)]

32. Biblia ŋaawoo ni kɔɔ hefalefale-feemɔ he lɛ hi jogbaŋŋ yɛ tsofafeemɔŋ hu. [si bf. 340 kk. 17 (bf. 340 kk. 17)]

33. David jie etsuiŋ hiɛsɔɔ ni eyɔɔ kɛha Nyɔŋmɔ nilee lɛ kpo. [si bf. 350 kk. 7 (bf. 350 kk. 7)]

34. Kɛji wɔɔna Ŋmalɛi lɛ ahe sɛɛ lɛ, no lɛ esa akɛ wɔjwɛŋ Nyɔŋmɔ Wiemɔ lɛ nɔ daa. [si bf. 351 kk. 12 (bf. 351 kk. 12)]

35. Eyɛ mli akɛ naatsɔɔmɔi ni akɛhaa lɛ tamɔ nɔ ni ja moŋ, shi eka shi faŋŋ akɛ nii ni ba nɛɛ tsɔɔ Nyɔŋmɔ he ni ekɛwo mli fe ni eeefee adebɔɔ mli nɔ ko ni ba kɛkɛ. [Daa otsi Biblia kanemɔ; kwɛmɔ w81 8/15 bf. 18]