Teokrase Sɔɔmɔ Skul Niŋmaa Kaa
Wolo naa ŋamɔ kaa yɛ nii ni atsu yɛ Teokrase Sɔɔmɔ Skul nifeemɔi amli kɛjɛ May 4 kɛyashi August 24, 1992. Okɛ wolo kroko atsu nii ni okɛŋmala hetoi abɔ ni ooonyɛ Iɛ yɛ be ni ato lɛ mli.
[KADIMƆ: Abaanya akɛ Biblia lɛ pɛ atsu nii ni akɛha sanebimɔi ahetoo yɛ be mli ni afeɔ kaa lɛ. Hei ni atsɔɔ ni sanebimɔi lɛ jɛ yɛ sanebimɔi lɛ anaagbee lɛ yɛ kɛha mɔ diɛŋtsɛ nii amli taomɔ; Aŋmalaŋ Buu-Mɔɔ lɛ baafai kɛ kukuji lɛ fɛɛ eko yɛ sanebimɔi lɛ fɛɛ naa.]
Ha sanebimɔi ni nyiɛ sɛɛ nɛɛ ahetoo akɛ Anɔkwale aloo Amale
1. Kɛji aakane nii yɛ mɛi ahiɛ lɛ, hei ni sa ni amiɔ sɛŋ nu yɛ he hiaa kɛha sane lɛ nɔmimaa. [sg bf. 30 kk. 6]
2. Esa akɛ wɔkase nii kɛ jwɛŋmɔ akɛ wɔbaakai nɔ ni wɔkase lɛ yɛ sɛɛ mli kɛha ekɛ nitsumɔ, kɛji yɛ wɔ diɛŋtsɛ wɔshihilɛ mli aloo yɛ shiɛmɔ nitsumɔ lɛ mli. [sg bf. 36 kk. 10]
3. Yiŋtoo hewɔ ni esa akɛ wɔkase wiemɔi atsɛmɔ kɛ amɛshishinumɔ jogbaŋŋ lɛ ji koni wɔkɛtsɔɔ jeŋ bii lɛ akɛ Yehowa Odasefoi le woloŋ ni amɛkaseɔ nii hu. [ sg bf. 55 kk. 7]
4. Odaseyeli ni mli wa fe fɛɛ ni tiɔ bɔ ni 5 Mose ja jogbaŋŋ ha lɛ sɛɛ ji shitsaa ni akɛkaseɔ blema nibii ahe nii lɛ. [si bf. 37 kk. 8 (1983 nɔ lɛ bf. 37 kk. 8)]
5. Kɛji 4 Mose 35:16 wie akɛ, “Shi kɛji mɔ ko ŋɔ dade nɔ ko etswa mɔ ko, ni egbo lɛ,” eetsɔɔ akɛ belɛ mɔ lɛ je gbɛ ekɛ dade lɛ tsu nii akɛ awuiyeli nii. [Daa otsi Biblia kanemɔ; kwɛmɔ g78 12/22 bf. 27.]
6. “Gbɔmɔ agbo” ni atsi eta yɛ 5 Mose 1:17 baatee mɔ ni abuɔ lɛ waa, ekolɛ yɛ eheloonaa nii ni eyɔɔ, ewoloŋlee mli tsɔsemɔ, aloo nibii wuji ni enyɛ efee lɛ hewɔ. [Daa otsi Biblia kanemɔ; kwɛmɔ w77 bf. 148.]
7. Wɔbaanyɛ wɔmu sane naa kɛjɛ 5 Mose 19:21 akɛ gbele toigbalamɔ ni akɛhaa mɔ ni jeɔ gbɛ egbeɔ gbɔmɔ lɛ fata mla ni ajɛ ŋwɛi akɛha lɛ he. [9, Daa otsi Biblia kanemɔ; kwɛmɔ g74 7/22 bf. 28.]
8. “Nii ni ajie kpo” ni yɔɔ 5 Mose 29:28 lɛ bafee nibii ni kɔɔ saji fɛɛ ni aŋmala yɛ Biblia lɛ mli lɛ he. [Daa otsi Biblia kanemɔ; kwɛmɔ w87 5/15 bf. 31.]
9. Yehowa to gbɛjianɔ koni Yuda akutso lɛ ‘atsɔɔ Yakob Nyɔŋmɔ akpɔi lɛ, kɛ Israel hu Nyɔŋmɔ mlai lɛ.’ (5 Mose 33:10) [Daa otsi Biblia kanemɔ; kwɛmɔ w88 8/15 bf. 11 kk. 7.]
10. Gibeonbii lɛ feɔ shwɛɛnii lɛ ahe mfoniri. (Yosh. 10:1-11) [Daa otsi Biblia kanemɔ; kwɛmɔ w88 12/15 bf. 22 kk. 8.]
Ha sanebimɔi ni nyiɛ sɛɛ nɛɛ ahetoo:
11. Mɛni ji naagba kome ni ehe hiaa waa ni onyɛ oye nɔ kɛji ookwɛ wolo ni aŋma wiemɔ lɛ fɛɛ yɛ mli ni ooha maŋshiɛmɔ lɛ? [sg bf. 31 kk. 9]
12. Mɛɛ gbɛ nɔ atsɔɔ ahalaa loo aleɔ wiemɔ lɛ yitso? [sg bf. 44 kk. 2]
13. Mɛni ji gbɛi Deuteronomio ni akɛha 5 Mose lɛ shishi, ni wolo lɛ wo hewalɛ ni afee mɛni? [si bf. 36 kk. 4 (bf. 36 kk. 4)]
14. Mɛni ji yiŋtoo ni yɔɔ Urim kɛ Tunim ni yɔɔ 5 Mose 33:8 lɛ sɛɛ? [Daa otsi Biblia kanemɔ; kwɛmɔ w86 1/15 bf. 8.]
15. Nyɔŋmɔ Mla lɛ baanyɛ afee “hiɛnaa taramɔ nii yɛ ohiŋmɛii ateŋ” kɛha Israelbii lɛ yɛ mɛɛ gbɛ nɔ? (5 Mose 6:8) [Daa otsi Biblia kanemɔ; kwɛmɔ w73 bf. 192.]
16. Yehowa wiemɔi baanyɛ awo wɔ hewalɛ yɛ mɛɛ gbɛ nɔ? (5 Mose 8:2,3) [Daa otsi Biblia kanemɔ; kwɛmɔ w85 6/15 bf. 17 kk. 15.]
17. Mɛni hewɔ Nyɔŋmɔ mla ni yɔɔ 5 Mose 22: 28, 29 lɛ bi ni nuu ni kɛ obalayoo foro ni etsɛko ehe baa naa bɔlɛ lɛ kɛ lɛ abote gbalashihilɛ mli, ni enyɛŋ etse lɛ gbala hu dɔŋŋ kɔkɔɔkɔ lɛ? [Daa otsi Biblia kanemɔ; kwɛmɔ w89 11/15 bf. 31.]
18. Kɛji wɔsusu henyɛlɔi ni fee ekome kɛte shi amɛwo Israel lɛ he lɛ, mɛɛ shihilɛ ko ni tamɔ nakai nɔŋŋ wɔnaa ŋmɛnɛ? (Yosh. 9:1, 2) [Daa otsi Bibila kanemɔ; kwɛmɔ w86 12/15 bf. 22 kk. 5.]
19. Yɛ nɔ najiaŋ ni ekɛ jeŋ nilee mli shishinumɔ aaaha yɛ shibɔlemɔ ŋulamii lɛ ahe yɛ Yoshua 10:13 lɛ, mɛni moŋ Yoshua sumɔɔ ni ekɛha? [Daa otsi Biblia kanemɔ; kwɛmɔ w81 10/1 bf. 5.]
20. Kɛji mɔ ko miiha wiemɔ lɛ, esa akɛ eshishijee wiemɔi lɛ atsu mɛɛ yiŋtoi enyɔ ahe nii? [sg bf. 46 kk. 9]
Okɛ wiemɔ kome loo wiemɔi kukuji ni sa ahɔlɔ gbɛhei ni kamɔ shi efolo nɛɛ amli:
21. Kɛji ogbe Biblia kanemɔ lɛ naa lɛ, ebaahi jogbaŋŋ akɛ otao be doo ko ni. . . . . kɛji amɛmli efeko faŋŋ. [sg bf. 35 kk. 7]
22. Kɛji oosaa ohe kɛha wiemɔ lɛ, esa akɛ ojie otii ni kɛ. . . . .eyaaa lɛ jɛkɛ mli. [sg bf. 41 kk. 10]
23. Kɛji wɔbɔɔ mɔdɛŋ waa ni wɔsaa wɔhe be fɛɛ be kɛhaa Teokrase Sɔɔmɔ Skul lɛ mli nifeemɔ fɛɛ nifeemɔ lɛ, belɛ wɔmiiŋmɛ gbɛ ni tsɔsemɔ gbɛjianɔtoo ni Yehowa kɛha nɛɛ . . . . . . [sg bf. 43 kk. 18]
24. “Gbɔmɔ wala awaba eheɔ lɛ” tsɔɔ akɛ belɛ mɔ lɛ miishɔ mɔ kroko lɛ. . . . .kɛmiijɛ edɛŋ. (5 Mose 24:6) [Daa otsi Biblia kanemɔ; kwɛmɔ w84 7 /15 bf. 25.]
25. Biblia lɛ kɛ bɔ ni abaanyɛ atsɔɔ. . . . . . . . shishi aha lɛ haa yɛ 4 Mose 35:20, 21. [Daa otsi Biblia kanemɔ; kwɛmɔ g74 5/8 bf. 27.]
Halamɔ hetoo ni ja Iɛ yɛ wiemɔi ni nyiɛ sɛɛ nɛɛ amli:
26. Ehi jogbaŋŋ akɛ aaabi shiatsɛmɛi lɛ saji ejaakɛ (ehaa amɛfeɔ klalo akɛ amɛaabo wiemɔ lɛ toi; ehaa amɛleɔ akɛ amɛleee hetoo lɛ; eyeɔ ebuaa amɛ ni amɛnaa akɛ apasa jamɔ etsɔko amɛ nɔ ko kwraa) . [sg bf. 52 kk. 12]
27. Akɔɔble onufu lɛ tsɔ hiɛ efee (Satan: Maŋtsɛ David; Yesu) he mfoniri. (4 Mose 21: 8, 9) [si bf. 35 kk. 34 (bf. 35 kk. 34)]
28. Petro tsɛ wiemɔi asɛɛ kɛjɛ (3 Mose; 4 Mose; 5 Mose) ni ekɛfi esanenaataomɔ lɛ sɛɛ akɛ Yesu ji Kristo lɛ kɛ Gbalɔ ni nɔ kwɔ fe Mose lɛ. [si bf. 40 kk. 31 (bf. 40 kk. 31)]
29. Be sɛɛjɛkɛmɔ ni Yoshua wolo lɛ wieɔ he ji kɛjɛ (1513-1473; 1473-af. 1450; 1473-af. 1100) D.Ŋ.B. [si bf. 42 kk. 5 (bf. 43 kk. 5)]
30. Ni aaafee nii akɛ “hiɛshikalɔ” tsɔɔ akɛ abaafee nii (yɛ Mizraim nilee fɛɛ ni ebua naa babaoo lɛ naa; kɛ sanesɛɛkɔmɔ; kɛ henɔkwɛmɔ jogbaŋŋ) . (Yosh. 1:8) [Daa otsi Biblia kanemɔ; kwɛmɔ wGA89 3/15 bt. 13 kk. 10.]
Halamɔ ŋmalɛi ni nyiɛ sɛɛ nɛɛ amli no ni kɛ wiemɔi ni nyiɛ sɛɛ lɛ kpaa gbee;
4 Mose 21:5, 6; 23:23; 32:23; 5 Mose 12:24; Mat. 28:19, 20.
31. Yɛ famɔi nɛɛ ahewɔ lɛ, esa akɛ Kristofonyo fɛɛ Kristofonyo aha enitsɔɔmɔ nyɛmɔ aya hiɛ. [sg bf. 49 kk. 2]
32. Beni ebɔɔ kɔkɔ eshiɔ huhuuhu wiemɔ lɛ, Paulo tsɛ nɛkɛ ŋmalɛ nɛɛ sɛɛ. [si bf. 49 kk. 36 (bf. 35 kk. 36)]
33. Yɛ nɛkɛ gu ni agu nɛɛ hewɔ lɛ. Yehowa Odasefoi ekpɛlɛɛɛ tsofa-teemɔŋ gbɛ ni haa akɛ mɔ diɛŋtsɛ la toɔ ni asaa akɛwoɔ emli ekoŋŋ lɛ nɔ. [Daa otsi Biblia kanemɔ; kwɛmɔ wGA89 3/1 bf. 30.]
34. Shishitoo mla ni yɔɔ biɛ lɛ tamɔ nɔ ni yɔɔ Galatabii 6:7 lɛ nɔŋŋ pɛpɛɛpɛ: “Ejaakɛ nɔ pɛ ni gbɔmɔ duɔ lɛ, no nɔŋŋ ebaakpa hu.” [Daa otsi Biblia kanemɔ; kwɛmɔ w72 bf. 392.]
35. Yehowa Odasefoi sheee ayɛ-kpɛmɔ loo ŋkunyaayeli gbeyei kɛji amɛkpoo nibii fɛɛ ni kɛ ayɛ-kpɛmɔ yɔɔ tsakpaa ni sɛbɛi eloo “tsofai” ni tsofatsɛmɛi haa mɛi lɛ fɛɛ fata he lɛ. [Daa otsi Biblia kanemɔ; kwɛmɔ g70 8/22 bf. 7.]