Adafitswai
◼ Wolo ni akɛbaaha yɛ February kɛ March: Woji ni hiɛ baafai 192 ni afee yɛ 1983 aloo dani be nɛɛ shɛ lɛ eko fɛɛ eko. Kɛji asafo lɛ bɛ woji nɛɛ eko yɛ woji ahɔɔmɔ he lɛ, abaanyɛ akɛ Worldwide Security Under the ‘Prince of Peace’ wolo lɛ aha. Abaanyɛ ashɛ eko kɛjɛ Betel. April: Revelation—Its Grand Climax At Hand! May kɛ June: Buu-Mɔɔ shɛɛ.
◼ Kɛjɛ March mli kɛyaa lɛ, maŋshiɛmɔ hee ni kpokpaa nɔkwɛlɔi baaha lɛ yitso ji “Yesu Kristo—Shikpɔŋ lɛ Nɔyelɔ Hee.”
Obaanyɛ Ohi Shi Kɛya Naanɔ wolo lɛ mli Ŋleshi Blɔfo nɔ ni afee lɛ bibioo lɛ eko bɛ, ni ebaatsɛ dani wɔbaana eko. No hewɔ lɛ esa akɛ mɛi fɛɛ ni taoɔ Obaanyɛ Ohi Shi Kɛya Naanɔ wolo lɛ yɛ Blɔfo mli lɛ ashɛ agboi lɛ eko, ejaakɛ wɔyɛ no babaoo.
◼ Asafo lɛ miibi ni mɛi ni taoɔ Watchtower wolokpoi lɛ ni asaa akala ekoŋŋ yɛ BLƆFO mli kɛha 1980, 1981, 1982, 1983, 1984, kɛ 1985 afii lɛ kɛ amɛshɛɛ lɛ amaje agbɛnɛ. Eba akɛ mɔ fɛɛ mɔ ni miitao Blɔfo Watchtower wolokpoi nɛɛ eko lɛ ashɛ kɛtsɔ amɛ asafoi lɛ anɔ yɛ Literature Order Form ni amɛkɛbaamaje kɛnyiɛ sɛɛ lɛ nɔ. Nyɛfainɛ nyɛtsɔa yibɔ ni nyɛtaoɔ kɛha afi fɛɛ afi. Akɛni asaa akala wolokpoi lɛ shikome nɛɛ pɛ hewɔ lɛ, wɔmiiwo mɛi fɛɛ hewalɛ ni amɛsusu amɛhiamɔi ahe jogbaŋŋ. Nyɛfainɛ nyɛkaia akɛ ashɛɛɛ wolokpoi nɛɛ ni akɛbaato woji ahɔɔmɔ he lɛ, no hewɔ lɛ esa akɛ ashɛ yibɔ ni nyɛmimɛi taoɔ lɛ pɛ.
◼ Gbi ni akɛbaafee 1992 Kaimɔ lɛ ji Sohaa, April 17, yɛ hulu shinyɔɔ sɛɛ. Esaaa akɛ afeɔ asafoŋ kpeei krokomɛi yɛ nakai gbi lɛ nɔ. Abaanyɛ ato gbɛjianɔ ni afee asafoŋ kpeei ni afeɔ Sohaa lɛ yɛ gbi kroko nɔ. Esa akɛ kpokpaa nɔkwɛlɔi hu atsake amɛgbɛjianɔtoo yɛ bɔ ni atsɔɔ lɛ naa pɛpɛɛpɛ.
◼ Akɛni wein namɔ yɛ mlɛo yɛ shwapoi amli hewɔ lɛ, Asafo lɛ etooo gbɛjianɔ krɛdɛɛ ko kɛhaaa Kaimɔ wein lɛ hemɔ afi nɛɛ. Esa akɛ asafoi lɛ diɛŋtsɛ ato amɛ gbɛjianɔ ni amɛyahe wein lɛ eko kɛha nifeemɔ lɛ. Kɛji abaahe wein lɛ kɛha asafo lɛ, aakai onukpai lɛ akɛ, wein tsuru ni akɛ sikle loo nɔ kroko woko mli koni eŋɔɔ, kɛ nɔ ni akɛ tsofai hu futuko koni enaa awa pɛ ji nɔ ni sa.—Kwɛmɔ February 1, 1985, Buu-Mɔɔ baafa 27.
◼ Maŋshiɛmɔ krɛdɛɛ ni abaaha yɛ 1992 lɛ baatsɔ Kaimɔ lɛ hiɛ, ni abaaha yɛ je lɛŋ fɛɛ yɛ Hɔgbaa. April 5, 1992. Eyitso ji “Gbɛfaŋnɔ ni Nyɔŋmɔjamɔ Yɔɔ yɛ Jɛ Lɛŋ Saji Amli. Esa akɛ asafoi ni kpokpaa nɔkwɛlɔ lɛ saraa amɛ, aloo amɛmiifee gbi krɛdɛɛ kpee, aloo amɛmiifee kpokpaa nɔ kpee lɛ asaa amɛto maŋshiɛmɔ lɛ he gbɛjianɔ ni aha yɛ enɔ Hɔgbaa ni nyiɛ sɛɛ lɛ, yɛ April 12, 1992. Asafoi ni efeee kpeei Hɔgbaa lɛ baanyɛ amɛto gbɛjianɔ koni aha maŋshiɛmɔ lɛ yɛ April 6 kɛyashi 11 teŋ.
◼ Aakai onukpai asɛinɔtalɔi lɛ ni amɛto gbɛjianɔ ni onukpa kome loo mɛi enyɔ kɛ daa gbɛgbalɔi kɛ gbɛgbalɔi krɛdɛɛi lɛ fɛɛ akpe taakɛ atsɔɔ yɛ wɔwolo ni wɔŋma yɛ November 18, 1991 mli lɛ, kɛji nyɛfeko nakai momo. Abaanyɛ akɛ ŋaawoi ni sa aha yɛ bɔ ni aaafee ni ashɛ ŋmɛlɛtswai ni ataoɔ lɛ he kɛji ehe miihia.
◼ 1992 afi ŋmalɛ lɛ ji: “‘Nyɛnyaa yɛ hiɛnɔkamɔ mli . . . Nyɛhiɛa sɔlemɔ mli daa.’—Rom. 12:12.” Tsakemɔ fioo eba yɛ enɛ mli yɛ adafitswaa ni yɔɔ December 1991 Wɔ Maŋtsɛyeli Sɔɔmɔ lɛ mli lɛ gbɛfaŋ.
◼ Wolo ni wɔyɔɔ bianɛ:
The Kingdom Interlinear Translation of the Greek Scriptures (1985 Nɔ lɛ) .